| འཇམ་དབྱངས་དཔའ་གཅིགཨ་ར་པ་ཙ་ན།འཇམ་དབྱངས་དཀར་པོ། འཇམ་དཔལ་ནག་པོ།འཇམ་དབྱངས་སྨྲ་སེང༌།དུས་མཚན་མ།ཀུ་རུ་ཀུ་ལླེ།དབྱངས་ཅན་མ། སྒྲོལ་དཀར་ལྗང༌།རི་ཁྲོད་མ།གཙུག་ཏོར་གདུགས་དཀར།རྣམ་རྒྱལ་མ། སྨེ་བརྩེགས།སེང་གདོང་མ། ཛམ་སེར་ནག ཐུབ་པ་རྡོ་རྗེ་གདན་མ།མི་གཡོ་བ་སྔོན་པོ།སྤྱན་རས་གཟིགས་ཕྱག་བཞི་པ། སེང་གེ་སྒྲ། རྟ་མགྲིན་གསང་སྒྲུབ།ལྕགས་རལ་ཅན།སྣ་ཚོགས་ཡུམ་རྣམས་ཀྱི་རྗེས་གནང༌། གསང་འདུས། འཇིགས་བྱེད་བདུད་ལས་རྣམ་རྒྱལ། འཇིགས་བྱེད་བཅུ་གསུམ་མ་རྣམས་ཀྱི་དབང༌།མགོན་པོ་ཕྱག་དྲུག་པ། ཆོས་རྒྱལ་ཕྱི་ནང་གསང་གསུམ།ཞལ་བཞི་པ།ལྷ་མོ།གུར་མགོན།རྣམ་སྲས། བེག་ཙེ།ཕྱག་རྡོར་འཁོར་ཆེན།གཏུམ་པོ།ཨུ་ཙརྻ།གོས་སྔོན་ཅན་རྣམས་ཀྱི་རྗེས་གནང་གསན། གཟིམ་ཆུང་དུ་སྒེར་དུ་གནང་བ་ལ་གསང་འདུས་མི་བསྐྱོད་པའི་དབང༌། བདེ་མཆོག་ལྰུ་ཨི་པའི་དབང༌། འཇིགས་བྱེད་བཅུ་གསུམ་མའི་དབང༌། མི་འཁྲུགས་པའི་དབང༌། ནམ་མཁའ་སྒོ་འབྱེད་ཀྱི་དབང་དང་གཅོད་ཀྱི་ཁྲིད་རྣམས་གསན་ཞིང༌། ལྷག་པར་ལམ་རིམ་གྱི་ཁྲིད་དཔལ་དབེན་ས་སྙན་རྒྱུད་ཀྱི་མན་ངག་སྐྱེས་བུ་ཆུང་ངུ་ཡན་དམ་པ་འདི་གཅིག་བུ་ལ་གཟིམ་ཆུང་དུ་རྒྱས་པར་གནང་ཞིང༌།སྐྱེས་བུ་འབྲིང་ཚུགས་ནས་དྲུང་པ་རྒྱལ་ཚབ་པ་ཡང་དེར་ཕེབས་པ་དང་ཐུག་སྟེ་དྲུང་པ་གཉིས་པོ་ལ་ལམ་ཁྲིད་ཡོངས་རྫོགས་སྙན་རྒྱུད་ཀྱི་མན་ངག་གེགས་སེལ་བོགས་འདོན་དང་བཅས་པ་ཚང་བར་གནང་ཞིང་དེའི་ཚེ་གང་གནང་བ་ཐམས་ཅད་བདག་ཉིད་ཆེན་པོ་འདིས་ཐུགས་སུ་ཆུད་པར་མཛད་དོ། །དེ་ནས་དྲུང་པ་འདིས་ལམ་རིམ་ཆུང་བ་ཐུགས་འཛིན་མཛད་ནས་ཉིན་རེ་བཞིན་གཟིམ་ཆུང་དུ་ཕེབས་ཏེ་འདི་པ་གཅིག་པུ་ལ་ལམ་རིམ་ཆུང་བ་འགོ་ནས་མཇུག་རྫོགས་ཀྱི་བར་ཚིག་གཅིག་ཀྱང་མ་ལུས་པ་མཐའ་དག་པར་གཟབས་བཤད་གནང་ཞིང་དཀའ་བའི་གནད་རྣམས་ལ་དྲི་གཏུགས་ཀྱི་སྒོ་ནས་མཐའ་ཆོད་པར་མཛད་དོ། །དེ་ལྟར་ན་དམ་པ་འདི་ནི་པཎ་ཆེན་བློ་བཟང་ཆོས་ཀྱི་རྒྱལ་མཚན་གྱི་ནང་ཐུགས་ཀྱི་སྲས་ཤིན་ཏུ་གཅེས་པར་མཛད་པ་ཞིག་གོ། །དྲུང་པ་འདིས་ཉིན་གཅིག་པཎ་ཆེན་ཐམས་ཅད་མཁྱེན་པ་ཆེན་པོ་མཇལ་བར་བྱོན་ཏེ་སྐུ་མདུན་དུ་གཅིག་པུ་ཡུན་རིང་བཞུགས་རྒྱུ་བྱུང་བ་ན་བདག་ལ་ཇོ་བོ་རྗེ་དང་བཀའ་གདམས་ལྷ་བཞི་ལ་བརྟེན་པའི་བླ་མའི་རྣལ་འབྱོར་ཞིག་གནང་དགོས་ཞེས་གསོལ་བ་བཏབ་པ་ན་དགྱེས་བཞིན་དུ་ད་ལྟ་རང་བྱས་པས་ཆོག་གསུངས་ནས་ཇོ་བོ་རྗེ་བཀའ་གདམས་ལྷ་བཞི་དང་བཅས་པའི་བླ་མའི་རྣལ་འབྱོར་ཞིག་ཐུགས་ཐོག་ནས་གནང་བ་དྲུང་པ་འདི་པས་གང་གསུངས་ཐམས་ཅད་འཛིན་ཐུབ་པ་བྱུང༌། དེ་ནས་བཟུང་སྟེ་སྐུ་ཚེ་ཧྲིལ་པོར་ཉིན་རེ་བཞིན་ཇོ་བོ་རྗེ་ལ་གསོལ་བ་འདེབས་པ་དང་བཀའ་གདམས་ལྷ་བཞིའི་སྙིང་པོ་རྣམས་བརྒྱ་རྩ་རེ་འཆག་མེད་བཟླ་བར་མཛད། དེ་ནས་པཎ་ཆེན་ཐམས་ཅད་མཁྱེན་པ་ཆེན་པོས་འདི་པ་ལ་ད་རི་ཁྲོད་ལ་སོངས་ལ་སྒྲུབ་པ་གྱིས་ཞེས་བཀའ་སྩལ། དྲུང་པ་འདི་པས་བདག་གིས་ཐོས་པ་མཐར་མ་ཕྱིན་པས་སྒྲུབ་པ་ཚད་ལྡན་ཞིག་འོང་ངམ་ཞེས་ཞུས་པ་ན། པཎ་ཆེན་ཐམས་ཅད་མཁྱེན་པ་ཆེན་པོས་སྔོན་ལ་ཐོས་པ་བྱས། དེ་ནས་རི་ཁྲོད་དུ་ཐུགས་དམ་བྱེད་ཟེར་བ་མང་པོ་ཡོང་གི་འདུག་ཀྱང་དེ་ཐོག་ཏུ་འགྲོ་བ་དང་མཐར་ཐོན་པ་མི་ཡོང་བ་འདུག རི་ཁྲོད་དུ་ཕྱིན་ནས་ཐོས་བསམ་སྒོམ་གསུམ་ཟུང་འབྲེལ་དུ་བྱེད་དགོས་པ་ཡིན། དགེ་བའི་བཤེས་གཉེན་པོ་ཏོ་བ་དེ་གཞུང་ལུགས་རྒྱ་མཚོ་ལྟ་བུ་ལ་གཟིགས་པ་ཡིན་ཡང་ད་ལྟའི་ཆོས་གྲྭའི་འཆད་ཉན་ལྟ་བུ་མིན། རེ་ཤིག་རི་ཁྲོད་དུ་དྲུང་པ་རྒྱལ་ཚབ་པ་ལ་བརྟེན་ལ་དོགས་དཔྱོད་ཞུ་ཡིན་བྱེད། མཉམ་དུ་མ་སྡོད། ཚེ་བློས་བཏང་གི་རི་ཁྲོད་མཐར་ཕྱིན་པ་ཞིག་བྱེད་དགོས་གསུང༌། དེ་ནས་འདི་པས་བཀའ་བཞིན་ཞུ་ཞེས་ཞུས་ཏེ་རི་ཁྲོད་དུ་འབྱོན་པར་ཐག་བཅད།ཐོན་ཁར་ཕྱག་དབང་ལ་བྱོན་པ་ན་ཐུགས་དགྱེས་བཞིན་དུ་བྱང་དར་དམར་པོ་ལ་མདུད་པ་མང་པོ་གནང་བ་ཞིག་དང༌། དབུ་ལོ་བུབས་ཕྱེད་གནང་སྟེ་འདི་གཉིས་ལུས་ལ་ཐོགས་སླར་ཆོས་གང་འདུག་ཀྱང་སྙན་གསན་བྱེད་མི་དགོས་ཡོངས་ཆོག་ཅེས་བཀའ་ཕེབས། དེ་ནས་དྲུང་པ་འདི་པས་བླ་མའི་བཀའ་བཞིན་དུ་མཐོ་མཐོ་རླུང་ལ་བསྐུར། དམའ་དམའ་ཆུ་ལ་བསྐྱུར་ཟེར་བ་ལྟར་གང་ལའང་ཆགས་ཞེན་མེད་པར་ཆོས་གོས་གསུམ་དང་ལྷུང་བཟེད་གདིང་བ་ཆུ་ཚགས། ཉེར་མཁོའི་གླེགས་བམ་པོད་གཅིག འབྲལ་སྤང་གི་སྐུ། ཉིན་གཉིས་ཀྱི་བརྒྱགས་ཕྱེ་མ་གཏོགས་གཞན་གང་ཡང་མེད་པར་སྦ་འཁར་བསྣམས་ཏེ་རྟ་ནག་ཕྱོགས་ཀྱི་རི་ཁྲོད་ལ་ཕེབས་སོ། །དེ་ནས་རྟ་ནག་ཕུའི་རི་ཁྲོད་དབེན་པ་ཞིག་ཏུ་འཚོ་བ་དཀའ་ཐུབ་ལ་བརྟེན་ཏེ་བྱང་ཆུབ་ལམ་གྱི་རིམ་པའི་ཉམས་ལེན་ལ་བརྩོན་པ་ཆུ་བོའི་རྒྱུན་བཞིན་མཛད་ཅིང་བཞུགས་སོ། །དེ་ནས་པཎ་ཆེན་ཐམས་ཅད་མཁྱེན་པ་ཆེན་པོ་རྟ་ནག་ཕྱོགས་སུ་ཕེབས་པ་ན་འདི་པས་སྐུ་མདུན་དུ་མཇལ་བར་བྱོན་པའི་ཚེ་པཎ་ཆེན་ཐམས་ཅད་མཁྱེན་པ་ཆེན་པོས་དགྱེས་བཞིན་དུ་ཞལ་ཏ་མང་དུ་གནང་ཞིང༌།ལྷག་པར་ལན་ཅིག་འདི་པ་གཅིག་པུ་ལ་བླ་མ་མཆོད་པའི་ཁྲིད། འཇམ་མགོན་སྙན་རྒྱུད་ཀྱི་མན་ངག་དགའ་ལྡན་ཕྱག་རྒྱ་ཆེན་པོའི་ལྟ་བ་སྐྱོང་ཚུལ་དང་བཅས་པ་ཆེས་ཞིབ་པ་ཞིག་གནང༌། 3/7 མདུན་ངོས། 上一页 1 2 3 4 5 6 下一页 尾页 |
