༡༣ སྐྱིད་པའི་ལྷ་སྲས།
༼ ཐུན་དང་པོ ༽
དང་པོ། ཐོས་བརྩོན་འཇུག་པའི་དམིགས་འབེན།
༡ སློབ་ཚན་ཡང་ཡང་གྱེར་འདོན་བྱེད་པ་དང་སློབ་ཚན་ནང་གི་མི་སྣ་སོ་སོའི་མིང་དང་གོ་གནས།དེ་དག་
གི་འབྲེལ་བར་རྒྱུས་ལོན་བྱེད་དགོས།
༢ སློབ་ཚན་འདིའི་ལོ་རྒྱུས་རྒྱབ་ལྗོངས་ཤེས་རྟོགས་བྱུང་བ་བརྒྱུད་དེ་སློབ་ཚན་གྱི་ནང་དོན་གཏམ་རྒྱུད་ཀྱི་
ཚུལ་དུ་ཕན་ཚུན་ལ་བཤད་ཤེས་དགོས།
༣ སློབ་ཚན་གྱེར་ཀློག་དང་ནང་དོན་ལ་རྩད་ཞིབ་བྱས་པ་བརྒྱུད་ནས་སློབ་མའི་ལྟ་ཀློག་གི་ནུས་པ་ཇེ་མཐོར་
གཏོང་དགོས།
གཉིས་པ། གཙོ་གནད་འོ་མའི་མར་ལོ།
སློབ་ཚན་འདིའི་ནང་དོན་ལ་གོ་བ་གཏིང་ཟབ་ལོན་པ་དང་སྐུ་ན་ཆུང་བའི་བོད་རྒྱལ་སྲོང་བཙན་སྒམ་པོ་ནི་
མི་ཇི་འདྲ་ཞིག་ཡིན་པ་ཤེས་དགོས།
གསུམ་པ། དཀའ་གནད་མདུད་པ་རང་གྲོལ།
སློབ་ཚན་འདིའི་ལོ་རྒྱུས་ཀྱི་རྒྱབ་ལྗོངས་དང་མགུར་གླུའི་ནང་དོན་ལ་གོ་བ་ལེན་རྒྱུ།
བཞི་བ། རམ་འདེགས་དུས་ཐོག་ཆར་བ།
ཀ ལོ་རྒྱུས་མི་སྣ་ངོ་སྤྲོད།
༡སྟག་རི་གཉན་གཟིགས་ཡབ་སྲས། བོད་ཀྱི་རྒྱལ་རབས་སོ་གཅིག་པ་དང་སོ་གཉིས་པ་ཡིན་ལ།
རྗེ་འདི་གཉིས་ཀྱི་རིང་ནས་བཟུང་སྟེ་སྤུར་རྒྱལ་བོད་ཀྱི་ཆབ་སྲིད་མཐའ་བཞིར་བསྐྱེད་པའི་མགོ་ བརྩམས།
༢ཁྱུང་པོ་སྤུང་སད་དང་མྱང་ཙེང་སྐུ། ཁྱུང་པོ་སྤུང་ཟད་ཟུ་ཙེ་ནི་དེ་སྔ་གཙང་གི་རྒྱལ་པོའི་བློན་པོ་
ཡིན་ཞིང་རྗེས་སུ་གཙང་རྗེ་མར་མུན་གྱི་མགོ་བཅད་དེ་དུད་ཁྱིམ་ཉིས་ཁྲི་བཅས་བོད་ཀྱི་རྒྱལ་པོ་༼ གནམ་རི་སྲོང་བཙན ༽ལ་མགོ་བཏགས་ཞུས། མྱང་ཙེང་སྐུ་ནི་དེ་སྔ་ཟིང་པོ་རྗེ་ཁྲི་པང་སུམ་གྱི་
བློན་པོ་ཡིན་ཞིང་རྗེས་སུ་སྤུར་རྒྱལ་བཙན་པོ་གནམ་རི་སྲོང་བཙན་ལ་མགོ་བཏགས་ནས་ཟིང་རྗེ་བཀུམ།
༣སེང་གོ་མྱི་ཆེན། གནམ་རི་སྲོང་བཙན་གྱི་བློན་པོ་ཞིག་ཡིན་སྟེ། སྙིང་སྟོབས་ཆེ་ལ་དཔའ་ངར་ལྡན་པ། གཡུལ་ཐབས་ལ་མཁས་པའི་མི་ཞིག་ཡིན། དྭགས་པོ་སྔར་ནས་སྤུར་རྒྱལ་གྱི་འབངས་སུ་ཡོད་པ་ལས་
ངོ་ལོག བཙན་པོས་སེང་གོ་མྱི་ཆེན་བྱ་བ་སླར་བསྡུ་བའི་དམག་དཔོན་དུ་བསྐོས་པ་དེས་ཀྱང་དྭགས་པོ་
ཐམས་ཅད་འབངས་སུ་བཀུག
༤མྱང་ཞང་སྣང་། མྱང་ཙེང་སྐུ་ཡི་བུ་ཡིན་ལ། སྲོང་བཙན་སྒམ་པོ་སྐུ་ན་ཆུང་དུས་ཀྱི་སྐུ་གྲོགས་
སུ་གྱུར་ཡོད།
༥སློན་བཙན་དང་སློན་ཀོལ། སློན་བཙན་ནི་གནམ་རི་སྲོང་བཙན་དང་སློན་ཀོལ་ནི་ཁོའི་གཅུང་
པོ་ཡིན།
༦དབའ་དབྱི་ཚབ་པང་ཏོ་རེ། སྔར་ཟིང་པོ་རྗེ་ཁྲི་པང་སུམ་གྱི་བློན་པོ་ཡིན་པ་དང་། རྗེས་སུ་
སྤུར་རྒྱལ་ལ་མགོ་བཏགས་ནས་གནམ་རི་སྲོང་བཙན་དང་སྲོང་བཙན་སྒམ་པོ་གཉིས་ཀྱི་བློན་པོར་གྱུར།
ཁ མིང་འགྲེལ།
སྤུར་རྒྱལ། སྔ་རབས་བོད་ཀྱི་ཡུལ་སྤྱི་ལ་ཟེར། སྐུ་ཡོན། ཡོན་ཏན་གྱི་ཞེ་ས།
བཙུད། འཛུད་པའི་འདས་ཚིག ལྕོགས། ཐུབ་པའམ་ནུས་པའི་དོན།
དོག་པ། ཕོན་པོའམ་ཆུན་པོ། མི་ཕོ། སྐྱེས་པ་རྒོད་པོ།
ག དོན་གྱི་ལོ་རྒྱུས་རྒྱབ་ལྗོངས།
༡ས་མོན་ཀའི་ཡུལ་ན་སྟག་མོ་གཅིག་ཞེས་པ་ནས་གངས་ཏི་སེའི་ཤྭ་རྐྱང་གཅིར་ཉེན་ཡོད། དེའི་དོན་གྱི་རྒྱབ་ལྗོངས་ནི་ཟིང་པོ་རྗེའི་རྒྱལ་སྲིད་མྱང་ཙེང་སྐུ་དང་དབས་དབྱི་ཚབ། མནོན་འདྲོན་པོ་
གསུམ་གྱིས་གནམ་རི་སྲོང་བཙན་ལ་ཕུལ་བ་དང་། ཁྱུང་པོ་སྤུང་སད་ཟུ་ཙེས་གཙང་གི་རྒྱལ་པོའི་
མགོ་བཅད་དེ་གནམ་རི་སྲོང་བཙན་ལ་ཕུལ་བ། སེང་གོ་མྱི་ཆེན་གྱིས་དྭགས་པོ་འབངས་སུ་བཀུག་
པར་གནམ་རི་སྲོང་བཙན་གྱིས་དགྱེས་སྟོན་གསོལ་བའི་དུས་སུ་ཁྱུང་པོ་སྤུང་སད་ཟུ་ཙེས་བླངས་པའི་
གླུ་ཚིག་ཡིན། མགུར་ཚིག་འདིའི་ནང་དུ་ཐོག་མར་རང་ཉིད་ཀྱི་བྱས་རྗེས་དང་ཡོན་ཏན་གྱི་ཆེ་བ་
བརྗོད་པ་དང་བར་དུ་བཙན་པོས་གཞན་བློན་ལ་སྙིང་ཉེ་བ་ལས་རང་ལ་མཐོང་ཆུང་བྱེད་པ་བྲིས་ཡོད།
མཇུག་མཐར་ཕྱིང་བ་སྟག་རྩེ་ལ་རོང་འབྲོག་དར་བའམ་ཡང་ན་སྟོབས་འབྱོར་རྒྱས་པ་ནི་བློན་པོ་ང་ཡིན་ ཞེས་རྗེ་བློན་རྣམས་ལ་དྲན་སྐུལ་བྱས་ཡོད།
༢ ཀྱེ་ན་ནིང་དང་གཞེས་ནིང་ལོ་ཡི་སྔོན་ཞེས་པ་ནས་མཁར་ཕྱིང་བ་སྟག་རྩེའི་སྣོན་མ་བྱས་
བར་གྱི་དོན་གྱི་རྒྱབ་ལྗོངས་ནི་ཁྱུང་པོ་སྤུང་སད་ཟུ་ཙེ་ཡིས་རང་ལ་འུད་བསྟོད་དང་། རྗེ་ལ་འཁང་ར།
བློན་ལ་ཕྲག་དོག་བཅས་བྱེད་པའི་མགུར་དེ་བླངས་པ་ན། བཙན་པོའི་ངག་བརྡ་བཞིན་མྱང་མང་པོ་
རྗེ་ཞང་སྣང་གིས་གླུ་དེ་བླངས་པ་ཡིན། དེའི་དོན་ནི་གནས་ལུགས་དང་ཡིན་ལུགས་མང་པོ་དྲངས་
ཏེ་བློན་པོ་བྱས་རྗེས་ཅན་རྣམས་ཀྱི་ཡོན་ཏན་གྱི་ཆེ་བ་བརྗོད་པ་དང་། ཁྱུང་པོ་སྤུང་ཟད་ཟུ་ཙེ་ཁྱོད་
ཀྱིས་ངོམ་སོ་དེ་འདྲ་བྱེད་པ་ནི་མི་འོས་པ་ཞིག་ཡིན་པ་བསྟན་ཡོད།
ལྔ་བ། སྔོན་སྦྱོང་རིག་བརྒྱའི་སྒོ་འབྱེད།
སློབ་ཚན་ཞིབ་བཀླགས་བྱས་པ་བརྒྱུད་གཤམ་གྱི་དྲི་བ་དག་ལ་ལན་གདབ་དགོས།
༡ཁྱུང་བོ་སྤུང་ཟད་ཟུ་ཙེ་ནི་དེ་སྔ་སུའི་བློན་པོ་ཡིན།ཁྱུང་བོ་སྤུང་ཟད་དང་མྱང་ཙེང་སྐུའི་བར་གྱི་འབྲེལ་བ་ནི། ལན།
༢ སྲོང་བཙན་སྒམ་པོ་དང་གནམ་རི་སྲོང་བཙན་བར་གྱི་འབྲེལ་བ་ནི།
ལན།
༣ མྱང་ཙེང་སྐུ་དང་མྱང་ཞང་སྣང་གི་འབྲེལ་བ་ནི།
ལན།
༤ ཁྱུང་བོ་སྤུང་ཟད་དང་མྱང་ཙེང་སྐུའི་བར་གྱི་འབྲེལ་བ་ནི།
ལན།
༦ མྱང་མང་པོ་རྗེ་ཞང་སྣང་བཙན་པོ་སུའི་བློན་པོ་ཡིན།
ལན།
༧ ཁྱུང་པོ་སྤུང་ཟད་ཟུ་ཙེའི་མགུར་གླུ་ལ་ལན་ལེན་མཁན་སུ་ཡིན།
ལན།
༨ ཐ་སྙད་ལ་མཆན་ཐོབས།
ཀླུམ། ཀླུམ་ཡ་གསུམ་གྱི་ཡུལ། བཀུམ།
བསྩལ། གཉན་པོ།
གཅིར།
༩ གཤམ་གྱི་མིང་དག་གི་མཚོན་དོན་ཅི་ཞིག་ཡིན་པ་ཤོད།
སྟག་མོ།_____ རྒོད།______ སྟག་ལྤགས།______
གཤོག་ཟུང་། _____ སྤུ་གསོབ་གསོབ། ______ རྒྱུ་མ།_______
དྲུག་པ། འཚོལ་དཔྱོད་གསེར་གྱི་ལྡེ་མིག
༡ མི་སྣའི་འབྲེལ་བར་ཐིག་གིས་སྦྲེལ་དགོས།
ཕ་བུའི་འབྲེལ་བ གནམ་རི་སྲོང་བཙན་དང་ཁྱུང་པོ་སྤུང་སད་ཟུ་ཙེ།
རྒྱལ་བློན་གྱི་འབྲེལ་བ སློན་བཙན་དང་སློན་ཀོན།
བློན་པོའི་འབྲེལ་བ གནམ་རི་སྲོང་བཙན་དང་སྲོང་བཙན་སྒམ་པོ།
ཕུ་ནུའི་འབྲེལ་བ མྱང་ཙེང་སྐུ་དང་ཞང་སྣང་།
ཕ་བུའི་འབྲེལ་བ ཁྱུང་པོ་སྤུང་སད་དང་མྱང་ཙེང་སྐུ།
༢ སློབ་ཚན་འདིའི་ནང་དུ་བློན་ཆེན་ཁྱུང་པོ་སྤུང་སད་ནི་མི་ཅི་འདྲ་ཞིག་ཡིན་པ་དང་། མཛད་རྗེས་ཆེ་ཤོས་ གང་དག་བཀོད་ཡོད།
ལན།
༣སློབ་ཚན་དུ་སེང་གོ་མི་ཆེན་ནི་མི་ཇི་ལྟ་བུ་ཞིག་ཡིན་པ་དང་། ཁོང་གི་མཛད་རྗེས་གཅོ་བོ་ནི།
ལན།
༤སྲོང་བཙན་སྒམ་པོའི་གཏམ་གླེང་དང་བྱ་བྱེད་གང་དག་ལས་ཁོང་ནི་ལོ་ན་ཆུང་ཡང་བློ་རིག་ལྡན་ལ་
གནད་དོན་ལ་བསམ་གཞིག་བྱེད་མཁས་པའི་མི་འཇོན་ཐང་ཅན་ཞིག་ཡིན་པ་ཤེས་ཐུབ།
ལན།
༥ ཁྱུང་པོ་སྤུང་སད་ཀྱིས་རྒྱལ་བློན་ཚོགས་པའི་གྲས་ནས་བླངས་པའི་མགུར་ཚིག་དེའི་མཚོན་དོན་ཅི་ཡིན།
ལན།
༦ ཞང་སྣང་གིས་གླུ་ལན་སློག་པའི་མགུར་ཚིག་དེའི་མཚོན་དོན་ཅི་ཡིན།
ལན།
༧ ཁྱོད་ཀྱིས་ལོ་རྒྱུས་སྒྲུང་གཏམ་འདི་གཞན་ལ་བཤད་ཐུབ་བམ།
དྲུག་པ། སྦྱོང་བརྡར་རིག་པའི་ཚད་འཇལ།
༡ གཤམ་གྱི་རྟགས་བཀོད་ཡོད་པའི་མིང་གི་བསྟན་དོན་གང་ཡིན་ཤོད།
ཀྱེ་ན་ནིང་ལོ་དང་གཞེས་ནིང་ལོ།། གཞེས་ནིང་ལོ་ཡི་སྔ་རོལ་དུ།།
སྟོད་ཏི་སེ་གངས་རི་དཀར་པོའི་དྲུང་།། ཤྭ་ཡུ་མོ་རྐྱང་དང་བསྡེབས་ནས་བཤར།།
དེ་བཤར་བ་ཤམ་པོའི་རྩ་ཡི་ཆེད།། དུས་དེ་རིང་གནངས་ཀ་བལྟས་ཙ་ན།།
༢ བརྡར་ཤ་གཅོད་པ།
ཀ ཟུ་ཙེ་དང་མྱང་མང་པོ་རྗེ་ཞང་སྣང་བར་གྱི་མགུར་གླུས་རྗེ་བློན་བར་གྱི་འགལ་བ་དང་། བློན་གསར་རྙིང་
བར་གྱི་འགལ་བ་མངོན་པར་མཚོན་ཡོད། ( )
ཁ མི་སྣའི་གཏམ་གླེང་དང་བྱ་བྱེད་ཞིབ་འབྲི་བྱས་ནས་མི་སྣའི་སྣང་བརྙན་གསར་བཞེངས་བྱས་པ་ནི་
རྩོམ་འདིའི་ཁྱད་ཆོས་སུ་བརྩི་འོས། ( )
ག སློབ་ཚན་དུ་སྲོང་བཙན་སྒམ་པོ་ནི་ཆུང་དུས་ནས་བཟུང་གནད་དོན་ལ་དབྱེ་ཞིབ་དང་བསམ་གཞིག་
གཏོང་བའི་སྙིང་སྟོབས་མངའ་བ་ཤེས་ཐུབ། ( )
བདུན་པ། སྣོད་ལྡན་སློབ་མའི་ལེགས་སྐྱེས།
༡ བཙན་པོའི་སྐབས་ཀྱི་ལོ་རྒྱུས་དཔེ་ཆར་བལྟ་བ།
༢ སྒྲུང་གཏམ་གྱི་རྩ་བའི་གྲུབ་ཆ་གསུམ་ནི་གང་དག་ཡིན།