དང་པོ། བྱ་འགུལ་གྱི་དམིགས་ཡུལ།
ངེད་མཚོ་ཉིན་ལྟེ་བའི་སློབ་ཆུང་གིས་སློབ་མ་རྣམས་ཀྱི་དགའ་ཕྱོགས་དང་རང་བཀུར་གྱི་འདུ་ཤེས། གླུ་གཞས་སྒྱུ་རྩལ་ལ་དུངས་ཞེན་གྱི་འདུན་པ་བཅས་བསྐྱེད་བསྲིང་དང་། སློབ་གྲྭའི་རིག་གནས་འཚོ་བ་ཕུན་སུམ་ཇེ་ཚོགས་སུ་གཏོང་བ་བརྒྱུད་སློབ་མའི་སྤྲོ་སེམས་དང་རང་བཀུར་གྱི་བསམ་བློ་གསོ་སྐྱོང་གི་སླད་དུ་སློབ་གྲྭའི་བྱ་བའི་འཆར་གཞི་ལྟར་༢༠༡༧ལོའི་ཟླ༥བའི་ཚེས་༡༨ཉིན་སློབ་མ་རྣམས་ལ་རང་ནུས་འདོན་སྤེལ་གྱི་གར་སྟེགས་ཤིག་བསྐྲུན་ཏེ་གླུ་དབྱངས་འགྲན་བསྡུར་གྱི་བྱ་འགུལ་སྤེལ་བ་རེད།
གཉིས་པ། བྱ་འགུལ་གྱི་བརྒྱུད་རིམ།
༡ བྱ་འགུལ་གྱི་ལག་བསྟར་ཇུས་གཞིའི་ནང་དོན་ལྟར་འཛིན་གྲྭ་སོ་སོས་འགྲན་ཞུགས་སློབ་མ་གསུམ་རེ་བདམས་རྗེས། གླུ་ཡི་ལེན་སྟངས་ཐད་མཛུབ་སྟོན་གང་ལེགས་བྱས།
༢ འཛིན་གྲྭ་ཡོངས་སློབ་རིམ་ལྟར་ཚན་ཁག་གསུམ་ལ་བགོས་ཤིང་། ཚན་ཁག་དང་འགྲན་ཞུགས་སློབ་མ་སོ་སོས་རྒྱན་བླངས་ཏེ་འགྲན་བསྡུར་གྱི་གོ་རིམ་གཏན་འཁེལ་བྱས།
༣ ཟླ་༥བའི་ཚེས་༡༨ཉིན་ཕྱི་དྲོ་སློབ་གྲྭའི་བཀོད་སྒྲིག་ལྟར་བྱ་འགུལ་དངོས་སུ་སྤེལ་བ་སྟེ། ཐོག་མར་མདོ་འཛིན་པས་བྱ་འགུལ་སྤེལ་བའི་དམིགས་ཡུལ་དང་རེ་འདུན་གསལ་བཤད་བྱས་པ་དང་། དེ་ནས་རྒྱན་བླངས་པའི་གོ་རིམ་ལྟར་འགྲན་བསྡུར་བྱས་པ་རེད།
འགྲན་བསྡུར་གྱི་གོ་རིམ་ཁྲོད་འགྲན་ཞུགས་སློབ་མ་ཚོས་སྐད་ངག་སྙན་མོ་དབྱངས་ཀྱི་རྟ་ལ་དྲངས་ཤིང་། མཛེས་པའི་འཛུམ་ཆུང་དགའ་བའི་གཞས་ལ་བཅོལ་ནས་ཐེངས་འདིའི་འགྲན་བསྡུར་ཁྲོད་རང་ནུས་ཅི་ལྕོགས་ཀྱིས་གཡུར་དུ་ཟ་བའི་གྲུབ་འབྲས་ཤིག་ལེན་པར་ནུས་པ་བཏོན།
གསུམ་པ། བྱ་འགུལ་གྱི་མཇུག་འབྲས།
ཐེངས་འདིའི་འགྲན་བསྡུར་གྱི་དཔྱད་འདེམས་པས་དྲང་སྙོམས་ཀྱི་དཔྱད་འདེམས་བྱས་པའི་གནས་ཚུལ་ལྟར་ཚན་ཁག་སོ་སོའི་ཨང་དང་པོ་གཅིག་དང་།
ཨང་གཉིས་པ་གཅིག ཨང་གསུམ་པ་གཅིག་བཅས་ལ་གཟེངས་རྟགས་དང་བྱ་དགའི་ལེགས་སྐྱེས་གནང་བ་དང་། རྗེས་མ་རྣམས་ལ་རྟིང་སྐུལ་བྱ་དགའ་གནངས་བ་རེད།
ཟུར་བཀོད། འགྲན་བསྡུར་ཁྲོད་བྱ་དགའ་ཐོབ་མཁན་གྱི་སློབ་མའི་མིང་ཐོ།
དམའ་རིམ་ཚན་ཁག
ཨང་དང་པོ། ལོ་རིམ་གཉིས་པའི་སློབ་མ་ཡུམ་འཚོ།
ཨང་གཉིས་པ། ལོ་རིམ་གཉིས་པའི་སློབ་མ་ཟླ་བ་དོན་གྲུབ།
ཨང་གསུམ་པ། ལོ་རིམ་དང་པོའི་སློབ་མ་མགོན་པོ་བསམ་འགྲུབ།
འབྲིང་རིམ་ཚན་ཁག
ཨང་དང་པོ། གསུམ་གཅིག་འཛིན་གྲྭའི་སློབ་མརིན་ཆེན་བཀྲ་ཤིས།
ཨང་གཉིས་པ། གསུམ་གཅིག་འཛིན་གྲྭའི་སློབ་མ་གཡང་འཛོམས་སྐྱིད།
ཨང་གསུམ་པ། ལོ་རིམ་བཞི་བའི་སློབ་མ་ལྷ་མོ་འཚོ།
མཐོ་རིམ་ཚན་ཁག
ཨང་དང་པོ། ལོ་རིམ་ལྔ་བའི་སློབ་མ་སངས་རྒྱས་བཀྲ་ཤིས།
ཨང་གཉིས་པ། ལོ་རིམ་ལྔ་བའི་སློབ་མ་འཇམ་དབྱངས་སྐྱིད།
ཨང་གསུམ་པ། ལོ་རིམ་དྲུག་པའི་སློབ་མ་བཀྲ་ཤིས་ལྷ་མོ།
༢༠༡༧ལོའི་ཟླ་༥ཚེས༡༨ཉིན།
