ན་མོ་མཉྫུ་ཤྲི་ཡེ། མཁའ་ཁྱབ་ཞིང་གི་རྒྱལ་བའི་མདུན་ས་རུ། །ཟབ་མོའི་གཏམ་གྱི་རྔ་ཆེན་སྒྲོགས་མཁས་ཤིང༌། །སྣ་ཚོགས་བརྟན་གཡོའི་གར་གྱིས་འགྲོ་བ་ཀུན། །འདྲེན་མཛད་འཇམ་པའི་དབྱངས་དེར་གུས་པས་འདུད། །མགོན་པོ་དེ་ཡི་རླབས་ཆེན་ཐུགས་བསྐྱེད་དང༌། །སྨོན་ལམ་རྒྱ་མཚོའི་དཔལ་གྱིས་ཡོངས་བཟུང་བའི། །གནས་མཆོག་རི་བོ་རྩེ་ལྔ་ཞེས་གྲགས་པའི། །བཀོད་པའི་ཁྱད་པར་མདོ་ཙམ་བྲི་བར་བྱ། །
དེ་ཡང་འཛམ་བུ་གླིང་འདི་ན་བྱིན་རླབས་ཅན་གྱི་གནས་ཁྱད་པར་དུ་འཕགས་པ་ལྔ་ཡོད་པར་གྲགས་ཏེ། དབུས་ན་རྒྱ་གར་རྡོ་རྗེ་གདན། ཤར་ན་རྒྱ་ནག་རི་བོ་རྩེ་ལྔ། ལྷོ་ན་རི་བོ་པོ་ཏ་ལ། ནུབ་ན་མཁའ་འགྲོའི་གནས་ཨོ་ཊི་ཡ་ན། བྱང་ན་རིགས་ལྡན་གྱི་གནས་ཤམྦྷ་ལ་རྣམས་སོ། །བྱེ་བྲག་ཏུ་མ་ཧཱ་ཙི་ནར་གྲགསཔའི་རྒྱ་ནག་གི་རྒྱལ་ཁམས་འདིར་བྱིན་རླབས་ཅན་གྱི་རི་ཆེན་བཞི། རི་གཉན་ཆེན་པོ་ལྔ། ཆུ་ཀླུང་ཆེན་པོ་རྣམས་སུ་ཡོད་པ་ལས་དང་པོ་བཞི་འཕགས་པ་འཇམ་དཔལ་གྱི་གནས་རི་བོ་རྩེ་ལྔའམ་རི་བོ་དྭངས་བསིལ།འཕགས་པ་སྤྱན་རས་གཟིགས་ཀྱི་གནས་རི་བོ་པོ་ཏ་ལའམ་གྲུ་འཛིན། འཕགས་པ་ཀུན་ཏུ་བཟང་པོའི་གནས་ཨེ་མི་ཤན་དུ་གྲགས་པ་རི་བོ་གླང་ཆེན། འཕགས་པ་སའི་སྙིང་པོའི་གནས་ཅིའུ་བཧའ་ཤན་ཏེ། བཞི་ཡིན་ལ། འདིའི་ནང་ནས་འཕགས་པ་འཇམ་དཔལ་གྱི་གནས་རི་བོ་རྩེ་ལྔ་འདི་ནི། བཅོམ་ལྡན་འདས་ཀྱིས་མདོ་རྒྱུད་དུ་མ་ནས་གསལ་བར་ལུང་བསྟན་ཅིང༌། འཕགས་ཡུལ་རྒྱ་ནག་ཧོར་བོད་ཀྱི་མཁས་པ་དང་གྲུབ་པའི་སྐྱེ་བོ་ཚད་ལྡན་གྲགས་ཆེ་བ་ཟམ་མ་ཆད་པར་བྱོན་ནས་སྒྲུབ་པ་མཛད་ཅིང་འཕགསཔའི་ཞལ་གཟིགས་པ་སོགས་ཀྱི་གཏམ་རྒྱུད་མང་བ་དང༌། གནས་ཆེན་འགའ་ཞིག་ལ་འདྲ་མིན་གཉིས་རེ་ཙམ་ཡང་ཡོད་པར་སྣང་ནའང་རི་བོ་རྩེ་ལྔ་འདི་ནི་ད་ལྟ་ཡོངས་སུ་གྲགས་པ་འདི་ཉིད་ལུང་གིས་ཟིན་པ་དངོས་ཡིན་པ་ལ་མཁས་བླུན་སུས་ཀྱང་དོགས་གནས་སུ་འཛིན་པ་མེད་པས་རྩོད་མེད་ཀྱི་གནས་བྱིན་རླབས་ཅན་དུ་ངེས་པ་རྙེད་པར་སྣང་ངོ་། །
དེ་ཡང་ཡིད་ཆེས་བསྐྱེད་པའི་ཕྱིར་རྒྱལ་བས་ལུང་བསྟན་ཅིང༌། གནས་སྒོ་ཕྱེ་ཚུལ་དང༌། གནས་ཀྱི་བཀོད་པའི་ཁྱད་པར་བཤད་པ་དང༌། སྐྱེས་ཆེན་དམ་པ་དུ་མ་བྱོན་པའི་ཚུལ་དང༌། དད་ལྡན་རྣམས་ལ་འཕགས་པས་སྣང་བ་ཁྱད་པར་ཅན་སྩལ་བའི་ཚུལ་དང༌། ཆོས་རྒྱལ་རིམ་བྱོན་རྣམས་ཀྱིས་སྙེན་བཀུར་ཇི་ལྟར་མཛད་པའི་ཚུལ་དང་ལྔ་ལས།
དང་པོ་ནི། འཇམ་དཔལ་རྩ་རྒྱུད་ལས། རྒྱ་དང་རྒྱ་ནག་ཆེ་ཉིད་ན། །འཇམ་པའི་དབྱངས་ནི་རབ་འགྲུབ་འགྱུར། །ཞེས་དང༌། བྱང་ཆུབ་སེམས་དཔའ་དཔའ་བོ་ཆེ། །འཇམ་པའི་དབྱངས་ནི་འོད་ཆེན་པོ། །མངོན་སུམ་དེ་ཡི་ཡུལ་དག་ན། །བྱིས་པའི་གཟུགས་ཀྱིས་བཞུགས་པ་ཡིན། །གྲུབ་པའི་ཞིང་མཆོག་དམ་པ་ལ། །མི་ནི་ཡོངས་སུ་སྒྲུབ་པར་འགྱུར། །ཞེས་པའི་ལུང་སྔ་མས་རྒྱ་ནག་གི་ཡུལ་འདི་འཕགས་པ་འཇམ་དཔལ་གྱིས་འདུལ་བའི་ཞིང་ཡིན་པར་བསྟན་ཅིང༌། རྒྱ་ནག་གི་ཆེ་ཆུང་གི་ཁྱད་པར་ནི་ཀྭང་ཊེའུ་ལ་སོགས་པའི་རྒྱ་གར་ནག་གི་མཚམས་ཀྱི་ས་ལ་རྒྱ་ནག་ཆུང་ངུ་དང༌། དེ་ཚུན་གྱི་རྒྱ་ནག་གི་ཡུལ་ལྗོངས་རྣམས་ལ་རྒྱ་ནག་ཆེན་པོར་སྔོན་གྱི་ཡིག་རྙིང་རྣམས་སུ་གྲཊ་པ་ལྟར་རོ། །ལུང་ཕྱི་མས་ཡུལ་དེར་འཕཊ་པ་འཇམ་དཔལ་བྱིས་པའི་
གཟུགས་ཀྱིས་གནས་པར་གསུངས་པ་ཡང་རྒྱལ་བའི་བསྟན་པ་ཕྱོགས་འདིར་མ་དར་བའི་སྔ་རོལ་ནས་རི་བོ་རྩེ་ལྔ་འདིར་སྤྲུལ་པའི་ཁྱེའུ་ཟུར་ཕུད་ལྔ་པ་ཞིག་ཡང་ཡང་རྒྱུ་བ་གཉུག་མར་གནས་པའི་བོན་པོ་སོཊ་མཆོག་དམན་དུ་མས་མཐོང་བར་རྒྱའི་ཡིག་རྙིང་ལས་འབྱུང་བ་དང་ཤིན་ཏུ་མཐུན་ནོ། །ཁྱད་པར་དུ་གནས་ཀྱི་མཚན་དང་བཅས་པ་གསལ་པའི་ལུང་བསྟན་ཚུལ་ནི་མདོ་སྡེ་ཕལ་པོ་ཆེ་ལས། བྱང་ཤར་གྱི་མཚམས་རི་བོ་དྭངས་བསིལ་ཞེས་བྱ་བ་བསྐལ་པ་དང་པོའི་དུས་བྱང་ཆུབ་སེམས་དཔའི་ཚོགས་ཡང་དག་པར་འདུ་བའི་གནས་ཡིན་ཏེ། ད་ལྟ་ཡང་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་རང་གི་འཁོར་བྱང་ཆུབ་སེམས་དཔའ་སྟོང་ཕྲག་བཅུའི་ཚོགས་དང་བཅས་པ་གནས་དེར་རྟག་ཏུ་གནས་ཤིང༌། དམ་པའི་ཆོས་རྒྱ་ཆེར་བསྟན་ཅིང་བཞུཊ་སོ། །ཞེས་དང༌། ཙི་ནའི་ཡུལ་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་བཞུཊ་གནས་ཕོ་བྲང་ཞིག་ཡོད་པའི་མིང་སྲེད་མེད་ཀྱི་བུའི་བྲག་ཁུང་ཞེས་བྱ་བ་བསྐལ་པ་དང་པོའི་དུས་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཚོཊ་ཤིང་བཞུཊ་པའི་གནས་ཡིན་ནོ།།ཞེས་དང༌། གཟུངས་རིན་པོ་ཆེའི་གཏེར་མཛོད་དམ་མཚན་གཞན་འཇམ་པའི་དབྱངས་ཀྱི་གཟུངས་སྔགས་ཡི་གེ་བརྒྱད་པའི་ཆོ་ག་ཞིབ་མོ་ཞེས་བྱ་བ། རྒྱ་གར་གྱི་མཁན་པོ་སྡེ་སྣོད་གསུམ་པ་བོ་བྷི་རུ་ཙིས་འགྱུར་ལས། དེ་ནས་བཅོམ་ལྡན་འདས་ཀྱིས་གསང་བའི་བདག་པོ་ལག་ན་རྡོ་རྗེ་ལ་བཀའ་སྩལ་པ། བྱང་ཤར་ཀྱི་མཚམས་སུ་མ་ཧཱ་ཙི་ན་ཞེས་བྱ་བའི་ཡུལ་ཆེན་པོ་ཡོད་པ་དེར་ལྷུན་པོ་རྩེ་ལྔ་པ་ཞེས་བྱ་བའི་རི་བོ་ཡོད་ལ་ང་ཉིད་མྱ་ངན་ལས་འདས་པའི་འོག་ཏུ་གནས་དེར་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པས་སྤྱོད་ལམ་ཅི་བདེ་བའི་ཚུལ་གྱིས་གནས་ཏེ། སེམས་ཅན་ཐམས་ཅད་ལ་ཕན་པ་དང་བདེ་བའི་དམ་པའི་ཆོས་རབ་ཏུ་སྟོན་ཅིང་རྒྱ་ཆེར་བསྟན་པར་འགྱུར་རོ། །ལྷ་དང་ཀླུ་ལ་སོཊ་པའི་དྲེགས་པ་སྡེ་བརྒྱད་དཔག་ཏུ་མེད་པས་ཡོངས་སུ་བསྐོར་ཏེ་མཆོད་པ་དང་བཀུར་སྟི་རིམ་གྲོ་བྱེད་པར་འགྱུར་རོ། །ཞེས་པ་ལ་སོགས་པ་རྒྱ་ཆེར་གསུངས་ཏེ། དེ་རྣམས་སུ་འཕགས་པ་འཇམ་དཔལ་གྱི་སྤྲུལ་པའི་གནས་ཡིན་པ་དང་གནས་ཀྱི་མཚན་དང་བཅས་པ་གསལ་བར་བསྟན་ལ། 1/10 1 2 3 4 5 6 下一页 尾页 |
