རང་བྱུང་ཐོན་ཁུངས།
སྐྱེ་དངོས།
མདོ་དབུས་ས་མཐོ་འདིར་རང་བྱུང་གི་གཏེར་ཁ་དང་སྐྱེ་དངོས།སྲོག་ཆགས་མང་དུ་ཡོད་པ་ཡིན་ནོ། །ང་ཚོས་སློབ་ཚན་འདི་བསླབས་པ་བརྒྱུད་ནས་བོད་དུ་ཡོད་པའི་རང་བྱུང་གཏེར་ཁ་དང་སྐྱེ་དངོས།སྲོག་ཆགས་ཀྱི་མིང་རེ་འགའ་ངོིས་འཛིན་ཐུབ་པ་མ་ཟད།དེ་དག་རེ་རེར་ཁྱད་ཆོས་གང་དག་ཡོད་པའང་བསམ་བློ་བཏང་ནས་ཤེས་རྟོགས་བྱེད་རྒྱུ།།
ཤིང༌།
གངས་ཅན་བོད་ཀྱི་ས་མཐོ་འདིར། །ཐང་ཤིང་གསོམ་སྡོང་སྒྲོན་ཤིང་དང་། །སྟག་པ་ཤུག་པ་གཡར་བ་དང༌། །ཙན་དན་སེང་ལྡེང་གྱལ་ཏ་དང༌། །སྐྱེོར་བ་འོམ་བུ་མཛོ་མོ་ཤིང༌། །གླ་ཚེར་ཇ་འིང་ཤིང་མངར་སོགས། །ཤིང་རིགས་རྣམ་པ་མཐའ་ཡས་ལ།འབྲས་བུ་ཅན་གྱི་ཤིང་ལའང༌། །ཁམ་བུ་སྟར་ཀུ་ཤུ་དང༌། །ལི་དང་རྒུན་འབྲུམ་ཚ་ལུ་མ། །སེ་འབྲུ་ངང་ལག་སིལ་སྡོང་རིགས། །ཅོ་ལོ་ལི་སོགས་ཧ་ཅང་མང༌།།
རེ་ལྕག ལུ་རུ་དམར་པོ།
མེ་ཏོག
གཞན་ཡང་མེ་ཏོག་བཞད་པ་ཡི།།རྩི་ཤིང་རིགས་ནི་མཐའ་ཡས་ལ། །རྒྱ་སེ་པད་མ་སེར་ཆེན་དང༌། །ཨ་གར་སྐལ་བཟང་ཐག་འཁྱུད་དང༌། །ཨུཏྤལ་ཧ་ལོ་སྒྲོལ་མ་དང་།།ཡང་ཅུན་ལུག་མིག་སྤང་རྒྱན་དང༌། །འཇམ་དབྱངས་ལ་སོགས་མཐའ་ཡས་ལ། །ལྕག་ལྕམ་པ་གུར་གུམ་ལྕུམ།།ཏིག་ཏ་མ་ནུ་གངས་ལྷ་སོགས། །སྨན་གྱི་རིགས་ཀྱང་བགྲང་ལས་འདས།།
མ་ནི་རུ་རྟ། དབྱི་མོ་ནག་པོ།
སྨན་རྩྭ།
ཀུ་ཤ་སྡོ་དཀར་ཆིག་ཐུབ་དང༌།།མཁན་པ་སྤང་སྤོས་སུར་ནག་དང༌།།དབྱར་རྩྭ་དགུན་འབུ་འཇག་མ་དང༌།།འདམ་རྩྭ་དྲེས་མ་ཐང་ཁྲོམ་དང༌།།དུར་བ་སྤྲ་བ་རྩི་རྒོད་སོགས།།རྩྭ་ལྡུམ་རིགས་ཏེ་སྨན་ཡང་མང༌།།
མེ་ཏོག་གངས་ལྷ། ལྕུམ།
སྔོ་ཚོད་ཀྱི་སྐོར།
སྔོ་ཚོད་རིགས་ལ་ཞོག་ཁོག་དང༌།།ལ་ཕུག་ཆིན་ཚད་ཉུང་མ་དང༌།།པད་ཚལ་སྒོག་པ་སྒ་སྐྱ་བཙོང༌།།ཨེར་མ་སེར་ཤ་ཤ་མོ་དང༌།།ཟྭ་ཆོད་རི་སྒོག་གོ་སྙོད་དང་། །གྲོ་མ་ལྕ་བ་སྣེ་རལ་སོགས།།རིགས་དང་རྣམ་གྲངས་མང་དུ་ཡོད།།
ཕ་ཝ་སྒོ་ཏི།
འབྲུའི་རིགས།
ཁྲེ་དང་རྒྱ་སྲན་ཉུང་མ་ནས། །བྲ་བོ་སོ་བ་མོན་སྲན་གྲེའུ།།གྲོ་དང་ཡུངས་དཀར་སྲན་རིལ་དང༌། །ཟར་མ་སྲན་ཆེན་སྲན་ཆུང་དང༌། །འབྲས་སོགས་འབྲུ་ཡི་བྱེ་བྲག་གོ།
གཅན་གཟན་རི་དྭགས་ཀྱི་སྐོར།
རི་ཀླུང་སྐམ་གཤེར་ལ་གནས་པའི།།བདག་དུ་བཟུང་དང་མ་བཟུང་བའི།།སྲོག་ཆགས་ཤིན་ཏུ་མང་པ་སྟེ། །རྟ་དྲེལ་བོང་བུ་བ་ཕྱུགས་དང༌། །གླང་གཡག་འབྲི་མཛོ་མཛོ་མོ་དང་།རྭ་ལུག་བ་མན་རྔ་མོང་ཁྱི། །ཞི་མི་ཁྱིམ་བྱ་བདག་བཟུང་ལ།།སྟག་གཟིག་དོམ་དྲེད་གསའ་སྤྱང་ཀི །ཝ་མོ་ཕར་བ་སྲེ་མོ་གཡི།།གྲུམ་པ་ཨོག་དཀར་གཙོད་རྣ་བ།།རྒོ་བ་གླ་བ་ཤྭ་བ་སྤྲེའུ།།ཨབ་ར་རི་བོང་འཕྱི་བ་དང༌། །སྲེ་མོང་བྱི་བ་གཉན་འབྲོང་སོགས། །གཅན་གཟན་རི་དྭགས་སྣ་ཚོགས་ཡོད། །
གླ་རྩི། དོམ་འཁྲིས། གནའ་བ།
འདབ ཆགས།
གཞན་ཡང་འདབ་ཆགས་རིགས་ལ་ནི། །རྒོད་དང་གོ་བོ་བྱ་གླག་ཁྲ། །ནེ་ལེ་བྱ་རོག་ཁྭ་ཏ་དང༌། །སྐྱུང་ཀ་སྐྱ་ཀ་ཁུ་བྱུག་དང༌། །ཐིང་རིལ་འཇོལ་མོ་ཅོ་ཀ་དང༌། །ནེ་ཙོ་སྤུ་ཤུད་ཕུག་རོན་དང༌། །ཁང་བྱིའུ་ཁུག་རྟ་རི་བྱིའུ་དང༌། །གོང་མོ་སྲེག་པ་འུག་པ་དང༌། །པགས་བྱེའུ་ལ་སོགས་མཐའ་ཡས་སོ།།
ཆུར་གནས་སྲོག་ཆགས།
ཆུ་ལ་གནས་པའི་སྲོག་ཆགས་ལ། །ཁྲུང་ཁྲུང་ངང་བ་ངུར་བ་དང༌། །བྱ་གག་ཆུ་སྐྱར་ཆུ་བྱ་དང༌། །ཉ་དང་སྦལ་བ་གངས་སྦལ་དང༌། །རུས་སྦལ་སྡིག་སྲིན་འཇོང་མོ་དང༌། །སྲམ་
སོགས་རྣམ་གྲངས་མང་དུ་མཆིས།།
རང་བྱུང་གི་གཏེར།
རང་རེའི་བོད་ཀྱི་ས་ཆ་འདིར། །རང་བྱུང་གཏེར་ཁ་མང་དུ་མཆིས། །གསེར་དངུལ་ཟངས་ལྕགས་ཞ་ཉེ་དང་།ཤ་ཚེ་ཏི་རྡོ་སོལ་དང༌། །ཅུ་གང་ས་སེར་ལྡོང་རོས་དང༌། །ཅོང་ཞི་རྡོ་ཞོ་རྡོ་དཀར་དང༌།།གཡང་ཊི་རྡོ་སྣུམ་ཨར་ཁ་དང༌། །ཤེལ་རྡོ་གཟི་དང་མཆོང་རྡོ་དང༌། །མུ་ཟི་མེ་རྡོ་རྡོ་ཏིང་གཡུ། །འབྲུག་རུས་ལ་སོགས་ཤིན་ཏུ་མང༌། །བྱེ་བྲག་གའན་དུ་ཤེས་པར་བྱ།།
མུ་ཏིག
བསམ་གཞིག སྦྱང་གཞི།
༡.སློབ་ཚན་འདི་ཡང་ཡང་གྱེར་ཀློག་བྱེད་རྒྱུ།
༢. གཤམ་གྱི་ཐ་སྙད་འདི་དག་ལས་གང་དག་ནི་སྐྱེ་དངོས་དང་སྲོག་ཆགས། གཏེར་ཁ་ཡིན་པ་ངོས་ཟུངས།གྱལཏ། སྤྱང་ཀི སྤང་རྒྱན། ཀུ་ཤུ དྲེལ། མཁན་པ།སྒོག་པ། ཞི་མི།ལ་ཕུག སྐྱུང་ཀ གསེར། རྡོ་སོལ།
༣.རང་ཉིད་ཀྱིས་མཐོང་སྣང་བྱུང་བའི་སྐྱེ་དངོས་དང་སྲོག་ཆགས།གཏེར་ཐོན་དངོས་རྫས་གང་དག་ཡོད་པ་ཤོད།
