| ཁྱོན་ཡངས་ས་གཞིར་འཕགས་པའི་བྱ་རྒོད་ཀྱི་ཕུང་པོ། །དེ་ན་བཞུགས་པ་མཉམ་མེད་ཟས་གཙང་གི་སྲས་མཆོག །མཁའ་མཉམ་ཡིད་ཅན་ཀུན་གྱི་མགོན་སྐྱབས་རང་ལོས་ཡིན། །འཕྲིན་ལས་རྣམ་བཞི་སྒྲུབ་བྱེད་འོད་ཟེར་གྱི་དྲ་བ། །རླུང་སེམས་རིགས་ལྔར་འཕྲོ་བའི་མི་སྐྱོད་ཀྱི་ཞིང་ཁམས། །དེ་ན་བཞུགས་པ་སྐྱབས་མཆོག་ངེས་དོན་གྱི་བླ་མ། །བདག་ཅག་སྐལ་ལྡན་གདུལ་བྱའི་གདུང་སེལ་རང་ལོས་ཡིན། །འཁོར་ལོ་བཞི་དང་ལྡན་པའི་དལ་འབྱོར་གྱི་རྟེན་བཟང༌། །ལེགས་བཤད་བདུད་རྩིས་བསྐྱངས་པའི་སློབ་བུ་ངའི་མདུན་མ། །བཟང་ངན་ཇི་ལྟར་གྱུར་ཀྱང་བླ་མ་རང་མཁྱེན་པས། །རེ་སས་བསླུ་བར་མ་མཛད་མཐུ་ལྡན་གྱི་མགོན་པོ། །དྲིན་ཅན་བླ་མ་མཆོག་གི་གསང་གསུམ་གྱི་རོལ་མོ། །ཡིད་དམ་དཔའ་བོ་མཁའ་འགྲོའི་ངོ་བོ་རུ་བསྒོམས་ཏེ། །སྙིང་དབུས་འབྲལ་གླགས་མེད་པའི་གསོལ་འདེབས་འདི་གསན་ནས། །མཆོག་ཐུན་དངོས་གྲུབ་ཡོངས་ཀྱི་དགའ་སྟོན་འདིར་སྩོལ་མཛོད། །ཅེས་སོ། །དེ་ནས་ཕྱོགས་མཐའ་དག་ནས་འདུས་པའི་དད་ལྡན་རྣམས་ལ་རང་རང་གི་དབང་པོ་དང་འཚམས་པའི་ཆོས་ཀྱི་བདུད་རྩི་རིམ་པར་སྩལ་ཞིང༌། ལྷག་པར་དགུང་ལོ་ཉེར་བརྒྱད་པའི་དུས་ནས་དགུང་ལོ་ཞེ་དགུའི་བར་ལ་ནུབ་ཕྱོགས་ཁ་ཆེའི་ཡུལ་ནས་ཤར་ཕྱོགས་རྒྱ་མཚོ་ཆེན་པོ་ལ་ཐུག་གི་བར་གྱི་དད་ལྡན་རྒྱལ་བའི་བསྟན་པ་ལ་ཞུགས་ནས་འདུལ་ཁྲིམས་བསྲུང་བར་འདོད་པ་བགྲང་བ་ལས་འདས་པ་ལ་དགེ་ཚུལ་དང་དགེ་སློང་གི་སྡོམ་པ་བརྒྱུད་མར་སྩལ། མདོར་ན་རྒྱལ་བ་ཐམས་ཅད་མཁྱེན་པ་རྗེ་བཙུན་བློ་བཟང་བསྐལ་བཟང་རྒྱ་མཚོ་དཔལ་བཟང་པོ་འདི་ནི་རང་ཅག་བོད་ཀྱི་ལྷ་ཅིག་འཕགས་མཆོག་ཐུགས་རྗེ་ཆེན་པོ་ཉིད་ཡིན་པ་ཀུན་ལ་གྲགས་པ་ལྟར་ཡིན་ཞིང༌། ཐ་མལ་པའི་སྣང་ཚུལ་དང་བསྟུན་པའི་མཛད་པ་རྣམ་ཐར་ཡང་ཁྱད་པར་དུ་འཕགས་པ་ཞིག་སྟེ། སྐུ་འཁྲུངས་ཙམ་ཉིད་ནས་ཐུགས་སྙིང་རྗེ་ཆེན་པོའི་གཞན་དབང་དུ་གྱུར་པས་ཅི་མཛད་ཐམ་ས་ཅད་བསྟན་འགྲོར་སྨན་པའི་ཐབས་འབའ་ཞིག་ཏུ་སྦྱོར་བར་མཛད་པ། འཛམ་གླིང་ཡངས་པའི་ཁྱོན་ལ་དབང་བསྒྱུར་ཞིང་ཆེ་དགུ་ཀུན་གྱིས་མཆོད་ཀྱང་ཁེངས་པའི་དྲི་ཙམ་ཡང་མེད་པར་གདུལ་བྱ་དམན་པ་ལ་ཐུགས་བརྩེ་བ། ཐུགས་རྒྱུད་ལ་སྤངས་རྟོགས་མ་ལུས་མཐར་ཕྱིན་ཀྱང་ཕྱི་མའི་སྐྱེ་བོ་རྣམས་ལ་ཚུལ་འདི་ལྟར་གྱིས་ཤིག་ཅེས་བསླབ་པའི་ཕྱིར་ཡོངས་འཛིན་མཁས་པ་མང་པོ་བསྟེན་ཏེ་མདོ་རྒྱུད་དགོངས་འགྲེལ་དང་བཅས་པ་ལ་གསན་སྦྱོངས་མཐར་ཕྱིན་པར་མཛད་པས་མདོ་སྔགས་གཞུང་ལུགས་ཀུན་ལ་མཁས་པ། སའི་སྟེང་གི་མཁོ་དགུའི་ཡོ་བྱད་ཐམས་ཅད་དྲུང་དུ་འདུས་ཤིང་ནམ་མཁའ་མཛོད་ལ་མངའ་བརྙེས་ཀྱང་ཡོད་པ་རྒྱུ་མཚན་དུ་བྱས་ནས་གཟབས་འཕྱོར་དང་ཕྱར་གཡེང་གི་རྣམ་པ་སྐད་ཅིག་ཀྱང་མི་མཛད་པས་ལོ་རེར་ན་བཟའ་གསར་པ་ཚར་རེ་ལས་བརྗེ་བར་མི་མཛད་ཅིང་ཆོས་གོས་རྣམ་པ་གསུམ་པོ་ཚད་དང་དབྱིབས་དང་བཞེས་ཚུལ་སོགས་འདུལ་བ་ནས་ཇི་ལྟར་གསུངས་པ་ལས་དམན་ལྷག་ཏུ་མ་སོང་བར་མཛད་པ་སོགས་དྲན་ཤེས་བག་ཡོད་བརྟན་པོས་ཅི་མཛད་འདུལ་བ་དང་བསྟུན་ནས་མཛད་པས་སོ་ཐར་གྱི་ཚུལ་ཁྲིམས་གཙང་བ། བདག་པས་གཞན་གཅེས་གྱི་ཐུགས་བསྐྱེད་བཟང་པོས་ཅི་མཛད་སེམས་ཅན་གྱི་དོན་འབའ་ཞིག་ཏུ་མཛད་པས་བྱང་སེམས་ཀྱི་ཚུལ་ཁྲིམས་རྣམ་པར་དག་པ། གསང་སྔགས་རྒྱུད་སྡེ་བཞིའིདབང་ལུང་མན་ངག་མཐའ་དག་རྒྱུད་ལྡན་བླ་མ་དམ་པ་ལས་གསན་ཞིང་ཐུགས་ཉམས་སུ་བཞེས་པས་ཉམས་རྟོགས་ཕུལ་ཕྱིན་བརྙེས་ཤིང་རྡོ་རྗེ་ཐེག་པའི་དམ་ཚིག་ལས་ནམ་ཡང་མི་འདའ་ཞིང་བཅས་པ་ཆེ་ཕྲ་མཐའ་དག་ཕྱག་ལེན་ལ་ཐེབས་པར་མཛད་པས་རྒྱལ་བས་བསྔགས་པའི་རྡོ་རྗེ་འཛིན་པ་ཆེན་པོ་སྟེ། མདོར་ན་སྡོམ་གསུམ་གྱི་བཅས་མཚམས་ལག་ལེན་ལ་ཁེལ་བ། ཆོས་གྱི་རྒྱལ་པོ་ཙོང་ཁ་པ་ཆེན་པོའི་རིང་ལུགས་ལ་བསྲེ་བསླད་ཕྲ་མོ་ཙམ་ཡང་མེད་པར་སྐྱོང་བས་རྣམ་ཐར་གཙང་བ་འཆད་རྩོད་རྩོམ་གསུམ་གང་གི་ཐད་ལའང་ཟླ་དང་བྲལ་བ་སྟེ། མདོར་ན། མཛད་པ་ཀུན་ལས་གསུང་གི་ནི། །མཛད་པ་མཆོག་ཡིན་དེ་ཡང་ནི། །འདི་ཉིད་ཡིན་ཕྱིར་མཁས་པ་ཡིས། །འདི་ལས་སངས་རྒྱས་རྗེས་དྲན་བྱོས། ཞེས་གསུངས་པ་ལྟར། རྗེ་འདིས་རྒྱལ་བའི་བསྟན་པ་གསལ་བར་བྱ་བའི་ཕྱིར་མདོ་སྔགས་ཀྱི་བསྟན་བཅོས་ཚིག་དོན་ཕུན་སུམ་ཚོགས་པ་མང་དུ་མཛད་པ་ནི་འདི་ལྟར། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་བ་འཕགས་ལུགས་ཞེས་ཡོངས་སུ་གྲགས་པའི་དཀྱིལ་འཁོར་དུ་བཅུག་ནས་དབང་བསྐུར་བའི་ཆོ་ག་དེ་ཉིད་རབ་གསལ་གྱི་རྣམ་པར་བཤད་པ་དབང་དོན་དེ་ཉིད་ཡང་གསལ་སྣང་བ་རྡོ་རྗེ་སེམས་དཔའི་ཞལ་ལུང་ཞེས་བྱ་བ་ལེགས་བཤད་ཀྱི་རྒྱ་མཚོ་ཆེན་པོ། དགའ་ལྡན་ལྷ་བརྒྱ་མའི་ཁྲིད་ཡིག འཇིགས་བྱེད་དབང་གི་རྒྱུད་འདེབས། དེའི་བསྐྱེད་རྫོགས་དམར་ཁྲིད་རྒྱུད་འདེབས། དེའི་དབང་བཤད་ཆེན་མོ། དེའི་བསྐྱེད་རིམ་གྱི་ཁྲིད། དེའི་ཚོགས་མཆོད། དེ་ལ་བརྟེན་པའི་བླ་མའི་རྣལ་འབྱོར། འཇིགས་བྱེད་དཔའ་བོ་གཅིག་པའི་དཀྱིལ་ཆོག བདེ་མཆོག་ལྰུ་ཨི་པ་དང༌། མི་ཏྲ་ནས་བརྒྱུད་པའི་དབང་གི་རྒྱུད་འདེབས། དྲིལ་བུ་ལྷ་ལྔའི་དབང་གི་རྒྱུད་འདེབས། དེའི་སྒྲུབ་ཐབས། ལྰུ་ཨི་པའི་ཚོགས་མཆོད།བླ་མའི་རྣལ་འབྱོར་གྱི་རིམ་པ་མང་པོ། འཕགས་པ་ཐུགས་རྗེ་ཆེན་པོ་ལ་བསྟོད་ཅིང་གསོལ་བ་འདེབས་པ་ཕན་བདེའི་ཆར་འབེབས་སོགས་སངས་རྒྱས་བྱང་སེམས་རྣམས་ལ་བསྟོད་ཅིང་གསོལ་བ་འདེབས་པ་དང༌། རྗེ་རང་ཉིད་ཀྱི་བརྟན་བཞུགས་སོགས་བླ་མ་དམ་པ་མང་པོའི་གསོལ་འདེབས་བརྟན་བཞུགས་དུ་མ། བཅོམ་ལྡན་འདས་དུས་གྱི་འཁོར་ལོའི་རྒྱུད་འདེབས། དེའི་མཆོག་དབང་གོང་མ་རྣམས་བསྐུར་ཚུལ། དེའི་སྐུ་གསུང་ཐུགས་ཡོངས་སུ་རྫོགས་པའི་སྒྲུབ་ཐབས། དེའི་ཐུགས་དཀྱིལ་གྱི་སྒྲུབ་ཐབས།དེའི་ཚོགས་མཆོད། བློ་སྦྱོང་དང་འབྲེལ་བའི་ཞལ་གདམས་གྱི་རིམ་པ་མང་པོ། ཁྲི་ཆེན་སྤྲུལ་སྐུའི་རྣམ་ཐར། རྡོར་སེམས་ལྷ་བཅུ་བདུན་མའི་དབང་གི་རྒྱུད་འདེབས། དེའི་སྒྲུབ་ཐབས། དེའི་དཀྱིལ་ཆོག སྤྱན་རས་གཟིགས་རྒྱལ་བ་རྒྱ་མཚོའི་སྒྲུབ་ཐབས། རྒྱུད་སྡེ་ནས་གསུངས་པའི་ལྷ་ཚོགས་དུ་མའི་སྒྲུབ་ཐབས། སྤྱན་རས་གཟིགས་ཁ་སརྤ་ཎྰའི་སྒྲུབ་ཐབས་དང་རྗེས་གནང་བྱ་ཚུལ། གསང་བདག་དྲག་པོ་གསུམ་སྒྲིལ་གྱི་སྒྲུབ་ཐབས། འཇམ་དབྱངས་ཨ་ར་པ་ཙ་ན་ལྷ་ལྔའི་དབང་རྒྱུད། དེའི་སྒྲུབ་ཐབས། དེའི་དཀྱིལ་ཆོག དམ་ཅན་ཆོས་སྲུང་དུ་མ་ལ་མཆོད་གཏོར་འབུལ་བ་དང༌། བསྐང་བཤགས་བསྟོད་བསྐུལ་མང་པོ། འཁོར་ཆེན་གྱི་སྦྱིན་སྲེག བཅུ་གཅིག་ཞལ་གྱི་དབང་གི་རྒྱུད་འདེབས།དེའི་དབང་ཆོག སྨྱུང་གནས་ཀྱི་ཆོ་ག སྒོ་དྲུག་གི་གཟུངས་ཀྱི་རྣམ་བཤད། བསྟོད་སྤྲིན་རྒྱ་མཚོའི་འགྲེལ་པ། འདའ་ཀ་ཡེ་ཤེས་ཀྱི་མདོ་འགྲེལ། ཚོགས་དབུས་སུ་དགེ་ཚོགས་བྱང་ཆེན་དུ་བསྔོ་བའི་གཏམ། འཁོར་ཆེན་སྨོན་ལམ་ཤིས་བརྗོད། ཆབ་ཤོག་གི་རིམ་པ། དྭགས་པོ་དགེ་བཤེས་ཀྱི་འཇིགས་བྱེད་དབང་ཆོག་ལ་དག་མཆན་གནང་བ། བསངས་མཆོད་ཀྱི་རིམ་པ། དྲུག་ཅུ་པའི་རྣམ་གཞག མགོན་པོ་སྙིང་ཞུགས་ཀྱི་རྒྱུན་ཁྱེར། སྐུ་གསུང་ཐུགས་རྟེན་གསར་བཞེངས་ཀྱི་རྒྱབ་ཡིག་སྨོན་ལམ། འདོད་གསོལ། དཀར་ཆག་སོགས། ཆོས་སྡེ་ཆེ་ཆུང་གི་བཅའ་ཡིག སྤྲིངས་ཡིག་འཕྲིན་བཅོལ་གྱི་རིམ་པ་ཕྱོགས་གཅིག་ཏུ་བསྒྲིགས་པ་འཇིགས་མེད་གདོང་ལྔའི་སྒྲ་དབྱངས་སོགས་ལེགས་པར་བཤད་པའི་རྩོམ་པ་མཐའ་ཡས་པ་མཛད་དོ། །དེ་ལྟར་རྗེ་འདིས་སྤྱིར་བསྟན་པའི་བྱ་བ་རྒྱ་ཆེར་མཛད་པ་དང༌། ཁྱད་པར་འཇམ་མགོན་བླ་མའི་ལུགས་བཟང་མདོ་སྔགས་གང་གི་ཐད་ལའང་བསྲེ་བསླད་ཕྲ་མོའང་མེད་པར་རྣལ་ཐར་གཙང་མ་མཐར་ཕྱིན་པར་མཛད་པ་ནི་ལེགས་བཤད་དྲི་མ་མེད་པ་འདི་རྣམས་ལ་བལྟས་པས་ཤེས་ཤིང༌། འདིར་ནི་རྣམ་ཐར་གྱི་གཙོ་བོ་ཆོས་ཀྱི་འཁོར་ལོ་བསྐོར་བའི་མཛད་པ་རགས་རིམ་ཞིག་བརྗོད་པ་ཡིན་གྱི། ལུགས་གཉིས་དང་འབྲེལ་བའི་མཛད་པ་རྣམ་ཐར་ཞིབ་པར་ནི་རྣམ་ཐར་ཆེན་མོ་ལས་ཤེས་པར་བྱའོ། །དེས་ན་བྱང་ཆུབ་ལམ་གྱི་རིམ་པ་ལ་བློ་སྦྱོང་བར་འདོད་པ་རྣམས་ཀྱིས་གངས་རིའི་མགོན་པོ་རྒྱལ་བ་ཐུགས་རྗེ་ཅན་འདི་ལ་གསོལ་བ་འདེབས་ཤིང་འདིའི་མཛད་པ་རྣམ་ཐར་ལྟར་ཐོས་བསམ་སྒོམ་གསུམ་མཁས་བཙུན་བཟང་གསུམ་གཅིག་གྲོགས་སུ་གཅིག་འགྲོ་བར་བྱེད་ཅིང༌། 11/12 མདུན་ངོས། 上一页 9 10 11 12 下一页 尾页 |
