ཀ་མ་ཀ་ཡེ་དེའི་རྩེད་ལུགས་ནི་ཤིང་ལེབ་རིང་པོ་ཞིག་གི་ཡར་མར་གྱི་དཀྱིལ་མཚམས་སུ་མི་ཞིག་གི་གཟུགས་གཞིའི་མཐོ་ཚད་དང་འདྲ་བའི་སྟེགས་ཤིང་ངམ་སྟེགས་རྩིག་གང་རུང་ཞིག་བཟོས་རྗེས་ཤིང་ལེབ་ཀྱི་སྣེ་གཉིས་ལ་མི་བསྡད་དེ་གཡས་གཡོན་རེས་མོས་སུ་ཡར་འདེགས་མར་འཇགས་བྱེད་པའི་བྱིས་པའི་རྩེད་མོ་ཉེན་ཁ་ཅན་ཞིག་ཡིན་ལ།   ཡང་ས་ཆ་ཁ་ཤས་སུ་ཐག་པ་སྡོང་པོའི་ཡལ་གར་བསྐོན་ཞིང་སྣེ་གཉིས་མདུད་པའི་ཁུག་མགོར་མི་བསྡད་དེ་ཕར་གཡུག་ཚུར་གཡུག་བྱེད་པ་ལའང་མིང་དེ་ལྟར་འབོད།   

དོན་ལ་དེ་གཉིས་ནི་རྒྱ་མི་རིགས་ཀྱི་(秋千)རྩེད་འཇོ་དང་ཤིན་ཏུ་མཚུངས་བཅས་ནི་རྩེད་འཇོའི་ཁྲོད་ནས་སྙིང་སྟོབས་ལ་ཚོད་བགམ་དང་སྦྱོང་བརྡར་བྱེད་པའི་སྐོར་རེད་ལ། དེས་མི་རྣམས་ལ་དཔའ་ངར་ལྡན་ཞིང་བློ་རིག་སྐྱེད་སྲིང་བྱ་རྒྱུར་ཕན་ནུས་ངེས་ཅན་ལྡན།།