ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ཆོས་ལུགས་རིག་གནས།
༄༅། ། དགའ་ལྡན་ལྔ་མཆོད་ཆེན་མོ།
སྤེལ་དུས།04-02  ཡོང་ཁུངས།http://www.teducn.com  རྩོམ་པ་པོ། ཚེ་རིང་རྡོ་རྗེ།

      སློབ་ཚན་འདིར་དགའ་ལྡན་ལྔ་མཆོད་ཆེན་མོ་ཚུལ་ཇི་ལྟར་དར་བ་དང༌། དུས་ཆེན་འདིར་བོད་མི་རྣམས་ཀྱིས༌ཁྱད་པར་ཅན་གྱི་ལས་ཅི་ཞིག་བགྱི་བའི་ཚུལ་བློར་ངེས་དགོས།
      སྤྱི་ལོ 1419ལོ་སྟེ་ས་ཕག་ལོའི་བོད་ཟླ་བཅུ་བའིོ་ཚེས་ཉེར་ལྔའི་ཉིན་ནི་རྗེ་ཙོང་ཁ་བ་བློ་བཟང་གྲགས་པ་དགོངས་པ་ཆོས་དབྱིངས་སུ་ཐིམ་པའམ་སྐུ་གཤེགས་པའི་དུས་ཡིན་པས།དེའི་ཉིན་རྗེ་ཁོང་ཉིད་ཀྱི་རྗེས་འཇུག་པ་དང་དད་ལྡན་གྱི་སྦྱིན་བདག་མང་བོས་དགོན་སྡེ་ཁག་ནས་ཚོགས་ཆོས་བསྐོར།མཆོད་འབུལ་བྱས།ལྷ་བསང་སྔོན་མོ་ཕུད་དེ་རང་རེའི་བོད་རྒྱུད་ནང་བསྟན་འཛིན་སྐྱོང་སྤེལ་གསུམ་ལ་སྐུ་དྲིན་ཤིན་ཏུ་ཆེ་བའི་རྗེ་ཙོང་ཁ་བ་ཆེན་མོར་རྗེས་དྲན་དང་མྱ་ངན་བྱེད་པའི་ཆེད་དུ་བཙུགས་པའི་དུས་ཆེན་ཞིག་ཡིན།
      ཕྱིས་སུ་འདི་ཉིད་རིམ་བཞིན་བོད་ཆོལ་ཁ་གསུམ་དུ་དར་བ་དང་དགའ་ལྡན་ལྔ་མཆོད་ཆེན་མོའི་སྐབས་སུ་ཡུལ་ཕྱོགས་མང་བོའི་དགོན་པ་དང་གྲོང་བའི་ཁང་ཀླད་དུ་མཚན་མོར་མར་དང་གཡིས་ཀྱི་མཆོད་མེ་དང་གློག་སྒྲོན་ཕྲེང་བསྒྲིགས་ནས་མཆོད་པ་འབུལ་ལ་དེ་ལ་ཡོངས་གྲགས་སུ་གླིང་མེ་ཟེར།དད་ལྡན་གྱི་མཇལ་བ་རྒན་དར་གཞོན་གསུམ་ཀྱིས་ཀྱང་དགོན་སྡེ་དང་རྟེན་རྩ་ཆེན་བཞུགས་སའི་ལྷ་ཁང་ལ་ཕྱག་མཆོད་དང་མཚན་བསྐོར་སོགས་བརྒྱབ་ན་ནི་དགེ་བ་ལྡབ་འགྱུར་གྱིས་འཕེལ་བའི་དུས་ཆེན་ཞིག་ལ་བརྩི་བས།ཉིན་དེར་དགེ་བར་འབད་ཅིང་སྡིག་པར་འཛེམ་པའི་ཡུལ་སྲོལ་བཟང་བོ་ཞིག་ཀྱང་ཆགས་ཡོད་ལ།གྲྭ་བཙུན་དང་མཇལ་བ་རྣམས་ཀྱིས་ལག་ཏུ་བདུག་སྤོས་ཁྱེར་ནས་རྗེ་རིན་པོ་ཆེའི་གསོལ་འདེབས་སྙན་ཞིང་འཇེབས་པའི་དབྱངས་རྟ་རུ་བཀུགས་ནས་ཆོས་སྒྲས་ཡུལ་ལུང་ཁྱབ་པས་ཉན་ན་སེམས་སྤྲོ་བ།བསམ་ན་ཡིད་དགའ་བའི་སྣང་བ་བཅོས་མིན་དུ་སྟེར་ལ།ལྷག་པར་དུ་འདི་ལྟ་བུའི་དུས་ཆེན་དུ་བོད་མི་རིགས་ཀྱིས་སྤྱིར་བཏང་ན་སངས་རྒྱས་ཀྱི་བསྟན་པ་དང་སྒོས་སུ་འགྲོ་དོན་རྒྱ་ཆེར་སྤེལ་བའི་སྐྱེས་བུ་དམ་པ་རྣམས་ལ་སྙིང་ཁོང་ནས་དད་གུས་ཚད་མེད་དང་རྗེས་དྲན་ཞུ་བཞིན་པའི་བླ་མེད་ཀྱི་སྤྱོད་པ་གསལ་བར་མངོན་ཡོད།
      སྟོད་དབུས་གཙང་གི་ཡུལ་གྲུ་ཁག་གཅིག་ཏུ་ལྔ་མཆོད་ཀྱི་དགོང་མོར་རྗེ་ཙོང་ཁ་བ་ཆེན་མོར་དད་སེམས་མཚོན་བྱེད་དུ་མྱང་ཐུག་ཅེས་པའི་བག་ཐུག་ངེས་པར་དུ་འཐུང་དགོས་པ་དང༌།བོད་ཀྱི་མི་རྣམས་ཀྱིས་དགའ་ལྡན་ལྔ་མཆོད་ནས་བཟུང་དགུན་ཁ་དངོས་སུ་སླེབས་པའི་རྟགས་དང་མཚན་མར་འཛིན་ལ།གནའ་སྔ་མོར་དཔོན་རིགས་མི་འདྲ་བ་རྣམས་ཀྱིས་ཀྱང་དགུན་ཆས་གྱོན་པའི་ཡུལ་སྲོལ་ཡོད་པ་རེད།
བསམ་གཞིག སྦྱང་གཞི།
གཅིག གཤམ་གྱི་སྟོང་ཆ་ཁ་སྐོང་བ།
      བོད་ཀྱི་མི་རྣམས་ཀྱིས __ ནས་བཟུང་དགུན་ཁ་དངོས་སུ་སླེབས་པའི་རྟགས་དང་མཚན་མར་འཛིན་ལ།་གནའ་སྔ་མོར་དཔོན་རིགས་མི་འདྲ་བ་རྣམས་ཀྱིས་ཀྱང __ གྱོན་པའི་ཡུལ་སྲོལ་ཡོད།
གཉིས།གཤམ་གྱི་དྲི་བར་ལན་ཐོབས།
༡. དགའ་ལྡན་ལྔ་མཆོད་ཆེན་མོ་དེ་དུས་ནམ་ཞིག་ལ་དར་བ་ཡིན།
༢. དགའ་ལྡན་ལྔ་མཆོད་ཆེན་མོས་ཡང་སྙིང་ཅི་ཞིག་མཚོན།

རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2019 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号