| བདག་འཛིན་ཚལ་བཅོམ་ཤིང་སྦྱངས་བདེ་འོད་འབར། །ཤེས་རབ་མཐར་ཕྱིན་ཁྱོད་རྗེས་བདག་ཀྱང་འཇུག །བདེ་གཤེགས་རྣམས་ཀྱི་གཟུགས་སྐུ་བསོད་ནམས་དང༌། །ཆོས་སྐུ་ཡེ་ཤེས་ཚོགས་ཀྱིས་བསྒྲུབ་དགོས་པ། །དེའང་ཕར་ཕྱིན་དྲུག་ཏུ་འདུས་གཟིགས་ནས། །བརྟུན་ཏེ་བསྒྲུབ་མཁས་ཁྱོད་རྗེས་བདག་ཀྱང་འཇུག ། དེ་དག་རེར་ཡང་ཕར་ཕྱིན་དྲུག་ཚང་དང༌། །སྙིང་རྗེ་ཤེས་རབ་ཀྱིས་ཟིན་རང་དོན་སྤངས། །བླ་མེད་བྱང་ཆུབ་རྒྱུ་རུ་བསྔོ་བ་སྟེ། །ཐབས་མཁས་གསུམ་ལྡན་མཛད་པ་དེ་རྗེས་འཇུག །དེ་ལྟར་རྗེ་བཙུན་བླ་མའི་རྣམ་ཐར་ལ། །རྗེས་སུ་ཡི་རང་དེ་བསྒྲུབ་རབ་སྨོན་པའི།།དགེ་བ་འདིས་མཚོན་ཟླ་འོད་ལྟར་དཀར་ཀུན། །འགྲོ་བའི་དོན་དུ་རྫོགས་བྱང་ཐོབ་ཕྱིར་བསྔོ།།དེང་ནས་ཇི་སྲིད་བྱང་ཆུབ་སྙིང་པོའི་བར།།བློ་བཟང་གྲགས་པའི་སྤྱོད་ཚུལ་ཅི་འདྲ་བར། སྨོན་ཏེ་འཇམ་དཔལ་དཔའ་བོ་ཐབས་མཁས་པས། །འགྲོ་དོན་རླབས་ཆེན་སྤྱོད་པའི་རྗེས་འགྲོར་གྱུར། །ཐུབ་དབང་གཉིས་པ་བློ་བཟང་གྲགས་པ་ཡི། །ལུང་རྟོགས་པད་ཚལ་ཐུགས་རྗེའི་ཉི་འོད་ཀྱིས། །ཕྱེ་ལ་སྤྱོད་པའི་སྐལ་ལྡན་བྷྲ་མ་རས། །ཐེག་གསུམ་ཤིས་གླུ་སྲིད་མཐར་སྒྲོགས་གྱུར་ཅིག།ཅེས་གསུངས་སོ།།དེ་ནས་རྗེ་ཞལ་སྔ་ནས་བློ་བཟང་མགོན་པོ་ལ།དཔལ་གསང་བ་འདུས་པའི་འགྲེལ་པ་བཞི་སྦྲགས་ཀྱི་བཤད་ལུང་དང༌། མཁས་གྲུབ་ཐམས་ཅད་མཁྱེན་པས་མཛད་པའི་དཔལ་རྡོ་རྗེ་འཇིགས་བྱེད་ཀྱི་བསྐྱེད་རིམ་སྟོད་ཆ་ཁ་སྐོང་འབྲོང་རྩེ་བློ་གྲོས་ཆོས་སྐྱོང་གིས་མཛད་པ་དང་བཅས་པ། འཇུག་པ་རང་འགྲེལ་དང་བཅས་པ། འགྲེལ་པ་དོན་གསལ། རྗེ་རིན་པོ་ཆེས་མཛད་པའི་རྩ་ལྟུང་རྣམ་བཤད་དང༌། སྦྱིན་སྲེག་དངོས་གྲུབ་རྒྱ་མཚོ། དཔལ་རྡོ་རྗེ་འཇིགས་བྱེད་ཆེན་པོའི་མངོན་རྟོགས་ཟ་མ་ཏོག འདུལ་འཛིན་གྲགས་པ་རྒྱལ་མཚན་གྱིས་མཛད་པའི་གཞི་གསུམ་ཆོ་ག བུ་སྟོན་ཐམས་ཅད་མཁྱེན་པས་མཛད་པའི་འདུལ་བའི་ལས་ཆོག་ཞར་བྱུང་ཁྱིམ་པ་ལ་ཕན་གདགས་པ་ཡན་བཅས་ཀྱི་ལུང་གསན་ནོ། །བར་སྐབས་ཤིག་པཎ་ཆེན་ཐམས་ཅད་མཁྱེན་པ་བློ་བཟང་ཆོས་ཀྱི་རྒྱལ་མཚན་དཔལ་བཟང་པོའི་ཐུགས་སྲས་སྒྲུབ་པའི་རྒྱལ་མཚན་འཛིན་པ་རྣམས་ཀྱི་མཆོག་ཏུ་གྱུར་པ་དྲུང་པ་བློ་བཟང་དམ་ཆོས་རྒྱལ་མཚན་དཔལ་བཟང་པོའི་ཞལ་སྔ་ནས་ལ་ཕྱག་ཆེན་གྱི་ཁྲིད་ལུང༌། འཇམ་དབྱངས་ཆོས་སྐོར་གྱི་ལུང༌། གཅོད་ཁྲིད་ཐར་འདོད་དེད་དཔོན་གྱི་ཁྲིད་ལུང་རྣམས་གསན་ནོ། །དེ་ནས་རྡོ་རྗེ་འཛིན་པ་ཆེན་པོ་བློ་བཟང་དོན་གྲུབ་ལ་རྗེ་གྲུབ་པའི་དབང་ཕྱུག་བློ་བཟང་དོན་ཡོད་གྲུབ་པའི་བཀའ་འབུམ་ཡོངས་རྫོགས། མཁས་གྲུབ་ཐམས་ཅད་མཁྱེན་པས་མཛད་པའི་འཁྲུལ་འཁོར་རྣམ་བཤད་ཆེན་མོ།མྱུར་མཛད་ཡེ་ཤེས་མགོན་པོ་ཕྱག་དྲུག་པའི་བེའུ་བུམ་མཁས་གྲུབ་རྗེས་ཞུས་དག་མ། འདུས་པའི་སྒྲུབ་ཐབས་རྣལ་འབྱོར་དག་རིམ་དང་དཀྱིལ་ཆོག་དབང་དོན་དེ་ཉིད་གསལ་བ་རྣམས་ཀྱི་ལུང་དང༌། ཀུན་རིག་གི་དབང༌། འདུལ་འཛིན་གྲགས་པ་རྒྱལ་མཚན་གྱིས་མཛད་པའི་ཀུན་རིག་གི་ཆོ་ག་ཆེན་མོ་དང༌།འཁྲུལ་འཁོར་རྣམ་བཤད་ཀྱི་ཞལ་ཤེས་ཡིག་ཆུང་དང་ཡང་ཆུང་སྐོར་གྱི་ལུང༌། རྡོ་རྗེ་ཕྲེང་བའི་དབང་ཡོངས་རྫོགས། དཔལ་དུས་ཀྱི་འཁོར་ལོའི་རྡུལ་ཚོན་གྱི་དཀྱིལ་འཁོར་དུ་མཁས་གྲུབ་ཐམས་ཅད་མཁྱེན་པའི་སྒྲུབ་དཀྱིལ་ལ་བརྟེན་ནས་དབང་ཡོངས་སུ་རྫོགས་པ། ཕྲེང་བ་རྣམ་གསུམ་དང་སྒྲུབ་ཐབས་རྒྱ་མཚོ་རྒྱ་གཞུང་གི་ལུང༌། སྣར་ཐང་བརྒྱ་རྩ་ནས་འབྱུང་བའི་ལྷ་རྣམས་ཀྱི་རྗེས་གནང་དང་དེའི་གཞུང་གི་ལུང༌།འདུལ་འཛིན་བློ་གྲོས་སྦས་པས་མཛད་པའི་གཅོད་ཁྲིད་ཕུལ་བྱུང་གསེར་ཕྲེང༌།སྤྱན་སྔ་བློ་གྲོས་རྒྱལ་མཚན་གྱིས་མཛད་པའི་བློ་སྦྱོང་འཇིག་རྟེན་བྱ་བའི་རྣམ་གཞགབྱང་སེམས་ར་སྒྲེང་པས་མཛད་པའི་བློ་སྦྱོང་ཆེན་མོའི་ལུང༌། བ་རི་བརྒྱ་རྩའི་རྗེས་གནང་དང་སྒྲུབ་ཐབས་ཀྱི་ལུང༌། ལོ་ཙཱ་བ་གྲགས་པ་རྒྱལ་མཚན་གྱིས་བསྒྱུར་བའི་སྒྲུབ་ཐབས་རྒྱ་མཚོར་གྲགས་པའི་རྗེས་གནང་ཡོངས་རྫོགས། ཕྱག་རྡོར་འཁོར་ཆེན་གྱི་དབང་བཞི་ཡོངས་རྫོགས། རྒྱལ་བ་ལྔ་པས་མཛད་པའི་དཀྱིལ་ཆོག་གི་སྟེང་ནས་གཤེད་དམར་ལྷ་ལྔའི་དབང་དང་དཀྱིལ་ཆོག་གི་ལུང༌། རྗེ་ཙོང་ཁ་པ་ཆེན་པོས་མཛད་པའི་དཀྱིལ་ཆོག་གི་སྟེང་ནས་གཤིན་རྗེའི་གཤེད་དམར་ནག་ལྷ་བཅུ་གསུམ་མ་གཉིས་ཀྱི་དབང༌། མི་ཏྲ་བརྒྱ་རྩའི་དབང་ཡོངས་སུ་རྫོགས་པ།རྣམ་སྣང་མངོན་བྱང༌། གསང་འདུས་འཇིག་རྟེན་དབང་ཕྱུག དཔལ་རྡོ་རྗེ་འཇིགས་བྱེད་ཞེ་དགུ་མ་དང་རོ་ལངས་བརྒྱད་སྐོར། དཔལ་མོ་ལུགས་ཀྱི་སྤྱན་རས་གཟིགས་བཅུ་གཅིག་ཞལ་གཙོ་འཁོར་ལྔ་པ།བཀའ་གདམས་ཐིག་ལེ་བཅུ་དྲུག་རྣམས་ཀྱི་དབང་དང༌། རྣམ་སྲས་བཀའ་བཅོ་ལྔ། དཔལ་ལྷ་དུང་སྐྱོང་མ། ལྷ་མོ་དུད་སོལ་མ་རྣམས་ཀྱི་རྗེས་གནང༌།དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་རྗེས་གནང༌། དེའི་ཆོག་སྒྲིགས་སྤྲུལ་སྐུ་ངག་དབང་བསྟན་འཛིན་འཕྲིན་ལས་ཀྱིས་མཛད་པའི་ལུང༌། གཞན་ཡང་ཚོགས་བདག་དམར་པོ་ཕྱག་བཅུ་གཉིས་པ། དུར་ཁྲོད་བདག་པོ་ཡབ་ཡུམ། རྡོ་རྗེ་རབ་བརྟན་མ། ཞང་བློན་རྡོ་རྗེ་བདུད་འདུལ། ཁྲོ་མོ་སྨེ་བརྩེགས། ལྷ་མོ་ཤྲ་མ་ཎ། རྡོ་རྗེ་སེམས་དཔའ། ཚེ་རིང་མཆེད་ལྔ་རྣམས་ཀྱི་རྗེས་གནང་དང༌། འཇམ་དབྱངས་དམར་སེར་ལ་བརྟེན་པའི་དབྱངས་གསལ་གྱི་རྗེས་གནང༌།རྟེན་འབྲེལ་སྙིང་པོའི་རྗེས་གནང༌། བེར་ལྕམ་དྲལ་དང༌། མགོན་བོ་ཕྱག་བཞི་པ། གུར་ལྷ་བརྒྱད། ཕྱག་རྡོར་འཁོར་ཆེན། བཅུ་གཅིག་ཞལ་ལ་བརྟེན་པའི་མཁའ་འགྲོ་སྡེ་ལྔ། དབྱངས་ཅན་མ་དཀར་མོ་རྣམས་ཀྱི་རྗེས་གནང༌། ལྷོ་བྲག་གྲུབ་ཆེན་ལས་ཀྱི་རྡོ་རྗེའི་ལུགས་ཀྱི་སྙན་རྒྱུད་ཀྱི་ཚེ་དབང༌། ཕྱག་རྡོར་ལ་བརྟེན་པའི་དོན་དམ་བྱང་ཆུབ་སེམས་བསྐྱེད་ཀྱི་རྗེས་གནང༌། ཕྱག་རྡོར་སྐུ་ལྔའི་རྗེས་གནང༌། ཕྱག་རྡོར་ཞལ་གསུམ་ཕྱག་དྲུག་པ་གཙོ་འཁོར་དགུ་པའི་རྗེས་གནང༌། ཕག་དཀར་ཤེས་རབ་གསལ་བྱེད་དང༌། ཀུ་རུ་ཀུ་ལླེ་གཉིས་ཀྱི་རྗེས་གནང༌། ཚེ་དཔག་མེད་ལྷ་ལྔ་པ་ཉེ་རྒྱུད་ཀྱི་རྗེས་གནང་ཚེ་དབང་དུ་གྲགས་པ། གཞན་ཡང་བྱམས་ཆོས་སྡེ་ལྔ། དབུ་མ་རིགས་ཚོགས་དྲུག བཞི་བརྒྱ་པ། འདུལ་བ་མདོ་རྩ། མཛོད་རྩ། འཇུག་པ། མངོན་པ་ཀུན་བཏུས། ཚད་མ་ཀུན་བཏུས། ཚད་མ་སྡེ་བདུན། སྐྱེས་རབས་སོ་བཞི་པ། ལམ་སྒྲོན་རང་འགྲེལ། རྣམ་བཤད་ཐར་ལམ་གསལ་བྱེད། རྣམ་བཤད་སྙིང་པོའི་རྒྱན། སྤྱོད་འཇུག་དར་ཊྰིཀ་སྟོང་ཐུན་སྐལ་བཟང་མིག་འབྱེད།བསྐྱེད་རིམ་དངོས་གྲུབ་རྒྱ་མཚོ །སྡོམ་གསུམ་རྣམ་གཞག་ཐུབ་བསྟན་བྱི་དོར། མཁས་གྲུབ་ཐམས་ཅད་མཁྱེན་པའི་གསུང་ཐོར་བུ། 9/21 མདུན་ངོས། 上一页 7 8 9 10 11 12 下一页 尾页 |
