| ད་འོ་སྐོལ་ནས་ཆོས་འདིའི་བཀའ་ཡངས་སུ་གཏོང་བ་ཡིན་པས། ཉིད་ཅག་དགེ་བའི་བཤེས་གཉེན་འབོགས་པར་ནུས་པ་ཐམས་ཅད་ཀྱིས་ཕོག་ཅིག་གསུང་ངོ༌། །རྒྱལ་སྲས་འདིས་བདག་གཞན་བརྗེ་བའི་མཛད་པ་ཇི་ལྟར་བསྟན་པ་ནི་སློབ་དཔོན་དཔལ་ཡེ་བས་བློ་སྦྱོང་ལ་ཉམས་ཁྲིད་བསྒོམ་དུས། ལྷོངས་ལ་ཤིག་ནད་བྱུང་བས། སེམས་དཔའ་ཆེན་པོའི་གསུང་གིས། ཉིད་རང་གིས་སྙིང་རུས་བསྐྱེད་ལ་གསོས་གལ་ཏེ་མི་གསོས་པ་འདྲ་ན་འདིར་བྱོན། ངེད་ཀྱིས་ཀྱང་གསོ་རོགས་བྱ་ཡིས་གསུང་ཟེར། ཁོང་གིས་ཡུན་རིང་པོའི་བར་དུ་གསོས་ཀྱང་ཉུང་དུ་མ་སོང༌། ཆོས་རྫོང་དུ་བྱོན་ནས་བླ་ཡེལ་དུ་མལ་བཅས་ནས་ཞག་ཤས་སོང་བ་དང༌། ཤིག་རྣམས་ཉུང་དུ་སོང་འདུག་པ། རྣམ་རྟོག་སྐྱེས་ཏེ་དྲུང་དུ་བལྟར་ཕྱིན་པ་དང༌། དྲུང་པ་ལ་ཤིག་ཉིལ་བ་འདུག་པ་མཐོང་བས། དྲུང་ནས་འོ་བརྒྱལ་ང་རང་གིས་སྙིང་རུས་བསྐྱེད་ལ་གང་གསོས་བྱེད་ང་རང་ལ་ཐུགས་ལ་འདོགས་པར་ཞུ་ཞུས་པས། ཉིད་ཀྱི་ཤིག་བླངས་པ་མ་ཡིན་ང་རང་ལ་ཡོད་པ་ཡིན་གསུངས་ནས་མ་གནང༌། དེ་ནས་ཞག་འགའ་ནས་ཐམས་ཅད་ཡལ་ནས་སོང་གསུང༌། གཞན་གྱི་སྡུག་བསྔལ་དངོས་སུ་ལེན་པ་འདི་སྙིང་རྗེའི་བསམ་པ་དྲག་པོས་བླངས་ན་ལོངས་ངེས་ཤེས་པ་ཉམས་སུ་མྱོང་བས་གྲུབ་པ་ལགས་གསུང༌། རྒྱལ་སྲས་བདག་ཉིད་ཆེན་པོ་འདི་ཧོར་དཔོན་ཞིག་གིས་ས་སྐྱར་གདན་དྲངས་པའི་ཚེ་ས་སྐྱའི་རྒྱབ་དེར་དྲོ་འདེབས་པའི་སར་ཁྱི་རྒན་པོ་གཅིག་བྱུང་བ་ལ། ཧོར་གྱི་འབའ་ཧོར་ཆེས་རྡོ་གཅིག་བརྒྱབ་པས་འགྱེལ་ནས་སྐད་ངན་ཆེན་པོ་ཤོར་བས། སེམས་དཔའ་ཆེན་པོ་རང་ལ་བརྒྱབ་པ་བཞིན་དུ་ཨ་གསུང་ནས་ཕྱག་ནས་དཀར་ཡོལ་འཆོར་ལ་ཁད་བྱུང་ཞིང་སྤྱན་ཆབ་མང་པོ་བཏོན།དེ་ནས་ས་སྐྱར་བྱོན་ཏེ། དགེ་བའི་བཤེས་གཉེན་དང་སྐྱེ་བོའི་ཚོགས་ཆེན་པོ་ལ། ཟབ་པ་དང་རྒྱ་ཆེ་བའི་ཆོས་གསུངས་ནས་འགྲོ་བ་དཔག་ཏུ་མེད་པའི་དོན་མཛད་དེ།གསེར་ཡིག་པས་ཚོང་དུས་ནས་མར་གདན་དྲངས་དུས། ཧོར་གྱི་གཡོག་པོ་གསུམ་ལ་ནག་ཆེན་པོ་ཐུག་ནས་གསོད་དུ་བྱུང་བ་ལ། རྒྱལ་སྲས་འདིས་ཐུགས་ཀྱིས་མ་བཟོད་པར་ཧོར་གྱི་དཔོན་ལ་དེ་ལྟར་མ་བྱེད་ཅེས་གསུང་བྱོན་པས་སྲོག་ལས་ཐར་བར་མཛད། སྐུ་ཞང་གི་རྩིས་ཀྱི་རྟེན་འབྲེལ་ལ་དབེན་ཤྲྰིའི་གདན་གྱི་འོག་ཏུ་ཁོ་རང་གི་གཟུགས་དང༌། རལ་གྲི་དང༌།རང་ཐག་སོགས་བཅུག་པ་དབེན་ཤྲྰིས་མཐོང་ནས་རྩ་ར་ཆེན་པོ་བྱེད་དུ་བྱུང་བ་ལ་ཡང་གསུང་བྱོན་པ་ཙམ་གྱིས་གྲོལ་བར་མཛད་དེ། རིན་སྤུངས་པར་བྱོན་ནས་དབུས་སུ་འབྱོན་མ་དགོས་པར་ཡར་བྱོན་ཏེ། ཞ་ལུར་གདན་དྲངས་ནས་དགེ་བའི་བཤེས་གཉེན་དང་སྐྱེ་བོའི་ཚོགས་དཔག་ཏུ་མེད་པ་ལ་ཆོས་ཀྱི་སྦྱིན་པ་མཛད། དེ་དུས་བུ་སྟོན་རིན་པོ་ཆེ་བསྙུང་ནས་གྲོངས་ལ་ཁད་པ་མ་མཇལ་ཏེ། སྐུ་གསུང་ཐུགས་རྡོ་རྗེའི་རང་བཞིན་དུ་བྱིན་གྱིས་བརླབས་ནས་བསྟན་པ་དང་སེམས་ཅན་གྱི་དོན་ལ་བཞུགས་པའི་རྟེན་འབྲེལ་དང༌། བདག་གཞན་བརྗེ་བའི་དམིགས་པ་མཛད་ནས་དེའི་ནུབ་མོ་ནས་སྐུ་བསྐྱེད་བྱུང་ནས་བསྙུང་བ་དང༌། དེ་དུས་བླ་མ་རྒྱལ་སྲས་པས་མཁན་ཆེན་བུ་སྟོན་པའི་བསྙུང་ནད་སླངས་ཟེར་བའི་གྲགས་པ་ཆེན་པོ་ཡང་བྱུང་ཞིང༌། མཁན་ཆེན་པའི་ཞབས་ཏོག་པ་གཅིག་གི་རྨི་ལམ་དུ་མདངས་དྲུང་པ་ལ་བླ་མ་རྒྱལ་སྲས་པ་སྐུ་ལུས་ཤེལ་དཀར་ལྟར་དྭངས་པར་གྱུར་པས་གསེར་གྱི་དབུ་རྒྱན་གསོལ་ནས་དབང་བསྐུར་མཛད་པ་རྨིས་ལགས་ཞུས་པས། རྨི་ལམ་བཟང་པོ་ཡིན། ང་ཡང་མདངས་ཁམས་བདེ་ཞིང་རིག་པ་དྭངས་པ་ཅིག་བྱུང་གསུང་ནས་མཉེས་འདུག་གསུང༌། ཡང་བླ་མ་དམ་པ་བསོད་ནམས་རྒྱལ་མཚན་པས་ཆོས་ཞུ་བ་ལ་ས་སྐྱར་གདན་དྲངས་ནས། ཆོས་ཀྱི་འཁོར་ལོ་རྒྱ་ཆེན་པོ་བསྐོར་ཏེ་ཚུར་འབྱོན་དུས་ལ་རྫས་ནག་པོར་ཇག་པ་བྱུང་སྟེ། སེམས་དཔའ་ཆེན་པོ་རང་གི་སྐུ་ལ་མ་རེག་ཞབས་ཏོག་པ་རྣམས་འོ་ལེ་པ་རེ་བཀྱིགས་ཏེ་ཇག་པ་ཟ་མ་ཟ་དུས། ཞབས་ཏོག་པ་གཅིག་བཀྱིགས་པ་གོལ་བྱུང་བའི་རྩ་ན། ཇག་པའི་རལ་གྲི་བཞག་འདུག་པ་ཁྱེར་ནས་བྲོས་ན་བསམ་ཡོད་ཙ་ན། སེམས་དཔའ་ཆེན་པོས་མཁྱེན་ནས་ཉིད་དེ་བློ་ཙབ་ཙུབ་མ་བྱེད་ཨང་གསུངས་པས་བྲོས་མ་ནུས་ཟེར། དངོས་པོ་འདི་རྣམས་རིན་ཆེན་སྒང་པའི་ས་ཆར་ཁྱེར། ངས་བློས་བཏང་ཡོད་པས་ཕྲོགས་པ་ཡིན་སྙམ་པའི་བློ་ཡང་མ་བྱེད་ངའི་གོས་འདི་ཁྱེར་ན་ཡང་ཁྱེར་གསུངས་པས། ཇག་པས་ཕྱག་བཙལ་ནས། ངེད་ཚོ་ཡང་ཕོངས་ནས་ཐབས་སྡུགས་པས་ཉིད་ལྟ་བུ་དང་ཐུག་ཟེར། ཇག་པ་རྣམས་རྗེས་ཟློས་བྱེད་དུ་བཅུག་ནས་བསྔོ་བ་ཡང་མཛད་གསུང༌།དབུས་པའི་དམག་མང་པོ་མཐོང་བ་དེ་དང༌། དཔོན་ཆེན་བྱང་པ་འདིས་འོ་སྐོལ་ལ་ཆོས་འབྲེལ་མ་བྱས་པའི་གོང་དུ་བཙོན་སྡུག་གེ་གཅིག་མི་གསོད་པའི་ཞུ་བ་བྱས་ཀྱང་མ་གྲུབ་པ་དེ་གཉིས་ཀྱིས་ལོ་མང་པོའི་བར་དུ་དགེ་སྦྱོར་གྱི་བསྐུལ་མ་བྱས། དེ་བར་ལ་དགེ་སྦྱོར་གང་བྱེད་ཀྱང་དེ་རྣམས་དང་དབུས་པའི་དམག་སྔོན་མ་རང་རེ་དངུལ་ཆུ་བ་འཇོམས་མི་དེ་རྣམས་ཀྱི་དོན་དུ་བསྔོས། སྨོན་ལམ་མང་པོ་བཏབ་སྟེ་ཨེ་ཕན་ནི་མི་ཤེས་གསུང༌། ཡང་ལན་ཅིག་རྒྱལ་སྒོའི་འགག་ན་ཤིག་ནད་ཚབས་ཅན་བྱུང་བའི་སྤྲང་རྒན་ལུས་ཀྱི་ཟུངས་ཤོར་བ་གོས་དང་སྟན་ལ་སོགས་པ་ཤིག་གི་ཕུང་པོར་གྱུར་པ་ཅིག་གི་དྲི་ཆེན་པོ་མནམ་པ་ཅིག་འདུག་པ་དེ་ལ། དྲུང་སྐུ་མཆེད་པའི་སྐྱ་བོ་ཚོས། དྲུང་ནས་སྐྱུག་བྲོ་འགག་དེར་མ་བསྡད་ཟེར་ཞིང་འབུད་པ་གཟིགས་པས། སྙིང་རྗེ་དྲག་པོ་སྐྱེས་ནས་སྤྱན་ཆབ་ཤོར་ཏེ། དེའི་ནུབ་མོ་ཁོའི་གོས་དང་སྟན་ཤིག་གི་ཕུང་པོར་གྱུར་པ་རྣམས་ནང་དུ་ཁྱེར། སྤྲང་པོ་ལ་ན་བཟའ་གཅིག་གཉིས་དང་ཟ་རྒྱུ་གནང་ནས་ཤིག་རྣམས་ལ་སྐུ་ལུས་སྦྱིན་པར་བཏང་སྟེ་ཤིག་གི་ཕུང་པོའི་གསེབ་ཏུ་གཟིམ་ནས་ཞག་གཅིག་གཉིས་སོང་བ་དང༌། སློབ་དཔོན་དང་མཆེད་གྲོགས་འགའ་རེས་ཚོར་ནས་བལྟར་བྱོན་པས་སྤྲང་པོའི་གོས་དང་སྟན་ཤིག་གི་ཕུང་པོར་སོང་བ་རྣམས་གསོལ། སྐུ་ལུས་ཐམས་ཅད་འབྲུམ་ནད་ཐུག་པོ་བྱུང་བ་བཞིན་དུ་གྱུར་འདུག་པ་མཐོང་ནས།ཁོང་རྣམ་པ་ཧ་ལས་ཏེ་ཉིད་ད་ལྟ་ལུས་གཏོང་བའི་དུས་ཙམ་ལ་མ་སླེབས་ལས་ཆེ།དེ་འདྲ་རང་ཧ་ཅང་ཐལ་དྲགས་མི་མཛད་པར་ཞུ་ཞུས་པས། སྤྱོད་འཇུག་ལས། 13/23 མདུན་ངོས། 上一页 11 12 13 14 15 16 下一页 尾页 |
