༄༅། །མཚོ་ཉིན་ལྟེ་བའི་སློབ་ཆུང་གི་སྤོ་ལོ་དང་འགྱིག་གི་ནུས་རྩལ་འགྲན་བསྡུར་གྱི་བྱ་འགུལ་སྤེལ།

ད་སྔ་གཟིགས་བཞིན་པ། མདུན་ངོས། > སྐབས་དོན་འཕྲིན་གསར། > སློབ་གསོ་གསར་འགྱུར།

སྤེལ་དུས།09-14 ཡོང་ཁུངས། རྩོམ་པ་པོ།

མཚོ་ཉིན་ལྟེ་བའི་སློབ་ཆུང་།

དང་པོ། བྱ་འགུལ་གྱི་དམིགས་ཡུལ།

སློབ་གྲྭའི་ནང་དུ་སློབ་གསེང་གི་བྱ་འགུལ་གྱིས་སློབ་མའི་སློབ་སྦྱོང་གི་སྤྲོ་སེམས་སྐྱེད་བསྲིང་དང་། འཚོ་བ་རོལ་སྟངས་ལ་གོམས་ཤིང་འདྲིས་པར་བྱེད་པ། རང་སྟོབས་རང་སྤེལ་གྱི་ནུས་པ་གསོ་སྐྱོང་བྱེད་པ་སོགས་ལ་ཕན་ནུས་ངེས་ཅན་ལྡན་པས། སློབ་མའི་སློབ་གསེང་གི་འཚོ་བ་ཕུན་སུམ་ཚོགས་པར་གཏོང་ཤིང་། ཁོ་ཚོའི་བསམ་གཞིག་གི་ནུས་པ་གསོ་སྐྱོང་དང་། གཟུགས་པོ་བདེ་ཐང་གི་ངང་ནས་འཚར་ལོངས་འབྱུང་བའི་སླད་དུ་སློབ་སྐབས་འདིའི་སློབ་གྲྭའི་བྱ་བའི་འཆར་གཞི་ལྟར། སྤོ་ལོ་དང་འགྱིག་གི་ནུས་རྩལ་འགྲན་བསྡུར་གྱི་བྱ་འགུལ་སྤེལ་བ་རེད།

གཉིས་པ། བྱ་འགུལ་གྱི་ནང་དོན་དང་བརྒྱུད་རིམ།

༡ ཐེངས་འདིའི་བྱ་འགུལ་ལ་རྒྱལ་བོ་དང་བློན་པོ། རྡེའུ་ཕྲེང་སྟར་གྱི་འགྱིག རི་བོང་ཁ་ཤོ ཞི་ལ་དང་ཙི་གུ རྒྱ་འགྱིག་བཅས་འགྱིག་གི་རིགས་རྣམ་གྲངས་ལྔ་ཡོད་པ་དང་། དྲ་འཕེན་སྤོ་ལོ་དང་རྐང་རྩེད་སྤོ་ལོ་བཅས་སྤོ་ལོའི་རིགས་རྣམ་གྲངས་གཉིས་ཡོད་ལ། རྣམ་གྲངས་སོ་སོའི་འགན་ཁུར་བས་ཤན་འབྱེད་པ་དང་། སྐར་གྲངས་ཐོ་འགོད་པ་བཀོད་སྒྲིག་བྱས་པ་དང་། ཚོ་ཆུང་བགོ་བ་དང་། འགྲན་ཞུགས་པའི་མིང་ཐོ་བཟོ་བ། འགྲན་རིམ་བཀོད་སྒྲིག་བྱེད་པ་སོགས་གྲ་སྒྲིག་ཚགས་སུ་ཆུད་པ་བྱས།

༢ ཟླ༩ཚེས་༡༢ཉིན་གྱི་ཕྱི་དྲོར་དངོས་སུ་འགྲན་བསྡུར་གྱི་བྱ་འགུལ་སྤེལ་བ་རེད། འདུ་འཛི་ཆེ་བའི་སློབ་རའི་ནང་དུ་སློབ་བུ་རྣམས་དགའ་སྤྲོ་དགོད་སྒྲ་དང་། འགྲན་ཞུགས་སློབ་མར་ཤུགས་རྒྱག་པའི་སྐད་འབོད་དང་། མཛུབ་སྟོན་དགེ་རྒན་གྱིས་སློབ་མར་འབོད་པའི་སྒྲ་བཅས་དུས་མཉམ་དུ་གྲགས་ཤིང་། ཁུ་སུམ་མེར་བསམ་གཞིག་གི་ཀློང་དུ་ཚུད་ཅིང་གདོང་ལ་གཟབ་ནན་གྱི་ཉམས་དང་ལྡན་པའི་འགྱིག་པ་དང་། སུན་མེད་ངང་རིང་གིས་ཆེས་མཐའ་མཇུག་གི་རྒྱལ་ཁ་སུས་ལོན་པ་ལ་རེ་སྒུག་བྱེད་པའི་ཤན་འབྱེད་པ་བཅས་རང་རང་སོ་སོའི་ས་རུ་རྐང་དྲུག་བུང་བ་མེ་ཏོག་ལ་འཁོར་བ་ལྟ་བུའི་འདུ་འཛིས་ཁེངས།

༣ སློབ་བུ་ཚོའི་ཛ་དྲག་ཆེ་བའི་འགྲན་རྩོད་དང་། ཤན་འབྱེད་པས་ཡ་ཡོ་མེད་པར་ཤན་ཕྱེ་བ་བཞིན་གྱི་སློབ་མའི་མིང་ཐོ་གཞིར་བཟུང་ནས། རྣམ་གྲངས་སོ་སོའི་ཨང་དང་བོ་དང་ཨང་གཉིས་པ་འཐོབ་མཁན་གྱི་མིང་ཐོ་བསྒྲགས་ཤིང་། བྱ་དགའི་བདག་རྐྱེན་ལ་སློབ་སྦྱོང་གི་ཡོ་བྱད་གྱ་ནོམ་པ་རེ་གནངས་སོ།།

གསུམ་པ། བྱ་འགུལ་གྱི་མཇུག་འབྲས།

ཐེངས་འདིའི་བྱ་དགའ་ཐོབ་པའི་སློབ་མའི་མིང་ཐོ་ནི་གཤམ་གསལ་ལྟར།

༡ འགྱིག་གི་རིགས།

རྒྱལ་བོ་དང་བློན་པོ།

དམའ་རིམ་འཛིན་གྲྭ ཨང་དང་བོ། རིག་འཛིན་རྡོ་རྗེ། ཨང་གཉིས་པ། གདུགས་དཀར་བཀྲ་ཤིས།

མཐོ་རིམ་འཛིན་གྲྭ ཨང་དང་བོ། ཆོས་རྒྱལ་སེང་གེ ཨང་གཉིས་པ། ལྷ་མོ་སྐྱབས།

རྡེའུ་ཕྲེང་སྟར།

མཐོ་རིམ་འཛིན་གྲྭ ཨང་དང་བོ། བསོད་ནམས་བཀྲ་ཤིས། ཨང་གཉིས་པ།རྟ་མགྲིན་ཚེ་བརྟན།

དམའ་རིམ་འཛིན་གྲྭ ཨང་དང་བོ།མགོན་པོ་སྐྱབས། ཨང་གཉིས་པ། དོན་གྲུབ་རྒྱ་མཚོ།

རི་བོང་ཁ་ཤོ།

མཐོ་རིམ་འཛིན་གྲྭ ཨང་དང་བོ། བཀྲ་ཤིས་འཚོ།འབྲིང་བ། ཨང་གཉིས་པ།ལྷ་མོ་སྐྱབས། ཆེ་བ།

དམའ་རིམ་འཛིན་གྲྭ ཨང་དང་བོ།ཚེ་རིང་རྡོ་རྗེ། ཨང་གཉིས་པ།སངས་རྒྱས་སྐྱབས།