| བདག་གིས་ལུས་ཅན་ཐམས་ཅད་ལ།ལུས་འདི་ཅི་བདེར་བྱིན་ཟིན་གྱིས། །རྟག་ཏུ་གསོད་དང་སྨོད་པ་འམ། །བརྡེག་སོགས་ཅི་དགར་བྱེད་ལ་རག་ཞེས་དང༌། འགྲོ་མང་རྡོག་པས་བདག་གི་སྤྱིར་འཚོག་གམ། །འགུམ་ཡང་མི་བསྔོ་འཇིག་རྟེན་མགོན་དགྱེས་མཛོད། ། གསུང་ནས་མ་གསན་པས། ཁོང་རྣམ་པས་འཇམ་པའི་དབྱངས་དོན་ཡོད་པའི་དྲུང་དུ་ཕྱིན་ཏེ་འདི་བཞིན་མཛད་ཀྱིན་གདའ། ངེད་རྣམས་ཀྱིས་ཞུ་བ་བྱས་ཀྱང་འདི་སྐད་གསུང་ནས་མི་གནང་བར་འདུག དྲུང་ནས་གསུང་བྱོན་དགོས་པར་གདའ་ཞུས་པས། འཇམ་དབྱངས་དོན་ཡོད་པས་ཀྱང་དེ་ཁར་བྱོན་ཏེ། དེ་ལྟ་བུ་རང་མི་མཛད་པ་ཞུ། ཧ་ཅང་འོ་བརྒྱལ་དྲགས་ཅིར་འགྱུར་ཡང་མི་ཤེས་ཞུས་པ་ལ་ཡང༌།སྐྱེས་རབས་ལས།ལུས་ཙམ་གྱིས་ཀྱང་གཞན་ལ་ཕན་ཐོགས་པར། །ནམ་ཞིག་འགྱུར་ཞེས་བདག་གིས་གང་བསམས་པ། །སྨོན་ལམ་དེ་ནི་འབྲས་བུ་ཡོད་པར་བྱ། ། ཞེས་དང༌། ཉིད་ཀྱི་ཞལ་ནས།གཞན་ལ་མི་ཕན་སྲེད་ཟད་བདེ་བ་ཡང༌།། དམྱལ་བའི་མེ་ལྟར་མཐོང་ནས་རབ་སྤོང་ཞིང༌། །གཞན་ལ་ཕན་ན་མནར་མེད་མེ་ནང་དུའང༌། །རབ་དགས་འཇུག་པ་རྣམས་ཀྱི་རྗེས་སུ་སློབ། ། ཅེས་གསུངས་ཏེ་མ་གསན་པར་གསོལ་པས། རིང་པོར་མ་ལོན་པར་ཤིག་རྣམས་ཡལ་ནས་སོང་ཞེས་གྲག་གོ། །དེ་དུས་ཧ་ཅང་སོ་ཚ་རང་དྲགས་ནས་མ་བཟུག་པའི་དུས་སུ་སྟོད་ཀྱི་ཆ་ལ་དར་གྱི་དུམ་རེ་དཀྲིས་ནས་བཞག་གསུང༌། ཉིད་ཀྱི་ཞལ་ནས། གང་ཞིག་ཁྲོ་དང་ང་རྒྱལ་དཔང་གྱུར་ནས། །བདག་གི་ལུས་ལ་རྨ་སྲོལ་ཆེར་གཏོད་དེ།།འཆི་བར་ངེས་པའི་གནས་སྐབས་བྱུང་གྱུར་ནའང༌། །དེ་ཚེ་དམ་བཅའ་འདི་ནི་དྲན་པར་བགྱི། །ཞེས་དམ་བཅས་པ་བཞིན་མཛད་དོ། །ཡང་བོ་དོང་དུ་སྤྲང་ཕྲུག་ཤིག་ནད་བྱུང་བ་ཞིག་གི་ཤིག་ཐམས་ཅད་བླངས་པས།སེམས་དཔའ་ཆེན་པོའི་སྐུ་ལུས་ལ་འཕུངས་ནས་ཞག་གཅིག་ལ་ཤི་འདུག་ཟེར། སེམས་དཔའ་ཆེན་པོ་ལ་བརྟེན་ནས་དེ་པ་རྣམས་གནས་གོང་མ་ཞིག་ཏུ་འཕོས་ངེས་བསམ་པ་བྱུང་ངོ༌། །ཞེས་རྒྱལ་སྲས་བདག་ཉིད་ཆེན་པོ་འདིའི་ཐུགས་སྲས་ཉན་པོ་དཔལ་རིན་གསུང་ངོ༌། །གཞན་ཡང་བོ་དོང་དང༌།དངུལ་ཆུ་གཉིས་སུ་སྤྲང་པོ་ཤིག་ནད་བྱུང་བ་མང་པོའི་ཤིག་ནད་བླངས་ཏེ་མྱུར་པོར་ཡལ་གྱིན་སོང་ཞེས་གྲག་གོ། །དུས་ཕྱིས་ཕན་ཡུལ་གླང་ཐང་པ་ཡིན་པའི་སྟོན་སྒོམ་བྱང་ཆུབ་སེམས་དཔའ་གཅིག་ལ་ཁོང་རང་ལ་ཤིག་བྱུང་བའི་སྟེང་དུ་གཞན་གྱི་ཤིག་ནད་ཀྱང་བླངས་ཏེ་སེམས་ཅན་ལ་ལུས་དངོས་སྦྱིན་པར་བཏང་ནས་གཤེགས་པའི་དེ་མ་ཐག་ལ། བདག་གིས་ཐུགས་དམ་ལ་འདོགས་པར་ཞུ་བའི་ཕན་ཆས་ཁྱེར་ནས། ཉེ་གནས་ལ་འདི་ལྟར་ཞུས་བྱས་པས་ཉེ་གནས་དྲུང་དུ་སོང་ནས་ལོག་བྱུང་པ་ལ། ཅི་གསུང་དྲིས་པས། གོ། རྗེས་སུ་ཡི་རང༌།ཤཱཀྱ་ཐུབ་པ་རུས་སྦལ་དུ་སྐུ་འཁྲུངས་པའི་དུས་སུ། སྲིན་བུ་ཀེ་ཏ་ཀ་བརྒྱད་ཁྲི་ལ་སྐུ་ལུས་སྦྱིན་པར་བཏང་བ་དང་དོན་གྱི་ཆ་མཐུན་པ་དེ་ཡིན། ཁོང་གི་སེམས་ལ་འགྱོད་པ་ཡོང་པའི་རིགས་སུ་མི་འདུག་ངོ་མཚར་ཆེ། འོ་སྐོལ་བློ་སྦྱོང་བ་ཡིན་པས་ཤིག་དེ་ཙམ་ཞིག་འཆིར་འཇུག་པ་སྙིང་རྗེ་ཡར་ལོང་ལ་ཤོག་གསུང་གིན་འདུག དྲུང་ནས་སྐུ་བགྲེས་པ་དང༌། ཤིག་ཚན་ཆེས་དྲགས་པས་ཅི་འགྱུར་མི་ཤེས་ཞུས་ཀྱང་མི་གསན་པར་ལོང་ཤོག་གསུང༌། རྒྱལ་སྲས་བདག་ཉིད་ཆེན་པོ་འདི་སྤྱིར་སེམས་ཅན་སུ་ལའང་སྐྱོན་བརྗོད་མི་གསུང་ཞིང༌། ལྷག་པར་ཆོས་སྒོར་ཞུགས་པ་རྣམས་ལ་དག་སྣང་ཁོ་ན་མཛད་པ་ལས་སྐྱོན་བརྗོད་ཡེ་མི་མཛད།གཞན་ལ་སྐྱོན་བརྗོད་བྱེད་པ་གསན་ན་འོ་སྐོལ་རང་བློ་མ་དག་པ་ཡིན། ཁོང་ཀུན་ཅི་འདྲ་ཡིན་མི་ཤེས། སླར་ཡང་འོ་སྐོལ་གྱིས་ཕར་མི་ལ་སྐྱོན་བརྗོད་མང་པོ་བྱས་ཙ་ན་འོ་སྐོལ་ལ་ཡང་ཐམས་ཅད་ཀྱིས་ཚུར་འཐབ་པ་ཅིག་རྟེན་འབྲེལ་ལ་ཅིས་ཀྱང་ཡོང་གསུང༌། རྒྱལ་སྲས་བདག་ཉིད་ཆེན་པོ་འདིའི་མཛད་པ་རྣམ་ཐར་འདི་དག་ལ་དཔང་ལོ་ཙཱ་བ་བློ་གྲོས་བརྟན་པས། ཐོག་མར་ཤེས་བྱ་ཀུན་ལ་མཁས་པར་བྱ།།བར་དུ་མཁས་པའི་ཚོགས་སུ་ལེགས་པར་བཤད། །ཐ་མར་འདྲེས་པའི་དོན་ལ་བརྩོན་པས་བསྒོམ། །དུས་གསུམ་རྒྱལ་བ་ཀུན་གྱི་བཞེད་གཞུང་ཡིན། །ཞེས་ས་སྐྱ་པཎྜི་ཏས་གསུངས་པ་དེ།གུ་རུ་ཐོགས་མེད༌ཁོང་གིས་བྱས་པ་ཡིན་ནོ། །འོ་སྐོལ་ཆོས་པ་རྣམས་ཀྱི་ནང་ན་ཆོས་བྱེད་པ་མང་རབ་འདུག་སྟེ་བརྟན་པ་ཐོབ་པ་རང་དུ་ཙམ་བདོག་གམ། གཞན་གྱི་རྒྱུས་ནི་ང་ལ་མེད།བརྟན་པ་ཐོབ་ངོ་ཤེས་པ་གུ་རུ་ཐོགས་མེད་ཁོང་ཡིན། ཕོ་སྐྱེས་པ་ཟེར་ན་དེ་ཀུན་ལ་ཟེར་བ་ལགས། མི་གཞན་གྱིས་ངའི་རྒྱུད་ཚོད་ལ་སླེབ་པ་ལ་ད་རུང་དཀའ་ལས་ཆེན་པོ་ཡོད། ངས་གུ་རུ་ཐོགས་མེད་ཀྱི་རྒྱུད་ཚོད་སླེབ་པ་ལ་བསྐལ་པ་མང་པོ་ཚོགས་གསོག་དགོས། ང་ཁོང་གི་བླ་མ་ཡིན།ཁོང་ངའི་སློབ་མ་ཡིན་ཏེ་ང་ནི་བླ་མ་ཞིག་ལས་ཀྱང་དེ་ལ་མོས།མི་རྒན་ནམ་འཆི་བའི་སྔས་ཁ་དེར་གུ་རུ་ཐོགས་མེད་ཡོད་པ་ཅིག་བྱུང་ན་དགའ་སྟེ་ང་ཕྱོགས་ཐམས་ཅད་དུ་རྒྱུག ཁོང་པ་གཅིག་ཏུ་བཞུགས་པ་འདིས་ཡིད་སྨོན་ཐོག་ཏུ་ཨེ་འབབ་ཡིན་གསུང་ཟེར་ཞིང༌། གསུང་ཡིག་སྙན་དངགས་དང་བཅས་པ་བསྐུར་བའི་ནང་ན་ཡང༌། ཁྱོད་ལ་ང་འདྲིའི་སློབ་དཔོན་བརྒྱ་ཡོད་ཀྱང༌། །ང་ལ་ཁྱོད་འདྲའི་སློབ་མ་ཁྱོད་ལས་མེད། །ཅེས་སོགས་ཀྱི་བསྟོད་པ་མང་པོ་ཡང་མཛད་དོ། ། ཀུན་མཁྱེན་རོང་པོའི་ཞལ་ནས་ཀྱང༌། ང་ལ་ཕ་བས་ལྷག་པའི་བུ་གཅིག་ཡོད་པ་ཡིན།ངའི་སློབ་མ་འདི་འདྲ་གཞན་ལ་ཡོད་ན་སྨོན་ནེ་འཆོར། སྐྱེས་བུ་དམ་པ་འདི་འདྲ་འཇིག་རྟེན་ན་དཀོན་གསུང༌།ཆོས་རྗེ་བུ་སྟོན་རིན་པོ་ཆེས་ཀྱང༌།སྡེ་སྣོད་གསུམ་གྱི་དོན་ལ་མཁས་གྱུར་ཅིང༌། །རྒྱུད་སྡེ་ཟབ་མོའི་རྟོགས་པས་ཀུན་ཆུབ་པ། །བྱང་ཆུབ་སེམས་གཉིས་འཔྱོངས་པ་རྒྱལ་བའི་སྲས། །ཞེས་སོགས་ཀྱི་བསྟོད་པ་ཡང་མཛད་ཅིང༌། སེམས་དཔའ་ཆེན་པོས་ཞ་ལུར་བྱོན་པའི་ཚེ་བུ་སྟོན་རིན་པོ་ཆེས་ཞ་ལུའི་གྲྭ་པ་རྣམ་ས་ལ། 14/23 མདུན་ངོས། 上一页 12 13 14 15 16 17 下一页 尾页 |
