ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ནང་བའི་གྲུབ་མཐའ།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་དག་ཡིག་མཁས་པའི་འབྱུང་གནས་ཞེས་བྱ་བ་ལས་ཕར་ཕྱིན་
སྤེལ་དུས།05-18  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ། ལྕང་སྐྱ་རོལ་བའི་རྡོ་རྗེ།
ཞབས་པུས་མོའི་ལྷ་ང་མི་མངོན་པ། བ་སྤུ་རེ་རེ་ནས་གྱེན་དུ་ཕྱོགས་པ། བྱིན་པ་རི་དྭགས་ཨེ་ན་ཡ་དང་འདྲ་བ། ཕྱག་རིང་ཞིང་མཛེས་པ། འདོམས་ཀྱི་སྦ་བ་སྦུགས་སུ་ནུབ་པ། པགས་པ་དསེར་མདོག པགས་པ་འཇམ་ཞིང་སྲབ་པ། སྤུ་རེ་རེ་ནས་གཡས་སུ་འཁྱིལ་བ། ཞལ་མཛོད་སྤུས་བརྒྱན་པ། རོ་སྟོད་སེང་གེ་འདྲ་བ། དཔུང་མགོ་ཟླུམ་པ། ཐལ་གོང་རྒྱས་པ། རོ་མི་ཞིམ་པའང་རོ་མཆོག་ཏུ་སྣང་བ། ནྱ་གྲོ་ཏ་ལྟར་ཆུང་ཞིང་གབ་པ། དབུ་གཙུག་ཏོར་དང་ལྡན་པ། ལྗངས་རིང་ཞིང་མཛེས་པ། གསུང་ཚངས་པའི་དབྱངས་འདྲ་བ། འགྲམ་པ་སེང་གེའི་འདྲ་བ། ཚེམས་ཤིན་ཏུ་དཀར་བ། ཚེམས་ཚད་མཉམ་པ། ཚེམས་ཐགས་བཟང་བ། ཚེམས་གྲངས་བཞི་བཅུ་ཚང་བ། སྤྱན་མཐོན་མཐིང་འདྲ་བ། སྤྱན་རྫི་བ་མཆོག་གི་འདྲ་བ་རྣམས་སོ། ། དཔེ་བྱད་བརྒྱད་ཅུ་ནི། སེན་མོ་ཟངས་མདོག་ལྟ་བུ། སེན་མོའི་མདོག་སྣུམ་པ། སེན་མོ་མཐོ་བ། སོར་མོ་ཟླུམ་པ། སོར་མོ་རྒྱས་པ། སོར་མོ་བྱིན་གྱིས་ཕྲ་བ། སྐུའི་རྩ་མི་མངོན་པ། རྩ་མདུན་མེད་པ། ལོང་བུ་མི་མངོན་པ། ཞབས་མཉམ་པ། སེང་གེ་དང་། ངང་བ་དང་། གླང་པོ་ཆེ་དང་། ཁྱུ་མཆོག་གི་སྟབས་སུ་གཤེགས་པ། གཡས་ཕྱོགས་སུ་གཤེགས་པ། མཛེས་པར་གཤེགས་པ། དྲང་པོར་གཤེགས་པ། སྐུ་འཁྲིལ་བག་ཆགས་པ། སྐུ་བྱི་དོར་བྱས་པ་འདྲ་བ། སྐུ་རིམ་པར་འཚམས་པ། སྐུ་གཙང་བ། སྐུ་འཇམ་པ། རྣམ་པར་དག་པ། མཚན་ཡོངས་སུ་རྫོགས་པ། ཁོ་ལག་ཡངས་ཤིང་བཟང་བ། གོམ་པ་སྙོམས་པ། སྤྱན་དག་པ། སྐུ་གཞོན་ཤ་ཅན། ཞུམ་པ་མེད་པ། སྐུ་རྒྱས་པ། སྐུ་ཤིན་ཏུ་གྲིམས་པ། ཡན་ལག་རྣམ་པར་འབྱེད་པ། གཟིགས་པ་དག་པ། དཀུ་ཟླུམ་པ། དཀུ་སྐབས་ཕྱིན་པ། དཀུ་མ་རྙོངས་པ། ཕྱལ་ཕྱང་ངེ་བ། ལྟེ་བ་ཟབ་པ། རི་མོ་གཡས་སུ་འཁྱིལ་བ། སྤྱོད་ལམ་ལྟ་ན་སྡུག་པ། ཀུན་སྤྱོད་གཙང་བ། རྨེ་བ་གནག་བག་མེད་པ། ཕྱག་ཤིང་བལ་ལྟར་འཇམ་པ། ཕྱག་རིས་མདངས་ཡོད་པ། རི་མོ་ཟབ་པ། རི་མོ་རིང་པ། ཞལ་ཧ་ཅང་མི་རིང་བ། མཆུ་བིམ་པ་ལྟར་དམར་བ། ལྗགས་མཉེན་པ། སྲབ་པ། དམར་བ། གསུང་འབྲུག་སྒྲ་ལྟ་བུ། གསུང་མཉེན་ཞིང་འཇམ་པ། མཆེ་བ་ཟླུམ་པ། རྣོ་བ། དཀར་བ། མཉམ་པ། བྱིན་གྱིས་ཕྲ་བ། ཤངས་གཟེང་མཐོ་བ། དག་པ། སྤྱན་ཡངས་པ། རྫི་མ་སྟུག་པ། སྤྱན་པདྨའི་འདབ་མ་འདྲ་བ། སྨིན་མ་ཚུགས་རིང་བ། འཇམ་པ། སྣུམ་པ། སྤུ་མཉམ་པ། ཕྱག་རིང་ཞིང་རྒྱས་པ། སྙན་མཉམ་པ། དབང་པོ་མ་ཉམས་པ། དཔྲལ་བ་ལེགས་པར་འབྱེས་པ། དཔྲལ་བ་དབྱེས་ཆེ་བ། དབུ་རྒྱས་པ། དབུ་སྐྲ་བུང་བ་ལྟར་གནག་པ། སྟུག་པ། འཇམ་པ། མ་འཛིངས་པ། མི་གཤོར་བ། དྲི་ཞིམ་པས་སྐྱེས་བུའི་ཡིད་འཕྲོག་པར་བྱེད་པ། ཕྱག་ཞབས་དཔལ་གྱི་བེའུ་དང་བཀྲ་ཤིས་ཀྱི་རི་མོས་མཚན་པ་རྣམས་སོ། ། མངོན་རྟོགས་རྒྱན་དུ་མེད་ཀྱང་མཁོ་ཆེ་བས་གསུང་དབྱངས་ཡན་ལག་དྲུག་ཅུ་ཡང་ཕྱོགས་གཅིག་ཏུ་འབྲི་བར་བྱའོ། ། དེ་ནི་མཉེན་པ། འཇམ་པ། ཡིད་དུ་འོང་བ། ཡིད་དུ་འཐད་པ། དག་པ། དྲི་མ་མེད་པ། འོད་གསལ་བ། སྙན་ཅིང་འཇེབས་པ། མཉན་པར་འོས་པ། མི་ཚུགས་པ། སྙན་པ། དུལ་པ། མི་བརླང་བ། རབ་ཏུ་དུལ་བ། རྣར་སྙན་པ། ལུས་སིམ་པར་བྱེད་པ། སེམས་སིམ་པར་བྱེད་པ། སྙིང་དགའ་བར་བྱེད་པ། དགའ་བདེ་བསྐྱེད་པ། གདུང་བ་མེད་པ། ཀུན་ཤེས་པར་བྱ་བ། རྣམ་པར་རིག་པར་བྱ་བ། རྣམ་པར་གསལ་བ། དགའ་བར་བྱེད་པ། མངོན་པར་དགའ་བར་བྱེད་པ། ཀུན་ཤེས་པར་བྱེད་པ། རྣམ་པར་རིག་པར་བྱེད་པ། རིགས་པ། འབྲེལ་བ། ཟློས་སྐྱོན་མེད་པ། སེང་གེའི་སྒྲའི་ཤུགས་ཅན། གླང་པོ་ཆེའི་སྒྲ་སྐད། འབྲུག་གི་སྐད། ཀླུའི་དབང་པོའི་སྒྲ། དྲི་ཟའི་གླུ་དབྱངས། ཀ་ལ་བིང་ཀའི་སྒྲ་དབྱངས། ཚངས་བའི་སྒྲ་དབྱངས། ཤང་ཤང་ཏེའུའི་སྒྲ་དབྱངས། ལྷའི་དབང་པོའི་དབྱངས་ལྟར་སྙན་པ། རྔའི་སྒྲ། མ་འཁེངས་པ། མི་དམའ་བ། སྒྲ་ཐམས་ཅད་ཀྱི་རྗེས་སུ་འཇུག་པ། ཚིག་ཟུར་ཕྱིན་པ། མ་ཚང་བ་མེད་པ། མ་ཞུམ་པ། མི་ཞན་པ། རབ་ཏུ་དགའ་བ། ཁྱབ་པ། ཆུབ་པ། རྒྱུན་ཆགས་པ། འབྲེལ་པ། སྒྲ་ཐམས་ཅད་རྫོགས་པར་བྱེད་པ། དབང་པོ་ཐམས་ཅད་ཚིམ་པར་བྱེད་པ། མ་སྨད་པ། མི་འགྱུར་བ། མ་བརྡབས་པ། ཞི་བར་བྱེད་བ། དུལ་བ། སེལ་བ། བདུད་ཚར་གཅོདཔ། རྣམ་པ་ཐམས་ཅད་ཀྱི་མཆོག་དང་ལྡན་པའོ། ། གསུམ་པ་སྤྲུལ་སྐུ་ལ་སྐྱེ་བ་སྤྲུལ་སྐུ། བཟོ་བ་སྤྲུལ་སྐུ། མཆོག་གི་སྤྲུལ་སྐུ་གསུམ་མོ། མཛད་པ་བཅུ་གཉིས་ནི། དགའ་ལྡན་གྱི་གནས་ནས་འཕོ་བ་དང་། ལྷུམས་སུ་ཞུགས་པ་དང་། སྐུ་བལྟམས་པ་དང་། བཙུན་མོའི་འཁོར་གྱིས་རོལ་བ་དང་། བཟོ་ཡི་གནས་ལ་མཁས་པ་དང་། ཁྱིམ་ནས་མངོན་པར་བྱུང་བ་དང་། དཀའ་བ་སྤྱད་པ་དང་། བྱང་ཆུབ་སྙིང་པོར་གཤེགས་པ་དང་། བདུད་སྡེ་བཅོམ་པ་དང་། མངོན་པར་བྱང་ཆུབ་སྙིང་པོར་གཤེགས་པ་དང་། བདུད་སྡེ་བཅོམ་པ་དང་། མངོན་པར་བྱང་ཆུབ་པ་དང་། ཆོས་ཀྱི་འཁོར་ལོ་བསྐོར་བ་དང་། མྱ་ངན་ལས་འདའ་བ་སྟེ་བཅུ་གཉིས་སོ། །
བཞི་པ་ཡེ་ཤེས་ཆོས་སྐུ་མཛད་པ་དང་བཅས་པ་ལ། ཡེ་ཤེས་ལྔ་ནི། མེ་ལོང་ལྟ་བུའི་ཡེ་ཤེས། མཉམ་པ་ཉིད་ཀྱི་ཡེ་ཤེས། སོ་སོར་རྟོགས་པའི་ཡེ་ཤེས། བྱ་བ་བསྒྲུབ་པའི་ཡེ་ཤེས། ཆོས་ཀྱི་དབྱིངས་ཀྱི་ཡེ་ཤེས་ལྔའོ། །ཟག་མེད་ཡེ་ཤེས་ཀྱི་སྡེ་ཚན་ཉེར་གཅིག་ལ། བྱང་ཕྱོགས་སོ་བདུན། ཚད་མེད་བཞི། རྣམ་ཐར་བརྒྱད། མཐར་གནས་སྙོམས་འཇུག་དགུ། ཟད་པར་བཅུ། ཟིལ་གྱིས་གནོན་པའི་སྐྱེ་མཆེད་བརྒྱད། མངོན་ཤེས་དྲུག་རྣམས་ཀྱི་མིང་ནི་མངོན་པའི་སྐབས་སུ་བལྟའོ། །ཉོན་མོངས་མེད་པའི་ཏིང་ངེ་འཛིན། སྨོན་གནས་མཁྱེན་པ། སོ་སོ་ཡང་དག་པར་རིག་པ་བཞི་ནི། ཆོས། དོན། ངེས་ཚིག། སྤོབས་པ་སོ་སོར་ཡང་དག་པར་རིག་པའོ། །ཡོངས་སུ་དག་པ་བཞི་ནི། རྟེན། དམིགས་པ། ཐུགས། ཡེ་ཤེས་ཡོངས་སུ་དག་པ་བཞིའོ། ། དབང་བཅུ་ནི། ཚེ། སེམས། ཡོ་བྱད། ལས། སྐྱེ་བ། མོས་པ། སྨོན་ལམ། རྫུ་འཕྲུལ། ཡེ་ཤེས། ཆོས་ལ་དབང་བའོ། ། སྟོབས་བཅུ་ནི། གནས་དང་གནས་མ་ཡིན་པ། ལས་ཀྱི་རྣམ་པར་སྨིན་པ། མོས་པ་སྣ་ཚོགས་པ། ཁམས་སྣ་ཚོགས་པ། དབང་པོ་མཆོག་དང་མཆོག་མ་ཡིན་པ། ཐམས་ཅད་དུ་འགྲོ་བའི་ལམ། ཀུན་ནས་ཉོན་མོངས་པ་དང་རྣམ་པར་བྱང་བ། སྔོན་གྱི་གནས་རྗེས་སུ་དྲན་པ། འཆི་འཕོ་བ་དང་སྐྱེ་བ། ཟག་པ་ཟད་པ་མཁྱེན་པའི་སྟོབས་སོ། ། མི་འཇིགས་པ་བཞི་ནི། རྟོགས་པ་ཕུན་ཚོགས་ལ། བར་དུ་ཆོད་པའི་ཚེས་བསྟན་པ་ལ། ངེས་པར་འབྱུང་བའི་ལམ་བསྟན་པ་ལ། སྤངས་པ་ཕུན་ཚོགས་ལ་མི་འཇིགས་པའོ། ། བསྲུང་བ་མེད་པ་གསུམ་ནི། སྐུ་དང་། གསུང་དང་། ཐུགས་ཀྱི་སྐྱོན་ཡོངས་སུ་དག་པས་བསྲུང་བ་མེད་པའོ། །དྲན་པ་ཉེ་བར་བཞག་པ་གསུམ་ནི། ཆོས་མཉན་པར་འདོད་པ་ལ་རྗེས་སུ་ཆགས་པ་མེད་པ། མཉན་པར་མི་འདོད་པ་ལ་ཁོང་ཁྲོ་བ་མེད་པ། གཉིས་ཀ་འདྲེས་མ་ལ་ཆགས་སྡང་གཉི་ཀ་མེད་པའོ། །བསྙེལ་བ་མི་མངའ་བའི་ཆོས་ཉིད། བག་ཆགས་ཡང་དག་པར་བཅོམ་པ། སྐྱེ་བོ་ཐམས་ཅད་ལ་ཐུགས་རྗེ་ཆེན་པོ་དང་ལྡན་པ། མ་འདྲེས་པའི་ཆོས་བཅོ་བརྒྱད་ནི། སྐུ་ལ་འཁྲུལ་པ་མེད་པ། གསུང་ལ་ཅ་ཅོ་མེད་པ། དྲན་པ་ཉམས་པ་མེད་པ། ཐུགས་མཉམ་པར་མ་བཞག་པ་མེད་པ། ཐ་དད་པའི་འདུ་ཤེས་མེད་པ། མ་བརྟགས་པའི་བཏང་སྙོམས་མི་མངའ་བ་སྟེ་སྤྱོད་པས་བསྡུས་པ་དྲུག བདུན་པ། བརྩོན་འགྲུས། དྲན་པ། ཏིང་འཛིན། ཤེས་རབ། རྣམ་པར་གྲོལ་བ་ལས་ཉམས་པ་མེད་པ་སྟེ་རྟོགས་པས་བསྡུས་པ་དྲུག སྐུ་དང་། གསུང་དང་། ཐུགས་ཀྱི་འཕྲིན་ལས་ཡེ་ཤེས་ཀྱི་སྔོན་དུ་འགྲོ་ཞིང་རྗེས་སུ་འབྲང་བ་སྟེ་འཕྲིན་ལས་ཀྱིས་བསྡུས་པ་གསུམ། འདས་པ་དང་། མ་འོངས་པ་དང་། ད་ལྟར་བ་ལ་མ་ཆགས་མ་ཐོགས་པའི་ཡེ་ཤེས་མངའ་བ་སྟེ་ཡེ་ཤེས་ཀྱིས་བསྡུས་པ་གསུམ་མོ། ། རྣམ་པ་ཐམས་ཅད་མཁྱེན་པ་ཉིད་སོགས་གསུམ་སྟེ་སྡེ་ཚན་ཉེར་གཅིག་གོ། །འཕྲིན་ལས་ཉེར་བདུན་ནི། ཞི་བའི་ལས་ལ་འགོད་པ། གཞན་རྒྱུད་སྨིན་བྱེད་བསྡུ་བཞི་ལ་འགོད་པ། བླང་དོར་རྟོགས་པ་ལ་འགོད་པ་སྟེ་ཚོགས་ལམ་ལ་འགོད་པའི་འཕྲིན་ལས་གསུམ། གནས་ལུགས་ཀྱི་དོན་རྟོགས་པ་ལ། ཕྱིན་དྲུག་རྫོགས་བྱེད་ལ། གཉིས་དོན་གྱི་སྤྱོད་པ་ལ། ལྟ་བ་རྣམ་དག་ལ་འགོད་པ་སྟེ་སྦྱོར་ལམ་ལ་འགོད་པའི་བཞི། སྟོང་ཉིད་མངོན་སུམ་དུ་གསར་དུ་རྟོགས་པ་ལ་འགོད་པ་སྟེ་མཐོང་ལམ་ལ་འགོད་པའི་གཅིག ཚུལ་ཁྲིམས་ཀྱི་ཉམས་ལེན་ལ། བཟོད་པའི་ཉམས་ལེན་ལ། བྱང་ཆུབ་ཕྱོགས་མཐུན་ཤེས་པའི་ཤེས་རབ་ལ། བདེན་བཞི་ཤེས་པའི་ཤེས་རབ་ལ། བདེན་པར་ཞེན་པ་བཟློག་པ་ལ། དཀོན་མཆོག་བཏགས་པ་པའི་བྱང་ཆུབ་འཐོབ་པ་ལ། ཞིང་རྣམ་པར་དག་པ་ལ། ཐེག་དམན་དུ་མི་ལྟུང་བར་ངེས་པའི་འཚང་རྒྱ་བ་ལ། སེམས་ཅན་གྱི་དོན་ཚད་མེད་པ་བསྒྲུབ་པ་ལ། ཡོན་ཏན་ཁྱད་པར་ཅན་བསྒྲུབ་པ་ལ། བྱང་ཆུབ་ཀྱི་ཡན་ལག་ལ། ལས་ཆུད་མི་ཟ་བ་ལ། བདེན་པ་ཤེས་པ་ལ། ཕྱིན་ཅི་ལོག་ཟད་པ་ལ། གཞི་མེད་པ་ལ། རྣམ་བྱང་རྫོགས་པ་ལ། སྲིད་ཞི་མཉམ་ཉིད་ལ་འགོད་པའི་འཕྲིན་ལས་ཏེ་སྒོམ་ལམ་ལ་འགོད་པའི་བཅོ་བརྒྱད། མི་གནས་པའི་མྱང་འདས་ལ་འགོད་པ་སྟེ་འབྲས་བུ་ལ་འགོད་པའི་གཅིག་སྟེ་སངས་རྒྱས་ཀྱི་འཕྲིན་ལས་ཉེར་བདུན་ནོ། །ཕ་རོལ་ཏུ་ཕྱིན་པའི་གཞུང་གི་བརྗོད་བྱའི་གཙོ་བོ་རྣམས་ཀྱི་མིང་གི་རྣམ་གྲངས་མདོར་བསྡུས་པའོ། །
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2019 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号