༣ དམིགས་ཡུལ་མཚོན་ཡིག
སློབ་འཁྲིད་དམིགས་ཡུལ་མཚོན་ཡིག་དེ། ངེས་པར་དུ་སློབ་སྦྱོང་བྱ་འགུལ་འགྲུབ་ཁར་བསྡུར་ཞིབ་ཐུབ་པའི་འབྲས་བུ་ཞིག་ལ་བསྟན་ཆོག དམིགས་ཡུལ་མཚོན་པའི་ཡི་གེ་ནི་ཚིག་ཕྲེང་དུ་མས་གྲུབ་པ་ཞིག་ཡིན་ལ། ཚིག་ཕྲང་དེ་དང་འདྲ་བར་ཚོགས་པ་སྣ་མང་ཞིག་གི་བྱེད་ཐབས་སྤྱད་དེ། སློབ་འཁྲིད་ཀྱི་རེ་བ་དང་འདོད་བློ་རྣལ་མ་ཞིག་མཚོན་པར་བྱ་ཆོག དེའི་ཕྱིར།
(༡) སློབ་འཁྲིད་དམིགས་ཡུལ་ནི། སློབ་འཁྲིད་འཚོལ་བསྙེག་གི་འབྲས་བུ་ཡིན་ལ། ཚིག་འབྲུས་སྟོན་པ་ནི་འབྲས་བུ་གསལ་བཤད་བྱས་པ་ལས། དེ་ནི་སློབ་འཁྲིད་ཀྱི་ནང་དོན་གནད་བསྡུས་སྟོན་པ་མིན་པར་རང་དང་སློབ་མ་གཉིས་ཀྱིས་ཁ་གང་ལ་ཕྱོགས་པ་དང་ཅི་ཞིག་བསྒྱུབ་རྒྱུ་གསལ་རྟོགས་འབྱུང་དུ་འཇུག་དགོས།
(༢) དམིགས་ཡུལ་སོ་སོ་ཚང་མ་ཁེར་རྐྱང་གིས་མཚོན་དགོས་ཏེ། ཁྱད་པར་རང་བཞིན་པ་དེ་ཇི་ལྟར་གསལ་ན། དམིགས་ཡུལ་གྱི་གོ་གནས་དང་ངོ་བོའང་ལྷག་པར་གསལ་བ་ཡིན།
(༣) བྱ་སྤྱོད་ཀྱི་སྟེང་ནས་མཐོང་ཐུབ་པའི་དམིགས་ཡུལ་རྣམས་མཚོན་ཡིག་གིས་བྱ་སྤྱོད་ཀྱི་ཆུ་ཚད་དང་དུས་རིམ་ཅི་ཐུབ་སྒོས་སྟོན་པར་བྱ་དགོས།
ལེའུ་གསུམ་པ། སྐད་ཡིག་ཚན་ཁག་གི་ནང་དོན་རྣམ་པར་དབྱེ་བ།
དང་པོ། སློབ་འཁྲིད་འཆར་གཞི།
དང་པོ། སློབ་འཁྲིད་འཆར་གཞིའི་ངོ་བོ་དང་འགོད་པའི་རྩ་བ།
༡ སློབ་འཁྲིད་འཆར་གཞིའི་ངོ་བོ།
སློབ་འཁྲིད་འཆར་གཞི་ནི། རྒྱལ་ཁབ་སོ་སོའི་འགོ་ཁྲིད་དཔུང་ཁག་གིས་སློབ་གསོའི་བཀའ་ཁྲིམས་གཞིར་བྱས་བཀོད་པའི་སློབ་འཁྲིད་མཛུབ་སྟོན་ཡིག་ཆ་ཡིན་ལ། དེ་ནི་ཚན་ཁག་སོ་སོས་སློབ་འཁྲིད་ནང་དོན་གཞིར་བྱས་གཏན་ལ་ཕབ་པ་ཡིན། དེས་སློབ་གསོའི་མཛུབ་སྟོན་བསམ་བློ་ལ་བརྩི་བཀུར་སྒོས་ཁྱོན་ཡོངས་ནས་འཕེལ་རྒྱས་སུ་གཏོང་བའི་ཁ་ཕྱོགས་ལྟར་སློབ་གྲྭའི་གསོ་སྐྱོང་དམིགས་ཡུལ་གཏན་འཁེལ་བྱས་ཏེ། སློབ་འཁྲིད་འཆར་གཞིའི་རྩ་བ་དང་སློབ་འཁྲིད་འཆར་གཞིའི་སྤྱད་འཐུས་ཀྱི་ཁོམས་མཚམས་བཀོད་པ་གསལ་ཞིང་དུས་ཚོད་བཀོད་སྒྲིག་དང་སློབ་ཚན་གསར་འཛུགས་སོགས་མཚོན་པ་རེད།
ཉེ་བའི་ཆར། སློབ་འཁྲིད་འཆར་གཞི་དེའི་གཙོ་བོ་ནི་སློབ་ཚན་དང་ཐུན་ཚོད་ཀྱི་འཆར་གཞི་དང་ཡང་ན་རིག་ཚན་རེའུ་མིག་ཡིན། སྤྱི་ཚོགས་དཔལ་འབྱོར་དང་ཚན་རིག་ལག་རྩལ། སློབ་གསོའི་སྒྲིག་གཞིའི་འགྱུར་ལྡོག་ང་བསྟུན་ནས། སློབ་འཁྲིད་འཆར་གཞིའི་སྒྲིག་གཞིའང་འགྱུར་ལྡོག་འབྱུང་། ཚན་རིག་དག་ལས་གཞན་ཐོན་སྐྱེད་ངལ་རྩོལ་དང་ཚན་རྩལ་བྱ་འགུལ། ལུས་ཁམས་འཕེལ་བའི་རྩལ་སྦྱོང་བྱ་འགུལ། སྒྱུ་རྩལ་བྱ་འགུལ། སྤྱི་ཚོགས་བྱ་འགུལ་ལ་སོགས་པའང་སློབ་འཁྲིད་འཆར་གཞིར་འཇོག་དགོས། ཤེས་བྱ་གསར་བ་མུ་འབྲེལ་འབྱུང་བཞིན་པའི་དེང་དུས་སུ། ངེས་སྦྱོང་སློབ་ཚན་ལས་གཞན་འདེམ་སྦྱོང་སློབ་ཚན་ཡང་འོས་འཚམ་གྱིས་འཕར་འཛུགས་བྱ་དགོས་པ་དེའང་སློབ་འཁྲིད་འཆར་གཞིའི་ནང་དོན་དུ་གྱུར་ཡོད་པ་མ་ཟད། མུ་མཐུད་འཕེལ་བཞིན་པའི་འཁོར་ཕྱོགས་ཤིག་ཡིན་སྟབས། སློབ་མའི་སློབ་སྦྱོང་གི་ཁུར་བོ་འོས་ཤིང་འཚམ་ལ། ད་དུང་། དུས་ཚོད་རན་ཞིང་བདེ་བར་བཀོད་སྒྲིག་དང་ཚོད་འཛིན་བྱེད་དགོས་པར་གྲུབ་བོ། །
༢ སློབ་འཁྲིད་འཆར་གཞི་འགོད་པའི་རྩ་གནད།
རྒྱལ་ཁབ་སློབ་གསོའི་དཔུང་ཁག་གིས་ལོ་རྒྱུས་རིམ་པའི་ཡིག་ཆ་དང་མཛུབ་སྟོན་དགོངས་པ་གཞིར་བྱས་ནས། སློབ་འཁྲིད་འཆར་གཞི་འགོད་ན་རྩ་གནད་ལ་བརྩི་བཀུར་སྒོས་གནད་བསྡུས་བྱས་ཆོག་པ་ནི།
(༡) སློབ་གསོ་ནི། དེང་རབས་ཅན་དང་འཛམ་གླིང་། མ་འོངས་པ་བཅས་ལ་ཁ་ཕྱོགས་པ་དང་ནན་ཏན་སྒོས་སློབ་གསོའི་སྤུས་ཀ་མཐོར་འདེགས་སུ་བཏང་སྟེ། སྤྱི་ཚོགས་རིང་ལུགས་ཀྱི་དངོས་པོའི་ཤེས་རིག་དང་བསམ་བློའི་ཤེས་རིག་གཉིས་ཀྱི་འཛུགས་སྐྲུན་ལ་ཞབས་འདེགས་ཞུ་དགོས། 20/22 མདུན་ངོས། 上一页 18 19 20 21 22 下一页 尾页 |