དེ་ཡང་རང་རེའི་ཡབ་མེས་རྣམས་ཀྱིས་གནའ་ནས་བཟུང་མདོ་དབུས་ས་མཐོའི་གནས་འདི་རུ་འཚོ་བ་རོལ་ཞིང་རིམ་གྱིས་ཞིང་ཕྱུགས་ཀྱི་ལས་སྒོ་དོན་དུ་གཉེར་བ་དང་མཉམ་དུ་ཀུན་གྱི་ལུས་སེམས་གཉིས་ཀའི་ལོངས་སྤྱོད་ལ་འཕྲོད་པའི་ས་སྐྱེས་རྡོ་སྐྱེས་ཀྱི་རིག་གནས་ཕུན་སུམ་ཚོགས་པ་ཞིག་བོད་ཡུལ་མཛེས་པའི་དཔལ་དུ་བསྐྲུན་ཡོད་མོད། འོན་ཀྱང་། དེང་གི་དུས་འདིར།རིག་གནས་གསར་བའི་བརྡབ་གསིག་གི་དབང་གིས་རྩམ་དྲི་དང་མར་དྲིས་ཁྱབ་པའི་རིག་གནས་འབོར་ཆེན་ཞིག་ཉམས་དམས་སུ་སོང་དང་འགྲོ་བཞིན་ཡོད་པ་དཔེར་ན་སྔོན་ཆད་བོད་མི་སུ་ཞིག་ལ་མཚོན་འང་རྩེད་མ་མྱོང་བ་མེད་པའི་ཐེ་གེ་རྩེད་སྲོལ་ལྟ་བུ་ཡང་ད་ལྟ་ཉམས་རྒུད་དུ་གྱུར་ནས་མེད་བརླག་ཏུ་འགྲོ་ཉེན་ལ་ཐུག་ཡོད་པས། ཐེངས་འདིར་ངེད་གངས་རྒྱན་སློབ་གྲྭས་མཉམ་འབྲེལ་རྒྱལ་ཚོགས་རིག་སློབ་ཚན་གསུམ་རྩ་འཛུགས་དང་མཉམ་ཏུ་ཐེ་གེའི་རོལ་རྩེད་འདི་ཉིད་གྲོང་ཁྱེར་བོད་རིགས་བྱིས་པར་ཁྱབ་བརྡལ་ཏུ་གཏོང་བའི་སློབ་ཁྲིད་བྱ་འགུལ་འདི་ལྟ་བུ་ཞིག་སྤེལ་བ་ཡིན་ལ།འདིའང་མེ་ཏོག་ཆུང་རུང་ལྷ་རྫས་ཀྱི་ཚུལ་དུ་བོད་ཀྱི་རིག་གནས་ཉམས་པ་སོར་ཆུད་དང་མི་ཉམས་གོང་འཕེལ་དུ་འགྲོ་བའི་རྒྱུར་གྱུག་ཅིག་གུ །