འཚམས་འདྲིའི་ཡི་གེ
དགའ་ཞིང་གུས་པར་འོས་པའི༞རྫོང་གི་༞སློབ་གྲྭ་འབྲིང་བའི་དགེ་སློབ་ལས་བཟོ་རྣམས་པར།
ཤེས་བྱ་ཀུན་འབྱུང་སློབ་གྲྭའི་སྐྱེད་ཚལ་དུ། མཁྱེན་ལྡན་སློབ་དཔོན་པད་མའི་གེ་སར་གྱིས ། འབ་ལ་བརྩོན་པའི་སློབ་མ་བུང་བའི་བློར། ངལ་བ་ཁྱད་བསད་ཡོན་ཏན་སྦྲང་རྩི་སྐྱེད།
འོད་ཟེར་སྟོང་ལྡན་གྱི་ལོ་གསར་བ་དེ་འཆར་གྲབས་ཡོད་པའི་སྐབས་སུ། རང་རྫོང་སྤྱི་ཚོགས་རིང་ལུགས་ཀྱི་བསམ་པའི་དཔལ་ཡོན་འཛུགས་སྐྲུན་བྱེད་ པའི་གཡུལ་ས་མདུན་མར་ངལ་འཁང་གཉིས་གསོད་ཀྱིས་མཛད་འཕྲིན་གནང་མཁན་དགེ་སློབ་ལས་བཟོ་ཡོངས་ལ་ཆེས་མཛའ་ཞིང་བརྩེ་བའི་འཚམས་འདྲི་དང་སྦྲེལ་ལོ་གསར་ལ་བཀྲ་ཤིས་བདེ་ལེགས་ཞུ།
ཁྱེད་རྣམ་པ་ནི་ངོ་གནོང་མི་དགོས་པའི་བདེ་སྐྱིད་ལྡན་པའི་མི་རིགས་ཀྱི་བློ་སེམས་སྐྱེད་སྲིང་གནང་མཁན་ཞིག་ཡིན་ཅིང་། ཁྱེད་རྣམ་པས་གངས་ལྗོངས་གསར་བའི་དཔལ་ཡོན་ཡར་ངོའི་ཟླ་ལྟར་དར་སྤེལ་གཏོང་རྒྱུའི་ལས་འག ན་གཟི་བརྗིད་ལྡན་ལ་དཀའ་ཚེགས་ཆེ་བ་ཞུམ་པ་མེད་པར་རང་ཉིད་ཀྱི་ཕྲག་པར་ཁུར་ཏེ་གུང་ཁྲན་རིང་ལུགས་ཀྱི་དར་དམར་མཐོན་པོར་བསྒྲེངས་ནས་བོད་གསར་འཛུགས་བསྐྲུན་བྱེད་མཁ ན་གྱི་མྱུ་གུ་སྐྱེད་སྲིང་གནང་བཞིན་ཡོད། ཁྱེད་རྣམས་པས་རང་ནུས་ཅི་ལྕོགས་བཏོན་ཏེ་ཁ་བ་ཅན་གྱི་ལྟ་ན་སྡུག་པའི་མེ་ཏོག་ལྡུམ་རར་འདེབས་གསོ་གནང་བ་དང་རང་ཉིད་ཀྱི་རྔུལ་ཁྲག་གིས་མི་སྣ་གསོ་སྐྱོང་བྱེད་པའི་ལེ་ཚན་གསར་བ་ཞིག་མཛད་དེ་རླབས་ཆེན་བོད་ལྗོངས་འདི་ཉིད་བརྗིད་ཉམས་ཆེ་ཞིང་ཡིད་དུ་འོང་བའི་དཔྱིད་དཔལ་གྱི་མཛེས་རྒྱན་སྤྲས་ཕྱིར། ཁྱེད་རྣམ་པ་ནི་གཟི་བརྗིད་ལྡན་ལ་སྤོབས་སེམས་སྐྱེད་འོས་པ་ཞིག་རེད། ང་ཚོས་ཁྱེད་རྣམ་པའི་བླ་མེད་སྙིང་སྟོབས་ལ་སློབ་སྦྱོང་བྱས་ནས་དཔལ་ཡོན་གཉིས་ཀྱི་འཛུགས་སྐྲུན་ལ་ཤུགས་སྣོན་གང་ལེགས་བྱ་རྒྱུ་ཡིན །
དགའ་ཞིང་གུས་པའི་དགེ་སློབ་ལས་བཟོ་རྣམ་པར། ལོ་གསར་བའི་ནང་དུ་རང་རྫོང་ཏང་ཨུའི་ཡང་དག་པའི་དབུ་ཁྲིད་འོག་སྔར་ལས་ལྷག་པའི་མཐུན་སྒྲིལ་དམ་ཟབ་བྱས་ནས་དཔལ་ཡོན་གཉིས་ཀྱི་འཛུགས་སྐྲུན་གང་ལེགས་གང་མྱུར་བྱེད་རྒྱུ་དང་། ཁྱེད་རྣམ་པས་དུས་དང་རྣམ་པ་ཀུན་ཏུ་སློབ་ཕྲུག་ལ་རང་ཉིད་ཀྱི་སྤྱན་འབྲས་ལྟར་གཅེས་སྐྱོང་གནང་སྟེ་སློབ་ཚན་ཁག་གང་ལེགས་ཁྲིད་ནས་སློབ་འབྲས་དེ་བས་ཆེ་བ་ཞིག་འཐོབ་པར་བརྩོན་ལེན་གནང་བའི་རེ་བ་ཞུ།
གཟིགས་རྟེན་ཤིས་པའི་ཨ་ཤེ་དང་གུས་འདུད་དང་བཅས།
|