བོད་ཅེས་པའི་མིང་འདི་ནི་གནའ་སྔ་མོ་ནས་ཆགས་པ་ཞིག་ཡིན་ལ།མཐའ་བཞིའི་རྒྱལ་ཁབ་དང་རྒྱལ་ཕྲན་ཚང་མས་ཀྱང་ང་ཚོ་ལ་བོད་ཅེས་འབོད།ཡིན་ནའང།བོད་ཅེས་པའི་མིང་གི་ཐོགས་དོན་ཐང།བཤད་ཚུལ་འདྲ་མིན་སྣ་ཚོགས་ཤིག་མཆིས་པས་མཐའ་གཅིག་ཏུ་འདི་ཡིན་འེས་ཁ་ཚོན་གཅོད་མི་ནུས་མོད། སྔོན་བྱོན་མཁས་དབང་དུ་མ་ཞིག་གིས་གནའ་སྔ་མོ་དུས་ཀྱི་བོད་ཁམས་གཡའ་དྲུག་དང༌། བོད་ཁ་ཉ་དྲུག   བོད་ཀ་གཡག་དྲུག་ཅེས་པ་ཚང་མ་དོན་གཅིག་མིང་གི་རྣམ་གྲངས་ཏེ་བོད་གདོད་མའི་སྤྱི་ཚོག་ཀྱི་སྐབས་སུ་བྱུང་བའི་ཚོ་བ་ཞིག་ཡིན་པ་དང༌།དེ་དག་གིས་མངའ་མཛད་པའི་ཡུལ་གྱི་མིང་ལ་ཡང་བོད་ཅེས་ཐོགས་པ་ནི་དུས་ད་ལྟའི་བར་དུ་མ་ཉམས་རང་འཇགས་སུ་གནས་པར་བཤད་དོ།།