འདི་ཉིད་ཀྱི་འགྱུར་ལ། བསྟན་འགྱུར་ལས། དཔལ་ནག་པོ་ཆེན་པོའི་སྒྲུབ་ཐབས། ཡང་ནག་པོའི་ཆེན་པོའི་སྒྲུབ་ཐབས། དཔལ་ནག་པོ་ཆེན་པོའི་བསྟོད་པ་རྐང་བ་བརྒྱད་པ་ཞེས་བྱ་བ་རྣམས་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ། དཔལ་ནག་པོ་ཆེན་པོ་ལ་བསྟོད་པ་སློབ་དཔོན་ཆེན་པོ་ཨ་ཝ་པས་མཛད་པ། རྗེ་བཙུན་དཔལ་ནག་པོ་ཆེན་པོ་ལ་བསྟོད་པ་དང་། བྱ་རོག་མིང་ཅན་དང་བྱ་རོག་གདོང་ཅན་ལ་བསྟོད་པ་རྩ་མི་སངས་རྒྱས་གྲགས་པས་མཛད་པ། སེ་ལོ་ཙྰ་བས་བོད་སྐད་དུ་བསྒྱུར་པ་འདི་ལ་ཐམས་ཅད་མཁྱེན་པ་བུ་སྟོན་གྱིས། འདི་གཉིས་རྩོམ་མཁན་བོད་ཀྱིས་བརྩམས་པ་ཡིན་ཀྱང་སཾ་སྐྲྀ་ཏའི་སྐད་དུ་བརྩམས་ཤིང་། བོད་སྐད་དུ་བསྒྱུར་པ་ཡིན་པས་སྔར་གྱི་རྣམས་གྱི་བྲིས་འདུག་པས་བྲིས་ཞེས་གསུང་ངོ་། ། |