ལོ་1000 ལྷག་ཙམ་གྱི་སྔོན་དུ། མཚར་སྡུག་གི་དཔལ་འབར་བ་དང༌། སྐབས་ཤིག་ལ་དར་རྒྱས་ཧ་ཅང་ཆེ་བའི་སྟོབས་ཆེན་གྱི་རྒྱལ་ཁབ་ཞིག་འདིར་བཙུགས་པ་དང༌། ལོ་700 ཙམ་གྱི་རྗེས་རྩ་འཐོར་དུ་ཕྱིན་པ་རེད། འོན་ཀྱང་འདིར་གུ་གེ་རྒྱལ་རབས་ཀྱི་ལོ་རྒྱུས་ཞབས་རྗེས་
ནམ་ཡང་གསལ་ལྷམ་མེར་་་བཞག་ཡོད། དེ་ནི་སྙན་གྲགས་འཛམ་གླིང་ཡོངས་ལ་ཁྱབ་པའི་རྒྱལ་ཁབ་ཀྱི་གལ་ཆེའི་རིག་དངོས་སྲུང་སྐྱོབ་ཚན་པ་སྟེ་མངའ་རིས་རྩ་མདའ་རྫོང་ཁོངས་སུ་ཡོད་པའི་གུ་གེ་རྒྱལ་རབས་ཀྱི་རྒྱལ་སའི་གནའ་ཤུལ་དེ་ཡིན།
རྩ་མདའ་རྫོང་ནི་རྒྱ་མཚོའི་ངོས་ལས་མཐོ་ཚད་རྨིད་3500 ལྷག་གི་སར་གནས་ཡོད་ཅིང༌། གུ་གེ་རྒྱལ་རབས་ཀྱི་གནའ་ཤུལ་དང་གཞི་ཁྱོན་ཆེ་བའི་ས་གླིང་ཀི་ཆགས་ཚུལ་ལས་སྙན་གྲགས་ཕྱོགས་བཞིར་ཁྱབ་པས་རྒྱལ་ཕྱི་རྒྱལ་ནང་གི་ཡུལ་སྐོར་པ་མང་པོ་མངའ་རིས་ལ་ཡོང་དོན་ཡང་རྩ་མདའ་རྫོང་དང་གུ་གེ་ལ་བལྟས་ནས་ཡོང་བ་རེད།
|