ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > སྲོལ་རྒྱུན་རིག་ཚན།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་དག་ཡིག་མཁས་པའི་འབྱུང་གནས་ཞེས་བྱ་བ་ལས་ཕར་ཕྱིན་
སྤེལ་དུས།05-18  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ། ལྕང་སྐྱ་རོལ་བའི་རྡོ་རྗེ།
བདུན་པ་སྐད་ཅིག་མའི་སྦྱོར་བ་ལ་མཚོན་བྱེད་ཀྱི་ཆོས་བཞི་ནི། རྣམ་པར་སྨིན་པ་མ་ཡིན་པ། རྣམ་པར་སྨིན་པ། མཚན་ཉིད་མེད་པ། གཉིས་སུ་མེད་པའི་སྐད་ཅིག་སྦྱོར་ཏེ་བཞིའོ། །
བརྒྱད་བ་ཆོས་སྐུ་ལ་མཚོན་བྱེད་ཀྱི་ཆོས་བཞི་ལས།
དང་པོ་ངོ་བོ་ཉིད་སྐུ་ལ་མཚན་ཉིད་ལྔ་ནི། འདུས་མ་བྱས་པ་དང་། དབྱེར་མེད་པ་དང་། མཐའ་གཉིས་སྤངས་པ་དང་། སྒྲིབ་པ་གསུམ་ལས་གྲོལ་པ་དང་། རང་བཞིན་གྱིས་འོད་གསལ་བའོ། ། ཡོན་ཏན་ལྔ་ནི། གཞལ་དུ་མེད་པ། གྲངས་མེད་པ། བསམ་དུ་མེད་པ། མཉམ་པ་མེད་པ། དྲི་མས་དག་པའོ། ། ཁྱད་ཆོས་གསུམ་ནི། ཟག་མེད་ཡེ་ཤེས་ཀྱི་སྡེ་ཚན་ཉེར་གཅིག་དང་ལྡན་པའི་ཁྱད་པར། སྒྲིབ་གཉིས་བག་ཆགས་བཅས་པ་དང་བྲལ་བའི་ཁྱད་པར། རང་བཞིན་བདེན་པས་སྟོང་པའི་ངོ་བོའི་ཁྱད་པར་དང་གསུམ། རང་བཞིན་རྣམ་དག་གི་ཆར་གྱུར་པ་དང་། གློ་བུར་དྲི་བྲལ་གྱི་ཆར་གྱུར་པའི་ངོ་བོ་ཉིད་སྐུ་གཉིས། འདུས་མ་བྱས་ཀྱི་སྐུ། རྟག་པའི་སྐུ། ངོ་བོ་ཉིད་རྣམས་དོན་གཅིག
གཉིས་པ་ལོངས་སྤྱོད་རྫོགས་པའི་སྐུ་ལ། ངེས་པ་ལྔ་ནི། གནས་འོག་མིན་སྟུག་པོ་བཀོད་པ་ཁོ་ནར་བཞུགས་པ། དུས་འཁོར་བ་མ་སྟོང་བར་དུ་བཞུགས་པ། སྐུ་མཚན་དཔེ་གསལ་རྫོགས་ཀྱིས་སྤྲས་པ། འཁོར་ཐེག་ཆེན་འཕགས་པ་ཤ་སྟག་གིས་བསྐོར་བ། ཆོས་ཐེག་ཆེན་གྱི་ཆོས་འབའ་ཞིག་གསུངས་པ་རྣམས་སོ། ། ཡོན་ཏན་གྱི་ཁྱད་པར་ལྔ་ནི། སྐུ་སྟོན་པ་རྒྱུན་མི་འཆད་པ། གསུང་བརྗོད་པ་རྒྱུན་མི་འཆད་པ། ཐུགས་མཛད་པ་རྒྱུན་མི་འཆད་པ། འབད་རྩོལ་ཀྱི་མངོན་པར་འདུ་བྱེད་མེད་པ། སྣ་ཚོགས་སུ་སྣང་ཡང་བདེན་པར་མ་གྲུབ་པ་རྣམས་སོ། །མཚན་ཉིད་ལྔ་ནི། གཞན་དབང་གནས་འགྱུར་གྱི་མཚན་ཉིད། དཀར་པོའི་ཆོས་ཀྱི་རང་བཞིན་གྱི་མཚན་ཉིད། གཉིས་སུ་མེད་པའི་མཚན་ཉིད། རྒྱུན་གྱིས་རྟག་པའི་མཚན་ཉིད། བསམ་གྱིས་མི་ཁྱབ་པའི་མཚན་ཉིད་ལྔའོ། ། མཚན་སུམ་ཅུ་རྩ་གཉིས་ནི། ཕྱག་ཞབས་འཁོར་ལོས་མཚན་པ། ཞབས་རུས་སྦལ་དང་འདྲ་བ། སོར་མོ་དྲ་བས་འབྲེལ་བ། ཕྱག་ཞབས་འཇམ་ཞིང་གཞོན་ཤ་ཆགས་པ། བདུན་དག་མཐོ་བ། སོར་མོ་རིང་བ། ཞབས་ཀྱི་རྟིང་པ་ཡངས་པ། སྐུ་ཆེ་ཞིང་དྲང་བ། ཞབས་པུས་མོའི་ལྷ་ང་མི་མངོན་པ། བ་སྤུ་རེ་རེ་ནས་གྱེན་དུ་ཕྱོགས་པ། བྱིན་པ་རི་དྭགས་ཨེ་ན་ཡ་དང་འདྲ་བ། ཕྱག་རིང་ཞིང་མཛེས་པ། འདོམས་ཀྱི་སྦ་བ་སྦུགས་སུ་ནུབ་པ། པགས་པ་དསེར་མདོག པགས་པ་འཇམ་ཞིང་སྲབ་པ། སྤུ་རེ་རེ་ནས་གཡས་སུ་འཁྱིལ་བ། ཞལ་མཛོད་སྤུས་བརྒྱན་པ། རོ་སྟོད་སེང་གེ་འདྲ་བ། དཔུང་མགོ་ཟླུམ་པ། ཐལ་གོང་རྒྱས་པ། རོ་མི་ཞིམ་པའང་རོ་མཆོག་ཏུ་སྣང་བ། ནྱ་གྲོ་ཏ་ལྟར་ཆུང་ཞིང་གབ་པ། དབུ་གཙུག་ཏོར་དང་ལྡན་པ། ལྗངས་རིང་ཞིང་མཛེས་པ། གསུང་ཚངས་པའི་དབྱངས་འདྲ་བ། འགྲམ་པ་སེང་གེའི་འདྲ་བ། ཚེམས་ཤིན་ཏུ་དཀར་བ། ཚེམས་ཚད་མཉམ་པ། ཚེམས་ཐགས་བཟང་བ། ཚེམས་གྲངས་བཞི་བཅུ་ཚང་བ། སྤྱན་མཐོན་མཐིང་འདྲ་བ། སྤྱན་རྫི་བ་མཆོག་གི་འདྲ་བ་རྣམས་སོ། ། དཔེ་བྱད་བརྒྱད་ཅུ་ནི། སེན་མོ་ཟངས་མདོག་ལྟ་བུ། སེན་མོའི་མདོག་སྣུམ་པ། སེན་མོ་མཐོ་བ། སོར་མོ་ཟླུམ་པ། སོར་མོ་རྒྱས་པ། སོར་མོ་བྱིན་གྱིས་ཕྲ་བ། སྐུའི་རྩ་མི་མངོན་པ། རྩ་མདུན་མེད་པ། ལོང་བུ་མི་མངོན་པ། ཞབས་མཉམ་པ། སེང་གེ་དང་། ངང་བ་དང་། གླང་པོ་ཆེ་དང་། ཁྱུ་མཆོག་གི་སྟབས་སུ་གཤེགས་པ། གཡས་ཕྱོགས་སུ་གཤེགས་པ། མཛེས་པར་གཤེགས་པ། དྲང་པོར་གཤེགས་པ། སྐུ་འཁྲིལ་བག་ཆགས་པ། སྐུ་བྱི་དོར་བྱས་པ་འདྲ་བ། སྐུ་རིམ་པར་འཚམས་པ། སྐུ་གཙང་བ། སྐུ་འཇམ་པ། རྣམ་པར་དག་པ། མཚན་ཡོངས་སུ་རྫོགས་པ། ཁོ་ལག་ཡངས་ཤིང་བཟང་བ། གོམ་པ་སྙོམས་པ། སྤྱན་དག་པ། སྐུ་གཞོན་ཤ་ཅན། ཞུམ་པ་མེད་པ། སྐུ་རྒྱས་པ། སྐུ་ཤིན་ཏུ་གྲིམས་པ། ཡན་ལག་རྣམ་པར་འབྱེད་པ། གཟིགས་པ་དག་པ། དཀུ་ཟླུམ་པ། དཀུ་སྐབས་ཕྱིན་པ། དཀུ་མ་རྙོངས་པ། ཕྱལ་ཕྱང་ངེ་བ། ལྟེ་བ་ཟབ་པ། རི་མོ་གཡས་སུ་འཁྱིལ་བ། སྤྱོད་ལམ་ལྟ་ན་སྡུག་པ། ཀུན་སྤྱོད་གཙང་བ། རྨེ་བ་གནག་བག་མེད་པ། ཕྱག་ཤིང་བལ་ལྟར་འཇམ་པ། ཕྱག་རིས་མདངས་ཡོད་པ། རི་མོ་ཟབ་པ། རི་མོ་རིང་པ། ཞལ་ཧ་ཅང་མི་རིང་བ། མཆུ་བིམ་པ་ལྟར་དམར་བ། ལྗགས་མཉེན་པ། སྲབ་པ། དམར་བ། གསུང་འབྲུག་སྒྲ་ལྟ་བུ། གསུང་མཉེན་ཞིང་འཇམ་པ། མཆེ་བ་ཟླུམ་པ། རྣོ་བ། དཀར་བ། མཉམ་པ། བྱིན་གྱིས་ཕྲ་བ། ཤངས་གཟེང་མཐོ་བ། དག་པ། སྤྱན་ཡངས་པ། རྫི་མ་སྟུག་པ། སྤྱན་པདྨའི་འདབ་མ་འདྲ་བ། སྨིན་མ་ཚུགས་རིང་བ། འཇམ་པ། སྣུམ་པ། སྤུ་མཉམ་པ། ཕྱག་རིང་ཞིང་རྒྱས་པ། སྙན་མཉམ་པ། དབང་པོ་མ་ཉམས་པ། དཔྲལ་བ་ལེགས་པར་འབྱེས་པ། དཔྲལ་བ་དབྱེས་ཆེ་བ། དབུ་རྒྱས་པ། དབུ་སྐྲ་བུང་བ་ལྟར་གནག་པ། སྟུག་པ། འཇམ་པ། མ་འཛིངས་པ། མི་གཤོར་བ། དྲི་ཞིམ་པས་སྐྱེས་བུའི་ཡིད་འཕྲོག་པར་བྱེད་པ། ཕྱག་ཞབས་དཔལ་གྱི་བེའུ་དང་བཀྲ་ཤིས་ཀྱི་རི་མོས་མཚན་པ་རྣམས་སོ། ། མངོན་རྟོགས་རྒྱན་དུ་མེད་ཀྱང་མཁོ་ཆེ་བས་གསུང་དབྱངས་ཡན་ལག་དྲུག་ཅུ་ཡང་ཕྱོགས་གཅིག་ཏུ་འབྲི་བར་བྱའོ། ། དེ་ནི་མཉེན་པ། འཇམ་པ། ཡིད་དུ་འོང་བ། ཡིད་དུ་འཐད་པ། དག་པ། དྲི་མ་མེད་པ། འོད་གསལ་བ། སྙན་ཅིང་འཇེབས་པ། མཉན་པར་འོས་པ། མི་ཚུགས་པ། སྙན་པ། དུལ་པ། མི་བརླང་བ། རབ་ཏུ་དུལ་བ། རྣར་སྙན་པ། ལུས་སིམ་པར་བྱེད་པ། སེམས་སིམ་པར་བྱེད་པ། སྙིང་དགའ་བར་བྱེད་པ། དགའ་བདེ་བསྐྱེད་པ། གདུང་བ་མེད་པ། ཀུན་ཤེས་པར་བྱ་བ། རྣམ་པར་རིག་པར་བྱ་བ། རྣམ་པར་གསལ་བ།
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2021 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号