ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > སྲོལ་རྒྱུན་རིག་ཚན།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་དག་ཡིག་མཁས་པའི་འབྱུང་གནས་ཞེས་བྱ་བ་ལས་གཏན་ཚིགས
སྤེལ་དུས།05-16  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ།
དང་པོ་རྟོགས་མ་རྟོགས་གཉིས་སུ་དབྱེ་བ་ལ། རྟོགས་པའི་བློ་དང་མ་རྟོགས་པའི་བློ་གཉིས།རྟོགས་པ་ལ་དངོས་རྟོགས་ཤུགས་རྟོགས་གཉིས། དེ་ལ་ཡང་སྤྱིར་ཚད་མའི་དངོས་རྟོགས་ཤུགས་རྟོགས། མངོན་སུམ་ཚད་མའི་དངོས་རྟོགས་ཤུགས་རྟོགས། རྗེས་དཔག་ཚད་མའི་དངོས་རྟོགས་ཤུགས་རྟོགས། ཚད་མ་མ་ཡིན་པའི་དངོས་རྟོགས་ཤུགས་རྟོགས་ཏེ་བཞི། མ་རྟོགས་པའི་བློ་ལ།མ་རྟོགས་ལོག་རྟོག་ཐེ་ཚོམ་གསུམ། མ་རྟོགས་པ་ལའང་སྣང་ལ་མ་ངེས་ཀྱི་བློ་དང༌། རྟོག་མེད་ལོག་ཤེས་གཉིས་སོ།།
གཉིས་པ་བདུན་དུ་དབྱེ་བ་ལ་ཡིད་དཔྱོད། སྣང་ལ་མ་ངེས་པ། བཅད་ཤེས། ལོག་ཤེས།ཐེ་ཚོམ། མངོན་གསུམ། རྗེས་དཔག་དང་བདུན་ནོ།   །ཡིད་དཔྱོད་ལ། རྒྱུ་མཚན་ཅན་དང༌།རྒྱུ་མཚན་མེད་པའི་ཡིད་དཔྱོད་གཉིས། སྣང་ལ་མ་ངེས་བའི་བློ་ལ།   རང་ཡིན་པར་གྱུར་པའི་དབང་མངོན། ཡིད་མངོན། རང་རིག་གསུམ་མོ། །དེ་ལ་རང་རིག་མེད་པར་འདོད་པའི་ལུགས་ཀྱང་ཡོད་དོ།།བཅད་ཤེས་ལ། མངོན་སུམ་བཅད་ཤེས། རྟོགས་པ་བཅད་ཤེས། དེ་གང་རུང་མ་ཡིན་པར་གྱུར་པའི་བཅད་ཤེས་ཏེ་གསུམ།   བཅད་ཤེས་ལ་དྲན་པས་ཁྱབ་པར་བཞེད་པའི་ལུགས་ཀྱང་ཡོད་དོ།   །ལོག་ཤེས་ལ།རྟོག་པར་གྱུར་པའི་ལོག་ཤེས། རྟོག་མེད་དུ་གྱུར་པའི་ལོག་ཤེས་གཉིས།ཕྱི་མ་ལ་རང་ཡིན་གྱི་དབང་ཤེས་དང་ཡིད་ཤེས་གཉིས། ཐེ་ཚོམ་ལ།དོན་འགྱུར་གྱི་ཐེ་ཚོམ།དོན་མི་འགྱུར་གྱི་ཐེ་ཚོམ།   ཆ་མཉམ་པའི་ཐེ་ཚོམ་གསུམ་མོ། །
གསུམ་པ་རྟོག་བཅས་རྟོག་མེད་ཀྱི་དབྱེ་བ་ལ། རྟོག་པ་ནི་སྒྲ་དོན་འཛིན་པའི་བློའམ་སྒྲ་དོན་འདྲེས་རུང་དུ་འཛིན་པའི་ཞེན་རིག་གོ། །དབྱེ་ན།དོན་སྦྱོར་རྟོག་པ། མིང་སྦྱོར་རྟོག་པ་གཉིས།ཡང་ན་བརྡའ་རྟེན་ཅན་གྱི་རྟོག་པ།དོན་གཞན་ལ་སྒྲོ་འདོགས་པའི་རྟོག་པ།   ལྐོག་ཏུ་གྱུར་པའི་དོན་ཅན་གྱི་རྟོག་པ་སྟེ་གསུམ། ཡང་ན་མ་རྟོགས་པའི་རྟོག་པ།ངེས་ཤེས་གཉིས།   དང་པོ་ལ།ལོག་རྟོག ཐེ་ཚོམ་གཉིས།ཕྱི་མ་ལ་རྗེས་དཔག་ཚད་མ་དང༌། བཅད་ཤེས་གཉིས་རྣམས་སོ།   །བཞི་པ་ཚད་མ་དང་། ཚད་མིན་གཉིས་སུ་དབྱེ་བ་ལ།   ཚད་མ་ལ།   རང་ལས་ངེས་ཀྱི་ཚད་མ་དང་གཞན་ལས་ངེས་ཀྱི་ཚད་མ་གཉིས།ཡང་ན་མངོན་སུམ་ཚད་མ་དང༌།རྗེས་དཔག་ཚད་མ་གཉིས།ཚད་མ་མ་ཡིན་པ་ལ།རང་ཡིན་དུ་གྱུར་པའི་རྟོག་བཅས་རྟོག་མེད་གཉིས་སོ། །ལྔ་པ་མངོན་སུམ་རྗེས་དཔག་གཉིས་ཀྱི་དབྱེ་བ་ཁྱད་པར་དུ་བཤད་པ་ལ།མངོན་སུམ་ལ་དབྱེ་ན།དབང་པོའི་མངོན་སུམ།   ཡིད་ཀྱི་མངོན་སུམ།རང་རིག་མངོན་སུམ།རྣལ་འབྱོར་མངོན་སུམ་དང་བཞིའོ། །དེ་རེ་རེ་ལའང་ཚད་མ། ཚད་མིན་གཉིས་རེ་ཡོད་ལ།དབྱེ་ན་གཟུགས་འཛིན་དབང་པོའི་མངོན་སུམ་སོགས་ལྔའོ། །དེ་རེ་རེ་ལ་རྐྱེན་གསུམ་གསུམ་སྟེ།དམིགས་རྐྱེན།བདག་རྐྱེན། དེ་མ་ཐག་རྐྱེན་ནོ།   ། ཡིད་ཀྱི་མངོན་སུམ་ནི།གཟུགས་འཛིན་ཡིད་ཀྱི་མངོན་སུམ་སོགས་ལྔའོ། ། དབང་མངོན་དང༌། ཡིད་མངོན་སྐྱེ་ཚུལ་ལ་མངོན་སུམ་འགྲོས་གཅིག་པ་དང༌།འགྲོས་གསུམ་པ་དང༌།སྤེལ་མར་སྐྱེབ་དང༌། རྒྱུན་མཐར་སྐྱེ་བ་་སོགས་ལུགས་དུ་མ་ཡོད་དོ། །གསུམ་པ་རང་རིག་ནི། ཁ་ནང་ལྟ་བའི་འཛིན་རྣམ་སྟེ་འདི་མ་གཏོགས་གཞན་རྣམས་ལ་ཁ་ཕྱིར་ལྟ་བའི་ཤེས་པ་དང༌། གཟུང་རྣམ། དོན་རྣམ། གཞན་རིག་ཞེས་བཤད་ལ། འདི་ལ་ཁ་ནང་ལྟ་བའི་ཤེས་པ་དང༌། འཛིན་རྣམ། རང་རིག་ཞེས་བཤད་དོ།།
ཞར་བྱུང་ཚད་འབྲས་ཀྱི་རྣམ་བཞག་ལ་འབྲས་རྟོག་དང་པོའི་རྣམ་བཞག་ནི།གཟུགས་གཞལ་བྱ། དེའི་རྣམ་པ་ཤར་ནས་དེ་ལ་གསར་དུ་མི་སླུ་བའི་ཤེས་པ་ཚད་མ། གཟུགས་རྟོགས་པ་འབྲས་བུའོ།   ། འབྲས་རྟོགས་གཉིས་པ་ལ་གཟུང་བའི་རྣམ་པ་གཞལ་བྱ།   དེ་ལ་མི་སླུ་བའི་འཛིན་རྣམ་ཚད་མ།རང་རིག་པ་འབྲས་བུའོ། །འབྲས་རྟོག་གསུམ་པ་ལ།   མདོ་སྡེ་པས་ཕྱི་རོལ་དོན་དུ་འདོད་པའི་གཟུགས་གཞལ་བྱ། རང་ཡུལ་གྱི་རྣམ་པ་ཤར་ནས་དེ་ལ་གསར་དུ་མི་སླུ་བའི་ཤེས་པ་ཚད་མ།   ཤེས་པའི་བདག་ཉིད་དུ་གྱུར་པའི་གཟུགས་རྟོགས་པའི་ཚད་མ་འབྲས་བུའོ། །ཕྱི་མ་འདི་ལ་མི་མཐུན་པ་མང་དུ་སྣང་ཡང་འདིར་མིང་གི་རྣམ་གྲངས་ཙམ་ལ་བསྟན་བཅོས་རིགས་པའི་རྒྱན་ལྟར་བཤད་པ་ཡིན་གྱི་རང་ལུགས་སུ་ཇི་ལྟར་ཁས་ལེན་པའི་ཚུལ་ནི་གཞན་དུ་བཤད་པར་བྱའོ། །བཞི་པ་རྣལ་འབྱོར་མངོན་སུམ་ལ།ཉན་ཐོས།རང་རྒྱ་ལ།བྱང་སེམས་འཕགས་པ། སངས་རྒྱས་ཀྱི་རྒྱུད་ཀྱི་རྣལ་འབྱོར་མངོན་སུམ་སྟེ་བཞིའོ།   ། འདིའི་སྐབས་ཀྱི་བདེན་བཞིའི་རང་བཞིན་དང༌།དབྱེ་བ་སོགས་ནི་མངོན་པའི་སྐབས་སུ་བཤད་ཟིན་ཏོ།    །
མངོན་སུམ་ལྟར་སྣང་ལ།འཁྲུལ་པའི་རྟོག་པ།ཀུན་རྫོབ་པའི་རྟོག་པ། རྗེས་དཔག་གི་རྟོག་པ།རྗེས་སུ་དཔག་པ་ལས་བྱུང་བའི་རྟོག་པ།   དྲན་པའི་རྟོག་པ། མངོན་འདོད་ཀྱི་འདོད་པ་སྟེ་རྟོག་པ་མངོན་སུམ་ལྟར་སྣང་དྲུག་དང༌།རྟོག་མེད་མངོན་སུམ་ལྟར་སྣང་གཅིག་སྟེ་བདུན་ནོ།། རྗེསདཔག་ནི་རང་གི་རྟེན་ཚུལ་གསུམ་ཚང་བའི་རྟགས་ལ་བསྟེན་ནས་རང་གི་གཞལ་བྱ་ལྐོག་གྱུར་རྗེས་སུ་དཔོག་པའོ།།སྒྲས་བརྗོད་ཀྱིས་དབྱེ་ན།རང་དོན་རྗེས་དཔག་དང༌།གཞན་དོན་རྗེས་དཔག་གཉིས།རང་དོན་རྗེས་དཔག རྗེས་དཔག   རྗེས་སུ་དཔག་པའི་ཚད་མ་རྣམས་དོན་གཅིག དབྱེ་ན་དངོས་པོ་སྟོབས་ཞུགས་ཀྱི་རྗེས་དཔག གྲགས་པའི་རྗེས་དཔག ཡིད་ཆེས་པའི་རྗེས་དཔག་དང་གསུམམོ།།རྗེས་དཔག་གི་རྒྱུ་རྟགས་འཛིན་སེམས་ནི།རྟགས་ཀྱི་ཚུལ་འཛིན་པའི་བློའོ།   །ཚུལ་གསུམ་དུས་གཅིག་ཏུ་དྲན་པའི་བློ་ལ་བཞེད་པ་ཡང་ཡོད་དོ། །དབྱེ་ན་ཕྱོགས་ཆོས་འཇལ་བ་དང༌། ཁྱབ་པ་འཇལ་བ་གཉིས་སོ། དེ་རེ་རེ་ལའང་ཚད་མ་དང་བཅད་ཤེས་གཉིས་གཉིས་ཡོད་བར་བཤད་དོ། །
རྗེས་དཔག་གི་རྟེནགཏན་ཚིགས་ལ། རྟགས། རྒྱུ་མཚན། གཏན་ཚིགས་རྣམས་དོན་གཅིག་དེ་སྒྲུབ་ཀྱི་རྟགས་དང༌། དེ་སྒྲུབ་ཀྱི་གཏན་ཚིགས་སོགས་ཀྱང་དོན་གཅིག དབྱེ་ན་རྟགས་ཡང་དག་དང་།རྟགས་ལྟར་སྣང་གཉིས། རྟགས་ཡང་དག་གི་མཚན་ཉིད་ནི།   ཚུལ་གསུམ་ཚང་བའམ་ཚུལ་གསུམ་ཡིན་པའོ།  །ཚུལ་གསུམ་ནི།  ཕྱོགས་ཆོས།རྗེས་འགྲོའི་ཁྱབ་པ།  ལྡོག་པའི་ཁྱབ་པ་སྟེ་གསུམ་མོ། ། དེ་སྒྲུབ་ཀྱི་ཆོས་དང་ཆོས་ཅན་གྱི་ཚོགས་དོན་ནི།དེ་སྒྲུབ་ཀྱི་རྗེས་སུ་དཔག་པར་བྱ་བ།དེ་སྒྲུབ་ཀྱི་ཕྱོགས།དེ་སྒྲུབ་ཀྱི་སྒྲུབ་བྱ།དེ་སྒྲུབ་ཀྱི་དམ་བཅའ་རྣམས་ཡིན་ལ། དེ་སྒྲུབ་ཀྱི་ཆོས་དང།སྒྲུབ་བྱའི་ཆོས་གཉིས་དོན་གཅིག རྗེས་སུ་དཔག་པར་བྱ་བའི་གཞི། ཕྱོགས་ཆོས་ཞེས་པའི་ཚིག་ཟུར་གྱི་ཕྱོགས།རྩོད་གཞི།དཔག་གཞི།ཤེས་འདོད་ཆོས་ཅན་རྣམས་དོན་གཅིག དེ་སྒྲུབ་ཀྱི་བསྒྲུབ་པའི་ཆོས།ཕྱོགས་ཀྱི་ཆོས། གཏན་ཚིགས། རྟགས།རྒྱུ་མཚན་རྣམས་དོན་གཅིག དཔེར་ན་སྒྲ་ཆོས་ཅན། མི་རྟག་སྟེ། བྱས་པའི་ཕྱིར་ཞེས་པ་ལྟ་བུ་ལ་མཚོན་ན། སྒྲ་ནི་དེ་སྒྲུབ་ཀྱི་ཆོས་ཅན་ཡིན་ཞིང། ཆོས་ཅན་ཞེས་པའི་ཆོས་ནི། རྟགས་ཆོས་གཉིས་ཡིན་ལ། དེ་གཉིས་དང་ལྡན་པས་ན་ཆོས་ཅན་ཞེས་བྱའོ། སྒྲ་མི་རྟག་པ་དེ་སྒྲུབ་ཀྱི་སྒྲུབ་བྱ་ཡིན་ལ། མི་རྟག་པ་དེ་སྒྲུབ་ཀྱི་སྒྲུབ་བྱའི་ཆོས་ཡིན། བྱས་པ་དེ་སྒྲུབ་ཀྱི་གཏན་ཚིགས་སོ། །སྤྱིར་ཕྱོགས་ཀྱི་སྒྲ་ནི་ཤེས་འདོད་ཆོས་ཅན་དང༌།སྒྲུབ་བྱའི་ཆོས་དང༌།  དེ་གཉིས་ཀའི་ཚོགས་དོན་
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2021 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号