ད་སྔ་གཟིགས་བཞིན་པ།  མདུན་ངོས། > གཞུང་ལུགས་ཞིབ་འཇུག > རོལ་དབྱངས། ལུས་རྩལ། རི་མོ།
༄༅། །ཐག་མཆོང་།
སྤེལ་དུས།03-20  ཡོང་ཁུངས།http://www.teducn.com  རྩོམ་པ་པོ། ས་གོང་དབང་འདུས།

      ཐག་མཆོང་གི་རྩེད་མོའི་རྣམ་གྲངས་ལའང་རྐྱང་རྩེད་དང་།    སྡེབ་རྩེད་གཉིས་སུ་དབྱེ་ཆོག་ལ།རྐྱང་རྩེད་ནི་ཐག་པའི་གཞོགས་གཉིས་ནས་བྱིས་པ་གཉིས་ཀྱིས་ཐག་སྣེ་བཟུང་ཞིང་གཡུགས་པ་དང་ཆབས་ཅིག་དབུས་སུ་གཅིག་གིས་རྩེ་བ་ལྟ་བུ་་་་་་དང་།སྡེབ་རྩེད་ལའང་གཞོགས་གཡས་གཡོན་གཉིས་ནས་བྱིས་པ་གཉིས་ཀྱིས་ཐག་སྣེ་བཟུང་ཞིང་གཡུགས་པ་དང་ཆབས་ཅིག་བྱིས་པ་གཉིས་སམ་གསུམ་མམ་བའིའམ་ཐ་ན་བཅུ་གྲངས་འགའ་ཞིག་གིས་སྡེབ་མཆོང་གི་རྡོག་སྒྲ་གཅིག་ལྟ་  བུར་རྩེ་བ་དང་།  ཡར་མཆོང་སྐབས་ཕྱག་འབུལ་ཞུ་བ་དང་།    མར་བབས་སྐབས་ལག་ཟུང་སྐུམ་ནས་འོངས།ལག་གཉིས་སྐེད་གཟེར་བྱས་ཏེ་མཆོང་བའམ་གཡས་གཡོན་དུ་སྐོར་བ་རྒྱག་  ཅིང་མཆོང་བ།ས་སྟེང་ནས་དངོས་པོ་སྒྲུག་པ་སོགས་རྐང་ལག་གི་སྟངས་སྟབས་སྣ་ཚོགས་ཡོད་ལ།དེར་ད་དུང་གཞས་ཚིག་ཅིག་ཀྱང་ཡོད་དེ།          “གཅིག གཉིས། གསུམ་བྱས་ནས་རྡོ་གཅིག་བཞག     གཅིག  གཉིས། གསུམ་བྱས་ནས་རྡོ་གཅིག་སྒྲུག     བསིལ་བསིལ་བསིལ་ལ་འབབ་ཆར་ལེགས་མོ་ཡོད།རྨ་བྱའི་སྐོར་བ་གཡས་སྐོར་གཅིག་བརྒྱབ།    འཇོལ་མོའི་སྐོར་བ་གཡོན་སྐོར་གཅིག་བརྒྱབ།སྐོར་བ་གཡས་སྐོར་གཡས་ལ་བརྒྱབ་ནས་གཡས་ཀྱི་དར་ལྕོག་བཙུགས།སྐོར་བ་གཡོན་སྐོར་གཡོན་ལ་བརྒྱབ་ནས་གཡོན་གྱི་དར་ལྕོག་  བཙུགས་་་་་”ཞེས་པ་ལྟ་བུ་ཡིད་རྣའི་དབང་པོ་འགུགས་པའི་བརྗོད་དོན་མངའ་བ་ཞིག་ཡིན་ཏེ།    དེ་ཡང་འདབ་ཆགས་ནང་ནས་གཟུགས་མཛེས་ཤིང་ཡིད་དུ་འོང་བ་རྨ་བྱ་དང་།   རྣ་བར་སྙན་ཞིང་འཇེབས་པའི་སྐད་ཀྱི་འགྱུར་ཁུག་སྣ་ཚོགས་སྟེར་ནུས་པ་ཅན་གྱི་བྱིའུ་ཆུང་འཇོལ་མོ།མ་འོངས་པའི་ཕུགས་བསམ་མངོན་འགྱུར་ཡོང་སླད་ཀྱི་རས་ཚོན་སྣ་ལྔའི་བྱང་བུས་བརྒྱན་པའི་དར་ལྕོག་ཡལ་འདབ་ཕྲ་མོའི་མགོ་ལིང་ཅན་ཏེ།བཀྲ་ཤིས་ཤིང་རྟེན་འབྲེལ་ཡག་པའི་དངོས་པོ་དག་རྩེད་འཇོ་དང་སྦྲགས་བརྗོད་ཡོད་ལ།  དེ་དག་ལ་གོ་རིམ་དང་སྒྲིག་རིམ་བཅས་ཞིབ་ཅིང་ཚགས་དམ་པ་ཡོད་པས་ཐབས་རྩལ་ལ་བྱང་ཆ་།  མེད་པ་དང་རྐང་ལག་ལ་ལྡེམ་མྱུར་མེད་པ་འིག་རྩེད་འཇོ་དེ་དག་ལ་ཞུགས་རྒྱུ་ཅུང་དཀའ་འོ།།

རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2024 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号