འདི་ཉིད་ཀྱི་འགྱུར་ལ། བསྟན་འགྱུར་ལས། དཔལ་ཧེ་རུ་ཀ་འབྱུང་བ་ཞེས་བྱ་བའི་དཀྱིལ་འཁོར་གྱི་ཆོ་ག་མཁས་པ་ཆེན་པོ་སློབ་དཔོན་ཉིན་མོའི་འབྱུང་གནས་ཟླ་བའི་ཞབས་ཀྱིས་མཛད་པ། དཔལ་ཧེ་རུ་ཀའི་མན་ངག་རང་བྱིན་གྱིས་བརླབས་པའི་རིམ་པ་ཞེས་བྱ་བ། རྒྱ་གར་གྱི་མཁས་པ་ཆེན་པོ་སྟོང་ཉིད་ཏིང་ངེ་འཛིན་གྱི་རྡོ་རྗེ་ཞེས་བྱ་བས་མཛད་པ། བོད་ཀྱི་ལོ་ཙྰ་བ་ཆེན་པོ་ཤེས་རབ་ཡེ་ཤེས་དང་། དཔྱལ་སེ་རྩ་བསོད་ནམས་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། ནམ་མཁའ་དང་མཉམ་པ་ཞེས་བྱ་བའི་རྒྱ་ཆེར་འགྲེལ་བ་པཎྡི་ཏ་རིན་ཆེན་འབྱུང་གནས་ཞི་བས་མཛད་པ། དཔལ་གསང་བ་འདུས་པའི་རྒྱུད་ཀྱི་དཀའ་འགྲེལ་ཞེས་བྱ་བ་རྩ་རྒྱུད་ལེའུ་བཅུ་བདུན་པ་སློབ་དཔོན་རྒྱལ་བས་བྱིན་གྱིས་མཛད་པ་དང་། རྒྱུད་ཕྱི་མ་ལེའུ་བཅོ་བརྒྱད་པ་དང་བཅས་པའི་འགྲེལ་བ་སློབ་དཔོན་སྨན་པའི་བུ་རྒྱལ་བས་བྱིན་གྱིས་མཛད་པ་གཉིས། ལོ་ཙྰ་བ་དགེ་སློང་ཤེས་རབ་ཡེ་ཤེས་ཀྱི་འགྱུར་ལ། སླད་ཀྱིས་ལྷ་ས་འཕྲུལ་སྣང་དུ་པཎྡི་ཏ་ཏིང་འཛིན་རྡོ་རྗེས་ཡང་ཞུ་ཆེན་བགྱིས། ཡང་སླད་ཀྱི་ལོ་ཙྰ་བ་དར་མ་གྲགས་ཀྱིས་བཅོས་པ་རྣམས་སོ། ། |
