| ཀུན་ཀྱང་ཐུབ་བསྟན་ཉིད་དུ་ཁྱད་མེད་ལ། །ཕྱོགས་ལྷུང་གདོན་གྱིས་བསྐྱོད་ཤུགས་མི་ལྡང་བར། །གྲུ་ནང་སྐྱེས་བུ་བཞིན་དུ་ཐུགས་མཐུན་ཤོག །འཇིག་རྟེན་ཁམས་ཀྱི་བདེ་སྐྱིད་མ་ལུས་པ། །ཐམས་ཅད་ཐུབ་པའི་བསྟན་ལ་རག་ལས་པས། །ངུར་སྨྲིག་རྒྱལ་མཚན་འཛིན་པའི་ཚོགས་རྣམས་ཀྱིས། །ཚུལ་ཁྲིམས་རིན་ཆེན་གཏེར་བུམ་གཅེས་འཛིན་ཤོག།ཐུབ་བསྟན་སོ་སོ་ཐར་པ་རིས་བདུན་དང༌།། ཁྱད་པར་ཚངས་སྤྱོད་དཔལ་ལྡན་དགེ་སྦྱོང་གིས། །པདྨོའི་ཚལ་ལ་བུང་བའི་ཚོགས་ཇི་བཞིན། འཛིན་མའི་ལྟོ་འདི་བདག་གིས་འགེང་ནུས་ཤོག ། འདི་ལྟར་སྨོན་ལམ་ལྷག་བསམ་དག་སྒོ་ནས། །བཏབ་པའི་དགེ་བས་ཚེ་རབས་ཐམས་ཅད་དུ། །མཐོ་རིས་ཡོན་ཏན་བདུན་ལྡན་རྟེན་ཐོབ་སྟེ། ། རྟག་ཏུ་དགེ་སྦྱོང་དངོས་པོ་ཐོབ་པར་ཤོག །དེ་ཐོབ་ནས་ཀྱང་ཕ་མར་གྱུར་པའི་འགྲོ། །ཐབས་མཁས་འདི་ཡིས་སྒྲོལ་ལ་མི་ཞུམ་པའི། །སྙིང་སྟོབས་ཕུལ་བྱུང་ནམ་ཡང་མི་འདོར་སོགས། །ཀུན་བཟང་སྤྱོད་ཀུན་བདག་གིས་སྤྱོད་གྱུར་ཅིག།ཅེས་སོ། །རྗེ་འདི་ལ་རྒྱ་བོད་ཧོར་གསུམ་ནས་མཎྜལ་མཁོ་དགུའི་ཡོ་བྱད་འབུལ་མི་གྲངས་ཀྱིས་མི་ལང་བ་ལ་བཀྲ་ཤིས་རྩེ་པས་མཎྜལ་ཕུལ་བ་འདི་ལ་ལྷག་པར་དགྱེས་ཚོར་ཆེ་བས་སྨོན་ཚིག་འདི་ལྟར་མཛད་པ་ནི་མ་འོངས་པའི་འབྱུང་འགྱུར་ལ་དགོངས་པར་མངོན་ནོ། །དེ་སྐབས་གོང་མ་ཆེན་པོའི་གསེར་ཡིག་པ་གསེར་སྲང་ལྔ་བརྒྱ་དང་དངུལ་སྲང་ཉིས་སྟོང་གིས་གཙོས་པའི་དངོས་པོ་ཚད་མེད་པ་དང་བཅས་འབུལ་མི་གནང་བ་འབྱོར་པར་༧གོང་མ་ཆེན་པོའི༌བཀའ་ངག་ལ་ངའི་ཕའི་ཐོག་རྒྱལ་དབང་ཐམས་ཅད་མཁྱེན་པ་སྤྱན་དྲངས་པས་བསྟན་འགྲོར་ཕན་ཆེ་ཞིང་རྒྱ་བོད་ལུགས་ལེགས་པ་བྱུང་། ད་རྒོས་སྦོག་ཐོ་པཎ་ཆེན་གྱིས་རྒྱལ་པའི་བསྟན་པ་དང་སེམས་ཅན་གྱི་དོན་ལ་དགོངས་ནས་རྒྱ་ནག་ཏུ་ཕེབས་དགོས་ཚུལ་གསེར་ཡིག་དང་བཀའ་ངག་བཅས་བྱུང་བའི་ཐོག་སྡེ་སྲིད་རིན་པོ་ཆེ་ནས་ཀྱང་༧གོང་མ་ཆེན་པོའི་བཀའ་འདི་འདྲ་ཕེབས་པ་རྨི་ལམ་དུ་བསྒུགས་པ་མངོན་སུམ་དུ་བྱུང་བ་ལྟ་བུ་ཡིན་འདུག་པས་ད་ལམ་ཅིས་ཀྱང་ཕེབས་དགོས་ཞེས་ཞུ་བ་མཛད་པར་རྗེ་འདི་པ་ནི་གསེར་དང་བོང་བ་མཉམ། ནམ་མཁའ་དང་ལག་མཐིལ་དུ་མཉམ་པའི་ཐུགས་མངའ་བ་ཡིན་གཤིས་རྒྱ་ནག་ཏུ་འབྱོན་པ་དགག་བྱ་ཆེ་ཞིང་དགོས་པ་ཆུང་བར་གཟིགས་ནས་གོང་མའི་གསེར་ཡིག་པ་རྣམས་ལ་བཀའ་འདི་ལྟར་གནང་སྟེ། དངོས་གཞི་གོང་མ་ཆེན་པོ་མཆོག་ཏུ་དགྱེས་པའི་བཀའ་ལུང་ཡིན་འདུག་ཀྱང་འབྲུམ་པ་མ་ཐར་པས་འགྲོ་བསྐྱོད་ཅི་ལ་འོང་རུང༌། གོང་མའི་ཐམ་ཁ་ལ་བལྟས་ནས་ཞིབ་ཆ་རྗེས་ལ་ཡོང་བཀའ་ཕེབས་ཤིང༌། མགྲོན་གཉེར་ལ་ཡང་ཁོང་མི་སྣ་རྣམས་ལ་ཞུས་པ་བཞིན་དེ་རིགས་བསླབ་སྟོན་སྤང་བླང་ཞུ་ཐུབ་མདོག་མ་ཁ་བས་དགོངས་སེལ་གྱི་ཞུ་ཡིག་འཐུས་པ་བྱེད་གསུངས་ཤིང༌། འཇམ་དབྱངས་༧གོང་མ་ཆེན་པོར་ཡང་ཞུ་ཡིག་རྟེན་སྦྲགས་དང་བཅས་རྒྱ་ནག་ཕྱོགས་སུ་འགྲོ་བ་ལ་འབྲུམ་དོགས་ཀྱིས་བག་གཟོན་བྱེད་དགོས་སོགས་རྒྱུ་མཚན་ཞིབ་འཐུས་གནང༌། དེ་མཚུངས་མི་སྣ་རྣམས་ལ་ཡང་ངག་མར། དངོས་གཞི་གོང་མ་ཆེན་པོ་ཤིན་ཏུ་དགྱེས་ཤིང་སྤྱན་བསྐྱངས་ཆེ་བའི་བསླབ་སྟོན་ཡིན་འདུག་གཤིས་བཀའ་དང་ལེན་ཞུ་སྤྲོ་ཡང༌། སྤྱིར་ཐོས་བསམ་བྱེད་པའི་འཕྲོ་ཡིན་པར་མ་ཟད་འབྲུམ་པའི་ནང་མ་ཐར་བས་འདིར་ཡང་དུས་རྒྱུན་དུ་འབྲུམ་ནད་ལ་བག་གཟོན་གྱིས་བཅད་མཚམས་དམ་པོར་སྡོད་དགོས་པ་བཅས་དགག་བྱ་ཆེ་བ་དང༌། ཡང་སྒོས་སུ་བདག་ལྟ་བུ་ཞིག་གིས་བསྟན་པ་དང་སེམས་ཅན་ལ་ཕན་དཀའ་གཤིས་འགྲོ་འདུག་ངལ་བ་ཙམ་ལས་དགོས་པ་ཆུང་བ་བཅས་སྤྱི་སྒོས་གང་ས་ནས་དགོངས་པ་ཞུ་དགོས་ཀྱི་ཞུ་ཡིག་ཞིབ་འཐུས་ཕུལ་ཡོད་པས། ཁྱེད་རྣམས་ཀྱིས་ཀྱང་༧གོང་མ་ཆེན་པོའི་སྐུ་ཞབས་སུ་དེ་ལུགས་བཞིན་དགོངས་པ་རྩ་ཡངས་བརྩེ་བས་གཟིགས་དགོས་པའི་བསླབ་སྟོན་གང་དྲག་ཞུ་གྲོགས་མཛོད་གསུངས་ཤིང༌།མགྲོན་གཉེར་འབྲི་ལུང་པར་ཡང་སྡེ་སྲིད་རིན་པོ་ཆེའི་ཞུ་ཡིག་ཏུ་ཞིབ་འཐུས་ཕུལ་ཡོད་པ་ལྟར་དགོངས་ཡངས་ཐུགས་རྗེ་ཆེ་དགོས་པའི་བསླབ་སྟོན་ཞུ་གྲོགས་མཛོད་ཅེས་གསུངས་ཤིང༌། དེ་མཐུན་༧གོང་མའི་ཞུ་ལན་དུའང་དེ་ལྟར་འབུལ་བར་མཛད། ཡང་དེའི་ཕྱི་ལོ་གོང་མ་ཆེན་པོ་ནས་གསེར་དངུལ་ལ་སོགས་པའི་ཡོ་བྱད་ཕོན་ཆེ་བ་དང་བཅས་ཡང་སྐྱར་རྗེ་འདི་པ་ཕོ་བྲང་དུ་གདན་འདྲེན་པའི་གསེར་ཡིག་དང་བཀའ་ངག་བཅས་འབྱོར་པ། མི་སྣ་རྣམས་ཀྱི་ངག་ནས་འདི་ལྟར་ཞུ་བ་བྱུང་སྟེ། ༧གོང་མ་རྒྱལ་པོའི་བཀའ་ལ་པཎ་ཆེན་མཆོག་གི་སྤྲུལ་སྐུ་རིན་པོ་ཆེ་སྔ་སོར་གདན་འདྲེན་བཏང་ཡང་བྱོན་པ་མ་བྱུང༌། ད་ལམ་ཅིས་ཀྱང་འབྱོན་དགོས་ཚུལ་གསེར་ཡིག་དང་བཀའ་ངག་མ་བཅས་བྱུང་བར་རྗེ་འདིས་ལན་དུ་འདི་ལྟར་གསུངས་ཏེ། ངེད་ལ་ལུང་རྟོགས་ཀྱི་ཡོན་ཏན་ཅི་ཡང་མེད་པར་ཤར་ཕྱོགས་༧གོང་མའི་རྒྱལ་ཁབ་ཏུ་ཡོང་དགོས་བཀའ་སྩལ་ཕེབས་པ་བདག་ཉིད་ལ་གཟིགས་པ་ཤིན་ཏུ་མཐོ་བའི་བཀའ་སྩལ་ཡིན་འདུག་ཀྱང༌། འབྲུམ་ནད་ལ་འཛེམ་དགོས་ཀྱི་དགག་བྱ་ཆེ་བ་བཅས་ཁས་ལེན་ཞུ་མི་ནུས་འདུག་པས། དེ་དོན་ལྟར་ཁྱེད་མི་སྣ་སྦྲེལ་པོས་ཀྱང་ཞུ་གང་ལེགས་ཀྱི་སྒོ་ནས་དགོངས་ཁྲོལ་ཡོང་བའི་གྲོགས་དན་དགོས་ཚུལ་གསུངས་ནས་ཕེབས་པར་མ་བཞེད། སྡེ་སྲིད་རིན་པོ་ཆེ་ནས་༧གོང་མ་ཆེན་པོའི་བཀའ་བཅག་ན་སྐུ་ཉིད་རང་ལ་ཡ་ཡུད་ཡོང་ཞིང་རྒྱ་བོད་ཀྱི་བསྟན་སྲིད་ལའང་མི་འགབ་ཅེས་ཚ་ནན་ཞུས་འདུག་ཀྱང་རྗེ་འདི་པ་ནི་སྲིད་གསུམ་སྒྱུ་མ་དང་རྨི་ལམ་ལྟར་གཟིགས་ཤིང་སེམས་ཅན་ལ་ཕན་ན་ནི་དམྱལ་བའི་མེ་ནང་དུའང་འབྱོན་ཝར་བཞེད་ལ། 12/21 མདུན་ངོས། 上一页 10 11 12 13 14 15 下一页 尾页 |
