| མ་ཎི་ཁྲི་ཚོ་གཉིས་གཉིས། ཡུམ་སྒྲུབ།སྒྲོལ་མ་ཚར་སུམ་ཅུ་རེ། བྷཾ་ཥ་ཛྷེ་ཉེར་གཅིགརྣམ་རྒྱལ་གྱི་གཟུངས་ཚར་གཅིགདགོང་མོ་བདེ་མཆོག་གི་མངོན་རྟོགས་གཞུང་ནས་བཤད་པ་བཞིན་བསྒོམས་ནས། སྙིང་པོ་སྟོང་ཕྲག་རེའི་བཟླས་པ་དང༌། གཟིམ་ཁར་ཡན་ལག་བདུན་པ་ཕུལ་ནས་སྨོན་འཇུག་གི་སེམས་བསྐྱེད་བསྡུས་པ་རེ་ལེན་པ་རྣམས་མཚམས་ཀྱི་དུས་སུ་འཆག་མེད་དུ་མཛད། གཞན་ངེས་པ་མེད་གསུང༌། བདག་ཉིད་ཆེན་པོ་འདི་མདོ་སྔགས་ཀྱི་ལམ་ཡོངས་རྫོགས་ལ་ཉམས་ལེན་མཐར་ཕྱིན་པས་བཤད་ཉན་མཛད་པའི་དུས་ནའང༌། རྨི་ལམ་དུ་དག་པའི་ཞིང་ཁམས་གང་འདོད་པ་བལྟ་བ་དང༌། དེ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་གྲངས་མེད་པ་ལ་ཆོས་ཉན་པར་ནུས་པ་ཞིག་ཡོད། ཆོས་རྗེ་བསོད་ནམས་རྒྱལ་མཚན་གྱིས་བོ་དོང་ཨེའི་ཀུན་དགའ་ར་བ་བཞེངས་ནས་རབ་གནས་མཛད་པའི་དུས་སུ། སེམས་དཔའ་ཆེན་པོ་དང་བུ་སྟོན་རིན་པོ་ཆེ་གཉིས་རྨི་ལམ་གྱི་གསུང་གླེང་བྱུང་བའི་ཚེ། སེམས་དཔའ་ཆེན་པོས་རྨི་ལམ་བཟུང་སྟེ་དགའ་ལྡན་དུ་ཕྱིན་ནས་བྱམས་པ་མགོན་པོ་ལ་བྱམས་པའི་ཆོས་ལྔ་རྫོགས་པར་ཉན་གསུང༌། ཆོས་རྗེ་བུ་སྟོན་རིན་པོ་ཆེས་ཆོས་འཆད་པའི་ཚེ་ཉིན་པར་ལྟ་རྟོག་མ་གྲུབ་ན་མཚན་མོ་རྨི་ལམ་བཟུང་ནས་ལྟ་རྟོག་བྱས་གསུང༌། རྒྱལ་སྲས་བདག་ཉིད་ཆེན་པོ་འདི་ཆོས་གསུང་བའི་ཚེ་ན་ཡང་ལུང་འདྲེན་ལ་སོགས་པའི་ཚིག་ནམ་འཐོགས་དུས་སྤྱན་ནམ་མཁའ་ལ་ཆེར་མཛད་པས་ཤར་དེ་གསུང་བ་ཞིག་ཡོད་པར་འདུག་སྟེ་དེ་ནི་ཡི་དམ་གྱི་ལྷས་སྟོན་པ་ཡིན་ཞེས་སེམས་དཔའ་ཆེན་པོ་ཉིད་ཀྱི་ཐུགས་སྲས་རྣམས་གསུང་ངོ༌། །རྒྱལ་སྲས་བདག་ཉིད་ཆེན་པོ་འདི་ཇི་ཙམ་གྱི་རྟོགས་པ་མཐོན་པོར་བྱོན་ཡང་དུས་ཀུན་ཏུ་རང་གི་འཁྲུལ་བ་ལ་རྟོག་པ་ལྷུར་མཛད་དེ་ཞལ་ནས། རང་ལ་རང་གིས་གྲོས་འདི་འདེབས་སོ་ཀྭ། མཁས་པ་དང༌། བཙུན་པ་དང༌།བཟང་བའི་ཡོན་ཏན་གང་ཡང་མེད་བཞིན་དུ་རང་བཟང་པོར་རེ་བའི་རློམ་སྟངས་ཅན་རང་སྐྱོན་རི་ཙམ་ཡང་མི་མཐོང་ཞིང༌། གཞན་སྐྱོན་རྡུལ་ཕྲན་ཙམ་ལ་ཡང་རྟོག རང་དོན་ཞེ་ལ་བཞག་ནས་གཞན་དོན་བྱེད་པར་སྨྲ།ཚོས་པར་བརྫུས་ནས་ཚེ་འདིའི་ཆེ་ཐབས་འབའ་ཞིག་སྒྲུབ་པ་ཁྱོད་ཀྱིས། སྔར་རང་གི་སྤྱོད་པ་ལ་མ་བརྟགས་པར་རང་གིས་རང་བསླུས་པས་སྔར་ཡང་སྡུག་བསྔལ་མང་པོ་མྱོང་ཞིང༌། ད་དུང་འཁོར་བ་དང་ངན་སོང་གི་སྡུག་བསྔལ་ལས་གྲོལ་བའི་གདེང་མེད་པ་འདི་ཁྱོད་རང་གིས་ཉེས་པ་ཡིན་ཞིང༌། ད་ཡང་གཏན་གྱི་བདེ་བ་ཐོབ་པར་འདོད་ན་དབེན་པའི་གནས་སུ་སྡོད་ལ། བློ་བླ་མ་དཀོན་མཆོག་ཁོ་ན་ལ་གཏོད། འཇིག་རྟེན་གྱི་ཆོས་བརྒྱད་སྤོང་ལ་ཆོས་བརྒྱད་ཅན་གྱི་མི་དང་མ་འགྲོགས། རང་འདོད་ཀྱི་འཁྲི་བ་ཆོད་ལ་གཞན་དོན་གྱི་གོ་ཆ་བསྐྱེད། ང་རྒྱལ་དང་ཁོང་ཡུས་སྤོངས་ལ་དམན་ཆ་ཟུངས།སྐྱེས་བུ་དམ་པ་རྣམས་ཀྱི་མཛད་སྤྱོད་ལ་སོམས་ལ། དཀའ་ཐུབ་ཀྱི་སྲན་བསྐྱེད་ཅེས་སོགས་གསུངས། ཡང༌།ཉོན་མོངས་དབང་གིས་རྒྱལ་སྲས་གཞན་དག་གི། །ཉེས་པ་གླེང་ན་བདག་ཉིད་ཉམས་འགྱུར་བས། ། ཐེག་པ་ཆེ་ལ་ཞུགས་པའི་གང་ཟག་གི། །ཉེས་པ་མི་སྨྲ་རྒྱལ་སྲས་ལག་ལེན་ཡིན། །ཞེས་པ་ལྟར་ཕྱག་ལེན་ལ་བཏབ་སྟེ། དེ་ཡང་སེམས་དཔའ་ཆེན་པོ་འདི་ནི་ཆོས་ཀྱི་གསུང་གླེང་དང་གཞན་ལ་ཕན་པའི་གསུང་ཙམ་མ་གཏོགས་པ། དོན་མེད་ཀྱི་སྨྲ་བརྗོད་མི་གསུང་ཞིང༌།ཁྱད་པར་དུ་གཞན་གྱི་ཉེས་པ་གླེང་བ་གཏན་ནས་མི་སྲིད་ཅིང༌། འགའ་ཞིག་གིས་ངེད་ཀྱི་བླ་མ་བཟང་ཁྱེད་ཀྱི་བླ་མ་མི་བཟང་ཟེར་བ་དང༌།ཆོས་ཟབ་མི་ཟབ་དང༌། ལྟ་བ་ལོག་མ་ལོག་སོགས་གཞན་གྱི་ཉེས་པ་གླེང་བ་གསན་ན། དམིགས་སུ་དཀར་ནས་མི་གསུང་ཡང༌། ཆོས་གསུང་པའི་དུས་སུ།སྤྱིར་ལོང་གཏམ་ལ་སྙིང་པོ་མེད། མི་དགེ་བ་འཕེལ། དགོས་སུ་གཞན་ལ་སྨད་པས་རང་མི་མཐོའི་སྟེང་དུ་ཉེས་པ་འཕོག ཆགས་སྡང་འཕེལ།ཁྱད་པར་དུ་ཆོས་དང་གང་ཟག་ལ་སྡེ་རིས་སུ་ཕྱེ་ནས་སྨོད་པ་འདི་རང་འཇིགས་གསུང༌། སྨྲ་བ་མང་པོས་མི་དགེ་བསྐྱེད་སྲིད་ཅིང༌། །དེ་མ་བསྐྱེད་ཀྱང་དོན་མེད་དུས་འདའ་བས། རང་དང་གཞན་ལ་ཕན་ངེས་མ་གཏོགས་པ། །སྨྲ་བརྗོད་སྤོང་བ་བརྩོན་འགྲུས་གྲོགས་སུ་གཅེས།།གསུངས་ངོ༌།།རྒྱལ་སྲས་འདིས་སྐུ་ཚེའི་མཇུག་ལ་ཟླ་བ་དགུ་དགུ་མཚམས་དམ་པོ་ལ་བཞུགས་ནས། ཟླ་བ་གསུམ་གསུམ་སྐུ་མཚམས་གསེངས་ཏེ།ཕྱོགས་ཐམས་ཅད་ནས་འདུས་པའི་དགེ་བའི་བཤེས་གཉེན་དུ་མ་དང༌། ཚེ་བློས་བཏང་བའི་བྱ་བྲལ་བ་གནམ་གྱི་སྐར་མ་ཙམ་དང༌། གཞན་ཡང་མི་ཆེན་གྱི་རིགས་ལ་སོགས་པ་སྐྱེ་བོའི་ཚོགས་ཆེན་པོ་དང༌། མདོར་ན་ཚོགས་པ་རྒྱ་མཚོ་ལྟ་བུ་ལ་ཆོས་ཀྱི་སྦྱིན་པ་མཛད་ཅིང༌། དེའི་དུས་སུ་གཞན་གྱིས་ཕུལ་བའི་རྣ་མོ་དང་ཤ་ཁྱི་དང༌། ཚེ་ཐར་གྱི་ལུག་ཡོད་པ་ཀུན་ཀྱང་དུས་དེར་རུག་གེ་འདུས་ནས་ཆོས་ཉན་གྱིན་ཡོད་པ་ལ། ལན་ཅིག་སྣར་ཐང་ནས་ཁྲིད་ཞུ་བ་ལ་བྱུང་བའི་བཙུན་པ་གཅིག་གིས།ཁོས་བླ་མས་གསུངས་བ་བཞིན་མ་བྱས་པར། ཤེས་པ་ཕར་འཕྲོ་བ་དང༌།ཚུར་བསྡུ་བ་དང༌། དེ་མ་ཁད་རླུང་བསྒོམས་འདུག་པས། ཁོ་སྨྱོ་ནས་ཚོགས་ཆོས་གསུང་བའི་དུས་སུ་སྒྲེན་མོར་ཤོར་བྱུང་བ་ལ།ཁོ་འཛིན་དུ་ཕྱིན་པ་རྣམས་ལ་རྡོ་བརྒྱབ་ནས་འགྲོ་ས་མ་བྱུང་བའི་སྐབས་སུ། རྣ་མོ་དེ་དྲུང་ན་ཆོས་ཉན་ཀྱིན་ཡོད་པ་ལ་ཧར་ཏེ་ལངས་ནས་ཁོའི་ཕྱིར་རྒྱུགས་སོང་སྟེ། ཧར་ཧར་ལངས་ཀྱིན་བརྡུངས་ཙ་ན་ཁོས་རཱ་ཅོ་ནས་བཟུང་གིན་ཕྱིར་ཕུལ་བྱེད་ཀྱིན་ཚོགས་ཆོས་མ་གྲོལ་གྱི་བར་དུ་ཁོང་གཉིས་འཛིང་གིན་བསྡད་པས་གཞུག་ཁོས་དྲན་པ་རྙེད་ནས་འདུག་པ་ལ། སེམས་དཔའ་ཆེན་པོས།ད་ཁོས་རྡོ་མི་བརྡེག་མཆི།གོས་ཤིག་གཡོགས་ནས་ཁྲིད་ཤོག་གསུང༌། དྲུང་ན་འཁོད་པ་ཅིག་གིས་ཕྱིན་པས་དྲན་པ་རྙེད་ནས་ངོ་ཚ་ཞིང་འདུག དྲུང་དུ་ཁྲིད་ཕྱིན་པ་དང༌། 18/23 མདུན་ངོས། 上一页 16 17 18 19 20 21 下一页 尾页 |
