ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ནང་བའི་གྲུབ་མཐའ།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་དག་ཡིག་མཁས་པའི་འབྱུང་གནས་ཞེས་བྱ་བ་ལས་སྒྲ་རིག་
སྤེལ་དུས།05-18  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ། ལྕང་སྐྱ་རོལ་བའི་རྡོ་རྗེ།
གཉིས་པ་བྱིངས་ལས་ཚིག་ཏུ་བསྒྲུབ་པའི་ཀུན་བཤད་ཀྱི་རབ་དབྱེ་ལ།   བྱེད་པ་པོའི་རབ་ཏུ་བྱེད་པ་དང༌། དངོས་པོ་དང་ལས་ཀྱི་རབ་ཏུ་བྱེད་པ་དང༌། ལྐོག་གྱུར་གྱི་རབ་ཏུ་བྱེད་པ་དང༌། སྨོན་པར་བྱེད་པའི་རྐྱེན་དང༌། དེ་རིང་མ་ཡིན་པའི་འབྱུང་འགྱུར་གྱི་དོན་གྱི་རྐྱེན་གྱི་རབ་ཏུ་བྱེད་པ་དང༌། འབྱུང་འགྱུར་གྱི་རྐྱེན་གྱི་རབ་ཏུ་བྱེད་པ་དང༌།   བྱ་བ་ཤོར་བའི་རྐྱེན་གྱི་རབ་ཏུ་བྱེད་པ་དང༌། བྱུང་ཟིན་གྱི་རྐྱེན་གྱི་རབ་ཏུ་བྱེད་པ་དང༌། དངོས་པོ་དང་ལས་ཀྱི་རབ་ཏུ་བྱེད་པ་དང༌། ཡདྲ་རྐྱེན་གྱི་རབ་ཏུ་བྱེད་པ་དང༌། ཡདྲ་འཇིག་པའི་མཐའི་རབ་ཏུ་བྱེད་པ་དང༌། རྐྱེན་དང་སྦྱོར་བའི་རབ་ཏུ་བྱེད་པ་དང༌། ཀུན་ནས་བསྒྱུར་བའི་རབ་ཏུ་བྱ་བ་དང༌། ཀུན་ནས་བཤད་པའི་རབ་ཏུ་བྱེད་པ་རྣམས་དང༌། ཀྲྀཏྲ་ལ་སོགས་པའི་རབ་ཏུ་བྱ་བའོ།   །
དང་པོ་ལ། ད་ལྟར་བ་ལ་འཇུག་པ་ནི། ཏིཔྲ། ཏསྲ། ཨནྟི། སིཔྲ། ཐསྲ། ཐ།  མིཔྲ། བསྲ། མསྲ། ཏེ།ཨཱ་ཏེ། ཨན་ཏེ། སེ།  ཨཱ་ཐེ། ངྷྭེ། ཨེ། བ་ཧེ། མ་ཧེ་རྣམས་སོ། །འཇུག་བཞིན་པ་དང་བྱ་བ་ཤེས་པར་ནུས་པའི་ད་ལྟར་བའི་དོན་ལ་རྣམ་དབྱེ་ཏི་པྲ་ལ་སོགས་པ་འདི་རྣམས་འཇུག་གོ།།ཆོ་ག་འབྱུང་བའི་གནས་དག་ལ་འཇུག་པ་ནི།ཡཱཏྲ།ཡ་ཏཱམྲ།ཡུསྲ། ཡཱསྲ། ཡཱཏཾ། ཡཱཏྲ། ཡྰཾ། ཡཱ་བ།  ཡཱ་མཱ། ཨྰི་ཏ། ཨྰི་ཡཱ་ཏྰཾ། ཨྰི་རནྲ། ཨྰི་ཐསྲ། ཨྰི་ཡཱ་ཐྰཾ།  ཨྰི་བྷྭཾ།   ཨྰི་ཡ། ཨྰི་བ་ཧི།   ཨྰི་མ་ཧི་རྣམས་སོ།   །ཆོ་ག་ཞེས་བ་བྱ་བའི་དོན་ལ་ཉེ་བར་སྟོན་པ་དང་འབྱུང་བའི་གནས་ཏེ་རྟོགས་པས་ཤེས་པའི་བྱ་བའི་དོན་ལ་རྣམ་དབྱེ་ཡཱཏྲ་ལ་སོགས་པ་འདི་རྣམས་འཇུག་གོ། །ཤིས་བྱེད་དང་བྱེད་དུ་འཇུག་པ་དག་ལ་འཇུག་པ་ནི། ཏུཔྲ། ཏྰཾ། ཨནྟུ།ཧི། ཏཾ། ཏ། ཨཱ་ནིཔྲ། ཨ་བཔྲ། ཨཱ་མབྲ།     ཏྰཾ། ཨཱ་ཏྰཾ། ཨནྟྰམྲ་སྭ། ཨཱ་ཐྰཾ། ངྷྭྰམྲ། ཨེེ་པྲ། ཨཱ་བ་ཧེེབྲ། ཨཱ་མ་ཧེེ་བྲ་རྣམས་སོ།   །མ་ཐོབ་པ་ཐོབ་པར་བྱེད་པ་སོགས་བཀྲ་ཤིས་པའི་དོན་དང༌། འདོད་པ་དང་མཐུན་པར་བསྐུལ་བ་སོགས་བྱེད་དུ་འཇུག་པའི་དོན་ལ་ཏུཔྲ་ལ་སོགས་པའི་རྣམ་དབྱེ་འདི་རྣམས་འཇུག་པར་འགྱུར་རོ།   །དེ་རིང་མ་ཡིན་པའི་འདས་པ་ལ་འཇུག་པ་ནི། དིཔྲ། ཏཱམྲ། ཨན། སིབྲ།   ཏམྲ། ཏྲ། ཨ་མིཔྲ། བ། མ། ཏནྲ། ཨཱཏཱམྲ། ཨནྟ། ཐཱསྲ།ཨཱ་ཐཱམྲ།ངྷྭཾ། ཨི།   བ་ཧི།  མཧི་རྣམས་སོ།   །དེ་རིང་མ་ཡིན་པའི་འདས་པ་སྟེ་དུས་འདས་པ་ཡིན་པ་ལ་འདས་ནས་ཡུན་རིང་མ་སོང་བའི་དོན་ལ།དིཔྲ་ལ་སོགས་པའི་རྣམ་དབྱེ་འདི་རྣམས་འཇུག་གོ།།
གཉིས་པ་དངོས་པོ་དང་ལས་ཀྱི་དོན་ལ་འཇུག་པ་ནི།བྱིངས་ལས་བཅས་ལས་མེད་གཉིས་ལ་དངོས་པོའི་དོན་དུ་རྣམ་དབྱེ་ཨཱཏྨ་ནེ་པ་ད་རྣམས་འཇུག་ཅིང༌། དེ་ཡང་ཉེར་བསྒྱུར་གྱི་སྟོབས་ཀྱིས་བསྒྱུར་བ་ལ་མ་ངེས་པ་སོགས་ཁྱད་པར་འགའ་ཞིག་མ་གཏོགས་མིང་གི་རྣམ་གྲངས་ལོགས་པ་མེད་དོ།   །གསུམ་པ་ལྐོག་ཏུ་གྱུར་པའི་དོན་ལ་འཇུག་པ་ནི། ཎཔྲ། ཨ་ཏུསྲ། ཨུསྲ།   ཐཔྲ།   ཨ་ཐུསྲ།   ཨ། ཎཔྲ།བ།མ།ཨེ། ཨཱ་ཏེ། ཨེ་རེ། སེ།ཨྰེ་ཐེ།ངྷྭེ། ཨེ། བ་ཧེ། མ་ཧེ་རྣམས་སོ། །བྱིངས་ལས་ལྐོག་ཏུ་གྱུར་པའི་དུས་བརྗོད་པའི་བྱེད་པའི་དོན་ལ་ཎཔྲ་ལ་སོགས་པའི་རྣམ་དབྱེ་འདི་རྣམས་འཇུག་ཞིང༌།   ལྐོག་ཏུ་གྱུར་པའི་དུས་དེ་ལ་འང་འདས་མ་འོངས་གཉིས་སུ་ཡོད་པ་ལས་འདས་པ་ལ་འཇུག་ལ། འདས་པ་དེ་ཡང་འདས་ནས་ཡུན་རིང་ལོན་པའི་དུས་ལ་འཇུག་པ་ཤས་ཆེའོ།   །
བཞི་པ་སྨོན་པར་བྱེད་པའི་དོན་གྱི་བྱ་བ་བརྗོད་པ་ལ་འཇུག་པ་ནི།ཡཱཏྲ།   ཡཱསྟྰཾ། ཡཱ་སུཔྲ།ཡཱསྲ།   ཡཱསྟཾ། ཡཱ་སྟ།   ཡཱ་སྭ། ཡཱསྨ།   སྰིཥྚ་སྰི།   ཡྰསྟྰཾ།    སྰི་རན།   སྰིཥྛྰ་སྲ།   སི་ཡྰསྠཾ།   སྰི་ངྷྭཾ། སྰིཡ།   སྰི་བ་ཧི། སྰི་མ་ཧི་རྣམས་སོ། །སྨོན་པར་བྱེད་པའི་དོན་གྱི་བྱ་བ་བརྗོད་པ་ལ་ཡཱཏྲ་ལ་སོགས་པའི་རྣམ་དབྱེ་འདི་རྣམས་འཇུག་གོ།།
ལྔ་པ་དེ་རིང་མ་ཡིན་པའི་འབྱུང་འགྱུར་གྱི་དོན་ལ་འཇུག་པ་ནི། ཏཱ། ཏཱ་རོོ། ཏཱ་རསྲ། ཏཱ་སི།   ཏཱ་སྠསྲ།  ཏཱསྠ། ཏཱསྨི།ཏཱ་སྦསྲ། ཏཱ་སྨསྲ།ཏཱ།ཏཱ་རོོ།ཏཱ་རསྲ།ཏཱ་སེ། ཏཱ་སཱ་ཐེ། ཏཱ་ངྷཾ། ཏཱ་ཧེ།   ཏཱ་སྦ་ཧེ། ཏཱ་སྨཧེ་རྣམས་སོ། །དེ་རིང་མ་ཡིན་པའི་འབྱུང་འགྱུར་གྱི་དོན་ལ་ཏཱ་ལ་སོགས་པའི་རྣམ་དབྱེ་འདི་རྣམས་འཇུག་ལ། འབྱུང་འགྱུར་དེ་ཡང་དུས་རིང་པོ་མ་ཡིན་པའི་ཉེ་བར་འབྱུང་བ་ལ་འཇུག་པ་ཤེས་ཆེའོ།།
དྲུག་པ་འབྱུང་འགྱུར་དུས་རིང་པོའི་དོན་ལ་རྣམ་དབྱེ་ཏིཔྲ་ལ་སོགས་པ་བཅོ་བརྒྱད་པོ་ལ་སྱ་བྲ་བར་རྐྱེན་དུ་འགྱུར་བ་འདི་རྣམས་འཇུག་ལ།   དེ་ཡང་མ་འོངས་པ་དུས་རིང་པོ་ལ་འཇུག་པ་ཤས་ཆེའོ།།
བདུན་པ་བྱ་བ་ཤོར་བའམ་མི་འཇོམ་པའི་དོན་ལ་རྣམ་དབྱེ་དི་པྲ་ལ་སོགས་པ་བཅོ་བརྒྱད་པོ་ལ་བར་རྐྱེན་སྱ་པྲ་བྱིན་པ་འདི་རྣམས་འཇུག་སྟེ།དེ་ཡང་བྱ་བ་ཤོར་བ་སྟེ་དུས་ལ་མ་ཁེལ་བའམ་རྒྱུ་ཚོགས་མ་འཛོམ་པ་དང༌།   བྱ་བ་མ་རྫོགས་པར་འཕྲོ་ལུས་པ་དང༌།   བྱ་བ་ཟིན་མ་ཐག་པའི་གྲུབ་ཟིན་གསར་པ་རྣམས་ཀྱི་དོན་ལ་འཇུག་པ་ཤས་ཆེའོ།།
ཡང་བརྒྱད་པ་བྱུང་ཟིན་ཙམ་གྱི་དོན་བརྗོད་པ་ལ་རྣམ་དབྱེ་དིཔྲ་ལ་སོགས་པ་བཅོ་བརྒྱད་པོ་ལ་བར་རྐྱེན་སི་བྱིན་པ་འདི་རྣམས་འཇུག་སྟེ།དེ་ཡང་དུས་འདས་ནས་ཡུན་རིང་སོང་བ་ལ་འཇུག་པ་ཤས་ཆེའོ།   །རྣམ་དབྱེ་འདི་རྣམས་ཀྱི་མིང་འདོགས་ཚུལ་མི་འདྲ་བའི་ཁྱད་པར་ནི་དབྱངས་ཅན་བྱ་ཀ་ར་ཎའི་ལུགས་ལ།     ཀུན་བཤད་ཀྱི་རྣམ་དབྱེ་ཏིཔྲ་སོགས་བརྒྱ་དང་བརྒྱད་ཅུ་པོ་ལ་སྡེ་ཚན་བཅུ་རུ་ཡོད་ལ། སྡེ་ཚན་རེ་རེ་ལའང་དགུ་ཚན་གཉིས་གཉིས་སུ་ཡོད་པ་ལས། དང་པོ་དགུ་ནི་པ་རསྨེ་པ་ད་སྟེ་གཞན་དོན་གྱི་ཚིག་ཅན་གྱི་རྣམ་དབྱེ་དང༌། ཕྱི་མ་དགུ་ནི། སཱཏྨ་ནི་པ་ད་སྟེ་བདག་དོན་གྱི་ཚིག་ཅན་གྱི་རྣམ་དབྱེ་ཞེས་ཐ་སྙད་བཏགས་སོ། །པཱ་ཎི་པའི་ལུགས་ལ། ཏྰིཔྲ་སོགས་ཀྱི་རྣམ་དབྱེ་སྡེ་ཚན་བཅུའི་དང་པོ་ལ། ལཊྲ་ཞེས་པ་དང༌།   གཉིས་པ་ལ། ལིདྲ་ཞེས་པ་དང༌། གསུམ་པ་ལ་ལོཊྲ་ཞེས་པ་དང༌། བཞི་པ་ལདྲ་ཞེས་པ་དང༌། ལྔ་པ་ལ་ལིདྲ་ཞེས་པ་དང༌།   དྲུག་པ་ལ་སྨོན་པའི་ལིདྲ་ཞེས་པ་དང་བདུན་པ་ལ་ལུཊྲ་ཞེས་པ་དང༌། བརྒྱད་པ་ལ་ལྲིཊྲ་ཞེས་པ་དང༌། དགུ་པ་ལ་ལྲིདྲ་ཞེས་ཐ་སྙད་བཏགས་སོ། །གཞན་ཡང་རང་བཞིན། རྐྱེན།  རྣམ་འགྱུར་གསུམ་གྱི་སྒོ་ནས་བསྒྲུབ་ཚུལ་ནི།   གཅིག་ལ་མཚོན་ན་ད་ངྷ་འཛིན་པ་ལའོ་ཞེས་པའི་བྱིངས་བཞག ནཊ་ཀི་དག་གོ་ཞེས་པས་ཀི་རྐྱེན་བྱིན། ཀ་ཡོན་ཏན་འགོག་པའི་དོན་གྱིས་ཕྱིས། སྲོག་གི་ཨི་བཞག གང་ཞིག་ཨིཏྲ་ཀྱི་མིང་ཅན་དེ་ནི་དབྱིའོ་ཞེས་པས་བྱིངས་མཐའི་ཨ་ཕྱིས། དབྱངས་ཀྱིས་དམན་པ་ཕ་རོལ་ཏུ་ཡང་དག་པར་སྦྱོར་རོ་ཞེས་པས་ངྷ་སྲོག་མེད་ཨི་ལ་དྲངས་པས། ད་ངྷི་འབྱུང༌། ཎྰཉྲི་ཐོབ་པ་དང་འདྲེན་པ་ལའོ་ཞེས་པའི་བྱིངས་བཞག ཉ་གཉིས་ཀའི་ཚིག་ཅན་གྱི་དོན་ཕྱིས། རིམ་པ་ལས་མ་འདས་པར་ཕྲལ་བར་བྱའོ་ཞེས་པས་ཎའི་སྲོག་གི་ཨྰི་ཕྲལ། དབྱངས་ལས་ཨའོ་ཞེས་པས་ཀྲྀཏྲ་རྐྱེན་ཨ་བྱིན། ཡོན་ཏན་ནོས། ཨྰིའི་ཡོན་ཏན་ཨེར་སོང༌། ཨེ་ཨ་ཡ་འོས་ཨེ་ཨ་ཡར་བསྒྱུར། དང་པོའི་ཤ་ཎ་ནི་ས་ན་འོས་ཎ་ནར་སོང༌། དེ་ནས་སྲོག་མེད་རིམ་གྱིས་དྲངས་པས་ན་ཡ་འབྱུང༌། དེའི་སྔོན་ཉེར་བསྒྱུར་ཨཱདྲ་བཞག་ང་ཕྱིས་པས་ཨ་ན་ཡ་འབྱུང༌། དེ་ནས་ཡང༌། ད་ངྷི་ཨ་ན་ཡ་ཞེས་པ་བཞག རིམ་པ་ལས་མ་འདས་པར་ཕྲལ་བར་བྱའོ་ཞེས་པས། ངྷིའི་སྲོག་གི་དབྱངས་ཨི་ཕྲལ། དབྱངས་ལ་ཨི་ཡྲ་འོས། ཨི་ཡ་རུ་བསྒྱུར། ཧ་ས་ལས་ར་ཧ་མ་ཡིན་པའི་ཧ་ས་རྣམས་སོ་ཞེས་པས་ངྷ་ཡིག་གཉིས་བརྗོད། ཛྷ་བྷ་ལ་ཛ་བ་རྣམས་སོ་ཞེས་པས།   ངྷ་ཡིག་གོང་མ་དྲ་རུ་བསྒྱུར།   དབྱངས་ཀྱིས་དམན་པ་ཕ་རོལ་ཏུ་ཡང་དག་པར་སྦྱོར་རོ་ཞེས་པས་རིམ་པས་དྲངས་པས།ད་ངྔྷྱ་ན་ཡ་ཞེས་པ་གྲུབ་པས་ཞོ་ལོངས་ཤིག་ཅེས་པའོ།།
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2021 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号