ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > སྲོལ་རྒྱུན་རིག་ཚན།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་དག་ཡིག་མཁས་པའི་འབྱུང་གནས་ཞེས་བྱ་བ་ལས་སྒྲ་རིག་གི་
སྤེལ་དུས།05-16  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ།
འཕེལ་བའི་ཡི་གེ་བཞི་ནི། ཨ་ཡིག་གི་འཕེལ་བ་ཨཱ་དང༌། རྀ་ཡིག་གི་འཕེལ་བ་ཨྰར་དང༌།ཨི་ཡིག་གི་འཕེལ་བ་ཨེེ་དང༌། ཨུ་ཡིག་གི་འཕེལ་བ་ཨོོ་རྣམས་སོ། །འཚམས་སྦྱོར་ལ་ལྔ༌། མིང་གི་རབ་ཏུ་བྱེད་པའི་འཚམས་སྦྱོར། དབྱངས་ཀྱི་འཚམས་སྦྱོར། རང་བཞིན་དུ་གནས་པའི་འཚམས་སྦྱོར། གསལ་བྱེད་ཀྱི་འཚམས་སྦྱོར། རྣམ་པར་བཅད་བྱའི་འཚམས་སྦྱོར་ཏེ་ལྔའོ།
གཉིས་པ་རྣམ་དབྱེ་བསྟན་པ་ལ་གཉིས་ལས།   དང་པོ་སི་སོགས་ཀྱི་རྣམ་དབྱེ་དང་འབྲེལ་བའི་མིང་གི་རྣམ་གྲངས་ལ། སྐྱེས་པའི་རྟགས་དབྱངས་ཀྱི་མཐའ་ཅན་དང༌།   བུད་མེད་ཀྱི་རྟགས་དབྱངས་ཀྱི་མཐའ་ཅན་དང༌།   མ་ནིང་གི་རྟགས་དབྱངས་ཀྱི་མཐའ་ཅན་དང༌།   ཧ་སའི་མཐའ་ལས་སྐྱེས་པའི་རྟགས་དང༌།   ཧ་སའི་མཐའ་ལས་བུད་མེད་ཀྱི་རྟགས་དང༌།    ཧ་སའི་མཐའ་ལས་མ་ནིང་གི་རྟགས་དང༌། ཡཥྨདྲ་ཨསྨདྲ་ཀྱི་ཆོ་ག་དང༌།   མི་ཟད་པའི་སྡེ་དང༌། བུད་མེད་ཀྱི་རྐྱེན་དང༌།   བྱེད་པ་ཅན་གྱི་རབ་ཏུ་བྱེད་པ་དང༌།   ཚིག་སྡུད་ཀྱི་རབ་ཏུ་བྱེད་པ་དང༌།   དེ་ཕན་གྱི་རབ་ཏུ་བྱ་བ་རྣམས་སོ། །དང་པོ་ལ། སྐྱེས་པའི་རྟགས་ཨ་ཐུང་མཐའ་ཅན་དང༌། དེ་བཞིན་དུ།ཨཱ་རིང༌།ཨི་ཐུང༌།ཨུ་ཐུང༌། ཨྰི་རིང༌།   ཨྰུ་རིང༌། རྀ། ཨེེ།ཨོ། ཨོོ་ཡིག་མཐའ་ཅན་ནོ།   །གཉིས་པ་ལ་ཡང༌། བུད་མེད་ཀྱི་རྟགས་ཨ་ཐུང་མཐའ་ཅན་དང༌། དེ་བཞིན་དུ། ཨཱ་རིང༌། ཨི་ཐུང༌། ཨྰི་རིང༌། ཨུ་ཐུང༌།   ཨྰུ་རིང༌།རྀ། ཨེེ། ཨོ། ཨོོ་ཡིག་མཐའ་ཅན་རྣམས་སོ།   །གསུམ་པ་ལ་ཡང༌། མ་ནིང་གི་རྟགས་ཨ་ཐུང་མཐའ་ཅན་དང༌། དེ་བཞིན་དུ།   ཨི་ཐུང༌། ཨྰི་རིང༌། ཨཱ་རིང༌། ཨུ་ཐུང༌།ཨེ། ཨྰུ་རིང༌།རྀ་ཡིག་མཐའ་ཅན་རྣམས་སོ། །བཞི་པ་ལ་ཡང༌།ཧྲ་ཡི་མཐའ་ཅན་དང༌།དེ་བཞིན་དུ།  དྲ། ནྲ། མྲ། ངྷྲ། ཛྲ། ཚྲ། ཤྲ།   ཥྲ།ཏཱཛྲ། ཡཛྲ། མྲྀཛྲ། བྷྲཛྲ། དྲ། ཐྲ།  ཙྲ། ཏྲ། སྲ་ཡིག་མཐའ་ཅན་དང༌། དེ་བཞིན་དུ་བསྒྲུབ་པའི་ཏྲ་མཐའ་ཨུ་ཡིག་རྗེས་འབྲེལ་ཅན་དང་། ཏྲ་མཐའ་རྀ་ཡིག་རྗེས་འབྲེལ་ཅན་སོགས་ཤིན་ཏུ་མང་ངོ༌། །ལྔ་པ་ལ་ཡང༌།ཧྲ་ཡིག་མཐའ་ཅན་དང༌། དེ་བཞིན་དུ།བྲ།རྲ། ངྷྲ། བྷྲ། དྲ། མྲ། ཙྲ། སྲ། ཤྲ། ཥྲ། པྲ་ཡིག་མཐའ་ཅན་རྣམས་སོ། །དྲུག་པ་ལ་ཡང༌།ཏྲ་ཡིག་མཐའ་ཅན་དང༌།དེ་བཞིན་དུ། ནྲ། དྲ། མྲ། ཙྲ། ཏྲ། ཥྲ། སྲ་ཡིག་མཐའ་ཅན་རྣམས་སོ། ། རྣམ་དབྱེ་འཇུག་ཚུལ་ལ་དབྱེ་ན། རྣམ་དབྱེ་དང་པོའི་སྐབས་སུ། གཅིག་ཚིག་ལ་སི་དང༌། གཉིས་ཚིག་ལ་ཨོོ་དང༌།མང་ཚིག་ལ་ཛསྲ་སྟེར་བའོ།   །དེ་བཞིན་དུ། རྣམ་དབྱེ་གཉིས་པར།ཨམྲ། ཨོོ། ཤསྲ། རྣམ་དབྱེ་གསུམ་པར། ཌྰ། བྷྱཾ། བྷིསྲ། རྣམ་དབྱེ་བཞི་པར།དེ།  བྷྱཾ། བྷྱཾསྲ། རྣམ་དབྱེ་ལྔ་པར།ང་སི།བྷྱ།བྷྱསྲ།རྣམ་དབྱེ་དྲུག་པར། དསྲ།  ཨོསྲ། ཨཱམྲ། རྣམ་དབྱེ་བདུན་པར། དི། ཨོསྲ། སུཔྲ་བྱིན་ནས་བསྒྲུབ་ཚུལ་རྣམས་སོ།  
དེ་ཡང་གཅིག་ལ་མཚོན་ན། དེ་བ་ལ་སི་བྱིན་ནས་སིའི་སྲོག་ཨི་ཕྱིས། ས་རྣམ་བཅད་དུ་སོང་བས། དེ་བཿལྷ། དེ་བ་ལ་ཨོོ་བྱིན་ཨོ་དང་ཨོོ་ལ་ཨོོ་འོ་ཅེས་པས་རྟགས་མཐའི་ཨ་ཨོོ་རུ་བསྒྱུར་བས།དེ་བོོ། ལྷ་དག    དེ་བ་ལ་ཛསྲ་བྱིན།ཛ་ཁྱད་དོན་ཕྱིས་སྲོག་གི་ཨ་བཞགའདྲ་བའི་ཡི་གེ་འདུས་པ་ལ་རིང་པོ་དང་ས་རྣམ་བཅད་དུ་འགྱུར་བས།   དེ་བཱཿལྷ་རྣམས།   ཡང་རྣམ་དབྱེ་གཉིས་པ་དང་འབྲེལ་བ་ནི། དེ་བ་ལ་ཨམྲ་བྱིན། ཨམྲ་ཤསྲ་དག་གི་ཨའོ་ཞེས་པས་ཨ་དབྱི།   མ་ཡིག་རྗེས་སུ་ང་རོར་འགྱུར་བས། དེ་བཾ ལྷ་ལ། དེ་བ་ལ་ཨོོ་བྱིན་ནས་དང་པོའི་གཉིས་ཚིག་ལྟར་བསྒྲུབ་པས།དེ་བོོ། ལྷ་དག་ལ། དེ་བ་ལ་ཤསྲ་བྱིན། ཤསྲ་ལའོ་ཞེས་པས། ཤ་ཁྱད་དོན་ཕྱིས།སྲོག་གི་ཨ་འདྲའི་ཡི་གེ་འདུས་པ་ལ་རིང་པོ་དང༌། སྐྱེས་པ་ལ་སའི་ནའོ་ཞེས་པས་ས་ན་རུ་འགྱུར་བས།དེ་བཱན།ལྷ་རྣམས་ལ། རྣམ་དབྱེ་གསུམ་པ་དང་འབྲེལ་བ་ནི།   དེ་བ་ལ་ཊྰ་བྱིན། ཊྰ་ཨི་ནའོ་ཞེས་པས་ཊྰ་ཨི་ནར་འགྱུར་ཨ་ཨི་ལ་ཨེའོ་ཞེས་པས་རྟགས་མཐའི་ཨ་ཨེར་སོང་བས། དེ་བེ་ན། ལྷ་ཡིས། དེ་བ་ལ་བྷྰ་མྲ་བྱིན། བྷ་ལ་ཨཱའོ་ཞེས་པས་རྟགས་མཐའ་རིང་པོ་དང༌། མ་ང་རོ་བྱས་པས། དེ་བཱ་བྷྱཾ །ལྷ་དག་གིས། དེ་བ་ལ་བྷིསྲ་བྱིན། བྷའི་བྷ་ཨའོ་ཞེས་པས་བྷིསྲ་ཀྱི་བྷྲ་ཨ་རུ་འགྱུར། ཨ་དང་ཨི་གཉིས་འདུས་པས་ཨེ་རུ་སོང་རྟགས་མཐའི་ཨ་དང་ཨེ་གཉིས་འདུས་པས་ཨེེ་རུ་སོང༌། སྲ་རྣམ་བཅད་བྱས་པས། དེ་བཻཿ ལྷ་རྣམས་ཀྱིས། རྣམ་དབྱེ་བཞི་པ་དང་འབྲེལ་བ་ནི།   དེ་བ་ལ་དེ་བྱིན། དེ་ལ་ཨཀྲའོ་ཞེས་པས་ཨཀྲ་ཨཱ་ག་མ་སྟེར་ཀྲ་རྗེས་འབྲེལ་ཕྱིས། ཨ་ཁྱད་དོན་ཡིན་པས་ཕྱིས་སྲོག་གི་ཨེ་ཨཡྲ་རུ་སོང༌།འདྲ་བའི་ཡི་གེ་འདུས་པ་ལ་རིང་པོ་དང་ཡྲ་སྲོག་མེད་ཨ་ལ་དྲངས་པས།   དེ་བཱ་ཡ། ལྷའི་ཆེད་དུ། དི་བཱ་བྷྱཾ །   ལྷ་དག་གི་ཆེད་དུ།   འདིའི་བསྒྲུབ་ཚུལ་རྣམ་དབྱེ་གསུམ་པ་དང་འདྲའོ།   །དེ་བ་ལ་བྷྱསྲ་བྱིན། བྷ་ས་མང་པོ་ཉིད་ལ་ཨེའོ་ཞེས་པས་རྟགས་མཐའ་ཨེ་དང་ས་རྣམ་བཅད་དུ་སོང་བས། དེ་བེ་བྷྱཾ ལྷ་རྣམས་ཀྱི་ཆེད་དུ། རྣམ་དབྱེ་ལྔ་ལ་དང་འབྲེལ་བ་ནི། དེ་བ་ལ་ང་སི་བྱིན།   ང་སི་ཨཏའོ་ཞེས་པས། ང་སི་ཨཏྲ་ཏུ་འགྱུར། འདྲའི་ཡི་གེ་འདུས་པ་ལ་རིང་པོར་སོང་བས། དེ་བཱ་ཏྲ། ལྷ་ལས། དེ་བཱ་བྷྱཾ ། ལྷ་དག་ལས། དེ་བེ་བྷྱཾ ལྷ་རྣམས་ལས། འདི་གཉིས་བསྒྲུབ་ཚུལ་རྣམ་དབྱེ་བཞི་པ་དང་འདྲའོ།   །རྣམ་དབྱེ་དྲུག་པ་དང་འབྲེལ་བ་ནི།   དེ་བ་ལ་ངསྲ་བྱིན། ངསྲ་སྱའོ་ཞེས་པས་ངསྲ་སུ་རུ་འགྱུར་ཏེ། དེ་བ་སྱ། ལྷའི། དེ་བ་ལ་ཨོསྲ་བྱིན།ཨོསྲ་ལའོ་ཞེས་པས་རྟགས་མཐའི་ཨ་ཨེ་རུ་འགྱུར། ཨེ་ཨ་ཡྲ་རུ་འགྱུར། བ་སྲོག་མེད་ཨ་ལ་དྲངས།ཡ་སྲོག་མེད་ཨོ་ལ་དྲངས།ས་རྣམ་བཅད་དུ་འགྱུར་བས། དེ་བ་ཡོཿ ལྷ་དག་གི། དེ་བ་ལ་ཨཱམྲ་བྱིན།   ཨཱམྲ་ལ་ནུ་ཊའོ་ཞེས་པས། རྣམ་དབྱེའི་སྔོན་དུ་ནུ་ཊྲཨཱ་ག་མ་བྱིན། ཊྲ་རྗེས་འབྲེལ་ཨུ་བརྗོད་དོན་ཕྱིས། ནཱམྲ་ལའོ་ཞེས་པས་རྟགས་མཐའ་རིང་པོ་དང༌། ནྲ་སྲོག་མེད་ཨཱ་ལ་དྲངས། མྲ་རྗེས་སུ་ང་རོར་འགྱུར་བས། དེ་བ་ནཾ། ལྷ་རྣམས་ཀྱི། རྣམ་དབྱེ་བདུན་པ་དང་འབྲེལ་བ་ནི།དེ་བ་ལ་དེ་བྱིན།   ང་ཁྱད་དོན་ཕྱིས། སྲོག་གི་ཨི་བཞག རྟགས་མཐའི་ཨ་དང་ཨི་གཉིས་འདུས་པས་ཨེ་རུ་སོང༌། དེ་བོ།ལྷ་ལ།དེ་བ་ལ་ཨོསྲ་བྱིན་གོང་བཞིན་བསྒྲུབ་པས། དེ་བ་ཡོཿ ལྷ་དག་ལ། དེ་བ་ལ་སུཔྲ་བྱིན། པྲ་རྗེས་འབྲེལ་ཕྱིས། ཀུ་ཨི་ལ་ལ་ཥ་རུ་བྱེད་དེ་སའོ་ཞེས་པས། ས་ཡིག་ཥ་རུ་བསྒྱུར་བ་དང༌། བྷ་ས་མང་པོ་ཉིང་ལ་ཨེའོ་ཞེས་པས་རྟགས་མཐའ་ཨེ་རུ་སོང་བས།དེ་བེ་ཥུ། ལྷ་རྣམས་ལ། བོད་པའི་དོན་གྱི་རྣམ་དབྱེ་དང་འབྲེལ་བ་ནི། ཧེ་དེ་བ་སི་བཞག ཀུན་ཏུ་བོད་པ་ལ་སི་ངྷིའོ་ཞེས་པས་སི་ལ་ངྷིའི་ཐ་སྙད་བཏགས། བྱིངས་མ་ཡིན་པའི་མཚུངས་པ་ལ་ངྷི་དབྱིའོ་ཞེས་པས།སི་ལ་ངྷིའི་ཐ་སྙད་བཏགས་པ་ཕྱིས་པས། ཧེ་དེ་བ།ཀྱེ་ལྷ།དེ་བཞིན་དུ་འོག་མ་རྣམས་ལ་བསྒྲུབ་ཚུལ་རྣམ་དབྱེ་དང་པོ་སོགས་ཀྱི་སྐབས་ལྟར་སྦྱར་བས། ཧེ་དེ་བོོ།ཀྱེ་ལྷ་དག  ཧེ་དེ་བཿ  ཀྱེ་ལྷ་རྣམས་སོགས་སོ།།
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2021 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号