སློབ་ཚན་བཅུ་གསུམ་པ། སྐྱིད་པའི་ལྷ་སྲས་ཞེས་པའི་་སློབ་ཁྲིད་སྔོན་གྱི་བཤད་པ།
དང་པོ། བསླབ་བྱ་ངོ་སྤྲོད།
འདིར་བཞུགས་ཀྱི་དགེ་རྒན་་རྣམ་པ། བདེ་ལེགས་། དེ་རིང་ངའི་འཁྲིད་བྱ་ནི་དམའ་གཅིག་སྐད་ཡིག་སྨད་ཆའི་སློབ་ཚན་བཅུ་གསུམ་པ་སྟེ། སྐྱིད་པའི་ལྷ་སྲས་ཞེས་པ་དེ་་ཡིན། སློབ་ཐུན་འདིའི་ནང་གི་ཁྲིད་བྱའི་ནང་དོན་ནི་སློབ་ཚན་ལ་གོ་བ་ཟབ་མོ་ལེན་པ་དང་། དེའི་ལོ་རྒྱུས་ཀྱི་དོན་དངོས།
འབྲེལ་ཡོད་ལོ་རྒྱུས་མི་སྣ་དང་ལོ་རྒྱུས་ཐ་སྙད་སོགས་ཀྱི་དོན་གོ་བ་དེ་ཡིན།
གཉིས་པ། སློབ་ཁྲིད་ཀྱི་དམིགས་འབེན་བཤད་པ།
ཀ ཤེས་བྱའི་དམིགས་འབེན།
༡ སློབ་ཚན་ཡང་ཡང་གྱེར་འདོན་བྱེད་པ་དང་སློབ་ཚན་ནང་གི་མི་སྣ་སོ་སོའི་མིང་དང་གོ་གནས། དེ་དག་གི་འབྲེལ་བར་རྒྱུས་ལོན་བྱེད་དགོས།
༢ སློབ་ཚན་འདིའི་ལོ་རྒྱུས་རྒྱབ་ལྗོངས་ཤེས་རྟོགས་བྱུང་བ་བརྒྱུད་དེ་སློབ་ཚན་གྱི་ནང་དོན་གཏམ་རྒྱུད་ཀྱི་ཚུལ་དུ་ཕན་ཚུན་ལ་བཤད་ཤེས་དགོས།
ཁ ནུས་པའི་དམིགས་འབེན།
༣ སློབ་ཚན་གྱེར་ཀློག་དང་ནང་དོན་ལ་རྩད་ཞིབ་བྱས་པ་བརྒྱུད་ནས་སློབ་མའི་ལྟ་ཀློག་གི་ནུས་པ་ཇེ་མཐོར་གཏོང་དགོས།
ག སློབ་ཁྲིད་ཀྱི་དཀའ་གཙོ་གནད།
༡སློང་ཚན་འདིར་ བོད་རྒྱལ་སྲོང་བཙན་སྒམ་པོ་ཆུང་ངུ་དུས་ནས་བློ་རིག་ལྡན་པ་དང་གནད་དོན་ལ་བསམ་གཞིག་བྱེད་མཁས་པའི་མི་
འཇོན་ཐང་ཅན་ཞིག་ཇི་ལྟར་ཡིན་པར་ཤེས་རྒྱུ་ནི་སློབ་ཁྲིད་ཀྱི་གཙོ་གནད་ཡིན།
༢ སློབ་ཚན་ནང་གི་མགུར་གླུའི་ནང་དོན་དང་མཚོན་དོན་ལ་དབྱེ་ཞིབ་བྱེད་པ་ནི་སློབ་ཁྲིད་ཀྱི་དཀའ་གནད་ཡིན།
གསུམ་པ། ཁྲིད་ཐབས་དང་སློབ་ཐབས་བཤད་པ།
༡ ཁྲིད་སྟོན་བྱེད་གཞིའི་རེ་བ་ལྟར་སློབ་ཚན་ལ་སྔོན་སྦྱོང་བྱེད་པ་དང་འབྲི་བ།
༢ དོགས་གཞི་ཅན་གྱི་དྲི་བ་འཚོལ་བ་དང་རྩད་ཞིབ་བྱེད་པ།
༣ མཉམ་འབྲེལ་སྒོས་དྲི་བའི་གནད་དོན་ཐག་གཅོད་བྱེད་པ།
༤ ཚོ་ཆུང་རང་རང་གི་བསམ་ཚུལ་ལྟར་དྲིས་ལན་འགྲེམ་སྟོན་བྱེད་པ།
༥ སློབ་ཐུན་སྤྱི་སྡོམ་བྱེད་པ་དང་ཤེས་ཟིན་པར་བརྟན་ཆགས་བྱེད་པ།
༦ སློབ་ཁྲིད་རྗེས་ཀྱི་སྦྱོང་བརྡར་དང་ལས་བྱ་བཀོད་སྒྲིག
བཞི་བ། སློབ་ཁྲིད་ཀྱི་བརྒྱུད་རིམ་བཤད་པ།
ཀ སློབ་ཚན་ངོ་སྤྲོད།
ཁ སྔོན་སྦྱོང་བྱས་ཡོད་མེད་ལ་བལྟ་བ་དང་དཔྱད་འཇོག
ག སློབ་ཁྲིད་ཀྱི་དམིགས་འབེན་ངོ་སྤྲོད།
ང སློབ་ཚན་གྱི་ནང་དོན་དང་བསྟུན་ནས་འཚོལ་དཔྱོད་ཀྱི་ དྲི་བ་དག་ལ་རྩད་ཞིབ་བྱེད་པ།
ཅ འགྲེམ་སྟོན་སྟོང་དཀྲུགས་མར་ལོ།
ཆ སྦྱོང་བརྡར་རིག་པའི་ཚད་འཇལ།
ཇ སྤྱི་སྡོམ་བདུད་རྩིའི་ཐིགས་པ།
ཉ སྣོད་ལྡན་སློབ་མའི་ལེགས་སྐྱེས།
ལྔ་བ། སློབ་ཁྲིད་ཀྱི་ཡོ་བྱད་བཤད་པ།
སྨྱན་མང་གཟུགས་དང་་ཁྲིད་སྟོན་བྱེད་གཞི། འབྲེལ་ཡོད་འདྲ་པར་སོགས།
དྲུག་པ། ནུས་པ་བསྐྱེད་བསྲིང་།
འབྲས་ལེགས་སློབ་ཁྲིད་ཀྱི་རེ་བ་ལྟར་སློབ་མའི་རང་འགུལ་སློབ་སྦྱོང་གི་ནུས་པ་བསྐྱེད་སྲིང་དང་། ཚོ་ཆུང་མཉམ་འབྲེལ་སྒོས་སློབ་སྦྱོང་བྱེད་པ།
རང་འགུལ་གྱི་འདྲི་གཞི་བཟོ་བ་དང། འདྲི་གཞི་དེ་དག་ཕན་ཚུན་ལ་རྩད་ཞིབ་བྱེད་པ། འདྲི་གཞི་ཀུན་མཉམ་འབྲེལ་སྒོས་ཐག་གཅོད་བྱེད་པའི་ནུས་པ་གསོ་སྐྱོང་བྱ་རྒྱུ།
དོན་གྲུབ་ནས།
