| དོན་ནང་དུ་བསམས་པའི་ཉམས་མྱོང་དང༌། །རྐྱེན་དཀའ་སྤྱད་བཟོད་པའི་ཞེ་རུས་ཅན། །ཆོས་མེད་ཀྱང་བླ་མའི་སྒོམ་ཕྲུག་ཡིན། ། ཞེས་དང༌།ན་མོ་གུ་རུ་བུངྔྷ་མཻ་ཏྲི་ཡེ། །སྟེང་དགའ་ལྡན་ལྷ་བརྒྱའི་གཙུག་རྒྱན་དུ། །རྗེ་ས་བཅུའི་དབངཕྱུག་མི་ཕམ་མགོན། ། དཔལ་ནམ་མཁའ་དྲི་མ་མེད་པ་དང༌། །མཚན་འཇམ་དཔལ་སྙིང་པོར་གྲགས་པའི་ཞབས། །སྲས་དཔག་མེད་སེམས་དཔའི་འཁོར་གྱི་དབུས།། ནོར་རིན་ཆེན་དུ་མ་ལས་གྲུབ་པའི། །ཁྲི་རབ་འབར་གདོང་ལྔས་བཏེག་པའི་ཁར། །གདན་ཆུ་སྐྱེས་ཟླ་བའི་དབུས་བཞུགས་པའི། །སྐུ་རབ་བརྗིད་སྟོན་མཆོག་གཉིས་པ་ཡིས། །ཆོས་ཐེག་ཆེན་དགའ་སྟོན་འགྱེད་པ་དེར། །བདག་གདུང་བའི་ཡིད་ཀྱིས་གསོལ་བ་འདེབས། །ཐུགས་བརྩེ་བའི་ལྕགས་ཀྱུས་དྲང་དུ་གསོལ། །སྔོན་བྱོན་པའི་རྒྱལ་བས་བཏང་སྙོམས་མཛད། །དུས་ད་ལྟའི་བླ་མ་སངས་རྒྱས་ཀྱིས།།འདུལ་མ་ནུས་བློ་དྲེད་ཆོས་དྲེད་ང༌། །རྒྱུད་ཆུ་ནང་རྡོ་བཞིན་སྐམ་པོར་ལུས། །ཆེར་སྙིགས་པའི་བསྟན་པའི་གཟུགས་བརྙན་འདི། །ལར་ཡིད་ལ་བརྣགས་ཀྱང་ཡིད་ཐང་ཆད། །དོན་དེས་ན་ཡིད་དགའ་ཆོས་འཛིན་དུ། །དུས་ད་ལྟ་འཕོས་ན་དགའ་བ་ལ། །གཤིས་རང་བཞིན་ངན་པའི་མི་རྣམས་ནི།།།རྒྱུད་ཕྱོགས་ལྷུང་དབང་གིས་བསྟན་པ་ཡང༌། །འབྲས་སྡུག་བསྔལ་འབྱིན་པའི་ཕྱོགས་སུ་བརྙིལ།།འདི་བསམས་ན་བློ་སྙིང་མགྲིན་པ་འདར། ། གཞོན་བཅུ་གསུམ་ལོན་ནས་ཁྱིམ་ནས་བྱུང༌། །སྐབས་དང་པོའི་བསྙེན་རྫོགས་སྡོམ་པ་ནོས། །རྗེ་བླ་མས་བསྟན་པའི་སྒོར་བཙུད་ནས། ། ཐུགས་ཉེ་བས་བདག་བློ་ཆོས་ལ་བསྒྱུར། །དྲིན་ཆེ་མོད་སྔོན་ལས་མཐུ་བཙན་པས། །སེམས་ཅོལ་ཆུང་ཕྱི་ཚིས་གྲབ་གཤོམ་དང༌། །ཕུགས་མདོ་མེད་རྣམ་གཡེང་འདུ་འཛིར་འཆོར། །སྙིང་ནང་དུ་རུལ་ཡང་ཆོས་པར་བརྫུ། །མིང་འཇིག་རྟེན་གཏམ་གྲགས་ལོ་འདོད་དང༌། །ལུས་དམར་སེར་སྣལ་མས་དཀྲིས་ལགས་ཀྱང༌། །ཐབས་བླང་དོར་བསླབ་བྱའི་གནས་ལ་རྨོངས། །དུས་ལྔ་པར་གཏུགས་ཚེ་འགྱོད་ཀྱང་ཅི། །གང་ཐོས་པའི་ཚིག་རྣམས་ཡི་གེར་ལས། །རྒྱུད་ཆོས་དང་གང་ཟག་ལྟག་སྤྲོད་སོང༌། །རང་མ་དུལ་གཞན་གྱི་ཡར་འདྲེན་བྱས། །མིང་ཆོས་ལ་སྙད་ནས་ཆོས་མིན་བསྒྲུབས། །གཞན་བསླུ་སྙམ་ཀུན་སློང་ཅི་ཞིག་སྟེ། །གཡོ་བརྫུན་སྦྱོར་ཟོག་པོའི་རྣམ་ཐར་དང༌། །སྔགས་ནོར་འཁྲུལ་ངེས་མེད་ཕྱག་མཚན་གྱིས། །འབྲིད་མཁས་ཀྱང་མྱོང་འགྱུར་བསམ་པར་རིགས། །ཚེ་འདི་ཡི་བདེ་སྡུག་སྤོང་ལེན་ཙམ། །ཆེད་གཉེར་བ་བྱོལ་སོང་ཕྱུགས་ལའང་ཡོད། །དོན་དེ་ལས་ལོག་པའི་སྒོམ་སྒྲུབ་ཀྱིས།། རྟེན་མི་ལུས་དོན་ལྡན་ཅིས་མི་བྱེད། །སྲོག་ནམ་ཞིག་འགགས་པའི་དེ་མ་ཐག །རྗེ་རྒྱལ་ཚབ་ཆོས་ཀྱི་མདུན་ས་དེར། །ཡིད་རླུང་དང་ཧིཀ་གིས་དྲངས་པ་ན། །སྐབས་དེ་རུ་བྱམས་མགོན་ཐུགས་བསྐྱེད་ཅིག །ལུས་རྟེན་མེད་ཤིང་བལ་རླུང་ཁྱེར་བཞིན། །གནས་གར་སྐྱེའི་གདེང་མེད་དངངས་སྐྲག་གིས། །མིག་ཧྲིག་ཧྲིག་སྐྱབས་འཚོལ་འཕྱན་པའི་ཚེ། །ལྷ་བླ་མ་རྣམ་གསུམ་ཚུར་སྤྱོན་ཅིག །དེའི་བྱིན་གྱིས་ཡིད་འོངས་ལྷ་ཡི་བུའི། །ལུས་བཟུང་ནས་དད་བརྩོན་གཟུར་གནས་ཀྱིས། །ཆོས་ལེགས་བཤད་ཐོས་བསམ་་སྒོམ་པའི་དོན། །ཞིང་ས་བཅུའི་སྤོ་ལ་མངོན་པར་རྩེག །དུས་དེ་ནས་སྐྱེ་རྒྱུན་མི་མང་བར། ། ལམ་ཟབ་མོ་བླ་མའི་རྣལ་འབྱོར་གྱིས། །དཔལ་ཆོས་ཀྱི་སྐུ་དང་ལོངས་སྤྱོད་རྫོགས། །སྟབས་གཅིག་ཏུ་འབྲེལ་བའི་སྨོན་ལམ་འདེབས། ། གཏམ་དེ་སྐད་གླེང་བའི་སྤོང་བ་པ། །ཡུས་དག་པའི་ཉམས་མྱོང་ག་ལ་ཞིག །རྗེ་བླ་མ་དམ་པ་གུས་བསྟེན་པས། །གསུང་ཡོན་ཏན་རྡུལ་གྱིས་གོས་པ་ཡིན། །དོན་འདིས་མཚོན་དུས་གསུམ་བསགས་པའི་དགེ། །རང་ཞི་བདེའི་བསམ་པས་མ་སྦགས་པར། །མ་ཉམ་ཐག་འགྲོ་བའི་དོན་དུ་བསྔོ། །འདི་བུ་རམ་ཤིང་བའི་བཀའ་སྲོལ་ཡིན། ། ཞེས་འདི་ཡང་ས་མཐའི་གྱི་ན་པ། །མིང་བློ་བཟང་དམ་ཆོས་རྒྱལ་མཚན་གྱིས། །གནས་རྟ་ཕུག་ཅེས་བྱའི་སྤྱིལ་བུ་རུ། །ཡིད་སྐྱོ་བའི་སྨྲེ་ངག་ཚིག་ཏུ་བསྒྲིགས། །ཞེས་གསུངས། དེ་ལྟར་དམ་པ་འདིས་པཎ་ཆེན་བློ་བཟང་ཆོས་ཀྱི་རྒྱལ་མཚན་བསམ་སྦྱོར་གཉིས་གྱིས་ཚུལ་བཞིན་དུ་བསྟེན་ཏེ་འཇམ་མགོན་སྙན་རྒྱུད་ཀྱི་མན་ངག་ཡོངས་སུ་རྫོགས་པ་ཐོབ་པར་བྱས། ཚེ་འདི་བློས་བཏང་སྟེ་དབེན་པའི་རི་སུལ་དུ་སྒྲུབ་པ་སྙིང་པོར་བྱས་ཏེ་བྱང་ཆུབ་ལམ་གྱི་རིམ་པ་ལ་མྱོང་པ་ཕུལ་ཕྱིན་ཐོན་པར་མཛད། སྒྲུབ་འབྲས་ཀྱིས་རྒྱལ་བའི་བསྟན་པ་ལ་བྱ་བ་མཛད་ཕྱིར་རྗེ་སྒྲུབ་ཁང་པ་སོགས་དམ་པ་མང་པོ་རྗེས་སུ་བཟུང་སྟེ་འཇམ་མགོན་སྙན་རྒྱུད་ཀྱི་བསྟན་པ་རྒྱ་ཆེར་སྤེལ་ནས་དགུང་ལོ་བརྒྱད་ཅུ་གྱ་གྲངས་ལ་ཕེབས་པ་ན་དེད་དཔོན་ཡིད་བཞིན་གྱི་ནོར་བུ་རྙེད་ནས་རང་ཡུལ་དུ་འགྲོ་བ་ལྟར་སྐུའི་བཀོད་པ་བསྡུས་ཏེ་དགའ་བཞིན་སྤྲོ་བཞིན་དུ་དགའ་ལྡན་ཆོས་གྱི་ཕོ་བྲང་དུ་ཕེབས་ནས་རྒྱལ་ཚབ་བྱམས་པ་མགོན་པོ་དང༌། རྗེ་ནམ་མཁའ་དྲི་མ་མེད་པ་དང༌། རྗེ་འཇམ་དཔལ་སྙིང་པོ་འཁོར་ས་བཅུའི་བྱང་ཆུབ་སེམས་དཔའ་བགྲང་བ་ལས་འདས་པ་དང་བཅས་པ་ལ་མཆོད་ཅིང་ཆོས་ཀྱི་བགྲོ་བ་མཛད་པ་དང༌། སྤྲུལ་པའི་བཀོད་པ་མུ་མེད་པར་སྟོན་ཅིང་བཞུགས་སོ།།དེས་ན་བྱང་ཆུབ་ལམ་གྱི་རིམ་པ་ལ་བློ་སྦྱོང་བར་འདོད་པ་རྣམས་ཀྱིས་དྲུང་པ་རྟ་ཕུག་པ་བློ་བཟང་དམ་ཆོས་རྒྱལ་མཚན་ལ་གསོལ་བ་འདེབས་ཤིང༌། དམ་པ་འདིའི་རྣམ་ཐར་ལྟར་བྱང་ཆུབ་ལམ་གྱི་རིམ་པའི་སྙན་རྒྱུད་ཀྱི་མན་ངག་ལེགས་པར་ཐོབ་པར་བྱས་ལ་ཚེ་འདིའི་འཁྲི་བ་མེད་པར་དབེན་པའི་རི་སུལ་དུ་བྱང་ཆུབ་ལམ་གྱི་རིམ་པའི་ཉམས་ལེན་ལ་འབད་པར་བྱའོ། ། 7/7 མདུན་ངོས། 上一页 5 6 7 |
|
|
|
|
|
 |
ཉེ་ལམ་གསར་བརྗེས། |
|
|
|
|
|
|
|
|
ཀློག་མཁན་མང་ཤོས། |
|
|
|
|
|
|
| |
|
