༼༡༤༽

དང་ཁང་ཁྱིམ་དག་རྩིག་པའི་ཚེ་བྱའི། རྩིག་པ་བརྐོ་བས་ནི་མ་ཡིན་ནོ། །དགོན་པ་པ་རྣམས་ཀྱིས་སྐོན་བུ་ཁ་སྦྱར་བྱའོ། །ལྕུག་མའམ་སྲད་བུ་ལས་བྱས་པའོ། །ལྕེ་བ་དང་སས་བྱུགས་པའོ། །ཁ་གབ་རྣམ་པ་དེ་ལྟ་བུ་དང་བཅས་པས་སོ། །དེ་ནི་གཟར་ཐག་གིས་ཤིང་ལ་དཔྱངས་ན་བཟང་ངོ་། །ས་ལ་མི་བཞག་གོ །དེ་བཞིན་དུ་མི་བསྐུར་རོ། །སྣོད་དུ་བཅུག་སྟེ་བསྐུར་བར་བྱའོ། །ལག་པས་མི་བསྐུར་རོ། །བསྐུར་བ་ནི་ལུང་ཐག་བཏགས་ཏེ་མཆན་ཁུང་གིས་སོ། །ལྷུང་བཟེད་དང་སྨན་དང་བར་བུར་དག་སྣོད་ཐ་དད་པར་གཞུག་གོ །དེ་དག་བཅང་བར་བྱའོ། །དེ་དག་ལ་དཔྱང་བའི་ལུང་ཐག་མཉམ་པར་གདགས་པར་མི་བྱའོ། །སྡུག་བསྔལ་འདོད་པས་ནི་ཞེང་ཆུང་ངུ་དག་ཀྱང་ངོ་། །ཞུམ་པར་མི་འགྱུར་པར་བྱ་བའི་ཕྱིར་དབུས་སུ་ཕྱིང་བུས་སྦྱར་བར་བྱའོ། །དེ་གནས་པར་བྱ་བའི་ཕྱིར་མདོ་མདོར་བྱ་རོག་རྐང་བྱའོ། །ལྷུང་བཟེད་མིག་བཞིན་དུ་བསྐྱང་བར་བྱའོ། །སྣམ་སྦྱར་པགས་པ་དང་འདྲ་བར་རོ། །ཆོས་གོས་ལྷག་མ་ཡང་ངོ་། །བཅོས་ལེགས་བྱ་བ་ཡལ་བར་མི་འདོར་རོ། །ལྷུང་བཟེད་གླན་པ་ལ་ནན་ཏན་བྱའོ། །དབེན་པའི་ཕྱོགས་སུའོ། །དགེ་འདུན་གྱིས་མགར་སྤྱད་དག་བསྲེལ་བར་བྱའོ། །བུ་གུའི་ལྷན་པར་བུ་རམ་དང་རྒྱ་སྐྱེགས་ཀྱི་ཚིགས་མ་དང་སྦྲ་ཚིགས་མ་དང་རོ་ཉེ་དང་ཚོན་མོ་སྟེང་དག་མི་བཟང་ངོ་། །ལྷན་རིང་དང་ཐམ་ཕྲན་དང་ལྷན་པ་ཆུ་སྲིན་གྱི་སོ་ལྟ་བུ་དག་བཟང་ངོ་། །ཕྱེ་མས་ཀྱང་ངོ་། །ལྕགས་ཀྱིའམ་རྡོའི་འོ། འབྲུ་མར་དང་བདར་བ་སྦྲ་ཚིལ་དང་འདྲ་བ་ལ་ཐུག་པར་གྱུར་པས་སོ། །ལྕགས་སམ་ཀུ་རུ་བིན་དས་སོ། །དྲོ་བ་ལ་གླན་ནོ། །དྲོ་བས་གཡོགས་ཏེ་འཇིམ་པས་བསྐུས་ལ་ཅི་རན་ཙམ་དུ་བསྲོའོ། །འབྲུ་མར་གྱིས་བདར་རོ། །ས་ལས་བྱས་པའི་ནི་བུ་རམ་དང་འཇིམ་པས་སོ། །སྤྱོད་པ་ཉིད་ཡིན་ན་ཟླ་བ་དྲུག་གི་འོག་ཏུ་བསྲེག་པར་བྱ་བ་ཉིད་ཡིན་ནོ། །གལ་ཏེ་ས་ལས་བྱས་པ་ཉིད་ཡིན་ན་ཟླ་བ་ཕྱེད་ནའོ། །གལ་ཏེ་དབྱར་བྱུང་ན་དེའི་བྱ་བའི་བར་དུ་བསྐུ་བ་དང་རྩུབ་ཁྲུས་ཉིད་ཀྱིས་ལེགས་པར་བཅོས་པ་ཉིད་བྱའོ། །དེ་བསྲེག་པར་བྱའོ། །དེའི་ཆེད་དུ་རྫ་བོ་བསྲེལ་བར་བྱའོ། །དེ་ཉིད་དུ་གྲུབ་པའམ་དབྱིབ་མོ་ཡང་རུང་ངོ་། །ཐལ་བས་བཀང་སྟེ་རྫ་གཟོང་གིས་བརྐོས་ན་བཟང་ངོ་། །དེ་བཅང་བར་བྱའོ། །དེས་དུ་བ་

 12/105    མདུན་ངོས། 上一页 10 11 12 13 14 15 下一页 尾页