རྟ་ཐོག་མདའ་རྩལ་ནི་རྟ་བཞོན་ཏེ་མདའ་དང་།   མེ་མདའ་ཚ་ཁ་ལྟ་བར་ཟེར་བ་ཡིན།  དེའང་གནའ་དུས་ཀྱི་འབྲོག་པའི་འཚོ་བ་དང་།  རི་དྭགས་རྔོན་པ།  དམག་དོན་སོགས་ལ་འབྲེལ་བ་གཏིང་ཟབ་ཡོད། བོད་རྒྱལ་སྲོང་བཙན་སྒམ་པོའི་དུས་སུ་རྟ་དམག་དཔུང་སྡེ་སྟོབས་ཆེན་ཡོད་སྟབས་དཔུང་སྡེ་དེའི་ནང་ནམ་རྒྱུན་དུ་རྟ་རྩལ་དང་།  རྟ་རྒྱུག    རྟ་ཐོག་མདའ་རྩལ་སོགས་ཀྱི་འགྲན་བསྡུར་བྱེད་བཞིན་ཡོད།     རྗེས་སུ་རིམ་བཞིན་སྲོལ་རྒྱུན་གྱི་ལུས་རྩལ་རྣམ་གྲངས་ཤིག་ཏུ་གྱུར་པ་རེད།ཡུལ་ལུང་མང་པོ་ཞིག་ལ་དུས་ཆེན་ཁག་ལ་རྟ་རྒྱུག་གཏོང་སྲོལ་ཡོད་པ་མ་ཟད།  རྟ་རྒྱུག་འགྲན་བསྡུར་ནང་ཞུགས་མཁན་མི་གྲངས་ཀྱང་ཧ་ཅང་མང་པོ་ཡོད་པས།    དེ་ནི་མང་ཚོགས་རང་བཞིན་ལྡན་པའི་ལུས་རྩལ་རྣམ་གྲངས་ཤིག་ཏུ་གྱུར་བ་ཡིན།