| འཇམ་དབྱངས་ཉག་གཅིག་ལ།ཉི་ཁྲི།ཁྲི་བརྒྱད་སྟོང་པ།ཤེས་རབ་སྣ་ཚོགས།ཤེས་རབ་ཁྲི་པ།ཉི་ཁྲི་ལེ་མང༌། ཉི་ཁྲི་སྣང་བ།ལེ་བརྒྱད་མ། ས་སྡེ་ལྔ་རྣམས་གསན། དཔང་ལོ་ཙཱ་བ་བློ་གྲོས་བརྟན་པ་ལ། ས་སྡེ་ལྔ།ཐེག་བསྡུས་སྐོར་གསུམ།མངོན་པ་ཀུན་ལས་བཏུས། ཐུབ་པ་དགོངས་རྒྱན། རྣམ་བཤད་རིགས་པ།ལས་སྒྲུབ་པའི་རབ་ཏུ་བྱེད་པ།རྟེན་འབྲེལ་མདོ་འགྲེལ།དབུ་མ་སྒོམ་རིམ་སོགས་དབུ་མའི་སྐོར། དུས་འཁོར་རྒྱུད་འགྲེལ། གསང་འདུས་ཀྱི་སྒྲུབ་ཐབས། བརྒྱད་སྟོང་དོན་བསྡུ།དེའི་འགྲེལ་པ། བྱང་ཆུབ་གཞུང་ལམ། ཕུང་པོ་ལྔའི་རབ་བྱེད། བཅུ་གཅིག་ཞལ་གྱི་གཟུངས། སྡུད་པའི་འགྲེལ་པ་སདས་རྒྱས་ཡེ་ཤེས་ཞབས་ཀྱིས་མཛད་པ་རྣམས་གསན། གཽ་ཤྲྰི་རིན་ཆེན་སེང་གེ་ལ་མངོན་པ་ཀུན་ལས་བཏུས་གསན་ནོ། །ཤིན་ཏུ་བཀའ་དྲིན་ཆེ་བའི་བཤེས་གཉེན་བཅུ་ཕྲག་གཅིག་བསྟེན་ཚུལ་ནི། དགུང་ལོ་ལྔ་པའི་དུས་སུ་བསམ་གླིང་པའི་གདུང་བརྒྱུད་སངས་རྒྱས་དབོན་ལ་བདེ་མཆོག་དྲིལ་བུ་པའི་དབང་ཞུས་པས་དབང་བཞིའི་དོན་ངོ་འཕྲོད་པ་བྱུང་ཞེས་གྲག་གོ། །བསམ་གླིང་པའི་རིན་ཆེན་དཔལ་འབར་བ་དང་མཁན་པོ་རིན་ཆེན་དཔལ་བཟང་གཉིས་ལ།སོ་སོ་ཐར་པའི་སྡོམ་པ་དེའི་བསླབ་བྱ་དང་བཅས་པ་གསན།བླ་མ་མདོ་སྡེ་དཔལ་བ་ལ་རྣམ་རྒྱལ་སྒྲུབ་ཐབས། དེའི་གཟུངས།སྒྲོལ་མ་མཎྜལ་བཞི་པ།སྒྲོལ་མ་ཉེར་གཅིག་གི་ལས་ཚོགས་སྒྲུབ་ཐབས་དང་བཅས་པ། ། གཤིན་རྗེ་གཤེད་དྲག་པོའི་རྗེས་གནང༌།བྱང་ཆུབ་སེམས་དཔའ་ཟླ་བ་རྒྱལ་མཚན་གྱིས་མཛད་པའི་གཏོར་མ་བརྒྱ་རྩ། གཟེར་ལྔའི་གདམས་པ། བློ་སྦྱོང་རྣམ་དག་གཙུག་ནོར་སོགས་གསན། བླ་མ་གནུར་པ་ཆོས་འཕགས་རྒྱལ་མཚན་ལ། ཡོ་གའི་སྐོར་གྱི་དབང་བཀའ་བཤད་བཀའ་མན་ངག་གི་བཀའ་ཐམས་ཅད་རྫོགས་པ་དང༌། ཟབ་ཆོས་སྣ་ཚོགས་གསན།བྱང་སེམས་རིན་ཆེན་མགོན་ལ། བདེ་མཆོག སྒྲོལ་མ། འཁོར་ཆེན། དགྱེས་རྡོར། དགྲ་ནགཚེ་དཔག་མེད། ཀུན་རིག་རྣམས་ཀྱི་དབང༌། ཐུབ་པ་དགོངས་རྒྱན།ཐེག་བསྡུས་སྐོར་གསུམ། བྱམས་ཆོས་ལྔ་རྩ་འགྲེལ། ཉི་ཤུ་པ། སུམ་ཅུ་པ། སེམས་བསྐྱེད་ལན་དྲུགརྣམ་རྒྱལ་གྱི་རྗེས་གནང༌། མགོན་པོ་ལྕམ་དྲལ་གྱི་རྗེས་གནང་ལས་ཚོགས་དང་བཅས་པ། ཨ་ཕྱི་མའི་གཏོར་དབང༌། གཏོར་ཆོག་སོགས་གསན། བླ་མ་ར་ས་པ་རིན་ཆེན་གླིང་པ་ལ་འཇམ་དབྱངས་ཨ་ར་པ་ཙ་ནའི་སྒྲུབ་ཐབས་ཞུས་ནས་ཉམས་ལེན་བྱས་པས་དོན་དཔྱོད་ཀྱི་ཤེས་རབ་ཆེན་པོར་སོང༌། ཁོར་རང་གི་ཐུགས་ལ་ཉི་ཁྲི་ཟིན་པ་བྱུང་ཡོད་པར་འདུག་གསུངས། མཁན་ཆེན་ཆོས་རྒྱལ་བ་དཔལ་བཟང་པོ་ལ་སྙིང་པོ་དོན་གསུམ། སེམས་ཉིད་ངལ་གསོ་སོགས་ཁྲོ་ཕུ་བའི་མན་ངག་བརྒྱ་རྩའི་ཁྲིད་རྣམས་གསན། བླ་མ་རི་པ་དཔལ་ཤེས་ལ། ཞ་མ་ནས་བརྒྱུད་པའི་ཕྱག་རྒྱ་ཆེན་པོ་བསྟོད་སྐོར། ནཱ་རོ་ཆོས་དྲུགལྷན་ཅིག་སྐྱེས་སྦྱོར་སོགས་གསན།ཀུན་སྤངས་ནམ་མཁའ་གྲགས་ལ། བདེ་མཆོག་གི་དབང་ལན་གཉིས།དཔའ་བོས་མཛད་པའི་སྐྱེས་རབས།བསླབ་བཏུས། མདོ་བཏུས། ཕྱག་རྒྱ་ཆེན་པོ་གངྒྰ་མ་སོགས་གསན།བླ་མ་འདི་ལ་མ་འོངས་པའི་མངོན་པར་མཁྱེན་པ་མངའ་སྟེ།གཟིམ་ཁང་ཆོས་རྫོང་རྩིག་པའི་བཀོད་པའི་ཞལ་ཏ་ཨར་པ་རྣམས་ལ་མཛད་པའི་རྩ་ན་སེམས་དཔའ་ཆེན་པོ་ཡང་བཞུགས་པས། ཉིད་ཀྱི་ཐུགས་དགོངས་ལ་བཙུན་རྒན་བློ་མ་ཁུགས་དགོངས་ཡོད་མཆི་སྟེ། ཁང་པ་འདི་བེད་སུས་སྤྱོད་མི་ཤེས་སོ་ཨང་གསུང་ཞིང༌། མཁར་ལས་གྲུབ་ནས་དགུན་གཅིག་བཞུགས་པ་དང་བསྙུང་སྟེ། སེམས་དཔའ་ཆེན་པོ་གདན་དྲངས་ནས། ངའི་ཚིག་བཞི་པོ་འདི་ཉིད་ཀྱིས་སྒྲུབས་ཤིག་གསུང་སྟེ། ང་མ་ཤི་བར་རྩར་བཞུགས་གསུང་བ་དང༌། ང་ཤི་ནས་ཞེ་དགུའི་བར་ལ་ཆོ་ག་རེ་གྱིས་གསུང་བ་དང༌། གཟིམ་ཁང་འདི་དང་གཞིས་ནས་བརྒྱ་ཐོན་གཅིག་འབུལ་བས་བཞེས་གསུངས་པ་ལ། གཞིས་ལམ་གཅིག་བཞེས་ནས་ཁོང་རང་གི་དུས་མཆོད་ལ་ཕུལ། གཞན་རྣམས་གསུང་བཞིན་དུ་བསྒྲུབས་ཏེ་སེམས་དཔའ་ཆེན་པོའི་ཞལ་ནས། ཁང་པ་འདི་གྲུབ་ནས་ཁོང་པས་དགུན་གཅིག་ལས་མ་བཞུགས། འོ་སྐོལ་གྱིས་ལོ་སུམ་ཅུ་རྩ་གྲངས་ཤིག་བེད་སྤྱད་འདུག ད་དུས་མ་འོངས་པའི་མངོན་པར་མཁྱེན་པ་གསུངས་པར་གདའ་གསུང་ངོ༌། །ཟབ་ཆོས་སྣ་ཚོགས་ཞུས་པའི་བཤེས་གཉེན་བཅུ་ཕྲག་གཅིག་ནི་འདི་ལྟར། བླ་ཆེན་ཀུན་བློ་ལ་སེམས་བསྐྱེད། རྒྱལ་སྲས་ལམ་བཟང༌།བྱང་ཆུབ་སེམས་དཔའི་སྤྱོད་འཇུག་སོགས་གསན། འཛིམས་པའི་བླ་མ་ཡོན་ཏན་རྒྱ་མཚོ་ལ་འཁོར་ཆེན་དང་སྒྲོལ་མའི་རྒྱ་གཞུང༌། དོན་ཞགས་ཀྱི་སྐོར་རྣམས་གསན། དེའི་སྐུ་མཆེད་བླ་མ་རྡོ་རྗེ་དཔལ་ལ།གཟེར་ལྔའི་བྱིན་རླབས། བཤེས་སྤྲིང་སོགས་གསན། བླ་མ་རིན་ཡེ་བ་ལ། འཇུག་པ་སེམས་བསྐྱེད། བྱམས་ཆོས་ལྔ་རྩ་འགྲེལ། ཡང་དགོན་པའི་རི་ཆོས་སྐོར་གསུམ། དཔེ་ཆོས་རིན་སྤུངས།མན་ངག་རིན་སྤུངས་སོགས་གསན།།འཇམ་དཔལ་དབྱངས་དོན་ཡོད་པ་ལ་སྒྲོལ་མ་དང༌།བདེ་ཆེན་རལ་གཅིག་གི་དབང༌། སེམས་བསྐྱེད།ས་སྐྱ་པའི་བླ་མའི་རྣལ་འབྱོར་ཐུན་མོང་མ་ཡིན་པ།དབུ་མ་ཆེན་པོའི་ཁྲིད་རྣམས་གསན།མཁན་ཆེན་བུ་སྟོན་པ་ལ། བདེ་མཆོགགསང་འདུས།དཔལ་མཆོགརྡོར་སེམས་ཀྱི་དབང༌།ནག་པོ་པའི་སྒྲུབ་ཐབས་གྱི་ཊྰིཀྐ། ལས་ཆོག་གི་ཊྰིཀྐ་རྣམས་གསན།ཆོས་རྗེ་བསོད་ནམས་རྒྱལ་མཚན་པ་ལ།སེམས་བསྐྱེད། སྒྲོལ་མའི་དབང༌།དྲིལ་བུ་པ་སྐོར་གསུམ་གྱི་དབང༌། བདེ་མཆོག་མཆོད་འཕྲེང༌།བདེ་མཆོག་སྡོམ་འབྱུང་གི་འགྲེལ་པ། གསུམ་པ་ལོ་ཙཱའི་སྙན་རྒྱུད།རྣམ་རྒྱལ་གྱི་བསྟོད་པ་ཙཎྜ་གོ་མིས་མཛད་པ་རྣམས་གསན། ར་ས་བླ་མ་བསོད་ནམས་ལྷུན་གྲུབ་ལ།གཤིན་རྗེ་གཤེད་དགྲ་ནག་གི་དབང་རྒྱུད་མན་ངག་དང་བཅས་པ་གསན། བླ་མ་བློ་བཟང་བ་ལ་གླང་རི་ཐང་པའི་བློ་སྦྱོང་ཚིག་རྐང་བརྒྱད་མ་གསན། སྤྱི་བོ་ལྷས་པའི་མཁན་པོ་ཤེས་རྒྱལ་གྲུབ་བཟང་ལ། ཐུགས་རྗེ་ཆེན་པོ་སྐྱེར་སྒང་པའི་སྒྲུབ་ཐབས་ལས་ཚོགས་དང་བཅས་པ་གསན་ནོ། །དག་སྣང་རྒྱ་ཆེན་སྦྱངས་པའི་བཤེས་གཉེན་བཅུ་ཕྲག་གཅིག་ནི་ཏི་ཤྲྰི་ཀུན་དགའ་རྒྱལ་མཚན། བླ་མ་མཁས་བཙུན་ཆེན་པོ།བླ་ཆེན་བསོད་བློ། བླ་མ་ཤར་པ་ཀུན་བསོད། བླ་མ་ཤེས་རབ་རྒྱལ་མཚན། དྲང་པོ་ལུང་གི་མཁན་པོ་ཐུགས་རྗེ་ཤེས་རབ། སློབ་དཔོན་དཔལ་གྱི། མཁན་པོ་བསོད་ནམས་སེང་གེ།བླ་མ་རྒྱལ་པོ་དཔལ། བླ་མ་ནམ་མཁའ་སངས་རྒྱས་རྣམས་ལ་ཡང་ཆོས་འབྲེལ་རེ་ཡོད་གསུང༌། འགྲན་གྱི་དོ་ཟླ་མེད་པའི་ཡོངས་འཛིན་རིན་ཆེན་གཉིས་ནི་འདི་ལྟར། བསྟན་འཛིན་ཐམས་ཅད་ཀྱི་གཙུག་རྒྱན།ཕན་བདེ་ཐམས་ཅད་ཀྱི་འབྱུང་གནས།གནས་བརྟན་ཆེན་པོའི་སྤྲུལ་པ། དག་པའི་ས་ལ་གནས་པའི་སེམས་དཔའ་ཆེན་པོ། མཁན་ཆེན་བསོད་ནམས་གྲགས་ལ། མདོ་རྒྱུད་ཐམས་ཅད་ཀྱི་སྙིང་པོ།མན་ངག་ཐམས་ཅད་ཀྱི་ཉིང་ཁུ། རྒྱལ་བ་ཐམས་ཅད་ཀྱི་སྤྱི་ལམ་ཐེག་པ་ཆེན་པོའི་བློ་སྦྱོང་ཞུས་པའི་དུས་སུ། སྐྱེ་བ་དཔག་ཏུ་མེད་པའི་གོང་རོལ་ནས་དཔོན་སློབ་ཀྱི་འབྲེལ་པ་ཡོད་པའི་རྟེན་འབྲེལ་གྱིས། བྱང་ཆུབ་ཀྱི་སེམས་གཉིས་ནི་དབྱར་གྱི་ཆུ་ཀླུང་ཆེན་པོའི་རྒྱུན་བཞིན་དུ་འཕེལ་ཞིང་རྒྱས། 4/23 མདུན་ངོས། 上一页 2 3 4 5 6 7 下一页 尾页 |
