ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ཆོས་ལུགས་རིག་གནས།
༄༅། །འདུལ་བ་མདོ་རྩའི་རྣམ་བཤད་ཉི་མའི་འོད་ཟེར་ལེགས་བཤད་ལུང་གི་རྒྱ་མཚོ་ཞེས་བྱ་བ་བཞུགས་སོ།།
སྤེལ་དུས།05-06  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ།
 
༼༤༢༠༽

ལས་རོ་མྱང་བ་ཙམ་གྱིས་ནི་ལྟུང་བ་སྦོམ་པོར་རིགས་པ་མ་ཡིན་ཏེ། ལུས་དང་ངག་གི་རྣམ་པར་རིག་བྱེད་མེད་པའི་ཕྱིར་རོ། །ལུས་ངག་གི་བྱེད་པ་མེད་པའི་རོ་མྱང་བ་ལ་ནི་ཡིད་ཀྱི་ཁ་ན་མ་ཐོ་བར་རྣམ་པར་གནས་ཞེས་བཤད་དོ། །བླ་མ་རྣམས་ཀྱང་དེ་དང་མཐུན་པར་འདི་ལ་འབྱིན་པའི་སྦོམ་པོ་མཚན་ཉིད་པ་མི་བསྐྱེད་དེ། འབྱིན་པའི་ཀུན་སློང་མེད་པའི་ཕྱིར་རོ། །དེས་ན་ཕྱུང་ཟིན་གྱི་རོ་མྱང་བ་བསླབ་བྱའི་ཉེས་བྱས་ལ་མིང་སྦོམ་པོར་བཏགས་པའོ། །ཞེས་གསུངས་སོ། །ཅུང་ཟད་དང་།་་་་་ཞུ་འགྲེལ་ལས་ཡན་ལག་སྐྱེས་ཀྱི་ཕྱོགས་གཅིག ཡོངས་སུ་མ་ཉེད་པ་དང་།་་་་་ཞུ་འགྲེལ་ལས་ཡན་ལག་སྐྱེས་ཀྱི་ཕྱོགས་ཐམས་ཅད་ཁྱབ་པ། འཚིར་བ་དང་གསུམ་ལ་སྦོམ་པོའོ། །དེ་གསུམ་ལ་འདིའི་ལྟུང་བ་མི་རྫོགས་པ་ནི་བརྩལ་བ་མ་ཚང་བའི་ཕྱིར་རོ། །ལས་སུ་རུང་བ་ལ་དབྱུང་བའི་འདུན་པས་ཉུག་ན་ཞེས་ཞུ་འགྲེལ་ལས་སོ། །འདི་ནི་སྦྱོར་བའི་སྦོམ་པོ་སྟེ། གནས་སྐབས་དེ་ན་ནོམ་པ་འབྱུང་ཉེ་བས་མཚོན་པའོ།་་་་་ལས་སུ་རུང་བ་ལ་ནོམ་པ་ཡང་ངོ་། །སྨན་གྱིས་ཞེས་པ་ནི་ཞུ་འགྲེལ་ལས་སྨན་ནི་ན་ན་ཀའི་འདབ་མ་ལ་སོགས་པ་ཁུ་བ་འབྱུང་བར་བྱེད་པའོ་ཞེས་བཤད་དོ། །འདུལ་བྱེད་ཀྱིས་བརྗོད་པ་ནི་རྣམ་པར་བསྔོས་པ་ལ་སོགས་པ་ཞེས་པ་སྟེ། སེམས་ཅན་དུ་བགྲང་བ་དང་དེའི་རྣམ་པར་གནས་པའི་སྤྲོས་པའོ། །སྦོམ་པོ་ནི་སྟེ་ལྭ་བ་དང་ཞེས་པ་ནས་སྒོ་གཏན་དང་ཞེས་པ་ཡན་ཆད་ནི་སེམས་ཅན་དུ་བགྲང་བའི་སེལ་བའོ། །ཤའི་དུམ་བུ་ནི་དེའི་རྣམ་པར་གནས་པའི་སེལ་བའོ། །རང་གི་ཡན་ལག་གི་རྣམ་པའི་བུ་ག་གང་ཡིན་པའི་རྨ་འཚིར་ན་སྦོམ་པོའོ། །གཞན་གྱི་འཚིར་ན་ནི་ཉེས་བྱས་སོ། །མི་ཚངས་པར་སྤྱོད་པའི་དོན་དུ་དང་དབྱུང་བའི་དོན་དུ་ཉེ་བར་འགྲོ་བ་ལ་ཤོར་ན་སྦོམ་པོའོ། །དེའང་མི་ཚངས་སྤྱོད་ཀྱི་ཆེད་དུ་ཉེ་བར་འགྲོ་བ་ལ་ཤོར་ན་སྦྱོར་བ་རྣམ་པའི་སྦོམ་པོ་དང་། འབྱིན་པའི་ཆེད་དུ་ཉེ་བར་འགྲོ་བ་ལ་ཤོར་ན་འབྱིན་པའི་དངོས་གཞི་རྣམ་པའི་སྦོམ་པོའོ། །དབྱུང་བའི་དོན་དུ་གནས་ནས་གནས་སུ་འཕོ་བ་ལ་ཡང་ཁུ་བ་ཤོར་ན་སྦོམ་པོའོ། །འོ་ན་འབྱིན་པའི་ཆ་ནས་མདོ་སྔ་མ་དང་འདི་ལ་ཁྱད་པར་ཅི་ཞེ་ན། སྔ་མ་ནི་སྦྱོར་བ་གཏན་ནས་མ་བྱས་པར་ཉེ་བར་འགྲོ་བ་ཡིན་ལ། ཕྱི་མ་ནི་འབྱིན་པའི་སྦྱོར་བ་ཅུང་ཟད་བྱས་པའི་གནས་ནས་གནས་

༼༤༢༡༽

གཞན་དུ་འཕོ་བའོ། །ལྟུང་བ་མེད་པ་ནི་འཛག་སྣོད་ཅེས་པ་ནས་ཏེ་ཀུན་སློང་མེད་པའི་ཕྱིར་རོ། །འབྱིན་པའི་དགེ་འདུན་ལྷག་མ་རྫོགས་སོ།།  །།ད་ནི་རེག་པའི་དགེ་འདུན་ལྷག་མ་འཆད་དོ། །འདི་ལ་གསུམ་ལས། དང་པོ་ལུང་རྣམ་འབྱེད་ཀྱིས་བརྗོད་པའོ། །འདི་ལ་གཉིས་ལས། དང་པོ་བུད་མེད་བྱེད་པ་པོ་རྣམས་ཀྱི་ཐུན་མོང་བསྟན་པ་ནི། འདི་ལ་བྱེད་པ་པོ་ཉིད་ནི་ཞེས་པ་ནས་མདོ་ཉི་ཤུས་བསྟན་ཏོ། །འདིའི་སྤྱི་དོན་ལ་གཉིས་ལས། དང་པོ་དགོས་པའི་དོན་ནི། ཚིག་ཚོགས་ཆུང་ཤིང་རྟོགས་པར་སླ་བ་སྟེ། ལུང་རྣམ་འབྱེད་ལས་ལྟུང་བ་མང་པོ་ལ་དོན་གོ་དང་བསྟེན་རུང་རེ་རེ་ལ་རེ་རེ་གསུངས་ཀྱང་མདོ་རྩ་བར་ཚིག འོག་མ་གསུམ་ལེགས་པར་སྨྲས་པ་དང་། ཉེས་པར་སྨྲས་པ་དག་གི་དོན་ཀུན་ཤེས་པ་དང་ཞེས།་་་་་གཅིག་ཏུ་བསྡུས་པ་ལྟ་བུའོ། །གཉིས་པ་བསྡུས་པའི་དོན་ལ་གཉིས་ཏེ། ཡན་ལག་རྣམ་པར་བཞག་པ་དང་། ལྟུང་བ་བཅུ་པོ་འདི་ཁོ་ན་སྐབས་འདིར་བསྡུས་པའི་འཐད་པའོ། །དང་པོ་ནི་འདིར་ཡན་ལག་ལྔ་ལས་དང་པོ། བུད་མེད་ཀྱི་མཚན་དོན་ཡོད་པའི་ཡན་ལག་ནི་བུད་མེད་ཉིད་དམ་མཚན་གཉིས་པ་བུད་མེད་ཀྱི་མཚན་ཤས་ཆེ་བ་དང་ལྡན་པའོ། །དེ་ལྟུང་བ་གང་གི་ཡན་ལག་ཡིན་ན། རེག་པ་ནས་ཆོས་་་་་་མཚན་གཉིས་པ་བུད་མེད་ཀྱི་དབང་དུ་གྱུར་པ་ལ་བུད་མེད་ཀྱི་མཚན་དོན་ཡོད་པ་ཚང་། དགེ་སློང་མའི་སྡོམ་པ་མི་ཚང་བས་དབེན་པ་ན་འགྲེང་བའི་ལྟུང་བྱེད་ནི་མི་སྐྱེའོ། སྟོན་པའི་བར་བཅུའི་འོ། །སྒྲུབ་བྱེད་ནི་འདི་ལ་བྱེད་པ་པོ་ཉིད་ཅེས་སོ། །ཞེས་པ་ལ་སོགས་པ་མདོ་བདུན་ནོ། །འདིར་སེལ་བ་ནི་སྐྱེས་པ་ཉིད་དང་མ་ནིང་ཉིད་དང་མཚན་གཉིས་པ་བུད་མེད་ཀྱི་མཚན་དོན་མེད་པ་ཅན་རྣམས་སོ། །ཅིར་འགྱུར་ནི་སྐྱེས་པ་ལ་དགེ་སློང་གིས་དབེན་པ་འདུག་འགྲེང་གཉིས་དང་གནས་གཅིག་ཏུ་ལྷན་ཅིག་ཉལ་བ་དང་། ལམ་དུ་འགྲོ་བ་དང་ཆོས་སྟོན་པ་ལྔ་པོ་བྱས་པ་ལ་ལྟུང་བ་མེད་དེ། དགག་བྱ་མེད་པའི་ཕྱིར་རོ། །སྐྱེས་པ་ལ་དགེ་སློང་གིས་རེག་པ་འཁྲིག་ཚིག་བསྙེན་བཀུར་བསྔགས་པ་དང་གསུམ་པོ་བྱས་པ་དང་སྐྱེས་པ་ནང་ཉལ་པོ་བྱེད་པར་ཤོམ་པའི་ཁྱིམ་དུ་དགེ་སློང་གིས་འདུག་འགྲེང་གཉིས་བྱས་ན་རང་རང་གི་ལྟུང་བ་ན་སྨད་པ་སྟེ། གསུམ་

༼༤༢༢༽

པོ་འདི་ལ་སྐྱེས་པའོ་ཞེས་པ་དང་། བམ་པོ་ལྔ་བཅུ་པ་ལས་ཉལ་ཤོམ་འདུག་འགྲེང་གཉིས་ཀྱི་སྐབས་སུ། གཉིས་ཀ་སྐྱེས་པ་ཡིན་ན་ཉེས་བྱས་་་་་་གཉིས་པ་རིག་པའི་བཤང་ལམ་དུ་རྩོལ་བ་ལྟ་བུའོ། སོ་ཞེས་བཤད་དོ། །རིགས་པས་ཡང་དགག་བྱ་མ་རྫོགས་པའི་ཕྱིར་རོ། །མ་ནིང་ཉིད་དང་མཚན་གཉིས་པ་བུད་མེད་ཀྱི་མཚན་དོན་མེད་པ་ཅན་ལ་རེག་པ་ལ་སོགས་པ་བཅུ་པོ་བྱས་ན་རང་རང་གི་ན་སྨད་པ་སྟེ། མ་ནིང་མོ་དང་མ་ནིང་ཕོ་དང་ཞེས་་་་་་སྤྲུལ་པ་མོ་ལ་ཡང་། མཚན་གཉིས་པ་བུད་མེད་མཚན་ཤས་ཆེ་བའི་མཚན་གཉིས་པ་ལ་ནི་རེག་པ་ལ་སོགས་པའི་ལྟུང་བ་དངོས་གཞིར་འགྱུར་རོ། །བཤད་དོ། །སྐྱེས་པ་མེད་པའི་ཡན་ལག་ནི་ལྟུང་བ་སྐྱེད་པའི་ཡུལ་རྟེན་གཉིས་ལས་གཞན་པ་ཁྲིམས་གྲོགས་སྐྱེས་པ་མེད་པའོ། །དེ་ལྟུང་བ་གང་གི་ཡན་ལག་ཡིན་ན་ལམ་དུ་འགྲོ་བ་དང་ཆོས་སྟོན་པ་གཉིས་ཀྱིའོ། །སྒྲུབ་བྱེད་ནི་རིག་པའི་སྐྱེས་པ་མེད་པའོ་ཞེས་པ་དང་། སྐྱེས་པ་མེད་པར་རོ། །རིག་པའོ་ཞེས་སོ། །སེལ་བ་ནི་ཁྲིམས་གྲོགས་རིག་པའི་སྐྱེས་པ་དང་ལྡན་པའི་དགེ་སློང་གིས་ཁྱིམ་པ་མོ་ལ་ཆོས་སྟོན་པ་དང་བུད་མེད་དང་ལམ་དུ་འགྲོ་བ་ལ་ལྟུང་བ་མེད་དེ། ལུང་རྣམ་འབྱེད་ལས་རིག་པའི་སྐྱེས་པ་ཉེ་བར་བཞག་སྟེ་ཅི་འདོད་པར་ཆོས་བསྟན་པར་བྱ་བའོ། །ཞེས་གསུངས་སོ། །རིགས་པས་ཀྱང་དགག་བྱ་མེད་པའི་ཕྱིར་རོ། །གསུམ་པ་དོན་གོ་བའི་ཡན་ལག་ནི་བུད་མེད་དེས་ལེགས་སྨྲས་ཉེས་སྨྲས་ཀྱི་དོན་གོ་བར་ནུས་པའོ། །དེ་ལྟུང་བ་གང་གི་ཡན་ལག་ཡིན་ན། འཁྲིག་ཚིག་བསྙེན་བཀུར་ཆོས་སྟོན་པ་དང་གསུམ་གྱིའོ། །སྒྲུབ་བྱེད་ནི་འོག་མ་གསུམ་ལ་ལེགས་པར་སྨྲས་པ་དང་ཞེས་སོ། །སེལ་བ་ནི་བུད་མེད་དོན་མི་གོ་ལ་འཁྲིག་ཚིག་ལ་སོགས་པ་གསུམ་པོ་དེ་རྣམས་བྱས་ན་རང་རང་གི་ན་སྨད་པ་སྟེ། གཞན་དུ་ན་འོག་མའི་འོ་ཞེས་བཤད་དོ། །བཞི་པ་བསྟེན་རུང་གི་ཡན་ལག་ནི། ཡུལ་འཁྲིག་པ་བསྟེན་རུང་བ་སྟེ། ལམ་ཆེ་ཆུང་སྤྲད་པར་བཟོད་པའོ། །དེ་ལྟུང་བ་གང་གི་ཡན་ལག་ཡིན་ན། རེག་པ་ལ་སོགས་པ་བདུན་གྱིའོ། །སྒྲུབ་བྱེད་ནི་གཞན་ལ་འཁྲིག་པ་བསྟེན་པར་བྱ་བའི་ཞེས་སོ། །སེལ་བ་ནི་བུ་མོ་ཆུང་ངུ་ལྟ་བུ་འཁྲིག་པ་བསྟེན་དུ་མི་རུང་བ་ལ་རེག་པ་ལ་སོགས་

༼༤༢༣༽

པ་བདུན་པོ་དེ་རྣམས་བྱས་ན། རང་རང་གི་ན་སྨད་པ་སྟེ། གཞན་དུ་ན་འོག་མའི་འོ་ཞེས་བཤད་དོ། །ལྔ་པ་ཀུན་སློང་གི་ཡན་ལག་ནི་རེག་པ་འཁྲིག་ཚིག་བསྙེན་བཀུར་བསྔགས་པ་དང་གསུམ་པོ་དེ་དག་གི་བདེ་བ་ཉམས་སུ་མྱོང་བར་བྱ་བའི་འདུན་པ་ཡིད་ཀུན་ཏུ་འདོད་ཆགས་དང་ལྡན་པ་སྟེ། གལ་ཏེ་དེ་དག་གི་ཞེས་སོ། །སེལ་བ་ནི་གསུམ་སྟེ། རེག་པ་ལ་སོགས་པའི་བདེ་བ་ཉམས་སུ་མྱོང་འདོད་ཡོད་ཀྱང་ཡིད་ཀུན་ཏུ་འདོད་ཆགས་མེད་པ་དང་། ཡིད་ཀུན་ཏུ་འདོད་ཆགས་ཡོད་ཀྱང་བདེ་བ་ཉམས་སུ་མྱོང་འདོད་མེད་པ་དང་། དེ་གཉིས་ཀ་མེད་པས་རེག་པ་ལ་སོགས་པ་བྱེད་པའོ། །དང་པོ་ལ་ནི་རང་རང་གི་ན་སྨད་པ་སྟེ། འཇམ་པ་དང་། དྲེ་བ་དང་སྙི་བའི་བསམ་པ་ཉིད་ན་སྦོམ་པོའོ་ཞེས་པ་དང་། རང་བཞིན་གྱི་གནས་ངན་ལེན་བརྗོད་པས་ཞེས་བཤད་དོ། །གཉིས་པ་ལ་ནི་ཆགས་སེམས་ཙམ་པོ་དེ་དག་གཉེན་པོས་བཟློག་ན་ནི་ལྟུང་བ་མེད་དེ། གཞན་དུ་ན་སོ་སོའི་སྐྱེ་བོ་རྣམས་ཀྱིས་བསྒྲུབ་པར་མི་ནུས་པར་འགྱུར་བའི་ཕྱིར་རོ། །གཉེན་པོས་མ་བཟློག་ན་ནི་མི་ཚངས་སྤྱོད་ཀྱི་རྒྱུར་འགྲོ་བས་བསླབ་བྱའི་ཉེས་བྱས་སུ་འགྱུར་ཏེ། ཆགས་སེམས་ཙམ་པོ་དེ་ནི་གཞི་ལ་སོགས་པས་ཁྱད་པར་དུ་མ་བྱས་པའི་ཆགས་སེམས་མངོན་གྱུར་ཡིན་ལ། མི་ཚངས་པར་སྤྱོད་པ་ནི་ཆགས་པ་ཐམས་ཅད་ཀྱི་ལུས་ལྟ་བུ་ཡིན་པའི་ཕྱིར་རོ། །ཞེས་གསུངས་སོ། །སེལ་བ།་་་་་གསུམ་པ་ལ་ནི་བདེ་བ་ཉམས་སུ་མྱོང་འདོད་དང་ཡིད་ཀུན་ཏུ་འདོད་ཆགས་པ་གཉིས་ཀ་མེད་པས་རེག་པ་འཁྲིག་ཚིག་བསྙེན་བཀུར་བསྔགས་ན། བདེ་བ་ཉམས་སུ་མྱོང་འདོད་དང་། ཡིད་ཀུན་ཏུ་འདོད་ཆགས་པ་གཉིས་ཀ་མེད་པས།་་་་་རེག་པ་ལ་ནི་བསླབ་བྱའི་ཉེས་བྱས་སུ་འགྱུར་ཏེ། བུད་མེད་ལ་ཡང་་་་་་རེག་པར། མི་བྱའོ་ཞེས་སོ། །སྔ་མ་བཞིན་གཉིས་ཀ་མེད་པས།་་་་་འཁྲིག་ཚིག་དང་བསྙེན་བཀུར་བསྔགས་ན་ནི་ངག་ཀྱལ་སྨྲ་བའི་ཉེས་བྱས་སུ་འགྱུར་རོ་ཞེས་རིགས་སོ། །གཉིས་པ་བུད་མེད་ཀྱིས་བསྐྱེད་པའི་ལྟུང་བ་མང་དུ་ཡོད་པ་ལས་ལྟུང་བ་བཅུ་པོ་འདི་ཁོ་ན་སྐབས་འདིར་བསྡུ་བའི་འཐད་པ་ནི། འདིར་འདྲི་ཞིང་རྒོལ་བ་འདི་སྐད་དུ། ཕོ་མོ་ཚོགས་པ་ལས་གྱུར་པ།་་་་་ཉལ་ཤོམ་འདུག་འགྲེང་གཉིས་ནི་བུད་

༼༤༢༤༽

མེད་བྱེད་པ་པོའི་སྐབས་འདིར་བསྡུས་ལ། ཕོ་མོ་ཚོགས་པ་ལས་གྱུར་པ།་་་་་སྨན་བྱེད་པ་ནི་སྐབས་འདིར་མ་བསྡུས་པའི་རྒྱུ་མཚན་ཅི། དགེ་སློང་མ་ལས་གྱུར་པའི་ལྟུང་བ་མང་དུ་ཡོད་པ་ལས། དགེ་སློང་མ་དང་འགྲེང་བ་ནི་བུད་མེད་བྱེད་པ་པོའི་སྐབས་འདིར་བསྡུས་ལ། འཁྲུར་འཇུག་མ་བསྐོས་ཉི་ནུབ་ལ་སོགས་པ་དགེ་སློང་མ་ལས་གྱུར་པ་གཞན་རྣམས་སྐབས་འདིར་མ་བསྡུས་པའི་རྒྱུ་མཚན་ཅི། སྐབས་འདིའི་ཊཱི་ཀ་ལས་ད་ནི་གང་དང་གང་ལ་བྱེད་པ་པོ་བུད་མེད་ཡིན་པ་དེ་ཐམས་ཅད་བསྟན་པའི་ཕྱིར་ཞེས་ཐམས་ཅད་བསྟན་པར་གསུངས་པ་དང་། དགེ་སློང་མ་ལས་གྱུར་པ་འཁྲུར་འཇུག་དང་མ་བསྐོས་ཉི་ནུབ་ལ་སོགས་པ་གནས་སྐབས་འདིར་མ་བསྟན་པ་འགལ་ལོ་ཞེ་ན། སྐབས་འདིར་ལྟུང་བ་བཅུ་པོ་འདི་བསྡུ་ལ། གཞན་མི་བསྡུ་བའི་རྒྱུ་མཚན་ནི། བུད་མེད་བྱེད་པ་པོའི་སྐབས་འདིར་བསྟན་པའི་ཡན་ལག་གི་གཙོ་བོ་ནི། བུད་མེད་ཀྱི་མཚན་བསྟེན་དུ་རུང་བ་དང་། དོན་གོ་ནུས་པ་གཉིས་ཡིན་པ་ལ། ལུང་རྣམ་འབྱེད་ལས་བདུན་ལ་བསྟེན་རུང་དང་གསུམ་ལ་དོན་རྣམས་གོ་བ་ཡན་ལག་ཏུ་གསུངས་པས། བཅུ་པོ་འདི་ནི་ལུང་རྣམ་འབྱེད་ཀྱི་ཐད་ཀའི་དོན་བསྡུས་པའི་ཕྱིར་རོ། །དཔེར་ན་ལུང་གཞི་ལས་སྲ་བརྐྱང་གི་ཕན་ཡོན་བཅུ་གསུངས་ཀྱང་། ལུང་རྣམ་འབྱེད་ལས་འཆང་འབྲལ་འཇོག་པ་གསུམ་མི་འབྱུང་བར་གསུངས་པའི་དོན་བསྡུས་ཏེ། འདི་གསུམ་ནི་སྲ་བརྐྱང་བཏིང་བ་ལ་མི་འབྱུང་ངོ་ཞེས་་་་་་མདོག་པ་ཡེ་འབྱུང་དང་རྒྱ་ཤ གསུངས་པ་བཞིན་ནོ་ཞེས་་་་་་མདོ་འདི་ནི་མདོག་པ་ཡེ་འབྱུང་གིས་གོ་བ་སྟེ། དེའི་རྗེས་སུ་རྒྱ་འདུལ་འཛིན་དང་ཤ་མི་ཡར་སྟོད་པ་ལ་སོགས་པ། བླ་མ་རྣམས་གསུང་ངོ་། །འོ་ན་དབེན་པ་ན་འགྲེང་བ་དང་ཉལ་ཤོམ་འདུག་འགྲེང་གཉིས་ཏེ་ལྟུང་བ་ལ་གསུམ་ལ་བརྟེན་རུང་དགོས་པ་འདི་ལུང་རྣམ་འབྱེད་ན་མི་སྣང་བ་དང་འགལ་ལོ་ཞེ་ན། ལུང་རྣམ་འབྱེད་ཡི་གེ་ཆད་པར་གསལ་ཏེ། ལྟུང་བ་གསུམ་པོ་དེ་ལ་ཡང་བསྟེན་རུང་དགོས་པར་མདོ་རྩ་བར་ནི་བསྡུས་ལ། འགྲེལ་པས་རྩོད་སྤོང་མ་བྱས་པའི་་་་་་དེའང་ལུང་ལས་མ་གསུངས་ཀྱང་མདོ་རྩ་བར་བསྟན་པ་ཡིན་ན་ནི་འགྲེལ་པས་རྩོད་སྤོང་མཛད་པ་ཡིན་པ་ལ། ལུང་ལས་མ་གསུངས་ཀྱང་རང་བཟོའི་སྐྱོན་མེད་ཅེས་འགྲེལ་པས་རྩོད་སྤོང་མ་བྱས་པའི། ཕྱིར་

༼༤༢༥༽

ཞེས་བླ་མ་་་་་་ཤ་སྦས། རྣམས་གསུང་ངོ་། །དགེ་སློང་མ་དང་དབེན་པ་ན་འགྲེང་བ་མ་གཏོགས་པ་དགེ་སློང་མ་ལས་གྱུར་པ་རྣམས་སྐབས་འདིར་མ་བསྟན་ཡང་། སྐབས་འདིའི་ཊཱི་ཀ་ལས་གང་དང་གང་ལ་བྱེད་པ་པོ་བུད་མེད་ཡིན་པ་དེ་ཐམས་ཅད་བསྟན་པའི་ཕྱིར་ཞེས་གསུངས་པ་དེ་མི་རིགས་སོ་སྙམ་ན། དེ་ནི་བུད་མེད་ལས་གྱུར་པ་བསྟེན་རུང་དང་དོན་གོ་གཉིས་ཡན་ལག་ཏུ་དགོས་པར་ལུང་རྣམ་འབྱེད་ལས་དངོས་སུ་གསུངས་པ་དེ་ཐམས་ཅད་བསྟན་པའི་ཕྱིར་ཞེས་དགོངས་པའོ་ཞེས་གསུངས་སོ། །ཡན་ལག་གི་དོན་ནི་རེག་པའི་ལྷག་མ་འདི་ལ་ཡུལ་དུ་གྱུར་པའི་བྱེད་པ་པོ་ཉིད་ནི་ཡུལ་བུད་མེད་ཀྱི་མཚན་དོན་ཡོད་པ་ཉིད་དོ། །འདིར་བྱེད་པ་པོ་ནི་མེད་ན་མི་འབྱུང་བའི་རྒྱུ་སྟེ། ཊཱི་ཀ་ལས་བྱེད་པ་པོ་ཉིད་ནི་བུད་མེད་དེ། བུད་མེད་དེ་མེད་ན་ལྟུང་བ་འདི་འབྱུང་བར་མི་འགྱུར་རོ། །ཞེས་བྱ་བའི་ཐ་ཚིག་གོ །བུད་མེད་ཀྱི་མཚན་དོན་ཡོད་པ་ནི། བུད་མེད་ཉིད་དང་མཚན་གཉིས་པ་བུད་མེད་ཀྱི་མཚན་གྱི་ཆ་ནས་བྱ་བ་བྱེད་ནུས་པ་སྟེ། དེ་ལྟ་བུའི་མཚན་གཉིས་པ་ལ་རེག་ན་ཡང་ལྷག་མར་འགྱུར་རོ།་་་་་ཞེས་ཊཱི་ཀས་ལུང་ཁུངས་སུ་དྲངས། བུད་མེད་དང་ལམ་དུ་འགྲོ་བའི་སྐབས་འདིར། རིག་པའི་ཞེས་ལུང་ལས་དངོས་སུ་མ་གསུངས་ཀྱང་ཁྱིམ་པ་མོ་ལ་ཆོས་སྟོན་པ་ལ་གསུངས་པའི་རྗེས་སུ་འབྲངས་ཏེ་རིག་པ་ཞེས་འདིར་ཡང་སྨོས་སོ། །འོག་མ་གཉིས་ལའོ། །ཞེས་པ་འདི་གོང་དུ་མི་སྟོན་པར་འོག་འདིར་སྟོན་པའི་རྒྱུ་མཚན་ནི། དོན་གོ་དགོས་པ་གསུམ་ལྷན་ཅིག་ཏུ་བཀོད་ཅིང་བསྟེན་རུང་དགོས་པ་བདུན་ལྷན་ཅིག་ཏུ་བཀོད་པ་ལ་བརྟེན་ནས་འོག་མ་གསུམ་ལ་ཞེས་པ་དང་གཞན་ཡང་ཞེས་ཁྱབ་པ་འཛིན་སླ་བའི་ཕྱིར་རོ། །རིག་པའི་སྐྱེས་པ་ཡོད་ཀྱང་བུད་མེད་མི་རུང་བ་ལ་ཆོས་སྟོན་པ་དེ་ནི་ཉེས་བྱས་ཀྱིའོ། །འོ་ན་ཊཱི་ཀ་ལས་ཁྱིམ་པ་མོ་མི་རུང་བ་དེ་ལ་ཆོས་སྟོན་པ་ནི་རིག་པའི་སྐྱེས་པ་ཡོད་དུ་ཟིན་ཀྱང་ལྟུང་བྱེད་དུ་འགྱུར་ཞེས་གསུངས་པ་དང་འགལ་ལོ་སྙམ་ན། དེ་ནི་ངན་སོང་དུ་ལྟུང་བར་བྱེད་པ་ཙམ་ལ་དགོངས་སོ། །གླིང་གཞན་

༼༤༢༦༽

ལས་སྐྱེས་པ་དང་ཞེས་པའི་སྐབས་འདིར་ཁྲིམས་གྲོགས་ཀྱི་སྤྱི་དོན་ནི། དགེ་སློང་མ་ནི་མཚན་མོ་འབྲལ་བ་དང་ཉིན་མོ་འབྲལ་བ་ལ་སོགས་པ་ལ་ཁྲིམས་གྲོགས་དགོས་ལ།་་་་་དགེ་སློང་ཕ་ལ་ཁྲིམས་གྲོགས་དགོས་པའི་སྐབས་བདུན་ཡོད་པ་ལས་ཁྲིམས་གྲོགས་ཙམ་གྱིས་ཆོག་པ་ལྔ་ནི་དབེན་པ་འདུག་འགྲེང་གཉིས་ལ་ཁྲིམས་གྲོགས་བུད་མེད་ཀྱིས་ཀྱང་གོ་ཆོད་དོ། །ཉལ་ཤོམ་འདུག་འགྲེང་གཉིས་ལ་དེའི་གེགས་བྱེད་ནུས་པ་ཙམ་གྱིས་སོ། །བུད་མེད་དང་ལྷན་ཅིག་ཉལ་བ་ལ་དེ་དང་མི་ཚངས་པར་སྤྱོད་པ་བསྲུང་ནུས་པ་ཙམ་གྱིས་སོ། །ཁྲིམས་གྲོགས་མཚན་ཉིད་དང་ལྡན་པ་དགོས་པ་གཉིས་ནི། ཁྱིམ་པ་མོ་ལ་ཆོས་སྟོན་པ་དང་བུད་མེད་དང་ལམ་དུ་འགྲོ་བའོ། །དེའང་ཁྲིམས་གྲོགས་ཀྱི་མཚན་ཉིད་ནི་ཆོས་དགུ་ལྡན་ཏེ། མི་ཡིན་སྨྲ་ཤེས་དོན་གོ་ཤེས་པ་རང་བཞིན་དུ་གནས། སྐྱེས་པའི་མཚན་རྐྱང་པ་དང་ལྡན། ལོང་བ་མ་ཡིན་པ་སྟེ། ལུང་ཞུ་བ་ལས། ཁྱིམ་པ་མོ་ལ་ཆོས་སྟོན་པའི་ཁྲིམས་གྲོགས་ཀྱི་སྐབས་སུ་ཚིག་ལྷུག་པར་གསུངས་པ་བསྡུ་བའི་ཚིགས་སུ་བཅད་པ་ནི། མི་ལས་འགྲོ་བ་གཞན་དང་ལྐུག་པ་དང་། གླེན་འོན་ལ་སོགས་དོན་མི་གོ་བ་དང་། སྨྱོ་དང་མཚན་གཉིས་པ་དང་དམུས་ལོང་སྟེ། །སྐབས་འདིར་ལྟུང་མེད་བྱེད་པའི་ཁྲིམས་གྲོགས་མིན་ཞེས་གཟུང་ངོ་། །དེ་རྣམས་ཀྱིས་ཁྲིམས་གྲོགས་བྱས་ཤིང་བུད་མེད་ལ་ཚིག་དྲུག་ལས་ལྷག་པར་ཆོས་བཤད་ན་ཉེས་བྱས་བསྐྱེད་པར་ལུང་ལས་གསུངས་སོ། །བུད་མེད་དང་ལམ་དུ་འགྲོ་བའི་ཁྲིམས་གྲོགས་ལ་ཡང་ལུང་ཞུ་བ་ལས་གཞན་རྣམས་སྔ་མ་བཞིན་དངོས་སུ་གསུངས་ལ། ལོང་བ་མ་ཡིན་པ་ཡན་ལག་ཏུ་དགོས་པ་ནི་དངོས་སུ་མ་གསུངས་ཀྱང་མདོར་བསྡུས་སྦྱར་བར་བྱའོ། །མཚན་དང་སྤྱོད་པའི་སྒོ་ནས་འགྱུར་བ་མི་བསྟེན་པ་སྟེ། འགྱུར་བ་བསྟེན་པ་གཉིས་ནི་མཆོག་པ་ཉིད་དོ་ཞེས་གསུངས་པས་སོ། །ལུས་ཐ་མལ་པར་གནས་པ་དང་། ཐོས་པའི་ཉེ་འཁོར་ན་གནས་པ་སྟེ། ཁྲིམས་གྲོགས་དེ་ལས་གཞན་དུ་ན་ཁྲིམས་གྲོགས་ཀྱི་དགོས་པ་རྫོགས་པར་མི་འགྲུབ་པའི་ཕྱིར་དང་། ཁྲིམས་གྲོགས་ཀྱི་དགོས་པ་མི་འགྲུབ་པའི་ཕྱིར་གོ་རིམ་བཞིན་ནོ། །མཚན་

༼༤༢༧༽

གཉིས་པ་བུད་མེད་ཀྱི་མཚན་ཤས་ཆེ་བའི་རྣམ་པ་དེ་ལྟ་བུ་ཉིད་ལ་ནི་སྐྱེས་པའི་མཚན་ཅིག་ཤོས་དོན་མེད་པ་སྟེ་བུད་མེད་ཀྱི་མཚན་དོན་ཡོད་པ་ཉིད་དོ། །དེའང་སྐྱེས་པའི་མཚན་དེས་བུད་མེད་ཀྱི་མཚན་དོན་ཡོད་པ་ལ་གནོད་པ་ཅུང་ཟད་ཀྱང་མི་བྱེད་པའི་ཕྱིར་རོ། །མཚན་གཉིས་པ་སྐྱེས་པའི་མཚན་ཤས་ཆེ་བ་ལ་ཡང་མཚན་ཅིག་ཤོས་དོན་མེད་དོ། །དེ་ཡང་ཊཱི་ཀ་ལས་མཚན་གཉིས་པ་བུད་མེད་ཀྱི་དབང་དུ་གྱུར་པ་ནི་དེའི་ཚེ་དགེ་སློང་ལ་བུད་མེད་ཀྱི་སྐབས་ཀྱི་ཁ་ན་མ་ཐོ་བ་ཡོངས་སུ་རྫོགས་པར་འགྱུར་རོ། །མཚན་གཉིས་པ་སྐྱེས་པའི་དབང་དུ་གྱུར་ན་ནི་དེའི་ཚེ་དགེ་སློང་མ་ལ་སྐྱེས་པའི་སྐབས་ཀྱི་ཁ་ན་མ་ཐོ་བ་ཡོངས་སུ་རྫོགས་པར་འགྱུར་རོ་ཞེས་སོ། །འོ་ན་སྤྱིར་བསྟན་ལས་མ་ནིང་དང་མཚན་གཉིས་པ་དག་ནི་དེ་དང་ལྡན་པ་ཉིད་དོ་ཞེས་མཚན་གཉིས་པ་ན་སྨད་ཀྱི་ཡུལ་དུ་གསུངས་པ་དང་འགལ་ལོ་ཞེ་ན། ཁ་ཅིག་ན་རེ་སྤྱིར་བཏང་དམིགས་བསལ་གྱི་སྒོ་ནས་འགལ་བ་མེད་དེ། སྤྱིར་བཏང་ལ་མཚན་གཉིས་པ་ན་སྨད་ཀྱི་ཡུལ་ཡིན་ལ། དམིགས་བསམ་རེག་པ་ནི་མཚན་གཉིས་པ་ལས་ཀྱང་དངོས་གཞི་རྫོགས་པའོ་ཞེས་ཟེར་རོ། །དེ་ནི་མི་རིགས་ཏེ། རེག་པ་ཁོ་ནའི་དངོས་གཞི་རྫོགས་པ་ཡིན་ན་ཊཱི་ཀ་ལས། བུད་མེད་ཀྱི་སྐབས་ཀྱི་ཁ་ན་མ་ཐོ་བ་ཡོངས་སུ་རྫོགས་པར་འགྱུར་རོ། །ཞེས་སྤྱིར་གསུངས་པ་དང་འགལ་ཞིང་། ཐུན་མོང་བ་སྟོན་པའི་སྐབས་སུ་རེག་པ་ཁོ་ནའི་དངོས་གཞི་བསྟན་ན་སྐབས་འཆོལ་བར་ཐལ་བར་འགྱུར་རོ། །འོ་ན་གང་ཞེ་ན། མཚན་གཉིས་པ་ན་སྨད་ཀྱི་ཡུལ་དུ་གསུངས་པ་ནི་སྲོག་གཅོད་པ་མ་གཏོགས་པ་གནོད་པ་ལས་གྱུར་པ་བརྡེག་གཟས་ལ་སོགས་པ་རྣམས་དང་མ་བྱིན་ལེན་མ་གཏོགས་པ་ཕྱི་ལོངས་སྤྱོད་ལ་ཆགས་པ་ལས་གྱུར་པ་གོས་སློང་བ་ལ་སོགས་པ་རྣམས་མཚན་གཉིས་པ་ཡུལ་དུ་བྱས་པ་ལས་ལྟུང་བ་མི་རྫོགས་ལ། ནང་སེམས་ཅན་ལ་ཆགས་པ་ལས་གྱུར་པ་རྣམས་ནི་མཚན་གཉིས་པ་ཡུལ་དུ་བྱས་པ་ལས་ཀྱང་ལྟུང་བ་རྫོགས་པ་སྟེ། ནང་སེམས་ཅན་ལ་ཆགས་པ་འབྱུང་ཉེ་ཞིང་སྤང་དཀའ་བས་དོག་ཏུ་

༼༤༢༨༽

བཀག་པའོ་ཞེས་གསུངས་ངོ་། །དམིགས་བསལ་ནི་འཁྲུར་འཇུག་པ་ལ་སོགས་པ་དགེ་སློང་མ་ཡན་ལག་ཏུ་དགོས་པའི་ལྟུང་བ་རྣམས་ནི་མཚན་གཉིས་པ་ཡུལ་དུ་བྱས་པ་ལས་ལྟུང་བ་མི་རྫོགས་ཏེ། དགེ་སློང་མའི་སྡོམ་ལྡན་ཡིན་པ་མི་ཚང་བའི་ཕྱིར་རོ། །འོ་ན་ཡུལ་མཚན་གཉིས་པ་ལས་རེག་པ་ལ་སོགས་པའི་ལྟུང་བ་རྫོགས་ན། ལུང་རྣམ་འབྱེད་ལས། རེག་པ་འཁྲིག་ཚིག་བསྙེན་བཀུར་བསྔགས་གསུམ་གའི་སྐབས་སུ། ཡུལ་་་་་་སྐྱེས་པ་དང་ཟ་མ་དང་མ་ནིང་དང་མཚན་གཉིས་པ་ལ་ཉེས་པ་སྦོམ་པོའོ་ཞེས་གསུངས་པ་དང་འགལ་ལོ་ཞེ་ན། མཚན་གཉིས་པ་སྐྱེས་པའི་མཚན་ཤས་ཆེ་བ་ལ་དགོངས་པ་སྟེ། ཊཱི་ཀས་ཁུངས་སུ་དྲངས་པའི་ལུང་ལས་མཚན་གཉིས་པ་དེ་སྐྱེས་པའི་དབང་དུ་གྱུར་པ་ཡིན་ན་ནི་རེག་པ་དེ་ལྟ་ན་ཉེས་པ་སྦོམ་པོར་འགྱུར་རོ་ཞེས་གསུངས་པས་ཤེས་སོ། །འདིར་ཕྱེད་ཉིད་བྱེད་པ་ཡིན་ཞེས་པ་ནི་ལུང་ཞུ་བ་ལས། དགེ་སློང་གི་གཡོག་མ་ནིང་དང་གཡོག་མཚན་གཉིས་པ་དང་ལྷན་ཅིག་ཏུ་བུད་མེད་ལ་ཆོས་བཤད་ན་ཅིར་འགྱུར། ཉེས་བྱས་སུ་གསུངས་སོ། །འོག་མ་གསུམ་ལ་ཞེས་པ་ནི་བུད་མེད་བྱེད་པ་པོའི་ཐུན་མོང་གི་མདོ་བདུན་གྱིས་བརྗོད་པའི་ལྟུང་བ་བཅུ་པོའི་ནང་ནས་འོག་མ་གསུམ་སྟེ་འཁྲིག་ཚིག་བསྙེན་བཀུར་ཆོས་སྟོན་པ་དང་གསུམ་ལའོ། །ལེགས་སྨྲས་དང་ཉེས་སྨྲས་ནི་ཆོས་དང་མཐུན་པའི་ཚིག་དང་གནས་ངན་ལེན་གྱི་ཚིགས་སྨྲས་པ་ལྟ་བུའོ། །གཞན་ལ་ཞེས་པ་ནི་འོག་མ་གསུམ་ལས་གཞན་གོང་མ་བདུན་ལ་སྟེ་རེག་པ་ལ་སོགས་པ་བདུན་ལའོ། །འདིར་ཡན་ལག་འཁྲུལ་མོར་སྦྱར་ཏེ། བདུན་ལ་བསྟེན་རུང་དངོས་སུ་བཤད་པས་འོག་མ་གསུམ་ལ་ཡང་བསྟེན་རུང་ཡན་ལག་ཏུ་སྦྱར་རོ། །གསུམ་ལ་དོན་གོ་དངོས་སུ་བཤད་པས་རེག་པ་མ་གཏོགས་པ་དྲུག་ལ་ཡང་དོན་གོ་བ་ཡན་ལག་ཏུ་སྦྱར་རོ།་་་་་ལུང་ཞུ་བ་དང་བསྟུན། རེག་པ་ལ་ནི་དོན་གོ་བ་ཡན་ལག་ཏུ་མི་དགོས་ཏེ། དོན་མི་གོ་བ་སྙོམས་པར་ཞུགས་པ་མོ་དང་། བུད་མེད་གཉིད་ལོག་པ་ལ་རེག་ན་ཡང་དགེ་འདུན་ལྷག་མར་འགྱུར་

༼༤༢༩༽

བར་ལུང་ཞུ་བ་ལས་གསུངས་སོ།་་་་་ལུང་ཞུ་བ་ཆེ་ཤོས་ལས་དགེ་སློང་གིས་སྙོམས་པར་ཞུགས་པ་མོ་ལ་རེག་ན་ཅིར་འགྱུར། དགེ་འདུན་ལྷག་མར་འགྱུར་རོ་ཞེས་གསུངས་ཤིང་ལུང་ཞུ་བ་ཆུང་ཤོས་ལས་དགེ་སློང་གིས་བུད་མེད་གཉིད་ལོག་པ་ལ་རེག་ན་ཅིར་འགྱུར། དགེ་འདུན་ལྷག་མར་འགྱུར་རོ་ཞེས་གསུངས་སོ། །འདོད་ཆགས་དང་ལྡན་པས་ཀྱང་གསུམ་པོ་འདི་ལ་ཞེས་སྔ་མར་སྦྱར་ཏེ་གསུམ་པོ་འདི་ལ་ཡན་ལག་ཐུན་མོང་ངོ་ཞེས་སྦྱར་རོ། །ཀྱང་ངོ་ཞེས་བྱ་བའི་སྒྲ་ནི་གསུམ་པོ་འདི་ལ་ཞེས་བྱ་བའི་རྗེས་སུ་བསྙེག་པའི་ཕྱིར་རོ་ཞེས་ཊཱི་ཀ་ལས་་་་་་ཀྱང་ངོ་ཞེས་པ་འདི་ནི་མདོ་སྔ་མའི་ཕྱེད་ཁོ་ནར་བསྙེག་པ་སྟེ། འདིང་བ་པ་མང་ངོ་ཞེས་པ་མདོ་སྔ་མའི་ཕྱེད་ཁོ་ནར་བསྙེག་པ་བཞིན་ནོ་ཞེས། བཤད་དོ། །གཉིས་པ་རེག་པའི་སྐབས་བྱེ་བྲག་ཏུ་བསྟན་པ་ནི། ལུས་ཀྱི་རེག་པ་ཞེས་པ་ནས་ཏེ། འདིའི་སྤྱི་དོན་ལ་བཞི་ལས། གླེང་གཞི་ནི་མཉན་ཡོད་དུ་འཕྱར་ཀས་བུད་མེད་ལ་རེག་པ་ལས་དགེ་འདུན་ལྷག་མར་བཅས་སོ། །དགག་བྱ་ནི་འཁྲིག་པའི་འདོད་ཆགས་འཕེལ་བ་སྟེ། ཀུན་ཏུ་འདོད་ཆགས་དང་ལྡན་པ་ཡན་ལག་ཏུ་གསུངས་པས་སོ། །ངོ་ཏི་ནི་བཅས་ལྡན་དགེ་སློང་གིས་ཆགས་སེམས་ཀྱིས་བུད་མེད་ལ་རེག་ཅིང་རེག་པ་བདག་གིར་བྱས་པ་ལས་གྱུར་པའི་ལྟུང་བ་དངོས་གཞིའོ། །ཡན་ལག་བཞི་ལས། གཞིའི་ཡན་ལག་ལ་གཉིས་ཏེ། གང་ལ་རེག་པའི་ཡུལ་དང་། གང་གིས་རེག་པའི་རྟེན་ནོ། །དང་པོ་ལ་བདུན་ཏེ། བུད་མེད་ཀྱི་མཚན་དོན་ཡོད་པ་དང་། མཚན་བསྟེན་དུ་རུང་བ་དང་། ཐ་སྙད་ཕྱེད་དང་གཉིས་དང་ལྡན་པ་དང་། ལུས་ཐ་མལ་པར་གནས་པ་དང་། ལུས་དངོས་ཡིན་པ་དང་། མ་ཉམས་པ་ཡིན་པ་དང་། ཕམ་པ་དངོས་སུ་བསྐྱེད་པའི་རྨའི་སྒོ་གསུམ་ལས་གཞན་ཡིན་པའོ། །དང་པོ་ནི་འདི་ལ་བྱེད་པ་པོ་ཉིད་ནི་བུད་མེད་དོ་ཞེས་པས་གྲུབ་བོ། །གཉིས་པ་ནི་གཞན་ལ་འཁྲིག་པ་བསྟེན་པར་བྱ་བའི་མཐུ་ཡོད་པ་ཉིད་ཡིན་ན་ཞེས་པས་སོ། །གསུམ་པ་ནི་མི་ཡིན་པ་དང་ཤེས་པ་རང་བཞིན་དུ་གནས་པའི་ཕྱེད་དེ། རེག་པ་ནི་ཐ་སྙད་དང་འདྲ་ཞེས་པའོ།་་་་་ཤེས་པ་རང་བཞིན་དུ་མི་གནས་པའི་ཕྱེད་དུ་འཇོག་སྟེ། ཕྱེད་དུ་འཇོག་པའི་རྒྱུ་མཚན་ནི། རེག་པའི་ཡུལ་བུད་མེད་དེ་སྨྱོ་བ་སེམས་འཁྲུགས་ཚོར་བས་གཟིར་བ་དང་། འགྲོ་བ་གཞན་གྱི་རྣམ་པ་བསྟེན་པ་ན་ཤེས་

༼༤༣༠༽

པ་གཏང་ཐུབ་ལས་ཉམས་པ་དང་། བཞི་པ་མ་ཡིན་པ་ནི་ཡན་ལག་ཏུ་དགོས་ལ། བུད་མེད་དེ་གཉིད་ལོག་ར་རོ་རྫས་ཀྱིས་མྱོས་པ་དང་སྙོམས་པར་ཞུགས་པ་དང་བཞི་པོ་མ་ཡིན་པ་ནི་་་་་་རེག་པའི་ལྷག་མ་བསྐྱེད་པའི། ཡན་ལག་ཏུ་མི་དགོས་པའི་ཕྱིར་རོ། །བཞི་པ་ནི་སྤྲུལ་པ་མོ་ལ་ཡང་དེ་བཞིན་ནོ། །ཞེས་པས་སོ། །ལྔ་པ་ནི་ཞུ་བ་ལས། སེན་མོ་ལ་རེག་ན་སྦོམ་པོར་འགྱུར་རོ། །སོ་ལ་རེག་ན་སྦོམ་པོར་འགྱུར་རོ། །སྤུ་ལ་རེག་ན་སྦོམ་པོར་འགྱུར་ཞེས་གསུངས་པའི་ཤུགས་ཀྱིས་གྲུབ་བོ། །དྲུག་པ་ནི་རེག་པར་བྱ་བ་ཉིད་ནི་མ་ཉམས་པའོ་ཞེས་པ་དང་། ཞུ་བ་ལས་བུད་མེད་ཀྱི་ལུས་ཀྱི་དབང་པོ་ཉམས་པ་ལ་རེག་ན་ཅིར་འགྱུར། སྦོམ་པོར་འགྱུར་རོ་ཞེས་གསུངས་སོ།་་་་་རྨ་དང་ནད་ལ་སོགས་པས་ཉམས་པ། ཤུ་བ་ཅན་དང་གཡན་པ་ཅན་ཁྱི་རྔོ་ཅན་ཞེས་ཊཱི་ཀ་ལས་བཤད་དོ། །དེ་རྣམས་ནི་ལུས་ཀྱི་དབང་པོ་ལས་ཉམས་པ་ཡིན་པས་དེ་རྣམས་ལ་རེག་ན་སྦོམ་པོར་འགྱུར་རོ། །བདུན་པ་ནི་བྱུང་བ་ཐམས་ཅད་ལ་མཐའ་ཉིད་མ་གཏོགས་ཞེས་གསུངས་པས། རེག་པ་ཐམས་ཅད་ལ་མཐའ་ཉིད་མ་གཏོགས་ཞེས་གནད་ཀྱིས་སྦྱར་ཏེ་རྒྱུ་མཚན་མཚུངས་པའི་ཕྱིར་རོ། །གཉིས་པ་གང་གིས་རེག་པའི་རྟེན་ནི་གསུམ་ལས། ལུས་དངོས་ཡིན་པ་ནི། ཞུ་བ་ལས་སེན་མོས་རེག་ན་སྦོམ་པོར་འགྱུར་རོ། །སོས་རེག་ན་སྦོམ་པོར་འགྱུར་རོ། །སྤུས་རེག་ན་སྦོམ་པོར་འགྱུར་རོ་ཞེས་གསུངས་པའི་ཤུགས་ཀྱིས་གྲུབ་བོ། །མ་ཉམས་པ་ཡིན་པ་ནི་ཞུ་བ་ལ་དགེ་སློང་གི་ལུས་ཀྱི་དབང་པོ་ཉམས་པས་བུད་མེད་ལ་རེག་ན་ཅིར་འགྱུར། སྦོམ་པོར་འགྱུར་རོ་ཞེས་གསུངས་སོ།་་་་་རྨ་དང་ཁྱི་རྔོ་ཅན་ལ་སོགས་པར་རེག་ནའོ། །ཕམ་པ་དངོས་སུ་བསྐྱེད་པའི་ཡན་ལག་ལས་གཞན་ཡིན་པ་ནི། ཕྱུང་བ་ཐམས་ཅད་ལ་མཐའ་ཉིད་མ་གཏོགས་ཞེས་པའི་གནད་ཀྱིས་སྦྱར་རོ། །བསམ་པའི་ཡན་ལག་ལ་གཉིས་ལས། འདུ་ཤེས་ནི་གཞིའི་ཡན་ལག་དེ་དག་་་་་་ལམ་འཁྲུལ་བ་སྟེ་དེ་ཡང་ངེས་པའི་འདུ་ཤེས་སམ་རང་། གི་གཞིའི་རྣམ་པ་མ་དོར་བར་འཛིན་པའི་ཡིད་གཉིས་ཀྱང་རུང་ངོ་། །ཀུན་སློང་ནི་རེག་པའི་བདེ་བ་ཉམས་སུ་མྱོང་བར་བྱ་བའི་འདུན་པ་ཀུན་ཏུ་འདོད་ཆགས་དང་ལྡན་པས་བུད་མེད་ལ་རེག་པར་འདོད་པ་རྒྱུན་མ་ཆད་པའོ། །སྦྱོར་བའི་ཡན་ལག་ནི། གང་ལ་བསམས་པའི་བུད་མེད་དེ་ཉིད་ལ་རེག་པར་ཞུགས་པའོ། །མཐར་ཐུག་

༼༤༣༡༽

གི་ཡན་ལག་ནི་ལུས་ཀྱིས་རེག་པ་ཉམས་སུ་མྱོང་བའོ། །ཡན་ལག་གི་དོན་ནི། ལུས་ཀྱིས་རེག་པ་བདག་གིར་བྱེད་ནའོ་ཞེས་སོ། །འོ་ན་བུད་མེད་ཀྱི་རོ་ལ་རེག་ན་ཅིར་འགྱུར་ཞེ་ན། ཁ་ཅིག་ན་རེ་ལྷག་མར་འགྱུར་ཞེས་ཟེར་རོ། །འདི་ལ་གཞུང་ལྔ་སྣང་སྟེ། གཞུང་བླ་མ་ལས།་་་་་ལུང་ཞུ་བ་ཆུང་ཤོས། བཙུན་པ་དགེ་སློང་གིས་བུད་མེད་ཀྱི་རོ་དང་ལྷན་ཅིག་ཏུ་རེག་ན་ཅིར་འགྱུར། དགེ་འདུན་ལྷག་མར་འགྱུར་རོ་ཞེས་པ་དང་། ཞུ་འགྲེལ་ལས། བུད་མེད་ཀྱི་རོ་ལ་རེག་ན་དགེ་འདུན་ལྷག་མར་གསུངས་པ་ནི་ལུས་ཚད་མ་ལ་རེག་པའི་བདེ་བ་ཉམས་སུ་མྱོང་བ་ཡོད་པའི་ཕྱིར་ཞེས་པ་དང་། སྤྱིར་བསྟན་ལས་རེག་པར་བྱ་བ་ཉིད་ནི་ཞེས་པའི་སྐབས་སུ།་་་་་རང་གི་རྣམ་བཤད་དང་ཊཱི་ཀ་དང་བམ་པོ་ལྔ་བཅུ་པ་དང་གསུམ་ལས་འདིར་རོ་ཉིད་ལ་ན་སྨད་པ་མེད་པའི་ཕྱིར་རོ་ཞེས་བཤད་དོ། །འོན་ཀྱང་་་་་་དེ་ལ་གནོད་བྱེད་གསུམ་མོ། །ལུང་ཞུ་བ་ཆེ་ཤོས་ལས་བཙུན་པ་དགེ་སློང་གིས་བུད་མེད་ཀྱི་རོ་དང་ལྷན་ཅིག་ཏུ་རེག་ན་ཅིར་འགྱུར། སྦོམ་པོར་འགྱུར་ཞེས་གསུངས་པ་དང་འགལ་ཞིང་།་་་་་རོ་ལས་ཀྱང་འདི་འགྱུར་ན་འདི་ལ་མི་ཡིན་པ་ཡན་ལག་ཏུ་དགོས་པར་གསུངས་པ་དང་འགལ་ཏེ། རེག་པ་ནི་ཐ་སྙད་དང་འདྲའོ་ཞེས་རེག་པའི་ཡུལ་དེ་མི་ཡིན་པ་དང་སྨྱོ་བ་མ་ཡིན་པ་ཡན་ལག་ཏུ་དགོས་པར་བཤད་པ་དང་འགལ་ལ། སྨྱོན་མ་ལ་རེག་ན་སྦོམ་པོ་ལས་མི་བསྐྱེད་པར་རོ་ལ་རེག་ན་ལྷག་མ་བསྐྱེད་པ་འགལ་བའི་ཕྱིར་རོ། །དེས་ན་བུད་མེད་ཀྱི་རོ་ལ་རེག་ན་སྦོམ་པོར་གསུངས་པའི་ལུང་དེ་གཙོ་བོར་གཟུང་ངོ་། །ལྷག་མར་གསུངས་པའི་ལུང་དེ་དག་ནི་གསོ་བའི་ལྷག་ཡོད་པ་ཙམ་ལ་དགོངས་སོ་ཞེས་རིགས་སོ། །འགྲེལ་པ་གསུམ་ལས་འདིར་རོ་ཉིད་ལ་ནི་ན་སྨད་པ་མེད་པའི་ཕྱིར་ཞེས་པ་དེ་ནི། འདིར་རོ་ཉིད་ལ་ནི་སྦོམ་པོ་ལྕི་བ་ལས་ན་སྨད་པ་མེད་པའི་ཕྱིར་ཞེས་དགོངས་སོ་ཞེས་འཆད་དོ།་་་་་སྔ་མ་རྣམས། རེག་པའི་ལྷག་མའི་སྐབས་འདིར་བུད་མེད་ཀྱི་ལན་བུ་སྐྲ་བསྡུས་པ་ནི་ལུས་དེ་དང་ལྡན་པ་ཉིད་དེ།་་་་་དེ་དེ་དང་འདྲ་བར། དེ་ལ་རེག་ན་དངོས་གཞིའོ། །ཊཱི་ཀ་ལས་སྐྲ་ལ་འདོད་ཆགས་ལྷག་པ་སྐྱེ་བའི་ཕྱིར་རོ་ཞེས་བཤད་དོ། །འདི་ལ་ལུང་གི་འགྲེལ་པ་གཉིས་ཀྱིས་དགག་པར་བྱ་སྟེ། རྣམ་འབྱེད་འགྲེལ་ལས་ལན་བུ་ནས་བཟུང་བ་ལ་དངོས་གཞིར་སྨྲ་བ་དེ་

༼༤༣༢༽

དག་ནི་ལྟུང་བ་་་་་་ལུང་རྣམ་འབྱེད། བསྟན་པ་ལས་ལན་བུ་མ་སྨོས་པ་དང་ཡང་འགལ་ལ། ཞུ་བ་ལས་ཀྱང་སྤུ་ལ་རེག་པ་ལ་སྦོམ་པོར་གསུངས་པས་དངོས་གཞིར་མི་རུང་ངོ་ཞེས་བཤད་དོ། །ཞུ་འགྲེལ་ལས་ཀྱང་དགག་པ་འདི་ལྟར་དུ། ལུང་ཞུ་བ་ལས་ནི་སྤུ་ལ་རེག་ན་སྦོམ་པོར་འགྱུར་རོ་ཞེས་གསུངས་ལ་ལན་བུའང་སྤུའི་བྱེ་བྲག་ཡིན་པའི་ཕྱིར་དང་།་་་་་སྐྲ་ལ་ལུས་ཀྱི་དབང་པོ་མེད་པའི་ཕྱིར་དང་། ལན་བུ་ལ་རེག་པ་ལ་ནི་རེག་པའི་ལྷག་མ་མི་བསྐྱེད་དེ། ལུས་དངོས་ལ་རེག་པ་མེད་པའི་ཕྱིར་ཏེ། དཔེར་ན་སེན་མོ་དང་སོ་ལ་རེག་པ་བཞིན་ནོ། །སྐྲ་ལ་འདོད་ཆགས་ལྷག་པར་སྐྱེ་བའི་ཞེས་པ་དེའང་སྒྲུབ་བྱེད་དུ་མི་འཐད་དེ། རེག་ཅིང་རྩོལ་བ་མེད་པར་ཚུལ་བཞིན་མ་ཡིན་པ་ཡིད་ལ་བྱེད་པས་ཁུ་བ་འབྱུང་བ་ལས་ཀྱང་འབྱིན་པའི་ལྷག་མ་བསྐྱེད་པར་ཐལ།་་་་་འདོད་ན་གཞུང་དང་འགལ་ལོ། །འདོད་ཆགས་ལྷག་པར་སྐྱེ་བའི་ཕྱིར་རོ་ཞེས་མཚུངས་ཞེས་བཤད་དོ། །གཞན་ཡང་བུད་མེད་ཆུས་ཁྱེར་བ་དེ་དགེ་སློང་གིས་འཛིན་པ་ན་སྐྲ་དག་ལས་འཛིན་པར་གསུངས་ཏེ་གང་འདོད་ཆགས་ལྷག་མར་སྐྱེ་བ་དེ་ནས་བཟུང་དགོས་པར་ཐལ་བར་འགྱུར་རོ་ཞེས་ཀྱང་གསུང་ངོ་། །འོ་ན་སོ་སོ་ཐར་པ་ལས་ལག་པ་ནས་བཟུང་ངམ་དཔུང་པ་ནས་བཟུང་ངམ། ལན་བུ་ནས་བཟུང་ངམ། ཡན་ལག་དང་ཉིང་ལག་གང་ཡང་རུང་བ་ལ་ནོམ་པ་དང་ཉུག་པ་བདག་གིར་བྱེད་ན་དགེ་འདུན་ལྷག་མའོ་ཞེས་གསུངས་སོ་ཞེ་ན། ཞུ་འགྲེལ་ལས་ལན་བུ་ནི་བྱུང་བའི་དབང་གིས་གསུངས་ཀྱི་དེ་ཡན་ལག་ནི་མ་ཡིན་ནོ་ཞེས་བཤད་དོ། །དེ་ཡང་བླ་མ་རྣམས་ནི་ལན་བུ་རྐྱང་བ་ལ་རེག་པ་ལ་སྦོམ་པོ་བསྐྱེད་པ་འཐད་ཅིང་། སློབ་དཔོན་ཡོན་ཏན་འོད་ཀྱིས་སྐབས་འདིར་ལྷག་མ་བསྐྱེད་པར་གསུངས་པ་ནི་ལན་བུ་ཤ་དང་བཅས་པ་ལ་རེག་པ་ལ་དགོངས་པ་ཡིན་ནོ་ཞེས་གསུང་ངོ་། །ལན་བུ་དེ་དང་འབྲེལ་བའི་གོས་ལ་ཡང་ངོ་ཞེས་པའང་ཤ་དང་བཅས་པ་ལ་རེག་ན་དངོས་གཞིའོ་ཞེས་དགོངས་སོ། །གོས་ཀྱིས་བར་དུ་ཆོད་པ་ལ་ནི་འོག་མར་རོ་ཞེས་གསུངས་ན་ཤིན་ཏུ་སྲབ་པའི་གོས་ཀྱིས་བར་དུ་ཆོད་པ་ལུས་ཀྱི་དྲོད་ཀྱི་རེག་པ་ཚོར་བ་ལ་ཅིར་འགྱུར་ཞེ་ན། འགྲེལ་

༼༤༣༣༽

ཆུང་ལས་དར་ལྟ་བུ་སྲབ་མོས་གཡོགས་པ་ལ་བཟུང་ན་ལྷག་མར་འགྱུར་ཞེས་བཤད་ཀྱང་མི་རིགས་ཏེ། ལུས་ལ་རྣམ་པ་ཐམས་ཅད་དུ་རེག་པ་མེད་པར་རེག་པའི་ལྷག་མ་བསྐྱེད་པ་འགལ་བའི་ཕྱིར་དང་། ཊཱི་ཀ་ལས། ལུས་ཀྱི་རེག་པ་ཚོར་བ་ལའང་ལྟུང་བ་ལ་བྱེ་བྲག་མེད་དེ། ཐམས་ཅད་དུ་ལུས་ཀྱི་རེག་པ་མེད་པའི་ཕྱིར་རོ་ཞེས་བཤད་དོ། །ཞུ་བའི་སྐབས་སུ་མ་དང་བུ་མོ་དང་སྲིང་མོ་དག་ལ་ཞེས་སོ། །འདིར་ཁ་ཅིག་ན་རེ་རེག་པའི་ལྷག་མ་བསྐྱེད་པ་ལ་ཡུལ་བུད་མེད་ཉེ་དུ་མ་ཡིན་པ་ཡན་ལག་ཏུ་དགོས་ཏེ། རང་གི་མ་སྲིང་དང་བུ་མོ་ལ་དེ་དག་ཏུ་འདུ་ཤེས་པས་རེག་པ་ལ་ལྟུང་མེད་དུ་གསུངས་པ་འདིས་ཤེས་སོ་ཞེས་ཟེར་རོ། །དེ་ནི་མ་ཡིན་ཏེ། ཡིད་ཀུན་ཏུ་འདོད་ཆགས་དང་ལྡན་པའི་བསམ་པ་དེ་སྐྱེས་ན་ནི་བུད་མེད་ཉེ་དུ་མ་ཡིན་པ་ལ་དམིགས་ནས་བསམ་པ་དེ་སྐྱེས་པ་དང་མ་སྲིང་ལ་དམིགས་ནས་བསམ་པ་དེ་སྐྱེས་པ་གཉིས་དགག་བྱའི་ངོ་བོ་ལ་ཁྱད་པར་མེད་པའི་ཕྱིར་ཏེ། དཔེར་ན་མི་ཚངས་པར་སྤྱད་ན་བུད་མེད་གཞན་དང་མ་སྲིང་ཡང་དགག་བྱ་ལ་ཁྱད་པར་མེད་པ་བཞིན་ནོ། །སྤྱིར་ན་ཆགས་པའི་རྒྱུར་འགྱུར་དགག་བྱ་ཡིན་པ་དང་། ཆགས་པ་དངོས་དགག་བྱ་ཡིན་པ་སྟེ་གཉིས་ལས་རེག་པའི་ལྷག་མ་ནི་ཆགས་པ་དངོས་དགག་བྱ་ཡིན་ཏེ། ཡིད་ཀུན་ཏུ་འདོད་ཆགས་དང་ལྡན་པ་ཡན་ལག་ཏུ་དགོས་པའི་ཕྱིར་རོ། །དེས་ན་ཆགས་སེམས་ཀྱིས་རེག་པའི་ལྷག་མ་བསྐྱེད་པ་ལ་ནི་ཡུལ་ཉེ་དུ་མིན་པ་ཡན་ལག་ཏུ་མི་དགོས་ཏེ། ནང་སེམས་ཅན་ལ་ཆགས་པ་དངོས་དགག་བྱར་གྱུར་པ་ཡིན་པའི་ཕྱིར་རོ། །དཔེར་ན་མི་ཚངས་པར་སྤྱོད་པ་བཞིན་ནོ། །དེ་རྣམས་ནི་གནོད་བྱེད་བརྗོད་པའོ། །སྒྲུབ་བྱེད་གཞིག་པ་ནི་རེག་པའི་ལྷག་མ་བསྐྱེད་པ་ལ་ཡུལ་བུད་མེད་ཉེ་དུ་མ་ཡིན་པ་ཡན་ལག་ཏུ་དགོས་པ་ལ།་་་་་མ་དང་བུ་མོ་དང་སྲིང་མོ་དག་ལ་དེ་དག་ཏུ་འདུ་ཤེས་པའོ་ཞེས་པ་ནི་སྒྲུབ་བྱེད་དུ་འགྱུར་ན། སྔོན་སྤྱད་པ་ཉིད་ལ་ཀུན་དགའ་བའོ་ཞེས་གསུངས་པས་རེག་པའི་ལྷག་མ་བསྐྱེད་པ་ལ་སྔོན་སྤྱད་པའི་བུད་མེད་མ་ཡིན་པ་ཡན་ལག་ཏུ་དགོས་པར་ཐལ་བར་འགྱུར་ཞེས་མཚུངས་སོ།་་་་་དེ་ལྟར་གཞན་ལུགས་བཀག་ནས།

༼༤༣༤༽

རང་ལུགས་ནི་ཆགས་སེམས་གཏན་ནས་མེད་ཀྱང་བུད་མེད་གཞན་ལ་རེག་ན་བསླབ་བྱའི་ཉེས་བྱས་བསྐྱེད་ལ་ཆགས་སེམས་མེད་པར་རང་གི་མ་དང་བུ་མོ་དང་སྲིང་མོ་དག་ལ་དེ་དག་ཏུ་འདུ་ཤེས་པས་རེག་པ་ལ་ནི་བསླབ་བྱའི་ཉེས་བྱས་མི་བསྐྱེད་པའོ། །འདི་ལ་རེག་པའི་ལྟུང་བ་རྣམ་གཞག་གང་ཡང་མི་བསྐྱེད་དེ། ཆགས་སེམས་མེད་པའི་ཕྱིར་རོ། །གལ་ཏེ་མ་སྲིང་ལའང་ཆགས་སེམས་སྐྱེས་ཏེ་རེག་ན་ནི་ལྷག་མར་འགྱུར་རོ། །ཁྱིམ་པའི་དུས་ཀྱི་ཆུང་མ་ལ་སོགས་པ།་་་་་སྔོན་སྤྱད་པ་ཉིད་ལ་་་་་་དགེ་སློང་གིས། ཆགས་སེམས་མེད་པར་་་་་་ཡིད་གཅུགས་པས། ཀུན་དགའ་བར་བྱ་བའི་ཕྱིར་རེག་པ་ལ་བསླབ་བྱའི་ཉེས་བྱས་དང་རེག་པའི་ལྟུང་བ་གང་ཡང་མི་བསྐྱེད་པའོ། །སྔོན་སྤྱད་པ་ཉིད་ལ་ཆགས་སེམས་སྐྱེས་ཏེ་རེག་ན་ནི་ལྷག་མར་འགྱུར་རོ། །འཁྲིག་པ་སྨྲས་ནའོ་ཞེས་པ་འདིའི་སྤྱི་དོན་ལ་བཞི་ལས། གླེང་གཞི་ནི་མཉན་ཡོད་དུ་འཕྱར་ཀས་བུད་མེད་ལ་འཁྲིག་ཚིག་སྨྲས་པ་ལས་དགེ་འདུན་ལྷག་མར་བཅས་སོ། །དགས་བྱ་ནི་འཁྲིག་པའི་འདོད་ཆགས་འཕེལ་བ་དང་། ཕམ་པ་དང་པོའི་རྒྱུར་འགྱུར་བའོ། །ངོ་ཏི་ནི་བཅས་ལྡན་དགེ་སློང་གིས་ཆགས་སེམས་ཀྱིས་བུད་མེད་ལ་འཁྲིག་པ་གསལ་བར་སྨྲས་ཏེ། དོན་གོ་བ་ལས་གྱུར་པའི་དངོས་གཞིའོ། །ཡན་ལག་ལ་བཞི་ལས། གཞིའི་ཡན་ལག་ལ་གཉིས་ཏེ། གང་ལ་སྨྲ་བའི་ཡུལ་དང་། གང་བརྗོད་པའི་དོན་ཏོ། །དང་པོ་ལ་ལྔ་སྟེ། བུད་མེད་ཀྱི་མཚན་དོན་ཡོད་པ་དང་། མཚན་བསྟེན་དུ་རུང་བ་དང་། ཐ་སྙད་བཞི་དང་ལྡན་པ་དང་། ལུས་ཐ་མལ་པར་གནས་པ་དང་། རྫུ་འཕྲུལ་གྱི་ཆོས་ཅན་མ་ཡིན་པའོ། །དང་པོ་གཉིས་དང་བཞི་པ་ནི་རེག་པའི་སྐབས་སུ་བཤད་པ་དང་འདྲའོ། །ཐ་སྙད་བཞི་དང་ལྡན་པ་ནི་ཐ་སྙད་ལྔ་ལས་མ་ནིང་དང་། མཚན་གཉིས་པ་མ་ཡིན་ཞེས་པ་དེ་མ་གཏོགས་པ་བཞིའོ།་་་་་མ་ནིང་མ་ཡིན་པ་དང་སེལ་བར་གྱུར་པའི་མཚན་གཉིས་པ་མ་ཡིན་པ་ནི་བུད་མེད་ཀྱི་མཚན་དོན་ཡོད་ཅེས་བསྟན་པ་དེར་འདུས་ལ་ཡན་ལག་ཏུ་གྱུར་པའི་མཚན་གཉིས་པ་ཡང་བུད་མེད་ཀྱི་མཚན་དོན་ཡོད་པར་འདུས་སོ། །ལྔ་པ་ནི། རྫུ་འཕྲུལ་གྱི་ཆོས་ཅན་ཉིད་མ་ཡིན་པ་ནི་རེག་པ་མ་ཡིན་པའི་ཡན་ལག་ཡིན་ནོ་ཞེས་སོ། །གཉིས་པ་གང་

༼༤༣༥༽

བརྗོད་པའི་དངོས་པོ་ནི། ཡུལ་དུས་དེ་ན་འཁྲིག་པ་གསལ་པོར་གྲགས་པ་སྟེ། རྒྱ་ལ་སོགས་པའི་དོན་གྱིས་སོ་་་་་་སེལ་བ་ནི་འཁྲིག་པ་མི་གསལ་བར་སྨྲས་ན་སྦོམ་པོའོ། །ཞེས་པས་སོ། །བསམ་པའི་ཡན་ལག་ལ་གཉིས་ལས། འདུ་ཤེས་ནི་རང་གི་གཞིའི་ཡན་ལག་གི་རྣམ་པ་མ་དོར་བར་འཛིན་པའི་ཤེས་པའོ། །ཀུན་སློང་ནི་རང་དོན་དུ་འཁྲིག་པ་སྨྲ་བའི་བདེ་བ་ཉམས་སུ་མྱོང་བར་བྱ་བའི་འདུན་པས་འཁྲིག་པ་སྨྲ་བར་འདོད་པ་རྒྱུན་མ་ཆད་པའོ། །སྦྱོར་བའི་ཡན་ལག་ནི་གང་ལ་བསམས་པ་དེ་ཉིད་ལ་ངག་མཚན་ཉིད་ལྔ་ལྡན་གྱིས་འཁྲིག་པ་སྨྲ་བར་ཞུགས་པའོ། །མཐར་ཐུག་གི་ཡན་ལག་ནི། སྦྱོར་བ་དེའི་རྐྱེན་གྱིས་དོན་གོ་བའོ། །ཡན་ལག་གི་དོན་ནི། འཁྲིག་པ་སྨྲས་ན་ཞེས་སོ། །འཁྲིག་ཚིག་མ་སྨྲས་པར་འཁྲིག་མིང་གསལ་པོར་སྨྲས་ན་ཡང་ལུང་རྣམ་འབྱེད་ལས་རྒྱའི་རྣ་རུ་ཞེས་བྱ་བའི་མིང་བརྗོད་པར་བྱེད་ན་དགེ་འདུན་ལྷག་མར་འགྱུར་རོ་ཞེས་གསུངས་སོ། །གསོལ་བ་དང་ཞེས་པ་འདི་རྣམས་ལ་བཤད་ལུགས་གཉིས་ཏེ། ལུང་དང་ལུང་འགྲེལ་ལས་བཤད་ཚུལ་དང་རང་འགྲེལ་དང་ཊཱི་ཀ་ལས་བཤད་ཚུལ་ལོ། །གཉིས་པ་ནི་ཊཱི་ཀ་ན་གསལ་ལོ། །དང་པོ་ནི།་་་་་གསོལ་བ་དང་ཉེ་བར་གསོལ་བའི་ཁྱད་པར་ནི་ལུང་རྣམ་འབྱེད་ཀྱི་འགྲེལ་པ་ལས། གསོལ་བ་ནི། ལུང་ལས་སུ་ཁྱོད་ཚུར་ཤོག་དེ་དང་དེ་བྱའོ་ཞེས།་་་་་དངོས་སུ་གསོལ་བར་བྱེད་པའོ། །ཉེ་བར་གསལ་བ་ནི།་་་་་ལུང་ལས་སྐྱེས་པ་དང་བུད་མེད་དེ་དང་དེ་བྱེད་པ་དེ་ནི་དགའ་བ་དང་ཡིད་དུ་འོང་བ་ཡིན་གྱི། བདག་ཅག་ཀྱང་དེ་དང་དེ་བྱས་ན་དགའ་བ་དང་ཡིད་དུ་འོང་བར་འགྱུར་ཞེས་སོ། །དངོས་སུ་མ་སྨོས་པར་གསོལ་བར་་་་་་ཟུར་གྱིས། བྱེད་པའོ་ཞེས་བཤད་དེ། ལུང་རྣམ་འབྱེད་ལས་ཀྱང་དོན་དེ་ལྟར་གསུངས་སོ། །འདྲི་བ་དང་ཡོངས་སུ་འདྲི་བའི་ཁྱད་པར་ནི། རྣམ་འབྱེད་འགྲེལ་པ་ལས་འདྲི་བ་ནི་་་་་་ལུང་ལས་སྐྱེས་པ་དང་བུད་མེད་དེ་དང་དེ་བྱེད་པ་དེ་ནི་དགའ་བ་དང་ཡིད་དུ་འོང་བར་འགྱུར་ན། བདག་ཅག་ཀྱང་དེ་དང་དེ་བྱས་ན་དགའ་བ་དང་ཡིད་དུ་འོང་བར་འགྱུར་རམ་ཞེས། སྐབས་འདྲི་བར་བྱེད་པའོ། །ཡོངས་སུ་འདྲི་བ་ནི་་་་་་ལུང་ལས་སྐྱེས་པ་དང་བུད་མེད་དེ་དང་དེ་བྱེད་པ་དེ་ནི་དགའ་བ་དང་ཡིད་དུ་འོང་བར་འགྱུར་ན། བདག་ཅག་ཀྱང་དེ་དང་དེ་བྱས་ན་

༼༤༣༦༽

དགའ་བ་དང་ཡིད་དུ་འོང་བར་འགྱུར་རམ་འོན་ཏེ་མི་འགྱུར་ཞེས། སྐབས་དང་སྐབས་མ་ཡིན་པ་གཉིས་ཀ་ཀུན་ནས་འདྲི་བར་བྱེད་པའོ་ཞེས་བཤད་དེ། ལུང་རྣམས་འབྱེད་ལས་ཀྱང་དོན་དེ་ལྟར་གསུངས་སོ། །བྱེ་བྲག་མེད་པ་ཉིད་དོ་ཞེས་པ་ནི་འཁྲིག་པ་གསལ་པོར་་་་་་བསྔགས་པ་དང་བསྔགས་པ་མ་ཡིན་པ་ལ་སོགས་པ། བརྗོད་ཅིང་དེ་རྣམས་སྨྲས་ན་དགེ་འདུན་ལྷག་མར་འགྱུར་བ་ལ་བྱེ་བྲག་མེད་ཅིང་། འཁྲིག་པ་གསལ་པོར་མ་བརྗོད་པར་་་་་་བསྔགས་པ་དང་བསྔགས་པ་མ་ཡིན་པ་ལ་སོགས་པ། དེ་རྣམས་སྨྲས་ན་སྦོམ་པོར་འགྱུར་བ་ལ་བྱེ་བྲག་མེད་པ་དེ་ལུང་རྣམ་འབྱེད་དང་རྒྱ་ཆེར་འགྲེལ་པ་ལས་དེ་ལྟར་བཤད་དོ། །དོན་གཞན་ལ་བསམས་པས་ཞེས་པ་ལ་ལུང་ན་གླེང་གཞི་མ་གསུངས་སོ།་་་་་དྷརྨ་མི་ཏྲས་མཚོན་དཔེར་བཀོད་པ་ལ་འགྲེལ་ཆུང་ལས་ནི་གླེང་གཞིར་བྱས་ཏེ་ནོར། དེ་བཞིན་བོད་ཀྱི་འདུལ་འཛིན་རྣམས་ཀྱིས་ཀྱང་། མཚོན་དཔེ་ལ་ནི་གླེང་གཞིར་འཁྲུལ་བཤད་བྱས། མིང་གི་ཆ་ཉིད་འདྲ་བ་ཞེས་པ་ནི་ལུང་རྣམ་འབྱེད་ལས། ནས་ཀྱི་མིང་དང་རྩའི་མིང་དང་ཡོལ་བའི་མིང་བརྗོད་པ་ལ་ལྟུང་བ་མེད་དོ་ཞེས་གསུངས་པ་ནི། རྣམ་འབྱེད་འགྲེལ་ལས།་་་་་རྒྱ་གར་གྱི་སྐད་དུ། ནས་ལ་ནི་ཡ་བ་ཞེས་བྱ། རྩ་ལ་ནི་ཡ་པ་ཞེས་བྱ། ཡོལ་བ་ལ་ནི་ཡ་བ་ནི་ཀ་ཞེས་བྱ། འཁྲིག་པ་ལ་ནི་ཡ་བྷ་ཞེས་བྱ་སྟེ་མིང་གི་ཆ་འདྲ་བའོ་ཞེས་སོ། །ཞུ་བས་བརྗོད་པ་ནི་མཛེས་པ་ཡིན་ནོ་ཞེས་པ་ལ་སོགས་པ་སྟེ། དེ་རྣམས་ཐམས་ཅད་གསལ་པོར་སྨྲས་པའི་སེལ་བའོ། །འདུལ་བྱེད་ཀྱི་སྐབས་ནས་དེ་བཞིན་དུ་རྫུ་འཕྲུལ་གྱིས་རྣམ་པར་འཕྲུལ་བ་ཞེས་སོ།་་་་་འགྲེལ་ཆུང་ལས་བདག་ཉིད་རྫུ་འཕྲུལ་བྱས་ཏེ་ནམ་མཁའ་ལ་འདུག་ནས་བུད་མེད་ལ་འཁྲིག་ཚིག་དང་ཀུན་སྤྱོད་བསྔགས་པ་ནི་བདག་གི་དབང་དུ་འགྱུར་བས་ལྷག་མར་འགྱུར་རོ། །ད་ནི་བསྙེན་བཀུར་བསྔགས་པ་འཆད་དོ། །འདིའི་སྤྱི་དོན་ལ་བཞི་ལས། གླེང་གཞི་མཉན་ཡོད་དུ་འཕྱར་ཀས་བུད་མེད་ལ་འཁྲིག་པས་བསྙེན་བཀུར་བསྔགས་པ་ལས་དགེ་འདུན་ལྷག་མར་བཅས་སོ། །དགག་བྱ་ནི་་་་་་འཁྲིག་ཚིག་གི་སྐབས། སྔ་མ་བཞིན་ནོ། །ངོ་ཏི་ནི་བཅས་ལྡན་དགེ་སློང་གིས་བུད་མེད་ལ་འཁྲིག་པས་བདག་ཉིད་ལ་བསྙེན་བཀུར་བ་བསྔགས་ཏེ་དོན་གོ་བ་ལས་གྱུར་པའི་ལྟུང་བ་དངོས་གཞིའོ། །འདི་ལ་ཁ་ཅིག་ན་རེ། བསྙེན་བཀུར་བསྔགས་པའི་ལྷག་མ་བསྐྱེད་པ་ལ་འཁྲིག་

༼༤༣༧༽

ཚིག་གསལ་པོར་བརྗོད་པ་ཡན་ལག་ཏུ་དགོས་ཞེས་ཟེར་རོ། །དེ་དང་མཐུན་པར་བམ་པོ་ལྔ་བཅུ་པ་་་་་འི་བསྙེན་བཀུར་བསྔགས་པའི་ལྷག་མའི་སྐབས། ལས་ཀྱང་འདི་ལ་ཡན་ལག་དྲུག་གིས་དངོས་གཞིའི་ལྟུང་བར་འགྱུར་ཏེ། ཀུན་ཏུ་འདོད་ཆགས་དང་ལྡན་པ་དང་། བུད་མེད་ཉིད་དང་། ལེགས་སྨྲས་ཉེས་སྨྲས་ཀྱི་དོན་ཀུན་ཤེས་པར་ནུས་པ་དང་། དོན་གོ་བ་དང་། བདག་གི་ཕྱིར་དང་། རྒྱ་ལ་སོགས་པའི་དོན་གྱིས་བསྙེན་བཀུར་བསྔགས་པའོ། །དེ་དག་ལས་ཡན་ལག་མ་ཚང་ན་ཅི་རིགས་པར་ན་སྨད་དོ་ཞེས་བཤད་དོ། །བསྙེན་བཀུར་བསྔགས་པའི་འགྲེལ་ཆུང་ལས་ཀྱང་། བདག་ལ་བསྟོད་པ་དང་། འཁྲིག་པ་གསལ་པོར་བརྗོད་པའི་ཚིག་དང་ལྡན་པར་བུད་མེད་ལ་སྨྲས་པ་ན་དགེ་འདུན་ལྷག་མར་འགྱུར། བདག་དང་འཁྲིག་པ་གསལ་པོར་བརྗོད་པའི་ཚིག་གང་ཡང་རུང་བ་མ་ཕྱུང་ན་སྦོམ་པོའོ་ཞེས་བཤད་དོ།་་་་་།དེ་ནི་མི་འཐད་དེ། ཊཱི་ཀ་ལས་རྒྱ་ལ་སོགས་པའི་དོན་གྱི་སྒྲས་བསྙེན་བཀུར་བསྔགས་པར་བྱེད་ན་ནི་འཁྲིག་པ་དང་ལྡན་པ་སྨྲ་བའི་དགེ་འདུན་ལྷག་མར་ཡང་འགྱུར་རོ། །གལ་ཏེ་བསྙེན་བཀུར་ཉེ་ཚེ་བསྔགས་པར་བྱེད་ན་ནི་བསྙེན་བཀུར་བསྔགས་པའི་དགེ་འདུན་ལྷག་མ་འབའ་ཞིག་ཏུ་འགྱུར་རོ་ཞེས་གསུངས་པ་དང་འགལ་ལོ། །རིགས་པས་ཀྱང་འདི་ལ་འཁྲིག་པ་གསལ་པོར་སྨྲས་པ་ཡན་ལག་ཏུ་དགོས་ན་ནི། དེའི་སྟེང་དུ་བདག་ཉིད་དང་སྦྱར་བའང་འདི་ལ་ཡན་ལག་ཏུ་དགོས་པས་འདི་དང་སྔ་མ་དགག་བྱ་དོད་མི་ཐུབ་པའི་སྐྱོན་དུ་ཡང་་་་་་འགྱུར་ལ་དེ་ལྟར་ན་ལྷག་མ་དོད་མི་ཐུབ་པར་ཐལ་བར། འགྱུར་རོ་ཞེས་གསུང་ངོ་། །ཡན་ལག་ལ་བཞི་ལས། གཞིའི་ཡན་ལག་ལ་གཉིས་ལས། གང་ལ་བསྙེན་བཀུར་བསྔགས་པ་བརྗོད་པའི་ཡུལ་ནི། བུད་མེད་ཆོས་ལྔ་ལྡན་ཏེ་འཁྲིག་ཚིག་གི་སྐབས་སུ་བཤད་པ་དང་འདྲའོ། །གང་གི་བསྙེན་བཀུར་བསྔགས་པ་བརྗོད་པའི་དངོས་པོ་ནི། འཁྲིག་པས་བདག་ཉིད་ལ་བསྙེན་བཀུར་བསྔགས་པ་སྟེ། བདག་ཉིད་དང་འཁྲིག་པ་ཞེས་སོ། །བསམ་པ་དང་། སྦྱོར་བ་དང་མཐར་ཐུག་རྣམས་སྔ་མ་་་་་་འཁྲིག་ཚིག་གི་སྐབས། བཞིན་ཏེ་སྐབས་འདིར་བསྙེན་བཀུར་བསྔགས་པས་ཁྱད་པར་དུ་བྱས་སོ། །

རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2024 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号