ད་སྔ་གཟིགས་བཞིན་པ།  མདུན་ངོས། > སྲོལ་རྒྱུན་སློབ་གསོ། > ནང་བའི་གྲུབ་མཐའ།
༄༅། །གྲུབ་མཐའི་རྣམ་བཞག་ཐུབ་བསྟན་ལྷུན་པོའི་མཛེས་རྒྱན་ལས་དག་ཡིག་མཁས་པའི་འབྱུང་གནས་ཞེས་བྱ་བ་ལས་ཕར་ཕྱིན་
སྤེལ་དུས།05-18  ཡོང་ཁུངས། ཀྲུང་གོའི་བོད་ཀྱི་སློབ་གསོ་དྲ་བ།  རྩོམ་པ་པོ། ལྕང་སྐྱ་རོལ་བའི་རྡོ་རྗེ།
ལྔ་བ་མཚན་ཉིད་ལ། ཤེས་པ། ཁྱད་པར། བྱེད་པ། ངོ་བོ་ཉིད་ཀྱི་མཚན་ཉིད་དེ་བཞིའོ། །དྲུག་པ་ཐར་པ་ཆ་མཐུན་ནི། ཚོགས་ལམ་ཆེ་འབྲིང་ཆུང་གསུམ་མོ། །དད་པ་དང་། དྲན་པ་དང་། བརྩོན་འགྲུས་དང་། ཏིང་འཛིན་དང་། ཤེས་རབ་ཕུན་སུམ་ཚོགས་པ་སྟེ་ཡུལ་ལྔའོ། །དབང་པོ་རྣོ་རྟུལ་གཉིས་ནི། ཆོས་ཀྱི་རྗེས་འབྲང་དང་། དད་པའི་རྗེས་འབྲང་གཉིས་སོ། །
བདུན་པ་ངེས་འབྱེད་ཆ་མཐུན་ནི། སྦྱོར་ལམ་སྟེ་སྔར་ལྟར་རོ། །
བརྒྱད་པ་ཕྱིར་མི་ལྡོག་པའི་དགེ་འདུན་ལ། ཕྱིར་མི་ལྡོག་པའི་རྟགས་ཞེ་བཞི་སྟེ་གཞན་རྣམས་སླ་ལ། སྦྱངས་པའི་ཡོན་ཏན་བཅུ་གཉིས་ནི། བསོད་སྙོམས་པ། སྟན་གཅིག་པ། ཟས་ཕྱིས་མི་ལེན་པ། ཆོས་གོས་གསུམ་པ། ཕྱིང་པ་པ། ཕྱག་དར་ཁྲོད་པ། དགོན་པ་པ། ཤིང་དྲུང་པ། གླ་གབ་མེད་པ། དུར་ཁྲོད་པ། ཙོག་པུ་པ། གཞི་ཇི་བཞིན་པ་རྣམས་སོ། ། དགུ་པ་སྲིད་ཞི་མཉམ་ཉིད་ཀྱི་སྦྱོར་པའོ། །དུར་ཁྲོད་པ། ཙོག་པུ་པ། གཞི་ཇི་བཞིན་པ་རྣམས་སོ། དགུ་པ་སྲིད་ཞི་མཉམ་ཉིད་ཀྱི་སྦྱོར་བའོ། །བཅུ་པ་ཞིང་དག་བླ་ན་མེད་པའི་སྦྱོར་བའོ། ། བཅུ་གཅིག་པ་ཐབས་མཁས་སྦྱོར་བའོ། ། ལྔ་པ་རྩེ་མོའི་མངོན་པར་རྟོགས་པ་ལ་མཚོན་བྱེད་ཀྱི་ཆོས་བརྒྱད་ལས་དང་པོ་རྩེ་མོའི་རྟགས་ནི། རྨི་ལམ་ན་ཡང་ཆོས་ཐམས་ཅད་རྨི་ལམ་ལྟ་བུར་ལྟ་བ་སོགས་རྟགས་བཅུ་གཉིས་ཏེ་སླ་ལ། དྲོད་རྩེ་སྦྱོར་རོ། གཉིས་པ་རྣམ་འཕེལ་ནི། རྩེ་མོའི་རྩེ་སྦྱོར་རོ། ། གསུམ་པ་བརྟན་པ་ནི། བཟོད་པའི་རྩེ་སྦྱོར་རོ། །བཞི་པ་སེམས་ཀུན་གནས་པ་ནི། ཆོས་མཆོག་གི་རྩེ་སྦྱོར་རོ། ། ལྔ་པ་མཐོང་ལམ་རྩེ་སྦྱོར་ལ། སྤང་བྱ་རྟོག་པ་ནི། ལྡོག་པ་གཟུང་རྟོག འཇུག་པ་གཟུང་རྟོག རྫས་འཛིན་རྟོག་པ། བཏགས་འཛིན་རྟོག་པ་བཞི་རེ་རེ་ལའང་དགུ་རེ་ཡོད་ལ། ལོངས་སྤྱད་བྱར་ཞེན་པ། ལོངས་སྤྱོད་བྱེད་དུ་ཞེན་པ་གཉིས་གཟུང་འཛིན་གྱི་ཁྱད་པར་རོ། །གཟུང་རྟོག་ཡིན་ལ་འཛིན་རྟོག་མ་ཡིན་པ་སོགས་ཀྱི་མུ་བཞི་ཡོད། མཐོང་ལམ་གྱི་འབྲས་བུ་ནི། ཟད་མེད་སྐྱེ་མེད་ཀྱི་བྱང་ཆུབ་ཆེན་པོའོ། ། སྐབས་འདིར་གང་ཟག་གི་བདག་མེད་དང་། གཟུང་འཛིན་རྫས་གཞན་གྱིས་སྟོང་པ་དང་། ཆོས་ཐམས་ཅད་བདེན་མེད་དུ་རྟོགས་པའི་རྣལ་འབྱོར་གྱི་ས་གསུམ་བཤད་དོ། །
དྲུག་པ་སྒོམ་ལམ་རྩེ་སྦྱོར་ལ། མཐར་གནས་སྙོམས་འཇུག་དགུ། སེང་གེ་རྣམ་པར་བསྒྱིངས་པའི་ཏིང་ངེ་འཛིན། ཐོད་རྒལ་གྱི་སྙོམས་འཇུག་རྣམས་ལས། སྙོམས་འཇུག་དགུ་དང་རྟེན་འབྲེལ་བཅུ་གཉིས་ཀྱི་མིང་མངོན་པའི་སྐབས་སུ་བལྟའོ། སྤང་བྱ་སྒོམ་སྤང་གཟུང་འཛིན་གྱི་རྟོག་པའོ། །
བདུན་པ་བར་ཆད་མེད་པའི་རྩེ་སྦྱོར་ནི། རྒྱུན་མཐའི་བར་ཆད་མེད་པའི་ཏིང་ངེ་འཛིན་ནོ།
བརྒྱད་པ་བསལ་བྱ་ལོག་སྒྲུབ་ལ། བདེན་གཉིས་ལ་བརྟེན་པའི་ལོག་པར་རྟོགས་པ་བཅུ་དྲུག ། བསྡུ་ན་ཀུན་རྫོབ་སྒོ་ཅན་དང་། དོན་དམ་སྒོ་ཅན་གྱི་ཀླན་ཀ་གཉིས་སོ། །
དྲུག་པ་མཐར་གྱིས་པའི་མངོན་པར་རྟོགས་པ་ལ་མཚོན་བྱེད་ཀྱི་ཆོས་བཅུ་གསུམ་ནི། ཕར་ཕྱིན་དྲུག སངས་རྒྱས། ཆོས། དགེ་འདུན། ཚུལ་ཁྲིམས། གཏོང་བ། ལྷ་རྗེས་སུ་དྲན་པ་དྲུག དངོས་མེད་ངོ་བོ་ཉིད་ཀྱི་མཐར་གྱིས་སྦྱོར་བ་སྟེ་བཅུ་གསུམ་མོ། །
བདུན་པ་སྐད་ཅིག་མའི་སྦྱོར་བ་ལ་མཚོན་བྱེད་ཀྱི་ཆོས་བཞི་ནི། རྣམ་པར་སྨིན་པ་མ་ཡིན་པ། རྣམ་པར་སྨིན་པ། མཚན་ཉིད་མེད་པ། གཉིས་སུ་མེད་པའི་སྐད་ཅིག་སྦྱོར་ཏེ་བཞིའོ། །
བརྒྱད་བ་ཆོས་སྐུ་ལ་མཚོན་བྱེད་ཀྱི་ཆོས་བཞི་ལས།
དང་པོ་ངོ་བོ་ཉིད་སྐུ་ལ་མཚན་ཉིད་ལྔ་ནི། འདུས་མ་བྱས་པ་དང་། དབྱེར་མེད་པ་དང་། མཐའ་གཉིས་སྤངས་པ་དང་། སྒྲིབ་པ་གསུམ་ལས་གྲོལ་པ་དང་། རང་བཞིན་གྱིས་འོད་གསལ་བའོ། ། ཡོན་ཏན་ལྔ་ནི། གཞལ་དུ་མེད་པ། གྲངས་མེད་པ། བསམ་དུ་མེད་པ། མཉམ་པ་མེད་པ། དྲི་མས་དག་པའོ། ། ཁྱད་ཆོས་གསུམ་ནི། ཟག་མེད་ཡེ་ཤེས་ཀྱི་སྡེ་ཚན་ཉེར་གཅིག་དང་ལྡན་པའི་ཁྱད་པར། སྒྲིབ་གཉིས་བག་ཆགས་བཅས་པ་དང་བྲལ་བའི་ཁྱད་པར། རང་བཞིན་བདེན་པས་སྟོང་པའི་ངོ་བོའི་ཁྱད་པར་དང་གསུམ། རང་བཞིན་རྣམ་དག་གི་ཆར་གྱུར་པ་དང་། གློ་བུར་དྲི་བྲལ་གྱི་ཆར་གྱུར་པའི་ངོ་བོ་ཉིད་སྐུ་གཉིས། འདུས་མ་བྱས་ཀྱི་སྐུ། རྟག་པའི་སྐུ། ངོ་བོ་ཉིད་རྣམས་དོན་གཅིག
གཉིས་པ་ལོངས་སྤྱོད་རྫོགས་པའི་སྐུ་ལ། ངེས་པ་ལྔ་ནི། གནས་འོག་མིན་སྟུག་པོ་བཀོད་པ་ཁོ་ནར་བཞུགས་པ། དུས་འཁོར་བ་མ་སྟོང་བར་དུ་བཞུགས་པ། སྐུ་མཚན་དཔེ་གསལ་རྫོགས་ཀྱིས་སྤྲས་པ། འཁོར་ཐེག་ཆེན་འཕགས་པ་ཤ་སྟག་གིས་བསྐོར་བ། ཆོས་ཐེག་ཆེན་གྱི་ཆོས་འབའ་ཞིག་གསུངས་པ་རྣམས་སོ། ། ཡོན་ཏན་གྱི་ཁྱད་པར་ལྔ་ནི། སྐུ་སྟོན་པ་རྒྱུན་མི་འཆད་པ། གསུང་བརྗོད་པ་རྒྱུན་མི་འཆད་པ། ཐུགས་མཛད་པ་རྒྱུན་མི་འཆད་པ། འབད་རྩོལ་ཀྱི་མངོན་པར་འདུ་བྱེད་མེད་པ། སྣ་ཚོགས་སུ་སྣང་ཡང་བདེན་པར་མ་གྲུབ་པ་རྣམས་སོ། །མཚན་ཉིད་ལྔ་ནི། གཞན་དབང་གནས་འགྱུར་གྱི་མཚན་ཉིད། དཀར་པོའི་ཆོས་ཀྱི་རང་བཞིན་གྱི་མཚན་ཉིད། གཉིས་སུ་མེད་པའི་མཚན་ཉིད། རྒྱུན་གྱིས་རྟག་པའི་མཚན་ཉིད། བསམ་གྱིས་མི་ཁྱབ་པའི་མཚན་ཉིད་ལྔའོ། ། མཚན་སུམ་ཅུ་རྩ་གཉིས་ནི། ཕྱག་ཞབས་འཁོར་ལོས་མཚན་པ། ཞབས་རུས་སྦལ་དང་འདྲ་བ། སོར་མོ་དྲ་བས་འབྲེལ་བ། ཕྱག་ཞབས་འཇམ་ཞིང་གཞོན་ཤ་ཆགས་པ། བདུན་དག་མཐོ་བ། སོར་མོ་རིང་བ། ཞབས་ཀྱི་རྟིང་པ་ཡངས་པ། སྐུ་ཆེ་ཞིང་དྲང་བ།
རྒྱབ་སྐྱོར།
返回首页
གཙོ་ངོས།
པར་ལྡན་རྩོམ་ཡིག
ཉེ་ལམ་གསར་བརྗེས།
ཀློག་མཁན་མང་ཤོས།
 
Copyright © 2005 - 2019 Teducn.com
phone:18997245213 QQ:89457590
དྲ་ཚིགས་འདིའི་པར་དབང་ཡོད་ཚད་བོད་ཀྱི་སློབ་གསོ་དྲ་བར་དབང་།
ཡིག་ཟམ། gangjian_xn@hotmail.com
འབྲེལ་གཏུགས་ཁ་པར། ༡༨༩༩༧༢༤༥༢༡༣青ICP备18000196号