ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ནང་བའི་གྲུབ་མཐའ།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་ཙན་དན་ཇོ་བོའི་ལོ་རྒྱུས་སྐོར་ཚད་ཕན་ཡོན་མདོར་བས
སྤེལ་དུས།05-18  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ། ལྕང་སྐྱ་རོལ་བའི་རྡོ་རྗེ།

      ན་མོ་ཤཱཀྱ་མུ་ནྰི་ཡེ། བརྩེ་དང་མཁྱེན་པའི་ཡེ་ཤེས་སྟོབས་བཅུའི་རྩལ།   །མཚན་དཔེའི་སྒྱུ་འཕྲུལ་དྲ་བར་མངོན་བཞེངས་པ། །ལྷར་བཅས་འགྲོ་བའི་གཙུག་ན་ལྷང་ངེར་བརྗིད།   །ཐུབ་དབང་ཤཱཀྱའི་གཙོ་ལ་ཕྱག་འཚལ་ནས། །མགོན་དེས་སྙིགས་མའི་འགྲོ་ལ་ཐུགས་རྗེའི་འོད། ། ལྷག་པར་འཕྲོ་བའི་བདག་ཉིད་མངོན་སུམ་དུ། །མཛེས་སྐུའི་བྱིན་རླབས་ཕུང་པོར་ཤར་བ་ལ། །ཕྱག་བསྐོར་བསྙེན་བཀུར་བྱེད་ཚུལ་མདོ་ཙམ་བརྗོད།།

དེ་ལ་འདིར་ལྷ་དང་བཅས་པའི་འགྲོ་བ་ཐམས་ཅད་ཀྱི་འདྲེན་པ་མཉམ་མེད་ཟས་གཙང་གི་སྲས་པོ་དེ་ཉིད་ཀྱིས་བདེར་གཤེགས་གཞན་གྱིས་འདུལ་བར་མ་ནུས་པའི་ཞིང་འདིའི་སྙིགས་དུས་ཀྱི་གདུལ་བྱ་རྣམས་ལ། ཐུགས་རྗེ་ཆེན་པོའི་མཐུ་དཔུང་ལྷག་པར་བསྐྱེད་དེ་འཛམ་བུ་གླིང་གི་ཡུལ་དབུས་མ་ག་ངྷར་མཆོག་གི་སྤྲུལ་པའི་སྐུའི་བཀོད་པ་བསྟན་ཏེ་སྐུ་གསུང་ཐུགས་ཀྱི་རྣམ་པར་འཕྲུལ་པ་བསམ་གྱི་མི་ཁྱབ་པས་སྐྱེ་རྒུ་རྣམས་ལ་མངོན་པར་མཐོ་བ་དང་ངེས་པར་ལེགས་པའི་ལམ་གསལ་བར་མཛད།   སྐུ་དངོས་ཀྱི་གདུལ་བྱ་རྫོགས་པའི་རྗེས་སུ་ཡང་མཐོང་ཐོས་དྲན་རེག་གི་འགྲོ་བ་བགྲང་ལས་འདས་པ་ལ་ཐར་པ་དང་ཐམས་ཅད་མཁྱེན་པའི་ས་བོན་བསྐྲུན་པར་བྱ་བའི་ཆེད་དུ་ཐུགས་ཀྱི་རྟེན་མཆོད་རྟེན་ཆ་བརྒྱད་དང་སྐུ་གདུང་ཤ་རི་རེ་དང་གསུང་གི་རྟེན་ཆོས་སྐུའི་རིང་བསྲེལ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སོགས་པའི་མདོ་སྡེ་དང་གཟུངས་སྔགས་ཁྱད་པར་ཅན་དུ་མ་དང༌།སྐུའི་རྟེན་སྐུ་དངོས་ཀྱིས་བྱིན་གྱིས་བརླབས་པ་དང༌།   བཀས་གནང་བ་བསྩལ་ཏེ་བཞེངས་སུ་བཅུག་པའི་སྐུ་བརྙན་དང༌།   ཆོས་ཀྱི་དབྱིངས་སུ་གཤེགས་པའི་ཚུལ་བསྟན་པའི་རྗེས་སུའང་སྐལ་པ་དང་ལྡན་པ་རྣམས་ཀྱིས་སྐུ་གསུང་ཐུགས་ཀྱི་རྟེན་བཞེངས་པ་དང༌།   དེ་ལ་མཆོད་པ་སོགས་བྱས་ན་སྐུ་དངོས་ལ་བསྙེན་བཀུར་བྱས་པ་དང་འདྲ་བའི་བསོད་ནམས་ཀྱི་ཚོགས་བསག་པར་ལུང་བསྟན་པར་མཛད་པས་ན།   ད་ལྟའི་སྐུ་གསུང་ཐུགས་ཀྱི་རྟེན་བཞེངས་པ་རྣམས་ཀྱང་ལས་དང་སྐལ་བར་ལྡན་པའི་གདུལ་བྱའི་རྒྱུད་ལ་བཅོམ་ལྡན་འདས་ཀྱིས་བྱིན་གྱིས་བརླབས་པ་ལ་བརྟེན་ནས་བྱུང་བ་ཡིན་པས་ཡེ་ཤེས་ཆོས་ཀྱི་སྐུའི་འཕྲིན་ལས་སུ་ངེས་པ་རྙེད་པ་གལ་ཆེའོ།།
དེ་ལས་སྐུའི་རྟེན་བཞེངས་པའི་ཐོག་མ་ནི། རྒྱལ་བ་རང་ཉིད་ཞལ་བཞུགས་པའི་དུས་སུ་རྒྱལ་པོ་ཨུ་ཏྲ་ཡ་ནས་རིན་པོ་ཆེ་བཻ་ཌྰུརྱའི་ཁྲབ་རིན་ཐང་གཞལ་དུ་མེད་པ་ཞིག་སྐྱེས་སུ་བསྐུར་བའི་ལན་དུ། རྒྱུལ་པོ་གཟུགས་ཅན་སྙིང་པོས་སྟོན་པ་ལ་གནང་བ་ཞུས་ཏེ་དབུས་སུ་སངས་རྒྱས་ཀྱི་སྐུ་བརྙན།   སྟེང་དུ་བརྩམ་པར་བྱ་ཞིང་དབྱུང་བར་བྱ། །ཞེས་སོགས་ཀྱི་ཚིགས་བཅད།   འོག་ཏུ་རྟེན་འབྲེལ་ལུགས་འབྱུང་ལྡོག་རྣམས་བཀས་གནང་བ་ལྟར་བྲིས་ཏེ་བསྐུར་བར་མདོ་ལས་གསུངས་པ་ནི་བྲིས་སྐུ་བཞེངས་པའི་ཐོག་མ་དང༌།
བཅོམ་ལྡན་འདས་སུམ་ཅུ་རྩ་གསུམ་དུ་ལྷ་རྣམས་ཀྱི་མཆོད་གནས་ལ་གཤེགས་སྟབས་རྒྱལ་བོ་ཨུ་ཏྲ་ཡ་ནས་སྟོན་པའི་སྐུ་ཚབ་ཏུ་ཙན་དན་གོ་ཤིརྵ་ལས་སྐུ་བརྙན་བཞེངས་པའི་ཙན་དན་ཇོ་བོར་གྲགས་པ་འདི་ནི་འབུར་སྐུ་བཞེངས་པའི་ཐོག་མ་ཡིན་པར་དམ་པ་མང་པོས་བཤད་དོ།།
འདིར་སྐབས་སུ་བབས་པ་ཙན་དན་ཇོ་བོའི་ལོ་རྒྱུས་ལ་སྟོན་པའི་འཁྲུངས་ལོ་སོགས་ལ་རྒྱ་གར་ནག་དང་བོད་ཀྱི་མཁས་པ་མང་པོའི་བཞེད་ཚུལ་མི་འདྲ་བ་མང་དུ་འབྱུང་བའི་དབང་གིས་ལྷ་གནས་སུ་ཕེབས་པའི་ལོའི་གྲངས་ཀྱང་མི་མཐུན་པ་དང༌།   བོད་ཀྱི་བཀའ་འགྱུར་ན་འདུལ་བ་ལུང་དང་དྲིན་ལན་བསབ་པའི་མདོ་སོགས་ལས་སྐུ་བརྙན་འདི་ཉིད་བཞེངས་ཚུལ་མདོ་ཙམ་བྱུང་ཡང་རྒྱ་ནག་གི་ལོ་རྒྱུས་ལས་འབྱུང་བ་རྣམས་དེ་ལས་རྒྱས་པར་སྣང་ཞིང་དེའི་ཁུངས་ཀྱང་ལེགས་པར་སྣང་བས་དེ་བཞིན་དུ་བཤད་ན།སྟོན་པ་དགུང་ལོ་སོ་བརྒྱད་པ་ལ་སྔོན་རང་གི་ཡུམ་སྒྱུ་མ་ལྷ་མཛེས་འཛམ་བུ་གླིང་ནས་ཤི་འཕོས་ཏེ་སུམ་ཅུ་རྩ་གསུམ་དུ་སྐྱེས་པ་དེའི་དོན་མཛད་པ་དང༌། གཞན་ཡང་སུམ་ཅུ་རྩ་གསུམ་གྱི་ལྷ་སྐལ་བ་དང་ལྡན་པ་རྣམས་རྗེས་སུ་བཟུང་བའི་ཆེད་དུ་ལྷའི་ཡུལ་དུ་གཤེགས་ཏེ།དེར་ཟླ་བ་གསུམ་དབྱར་གནས་པར་བཞུགས། རང་གི་ཡུམ་དང་ལྷའི་གདུལ་བྱ་མང་པོ་བདེན་པ་ལ་བཀོད་པ་སོགས་ཀྱི་དོན་མཛད། དེའི་ཚེ་ཝ་ར་ན་སིའི་རྒྱལ་པོ་ཨུ་ཏྲ་ཡ་ནས་སྟོན་པའི་ཞལ་མ་མཇལ་བར་ཡུན་རིང་སོང་བས་ཡིད་གདུངས་ཏེ། སྐུ་དངོས་དང་འདྲ་བའི་སྐུ་བརྙན་བཞེངས་པར་བསམས་ཏེ་མོའུ་འགལ་གྱི་བུ་ལ་སྦྲན།དེས་ཀྱང་བཟོ་བོ་མཁས་པ་སུམ་ཅུ་རྩ་གཉིས་ཁྲིད་དེ་རྫུ་འཕྲུལ་གྱིས་ལྷ་ཡུལ་དུ་ཕྱིན།   སྟོན་པའི་སྐུ་དངོས་ལ་བལྟར་བཅུག་པས་བཅོམ་ལྡན་འདས་ཀྱི་འོད་དང་གཟི་བརྗིད་མཐའ་ཡས་པའི་ཟིལ་གྱིས་བཟོ་བོ་རྣམས་ཀྱིས་སྐུའི་མཚན་རྣམས་ཇི་ལྟ་བཞིན་ཡིད་ལ་གཟུང་མ་ནུས་པ་ན་སྟོན་པ་ཆུ་ཀླུང་གི་འགྲམ་དུ་ཕེབས། སྐུ་བཞེངས་སྟབས་སུ་བཞུགས་པའི་གཟུགས་བརྙན་ཆུ་ནང་དུ་ཤར་བ་ལ་ལན་གསུམ་བསྐྱར་ཏེ་བལྟས་ལ་མཚན་བཟང་གི་ཁྱད་པར་རྣམས་ཡིད་ལ་བཟུང་བ་ལྟར་ཙན་དན་གཽ་ཤིརྵ་ལས་སྐུ་གཟུགས་བཞེངས་པ་ཡིན་ཅིང༌། དེའི་ཚེ་ན་བཟའ་ཡང་ཆུའི་གཉེར་མས་བསྐྱོད་པའི་རྣམ་པ་ཅན་དུ་ཡོང་པ་ལ་དཔེ་བྱས་ཏེ་ཆུ་རིས་མར་བསྒྲུབས།   དེ་ཡང་སྟོན་་པའི་བྱིན་རླབས་ཀྱིས་ཉི་མ་གཅིག་ལ་བསྒྲུབས་ནས་རྒྱལ་པོ་ཨུ་ཏྲ་ཡ་ནའི་མཆོད་གནས་སུ་བཞུགས།   དེ་ནས་སྟོན་པ་སླར་མི་ཡུལ་དུ་ཕེབས་པའི་ཚེ་རིན་པོ་ཆེའི་ཐེམ་སྐས་གསུམ་སྤྲུལ་ཏེ་གཡས་པར་ཚངས་པ་ཆེན་པོ་གདུགས་དཀར་པོ་གསེར་གྱི་ཡུ་བ་ཅན་གཟུང་བ་གཟུགས་ཁམས་ཀྱི་ལྷ་རྣམས་དང་བཅས་པ་དང༌། གཡོན་པར་བརྒྱ་བྱིན་རྔ་ཡབ་དཀར་པོ་ནོར་བུའི་ཡུ་བ་ཅན་ཐོགས་པ་འདོད་ཁམས་ཀྱི་ལྷའི་ཚོགས་དང་བཅས་པ་དང༌།   སྟེང་ནས་གནས་གཙང་མའི་རིས་ཀྱི་ལྷའི་བུ་དང་བུ་མོ་མང་པོས་མཆོད་རྫས་སྣ་ཚོགས་པ་ཐོགས་པས་མཆོད་ཅིང༌། མདུན་ནས་རྒྱལ་ཆེན་བཞིའི་རིས་ཀྱི་ལྟ་རྣམས་ཀྱིས་དྲི་བཟང་པོའི་སྤོས་ཐོགས་པས་བསུས་ཏེ།སྟོན་པ་རང་ཉིད་ཐེམ་སྐས་དབུས་མ་ནས་མཚན་དཔེའི་འོད་ཟེར་རབ་ཏུ་འབར་བར་ཉི་མའི་དཀྱིལ་འཁོར་ལྟར་ལྷམ་མེ་ལྷན་ནེ་ལྷང་ངེར་རེས་རྫུ་འཕྲུལ་དང་རེས་ཞབས་ཀྱིས་རིམ་གྱིས་བྱོན།   དེའི་ཚེ་དགེ་སློང་གི་དགེ་འདུན་རྣམས་དང༌། རྒྱལ་པོ་དང༌། བློན་པོ་དང༌། བྲམ་ཟེ་དང༌། ཁྱིམ་བདག་ཕོ་མོ་རྣམས་ཀྱིས་རང་རང་གི་ཅི་འབྱོར་བའི་མཆོད་རྫས་སྣ་ཚོགས་པ་ཐོགས་ནས་བསུ་བ་བྱས་སྐབས་སྐུ་བརྙན་འདིས་ནམ་མཁར་་འཕགས་ཏེ་གོམ་པ་དྲུག་བསུས་ཏེ།   སྐུ་དངོས་དང་མཇལ་སྐབས་དབུ་གུག་གུག་པ་ལན་གསུམ་གྱིས་སྐུ་ཁམས་འདྲི་བའི་ཚུལ་མཛད།   སྟོན་པས་སྐུ་བརྙན་འདིའི་དབུ་ལ་ཕྱག་གཡས་པ་བརྐྱངས་ཏེ་བཞག་ནས་སངས་རྒྱས་དངོས་དང་འདྲ་བའི་བསྔགས་པ་མཛད་ཅིང༌། ང་ནི་མྱ་ངན་འདས་འོག་ཏུ།   །ལོ་ནི་བརྒྱ་ཕྲག་བཅུ་འདས་ནས། །ཤར་ཕྱོགས་ཙི་ནའི་ཡུལ་དུ་ཁྱོད།   །བསྟན་དང་འགྲོ་ཕན་དོན་ལ་བཞུད། །ཅེས་ལུང་བསྟན་ནས་རྒྱལ་པོ་ཨུ་ཏྲ་ཡ་ན་ལ་ལེགས་སོ་བྱིན་ཏེ་སྐུ་གཟུགས་ཀྱི་ཐོག་མ་བཞེངས་པ་འདི་བའི་བསྟན་པ་ལ་བྱ་བ་བྱས་ཤིང་སྐྱེ་བོ་སྐལ་པ་དང་ལྡན་པ་མང་པོའི་བསོད་ནམས་ཀྱི་ཞིང་དམ་པར་གྱུར་པ་དང༌།གཞན་ཡང་སེམས་ཅན་དཔག་ཏུ་མེད་པའི།དགེ་བའི་རྩ་བ་བསྐྱེད་པའི་གཞི།སྡིག་སྒྲིབ་དག་པར་བྱེད་པའི་ཐབས་བླ་ན་མེད་པ་བདེ་བར་གཤེགས་པའི་སྐུ་བརྙན་བཞེངས་པའི་སྲོལ་གསར་དུ་གཏོད་པ་ཁྱོད་་དང་འདྲ་བ་མེད་དོ་ཞེས་བཀའ་སྩལ་པ་དང༌། ལྷའི་དབང་པོས་ཀྱང༌།    ཀྱེ་རྒྱལ་པོ་ཆེན་པོ་ལེགས་སོ་ལེགས་སོ་དགའ་བར་བྱོས་ཤིག་རྙེད་པ་ལེགས་པར་བརྙེས་སོ་ཞེས་རྗེས་སུ་ཡི་རང་བས་གཟེངས་བསྟོད།
དེ་ནས་བཟུང་སྟེ་ལོ་སྟོང་ཉིས་བརྒྱ་གྱ་ལྔའི་བར་དུ་རྒྱ་གར་ཡུལ་དུ་སྐྱེ་འགྲོ་རྣམས་ཀྱི་མཆོད་གནས་དམ་པར་བཞུགས། དེ་ནས་ཁིའུ་
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2018 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་ཀྲུང་གོའི་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号