 དེང་སྐབས་ཆབ་མདོ་ཁུལ་གྱི་ཞིང་འབྲོག་ཐོན་སྐྱེད་རིམ་བཞིན་འཕྲུལ་ཆས་ཅན་དུ་འགྱུར་བཞིན་ཡོད།1997ལོའི་ལོ་མཇུག་བར་དུ་ཁུལ་ཡོངས་ཀྱི་ཞིང་ལས་འཕྲུལ་ཆས་ཀྱི་སྒུལ་ཤུགས་བསྡོམས་གྲངི་སྟོང་ཝ་ཁྲི་7.10ལྷག་ཙམ་ཟིན་པ་དང༌། འཕྲུལ་འདེབས་དང་འཕྲུལ་རྨོ་བྱེད་ཁྱོན་སོ་སོར་སྤྱི་ཆིང་ཁྲི་3146.67དང་3986.67ཟིན་ཡོད།གནམ་ལ་བརྟེན་ནས་ཞིང་འདེབས་ཚུལ་ཡོངས་སུ་བསྒྱུར་ཏེ་རྒྱལ་ཁབ་ཀྱིས་སྔ་ཕྱིར་མ་དངུལ་སྒོར་དུང་ཕྱུར༌།བཏང་ནས་ཡུར་བུ་ཆེ་ཆུང་3940བཟོས་པ་དང༌།ཆུ་རྫིང་560བསྐྲུན་པ། ཆུ་འཐེན་ས་ཚིགས་བཟོས་པས་དེ་ཁུལ་དུ་དམངས་གཙོའི་བཅོས་བསྒྱུར་མ་བྱས་གོང་ལ་ཆུ་ཞིང་སྤྱི་ཆིང་ཁྲི་1.13ལས་མེད་པ་ནས་ད༌ལྟ་སྤྱི་ཆིང་2.67ཟིན་ཏེ་རྨོ་ཞིང་གི་བརྒྱ༌ཆ་53.28ཟིན་ཡོད། 1997ལོའི་ལོ་མཇུག་བར་དུ་ཁུལ་ཡོངས་སུ་གློག་ཁང་70ལྷག་ཙམ་བསྐྲུན་པས་གློག་འདོན་ཚད༌ཁྱོན་བསྡོམས་སྟོང་ཝ་26000ཟིན་པའི་ནང་ས་ཁུལ་གློག་ཁང་2ཀྱི་གློག་འདོན་ཚད་སྟོང་ཝ་9600དང༌། རྫོང་གི་གློག༌ཁང་10ཡི་གློག་འདོན་ཚད་སྟོང་ཝ་11095 ཤང་གྲོང་གློག་ཁང་55ཡིས་གློག་འདོན་ཚད་སྟོང་ཝ་4553བཅས་ཡིན། ཧྥུ་ཨན་སྟོང་35ཐེག་པའི་གློག་སྐུད་སྤྱི་ལེ་94དང༌། ཧྥུ་ཨན་སྟོང་10ཐེག་པའི་གློག་སྐུད་སྤྱི་ལེ་700འཐེན་ཡོད་པས་དེ་ཁུལ་མང་ཚོགས་ཀྱི་ཐོན་སྐྱེད་དང་འཚོ་བ་གང་ཅིར་སྟབས་བདེ་དང་ཕན་ཁེ་བྱུང་བ་རེད།
|
