|
དམངས་གཙོའི་བཅོས་བསྒྱུར་མ་བྱས་གོང་གྲོང་ཚོ་ཡོངས་ལ་དུད་ཚང་40དང་མི་གྲངས་214ཡོད་པའི་ནང་ནས་བརྒྱ་ཆ་75ནི་ཕ་ལྷ་ཚང་གི་ནང་ཟན་རེད།གཞན་དག་རྣམས་ཕ་ལྷ་ཚང་གི་ཁྲལ་པ་དང༌། སྟོད་ཆུང་ལ་སོགས་པའི་ཞིང་བྲན་རེད། ཕ་ལྷ་གཞིས་ཀ་དང་དཔལ་འབྱོར་ལྷུན་པོ་གྲོང་ཚོའི་སྔར་གྱི་ཞིང་བྲན་རྣམས་དེང་གི་ཆར་རྒྱལ་ཁབ་གྱི་བདག་པོར་གྱུར་ནས་བདེ་ཞིང་སྐྱིད་པའི་འཚོ་བ་ལ་རོལ་བཞིན་ཡོད།
མདའ་དམག་དུས་ཆེན་ནི་རྒྱལ་རྩེའི་དུས་ཆེན་ཆེ་བ་ཞིག་ཡིན་པ་དང༌།ལོ་ངོ་500ལྷག་ཙམ་གྱི་ལོ་རྒྱུས་ལྡན་ཞིང༌།ད་ཆ་བོད་ལྗོངས་ཀྱི་གྲགས་པ་ཆེ་བའི་མི་རིགས་ཀྱི་དུས་ཆེན་གྱི་ཡ་གྱལ་ཞིག་ཡིན།ས་སྐྱའི་རྒྱལ་རབས་ཀྱི་དུས་སྐབས་སུ་རྒྱལ་རྩེའི་ཆོས་རྒྱལ་འཕགས་པ་བཟང་པོ་མྱ་ངན་ལས་འདས་རྗེས་དེའི་དགེ་ཕྲུག་དང་སེར་སྐྱ་མང་ཚོགས་ཀྱིས་ལོ་ལྟར་མཆོད་པ་འབུལ་ནས་དྲན་གསོ་ཞུ་ཡི་ཡོད། ཕྱིས་སུ་ཟིང་ལོང་བྱུང་ནས་བར་མཚམས་གཅོད་དགོས་ཐུག 1408ལོར་འཕགས་པ་བཟང་པོའི་བུ་རབ་བརྟན་ཀུན་བཟང་གིས་རྒྱལ་རྩེའི་ཆོས་རྒྱལ་གྱི་ཐུགས་འགན་བཞེས་རྗེས་མཆོད་འབུལ་གྱི་བྱེད་སྒོ་དེ་བསྐྱར་གསོ་བྱས། ལོ་དེའི་བོད་ཟླ་བཞི་པའི་ཚེས་བཅུ་ནས་ཚེས་ཉེར་བདུན་ཉིན་བར་རབ་བརྟན་ཀུན་
|
