|
ལྔ་པ་སྐྱེ་མཆེད་དྲུག་ནི། ནང་གི་སྐྱེ་མཆེད་དྲུག་སྟེ་གོང་དུ་བཤད་ཟིན་ཏོ། ། དྲུག་པ་རེག་པ་ནི། སྤྱིར་རེག་པ་ལ་སེམས་བྱུང་རེག་པ་དང་། རེག་བྱ་དང་། རྣམ་ཤེས་དྲུག་ཡུལ་དང་ཕྲད་པའི་ཆ་ལ་རེག་པར་བརྗོད་པ་སྟེ་གསུམ་ཡོད། ཡང་ཐོགས་པའི་རེག་པ། ཚིགས་བླ་དགས་ཀྱི་རེག་པ་གཉིས། རིག་པའི་རེག་པ། མ་རིག་པའི་རེག་པ། དེ་གཉིས་ལས་གཞན་པའི་རེག་པ། དྲི་མེད་ཀྱི་རེག་པ། ཉོན་མོངས་ཅན་གྱི་རེག་པ་གཉིས། ཕྱི་མ་ལ་མ་རིག་པའི་རེག་པ། གནོད་སེམས་ཀྱི་རེག་པ། རྗེས་སུ་ཆགས་པའི་རེག་པ་གསུམ། བདེ་བ་མྱོང་འགྱུར་གྱི་རེག་པ། སྡུག་བསྔལ་མྱོང་འགྱུར་གྱི་རེག་པ། བཏང་སྙོམས་མྱོང་འགྱུར་གྱི་རེག་པ་སྟེ་གསུམ་ཡོད་ལ། རེག་པ་དྲུག་ནི་སྔར་བཤད་ཟིན་ཏོ། །
བདུན་པ་ཚོར་བ་ལ། བདེ་སྡུག་བཏང་སྙོམས་གསུམ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་སོགས་དྲུག ཡོད་ཚོར་ལ་ཉེ་བར་རྒྱུ་བ་བཅོ་བརྒྱད་དེ་ཟག་བཅས་ཀྱི་ཚོར་བའོ། ། གོང་གི་ནུར་ནུར་པོ་སོགས་ནི་གཟུགས་ཀྱི་ངོ་བོ་ཡིན་ལ། སྐྱེ་མཆེད་དྲུག་ནི་གཟུགས་ཀྱི་ཁྱད་པར་ཏེ། དེ་གཉིས་ནི་ལོངས་སྤྱོད་པ་པོ་དང་། རེག་པ་ཡུལ་གྱི་ལོངས་སྤྱོད་དང་། ཚོར་བ་རྣམ་སྨིན་གྱི་ལོངས་སྤྱོད་དོ། །
བརྒྱད་པ་སྲེད་པ་ལ། འདོད་པའི་སྲེད་པ། གཟུགས་ཀྱི་སྲེད་པ། གཟུགས་མེད་པའི་སྲེད་པ་གསུམ། ཡང་འདོད་སྲེད། འཇིག་སྲེད། སྲིད་སྲེད་གསུམ་ཡོད་དོ། །
དགུ་པ་ལེན་པ་ལ། འདོད་པ། ལྟ་བ། ཚུལ་ཁྲིམས་བརྟུལ་ཞུགས། བདག་ཏུ་སྨྲ་བ་ཉེ་བར་ལེན་པ་སྟེ་བཞིའོ། །
བཅུ་པ་སྲིད་པ་ལ། ཁམས་གསུམ་གྱི་སྲིད་པ་གསུམ། གཞོལ་བའི་སྲིད་པ། ཞུགས་པའི་སྲིད་པ་གཉིས། སྤྱིར་སྲིད་པ་ལ་བར་སྲིད། སྐྱེ་སྲིད། སྔོན་དུས་ཀྱི་སྲིད་པ། འཆི་སྲིད་དང་བཞི་ཡོད་དོ། །
བཅུ་གཅིག་པ་སྐྱེ་བ་ལ། སྐྱེས་པ། ཤིན་ཏུ་སྐྱེས་པ། འཕོས་པ། མངོན་པར་འབྱུང་བ། རབ་ཏུ་སྐྱེ་བ་སྟེ་ལྔ། ཐོབ་ཚུལ་གྱིས་ཕྱེ་ན། ཕུང་ཁམས་སྐྱེ་མཆེད་སོ་སོར་ཐོབ་པ་གསུམ། ངོ་བོས་ཕྱེ་ན། ཕུང་པོ་གྲུབ་པ་དང་། སྲོག་དབང་སྐྱེ་བ་གཉིས་རྣམས་སོ། ། གཉིས་པ་རྒ་ཤི་ནི། རྒ་བ་ལ༑ ཡོངས་སུ་ཉམས་པའི་རྒ་བ། ཉེ་བར་འཁྲིད་པའི་རྒ་བ་གཉིས། ཡོངས་སུ་ཉམས་པ་ལ། གཟུགས་ཡོངས་སུ་འགྱུར་བ། སྟོབས་ཡོངས་སུ་འགྱུར་བ། སྟོབས་ཡོངས་སུ་འགྱུར་བ། ཤེས་རབ་འགྱུར་བ། དྲན་པ་འགྱུར་བ། ཚེ་འགྱུར་བ་སྟེ་བདུན། ཤི་བ་ལ། འཕོས་པའི་ཤི་བའི་རྟེན་འབྲེལ། འཕོ་བའི་ཤི་བའི་རྟེན་འབྲེལ་གཉིས་སོ། །ཡན་ལག་བསྡུ་བ་ལ། འཕེན་པར་བྱེད་པ་རྒྱུའི་ཡན་ལག འཕངས་པ་འབྲས་བུའི་ཡན་ལག མངོན་པར་འགྲུབ་པར་བྱེད་པ་རྒྱུའི་ཡན་ལག མངོན་པར་གྲུབ་པ་འབྲས་བུའི་ཡན་ལག་སྟེ་རྒྱུ་འབྲས་སྐོར་གཉིས་དང་། གང་གིས་འཕེན་པའི་ཡན་ལག ཇི་ལྟར་འཕེན་པའི་ཡན་ལག གང་འཕངས་པའི་ཡན་ལག གང་གིས་འགྲུབ་པའི་ཡན་ལག ཇི་ལྟར་འགྲུབ་པའི་ཡན་ལག གང་འགྲུབ་པའི་ཡན་ལག ཉེས་དམིགས་ཀྱི་ཡན་ལག་སྟེ་བདུན་དང་། ཉོམ་མོངས་པའི་ཀུན་ཉོན། ལས་ཀྱི་ཀུན་ཉོན། སྐྱེ་བའི་ཀུན་ཉོན་ནམ་ཚེའི་ཀུན་ཉོན་ཏེ་གསུམ་དང་། སྔོན་དང་། ཕྱི་མ་དང་། བར་གྱི་ཆ་སྟེ་ཆ་གསུམ་དང་། ཉོན་མོངས་པ་དང་། ལས་དང་། གཞི་གསུམ་དུ་བསྡུ་བ་དང་། ཉོན་མོངས་པའི་ལམ། ལས་ཀྱི་ལམ། སྡུག་བསྔལ་གྱི་ལམ་སྟེ་གསུམ་དུ་བསྡུ་བ་དང་། སྡུག་བསྔལ་བདེན་པ་དང་། ཀུན་འབྱུང་བདེན་པ་གཉིས་སུ་བསྡུ་བ་རྣམས་ཡོད་ལ། སྤྱིར་མདོ་ལས་བསྟན་ཚུལ་ནི། ཀུན་བྱང་གི་རྟེན་འབྲེལ་གཉིས་ལས། ཀུན་ཉོན་གྱི་རྟེན་འབྲེལ་ལུགས་འབྱུང་། ཀུན་ཉོན་ལུགས་འབྱུང་གི་རྗེས་འགྲོ། རྣམ་བྱང་ལུགས་འབྱུང་གི་ལྡོག་འགྲོ་རྣམས་དོན་གཅིག་ལ། རྣམ་བྱང་གི་རྟེན་འབྲེལ་ལུགས་འབྱུང་། ཀུན་ཉོན་ལུགས་འབྱུང་གི་ལྡོག་འགྲོ། རྣམ་བྱང་ལུགས་འབྱུང་གི་རྗེས་འགྲོ་རྣམས་དོན་གཅིག་གོ། །ཀུན་བཏུས་འདིར་ཡན་ལག་བཅུ་གཉིས་རེ་རེ་ལ་ཡང་སེམས་ཅན་ལ་བྱ་བ་བྱེད་པའི་ལས་དང་། ཆོས་ལ་བྱ་བ་བྱེད་པའི་ལས་ཏེ་བྱེད་ལས་གཉིས་གཉིས་དང་། རིག་པས་རིག་པ་དང་བེམ་པོ་ལ་རྐྱེན་དུ་བྱེད་པ་དང་། བེམ་པོས་བེམ་པོ་དང་རིག་པ་ལ་རྐྱེན་དུ་བྱེད་པ་ལ་རྐྱེན་བཞིར་འགྱུར་ཚུལ་སོགས་གོ་སླ་བས་མ་བྲིས་སོ། །སྒྲ་དོན་ལ། བྱེད་པ་པོ་མེད་པ། རྒྱུ་དང་བཅས་པ། སེམས་ཅན་མེད་པ། གཞན་གྱི་དབང་། གཡོ་བ་མེད་པ། མི་རྟག་པ། སྐད་ཅིག་པ། རྒྱུད་རྒྱུན་མི་འཆད་པ། རྒྱུ་འབྲས་འཐུན་པ། སྣ་ཚོགས་པ། རྒྱུ་འབྲས་སོ་སོར་ངེས་པ་སྟེ་རྟེན་འབྲེལ་གྱི་སྒྲ་དོན་བཅུ་གཅིག་གོ། །
རྟེན་འབྲེལ་རྟོགས་དཀའ་བ་ལ། རྒྱུས་ཟབ་པ། མཚན་ཉིད་ཀྱིས་ཟབ་པ། སྐྱེ་བས་ཟབ་པ། གནས་པས་ཟབ་པ། འབྱུང་བས་ཟབ་པ་སྟེ་ལྔ་དང་། སྐད་ཅིག་པ་ཡང་ཡིན་ལ་གནས་པར་ཡང་དམིགས། གཡོ་བ་མེད་པའི་རྐྱེན་ལས་བྱུང་བ་ཡང་ཡིན་ལ་ནུས་པ་སོ་སོར་ངེས་པར་ཡང་དམིགས། སེམས་ཅན་མེད་པ་ཡང་ཡིན་ལ་སེམས་ཅན་དུ་ཡང་དམིགས། བྱེད་པ་པོ་ཡང་མེད་ལ་ལས་ཆུད་མི་ཟ་བར་ཡང་དམིགས། མཐའ་བཞི་ལས་ཀྱང་མི་སྐྱེ་ལ་བྱེད་པ་དོན་གཞན་ལ་སྟོས་མེད་དུ་ཡང་འབྱུང་བ་སྟེ་འགལ་བ་ལྟར་སྣང་བ་ལྔའོ། ། ལྷག་མ་ནི་གོ་སླའོ། ། དེས་ནི་རྟེན་འབྲེལ་གྱི་སྐོར་བཤད་ཟིན་ལ།
ད་ནི་དཀྱུས་ལ་འཇུག་པར་བྱ་སྟེ། རྐྱེན་ལ་རྒྱུ་རྐྱེན་དང་། ལྷན་ཅིག་བྱེད་རྐྱེན་གཉིས། ཡང་རྒྱུའི་རྐྱེན། དེ་མ་ཐག་པའི་རྐྱེན། དམིགས་པའི་རྐྱེན། བདག་པོའི་རྐྱེན་ཏེ་བཞི། རྒྱུ་རྐྱེན་ལ་ཀུན་གཞི་བཞག་པའི་དབང་དུ་བྱས་ན། ཟག་བཅས་ཀྱི་རྐྱེན་ཀུན་གཞི་ས་བོན་གྱི་ཆས་བསྡུས་པ། ཟག་མེད་ཀྱི་རྐྱེན་དགེ་པའི་བག་ཆགས་ཏེ་གཉིས་སོ། །སྔ་མ་ལ་རྣམ་སྨིན་གྱི་ཆ་དང་། མངོན་པར་འདུ་བྱེད་པ་ལས་བྱུང་བ་གཉིས་སོ། །ཀུན་གཞི་མ་བཞག་པའི་དབང་དུ་བྱས་ན། ངོ་བོ་དང་དབྱེ་བའི་སྒོ་ནས་བྱེད་རྒྱུ། ལྷན་ཅིག་འབྱུང་བའི་རྒྱུ། མཚུངས་ལྡན་གྱི་རྒྱུ། སྐལ་མཉམ་གྱི་རྒྱུ། ཀུན་འགྲོའི་རྒྱུ། རྣམ་སྨིན་གྱི་རྒྱུ་སྟེ་དྲུག་གོ། །བྱེད་རྒྱུ་ལ། འབྱུང་བའི་བྱེད་རྒྱུ། དེ་བཞིན་དུ་སྦྱར་ཏེ་གནས་པ། བརྟེན་པ། གསལ་བ། འབྲལ་བ། བསྒྱུར་བ། ཡིད་ཆེས་པ། དེ་བཞིན་དུ་སྦྱར་ཏེ་གནས་པ། བརྟེན་པ། གསལ་བ། འབྲལ་བ། བསྒྱུར་བ། ཡིད་ཆེས་པ། ཡིད་ཆེས་པར་བྱེད་པ། འཐོབ་པ། ཐ་སྙད། ལྟོས་པ། འཕེན་པ། མངོན་པར་འགྲུབ་པ། ཡོངས་སུ་འཛིན་པ། ཆུད་པར་བྱེད་པ། སོ་སོར་ངེས་པ། ལྷན་ཅིག་བྱེད་པ། མི་མཐུན་པ། མི་མཐུན་པ་མ་ཡིན་པའི་བྱེད་རྒྱུ་སྟེ་ཉི་ཤུའོ། །དེ་མ་ཐག་རྐྱེན་ལ། དགེ། མི་དགེ། ལུང་མ་བསྟན་གསུམ་མོ། །དམིགས་རྐྱེན་ལ། ཡུལ་ཡོངས་སུ་ཆད་པའི་དམིགས་པ་དང་། དེ་བཞིན་དུ་སྦྱར་ཏེ། ཡོངས་སུ་མ་ཆད་པ། བཀྲ་འཛིན་མེད་པ། བཀྲ་བར་དམིགས་པ། དངོས་པོ་བཅས་པ། དངོས་པོ་མེད་པ། དངོས་པོ། ཀུན་བརྟགས་པ། ཕྱིན་ཅི་ལོག ཕྱིན་ཅི་ལོག་མ་ཡིན་པ། ཐོགས་པ་དང་བཅས་པ། ཐོགས་པ་མེད་པའི་དམིགས་པ་སྟེ་བཅུ་གཉིས་སོ། །བདག་པོའི་རྐྱེན་ལ། རྟེན་ལ་དབང་བྱེད་པ། དེ་བཞིན་དུ་སྦྱར་ཏེ། འཕེན་པ། ལྷན་ཅིག་འབྱུང་བ། སྐྱེ་བ། གནས་པ། འབྲས་བུ། འཇིག་རྟེན་པའི་རྣམ་པར་དག་པ། འཇིག་རྟེན་ལས་འདས་པའི་རྣམ་པར་དག་པ་ལ་དབང་བྱེད་པ་སྟེ་བརྒྱད་དོ། །མངོན་པ་འོག་པར་བྱེད་རྒྱུ་ལ། ནུས་ལྡན། ནུས་མེད་གཉིས་དང་། ལྷན་ཅིག་འབྱུང་བའི་རྒྱུ་ལ། མཚན་ཉིད། མཚན་གཞི། སེམས་ཀྱི་རྗེས་འཇུག་ངོས་བཟུང་བ། རྗེས་སུ་འཇུག་ཚུལ་དང་གཞིའི་སྒོ་ནས་བཤད་པ། སེམས་ཀྱི་རྗེས་འཇུག་ལ། རྒྱུ་བཅུར་བཤད་པ་དང་། འབྲས་བུ་ལ་སྐྱེས་བུ་བྱེད་འབྲས། བྲལ་འབྲས། རྣམ་སྨིན་གྱི་འབྲས་བུ། རྒྱུ་མཐུན་གྱི་འབྲས་བུ། བདག་པོའི་འབྲས་བུ་སྟེ་ལྔ་དང་། སྐལ་མཉམ་གྱི་རྒྱུ་ལ། ཉོན་མོངས་ཅན་ཡིན་མིན་གཉིས་རྣམས་སུ་བཤད་ལ་གཞན་རྣམས་ཀྱི་མིང་གི་རྣམ་གྲངས་གོང་གི་དེར་འདུའོ། །དབང་པོ་ཉེར་གཉིས་ནི། མིག་སོགས་དྲུག ཕོ་མོའི་དབང་པོ་གཉིས། སྲོག་གི་དབང་པོ། བདེ་བ། སྡུག་བསྔལ། ཡིད་བདེ། ཡིད་མི་བདེ། བཏང་སྙོམས་ཏེ་ཚོར་བའི་དབང་པོ་ལྔ། དད་པ། བརྩོན་འགྲུས། དྲན་པ། ཏིང་འཛིན། ཤེས་རབ་གྱི་དབང་པོ། མི་ཤེས་པ་ཀུན་ཤེས་པར་བྱེད་པའི་དབང་པོ། ཀུན་ཤེས་པའི་དབང་པོ། །ཀུན་ཤེས་པ་དང་ལྡན་པའི་དབང་པོ་རྣམས་སོ། །ཡང་རྟེན་མཚུངས་ཀྱི་དབང་པོ་དང་། དེ་མཚུངས་ཀྱི་དབང་པོ་གཉིས་དང་། ཟིན་པའི་དབང་པོ་སྟེ་གསུམ་མོ། །ཡུལ་འཛིན་པར་དབང་བ་དྲུག རིགས་བརྒྱུད་ལ་དབང་བ་གཉིས། རིས་མཐུན་པར་གནས་པ་ལ་དབང་བ་གཅིག དགེ་མི་དགེ་འབྲས་བུར་ཉེ་བར་སྤྱོད་པ་ལ་དབང་བ་ལྔ། འཇིག་རྟེན་འདོད་ཆགས་དང་བྲལ་བ་ལ་དབང་བ་ལྔ། འཇིག་རྟེན་ལས་འདས་པའི་འདོད་ཆགས་དང་བྲལ་བ་ལ་དབང་བྱེད་པ་གསུམ་མོ། །བྱེ་བྲག་སྨྲ་བས། སེམས་ཀྱི་རྟེན་ནམ་གཞིའི་དབང་དུ་བྱས་པ་དྲུག སེམས་ཅན་གྱི་བྱེ་བྲག་འབྱེད་པ་ལ་དབང་བ་གཉིས། སེམས་ཅན་གྱི་རིགས་རྒྱུན་གནས་པ་དབང་བ་གཅིག ཀུན་ནས་ཉོན་མོངས་ལ་དབང་བ་ལྔ། རྣམ་བྱང་གི་རྒྱུ་ཚོགས་པ་ལ་དབང་བ་ལྔ། རྣམ་བྱང་གི་ངོ་བོ་ལ་དབང་བ་གསུམ་དུ་འདོད་པར་མངོན་པ་མཛོད་དུ་བཤད་དོ། ། 4/11 མདུན་ངོས། 上一页 2 3 4 5 6 7 下一页 尾页 |
