|
སྔོ་སྨན་རྒྱལ་པོ་ཤ་མོ་ནི།།གསེར་ཤ་བ་ནི་སྤང་ལ་སྐྱེས།།ཤིང་གི་ཤ་མོ་ཤིང་ལ་སྐྱེས།།ལུད་ཀྱི་ཤ་མོ་ལུད་ལ་སྐྱེ།།ལུག་ལུད་སྐྱེས་པའི་ཤ་མོ་དང༌།།པར་པ་ཏ་དང་རྟ་ལྤགས་པ།།གླ་བའི་རིལ་མའི་ཐལ་བ་དང།།མེ་ཏོག་སྔོ་མཚེར་སྦྱར་ནས་ནི།།ཞོ་དང་སྦྱར་ལ་རྨ་ལབྱུ་གས།།ཁོང་དུ་ཡང་ནི་བཏང་བར་བྱ།།རྣག་གིས་ལུས་ནི་མ་རུང་བ།།ལུད་ཀྱི་ཤ་མོ་ཞེས་བྱ་བ།།ལུག་ལུད་ཤ་མོ་སྨན་སྦྱོར་ཡིན།།
བ་ལུ་ནག་པོ་ཞེས་བྱ་བ།།དེ་ཡི་མིང་ནི་སུ་རུ་སྟེ།།མེ་ཏོག་དམར་ལ་ཟླུམ་པ་ཡིན།།རང་གི་ནུས་པ་དྲོ་བ་སྟེ།།སུར་བུའི་ལོ་མ་ཚ་བ་གསུམ།།བ་ལུའི་ལོ་མ་ཆང་དང་སྦྱར།།བཏང་ན་གྲང་བའི་ནད་ལ་ཕན།།མཆོག་ཏུ་ཕོ་བའི་གྲང་བ་སེལ།།
སྐྱེར་བའི་ཤིང་ནི་ཚེར་མ་ཅན།།རང་གི་ནུས་པས་དུག་ནད་སེལ།།གསེར་འདྲ་རི་བོའི་ལྷུན་པོ་དང༌།།ཨུཏྤལ་གནས་པའི་དུམ་བུ་དང༌།།བཙོ་མ་གསེར་གྱི་མེ་ཏོག་དང༌།།གླང་སྣ་སྨུག་པོ་འབར་བ་དང༌།།ཟླ་བ་དྲུག་པའི་ཕྱི་ཤུན་དང༌།།པྲི་ཡང་ཀུ་ཡི་ལྕུག་མ་དང༌།།ཧ་ལའི་མེ་ཏོག་རྨེ་རུ་རྩེ།།སྲུང་ཤིང་མེ་ཏོག་ཅུ་རུ་དང༌།།བུལ་བལ་མར་གང་ལྟབུ་དང༌།།ས་ལ་དྲ་བའི་གྷོ་བ་དང༌།།དེ་དག་སྐྱེར་བའི་བར་ཤུན་དང༌།།སྤང་རྒྱན་གུར་གུམ་སྐྱི་བ་དང༌།།སྐྱུ་རུ་ར་དང་ལུགག་མིག་པ།།ཏིག་ཏ་སེ་(བསེ)ཤིང་གྲོ་མ་དང༌།།པར་པ་ཏ་ཡི་ཚ་བ་རྣམས།།སྡེ་ཚན་བཅུ་གཅིག་ཐང་དུ་བཏང༌།།ཡང་ན་ཐང་སྨན་བྱ་བ་བཏང༌།།ཁྲག་མཁྲིས་རྒྱས་ཚད་མ་ལུས་སེལ།།
ཉུང་མ་འབོག་ཉུང་གངས་ཅན་ནི།།རང་གི་ནུས་པས་འཁྲུ་བ་སེལ།།ཉུང་མའི་མེ་ཏོག་སྦྲང་རྩི་དང༌།།ཁུར་མང་མེ་ཏོག་བུ་རམ་དང༌།།འབྲང་འགོའི་ཁུ་བས་འཕུལ་ལ་བཏང༌།།འཁྲུ་བའི་ནད་ལ་ཕན་པ་སྟེ།།མཆོག་ཏུ་རིམས་ཞུན་འཁྲུ་བ་སེལ།།ཉུང་མ་དུག་ནད་ཐམས་ཅད་བསྲུང་ཞིང་སྦྱོང༌།།ཉུང་མ་(སྤོས)དཀར་ཚ་ལ་དང༌།།སྤང་རྩི་དོ་བོ་ལྕགས་ཕྱེ་དང༌།།གླ་རྩི་རྣམས་ནི་ཁོང་དུ་བཏང༌།།གམ་ཕྱེ་བྱས་ལ་གངས་ཆུས་འཕུལ།།ཤ་དུག་ཐམས་ཅད་ཞི་བ་འོ།།
རུ་ན་རཀྴ་ཞེས་བྱའི་ཤིང༌།།དེ་ཡི་འབྲས་བུ་རཀ་ཆུང་དང༌།།སྟག་མའི་མེ་ཏོག་ནེ་གུ་ཆུང༌།།རྨ་བྱའི་སྤུ་དང་མུ་ཏིག་དང༌།།གོ་སྙོད་རྣམས་ལ་ཚ་ནན་བྱ།།གྲང་ན་ཧོང་ལེན་སྦྱར་བ་ཡིན།།གོང་མ་ལྔ་བོ་མཉམ་པ་སྟེ།།རྨ་ལ་བྱུགས་ན་སྐྲངས་པ་འཇོམས།།རུ་ནི་རཀྴས་སྐྲངས་འཇོམས་ཡིན།།
སྟག་མའི་ཤིང་ནི་མཁྲེགས་པ་ལ།།ལོ་མ་ཝ་ལུང་ནང་ནས་བལ།།མེ་ཏོག་དཀར་དམར་མཛེས་ལ་ལེགས།།སྟག་མའི་མེ་ཏོག་གུར་གུམ་དང༌།།གླ་རྩི་རྒྱ་ཚ་རྣམ་གཉིས་དང༌།།མུ་ཟི་ལེགས་པར་བཏུལ་བ་རྣམས།།རྨ་ཡི་རྩ་ཁ་ཤོར་བ་དང༌།།རླུང་ཞུགས་པ་ལ་ཁོང་དུ་བཏང༌།།པགས་པ་རུལ་དང་མཆིད་པ་ལ།།ཤ་ལ་བྱུགས་ཏེ་སྟེང་ནས་དགབ།།རྣག་གཅོད་སྟག་མའི་མེ་ཏོག་སྦྱོར་བ་ཡིན།།
ལྕང་མ་སྦྱར་བ་ཞེས་བྱ་བ།།སྡོང་བོ་ཆེ་ལ་ལོ་མ་ཆེ།།མེ་ཏོག་བལ་འདྲ་དཀར་བ་ལས།།འབྲས་བུ་ཤིང་རྒན་བྲུམ་པ་ཅན།།ལྕང་མ་སྦྱར་བའི་ཤུན་པ་དང༌།།སྟག་པའི་ཤུན་པ་ཁྲག་གཅོད་རྩ།།རྩ་ཡི་སྐྱོན་གྱིས་སྐྲངས་པ་ལ།།ཞོ་དང་སྦྱར་ནས་བྱུགས་ན་ཕན།།སྐྲངས་པ་ཐམས་ཅད་འཇོམས་པ་སྟེ།།མཁྲིས་རྩ་སྐྲངས་ན་ཞོ་དང་སྦྱར།།རླུང་རྩ་སྐྲངས་ན་བུ་རམ་སྦྱར།།ཁྲག་རྩ་ལ་ནི་ར་ཞོ་སྦྱར།།རྩ་སྐྱོན་སྐྲངས་ན་འཇོམས་པའོ།།ལྕང་མ་སྦྱར་བའི་ཤུན་པ་བཟང༌།།རྩ་སྐྲངས་འཇོམས་པའི་མཆོག་ཡིན་ནོ།།
སྔོ་ཡི་རྒྱལ་པོ་ཤ་ཡི་སྔོ།།ཤིང་གསེབ་ནགས་ཀྱི་མཐལ་ལ་སྐྱེས།།ཤ་མོའི་རིགས་ནི་ཤ་ཡུ་ཅན།།འདྲ་ནི་ནགས་སག་ཤ་ཡུ་འདྲ།།དེ་ནི་བརྙེད་ན་རབ་ཏུ་བཤད།།མ་རྙེད་སྤང་སྐྱེས་གསེར་ཤ་མོ།ཡང་ན་སྤང་ཤ་ལྟོ་དམར་ཏེ།།ནང་ནི་གདུགས་ཀྱིས་ཕུབ་པ་འདྲ།།ཤ་མོ་དེ་དང་ཏིག་ཏ་དང༌།།དམག་(སྨག)དང་ཞོ་བཙོས་ནང་དུ་གདབ།།འཁྲུ་བ་གཅོད་པའི་སྨན་ཡིན་ནོ།ཡང་ན་ཤ་མོ་གང་རྙེད་དང༌།།ལོ་བཙན་མེ་ཏོག་ཐ་རམ་པ།།ཚད་འཁྲུ་ཆུ་དང་སྦྱར་ལ་བཏང༌།།གྲང་འཁྲུ་ཆང་དང་སྦྱར་ལ་བཏང༌།།ཤིང་ནི་ལྷའི་(སྦའི)ལོ་མ་དང༌།།ལྕང་མ་རྒུན་འབྲུམ་ཤིང་མངར་དང༌།།སྟག་མའི་མེ་ཏོག་དག་དང་ནི།།རྡེལ་བུའི་ཤིང་གི་བར་ཤུན་དང༌།།ཤ་བ་གླ་བ་དགོ་བ་དང༌།།ར་ཡི་རུས་པའི་ཐལ་བ་དང༌།།དེ་ཕོའི་ཕྱི་སྡེར་ཐལ་བ་དང༌།།འོ་མ་ཀ་རས་རིལ་བུ་བྱ།།ཆུ་དང་སྦྱར་ལ་ཁོང་དུ་བཏང༌།།རྨ་རྣམས་གསོ་སྟེ་ཆུ་མི་འཇིགས།།སྦ་ཤིང་རྒྱལ་པོ་སྦྱོར་བ་སྟེ།།རྨ་ཡི་བདུད་རྩི་ཡིན་པར་གྲགས།།
ཕོ་རོག་ཉུང་མ་ཞེས་བྱ་བ།།ལོ་མ་ལེབ་ལ་ཉ་ག་མང༌།།ལོ་མའི་རྒྱབ་ནི་སྐྱ་བ་སྟེ།།རྩ་བ་སྡོང་བོ་བཅག་པ་ནག།རྩ་བའི་ལྷག་པ་འདོད་པ་སྟེ།།སྨྱོང་དང་འདྲ་བས་དམ་ལ་འབྱར།།བྱ་རོག་ཉུང་མའི་རྩ་བ་འམ།།ལོ་མའང་རུང་སྟེ་ཤུ་དག་སྦྱར།།དངུལ་ཐལ་དབྱི་མོང་སྲུབ་ཀ་དང།།ལྕེ་ཚའི་མེ་ཏོག་ཟངས་ཐལ་དང༌།།སྦྲང་རྩིས་རིལ་བུ་བྱས་ནས་ནི།།འབྲས་ཀྱི་རྨ་ནད་གསོ་བར་བྱེད།།ཤ་ཡི་རུལ་གཅོད་གཞན་ལ་བསྔགས།།བྱ་རོག་ཉུང་མའི་སྨན་སྦྱོར་གྱི།ཟགས་ནད་འབྲས་ཀྱི་གཉེན་པོ་ཡིན།།
སེ་རྒོད་མ་ཞེས་བྱ་བ་ནི།།སྡོང་བོ་དཀར་ཅན་ཤུན་པ་སྨུག།སེ་རྒོད་མ་དང་བྱ་རྒོད་སྤོས།།སྐྱེར་བའི་བར་ཤུན་བོང་ང་དཀར།།ཉུང་མ་ཁ་སྨུག་ལོ་མ་དང༌།།དཔའ་བོ་དཀར་སེར་བྲག་ཞུན་དང།།ལྡུམ་བུ་རེ་རལ་སྤྲུངས་དང་མཚུངས།།ཕྱེ་མ་ཀ་ར་སྦྱར་བྱས་ནས།།ཁོང་དུ་བཏང་ན་དུག་ནད་སེལ།།སེ་རྒོད་མ་ནི་དུག་སྨོན་ཡིན།།
སྤང་ལ་སྐྱེས་པའི་གསེར་ཤ་མོ།།རང་གི་ནུས་པས་ཤ་དུག་འཇོམས།།གསེར་ཤ་མོ་དེ་དུག་ཡོད་་པས།།དེ་ཡི་ཕྱེད་ཀྱི་བུལ་ཏོག་དང།།བུལ་ཏོག་ཕྱེད་ཀྱི་ཚྭ་དང་ནི།།དེ་གསུམ་ཆུ་གྲང་སྦྱར་ལ་བཏང།།ཤ་དུག་ཀུན་གྱི་སྨན་དུ་བཤད།།
སྟར་ཁའི་ཤིང་ཞེས་བྱ་བ་ནི།།སྡོང་བོ་ཆེ་ལ་ལོ་མ་མཐུག།མེ་ཏོག་དཀར་དམར་མདངས་དང་ལྡན།།འབྲས་བུ་སྟར་ཁ་ཞེས་བྱ་བ།།རང་གི་ནུས་པས་འཁྲུ་བ་སེལ།།སྟར་ཁ་བཅུ་གསུམ་ནང་ཤ་དང༌།།བཏུལ་ལ་སྣོད་ཀྱི་ནང་དུ་བླུག།མེ་ལ་སྲོས་ལ་བཙག་བྱ་སྟེ།།མར་ཁུ་དེ་དང་ཐ་རམ་འབྲུ།།གྲི་རྩེ་དོ་དང་སྦྱར་ལ་བཏང།།དེས་ནི་ཚ་འཁྲུ་སེལ་བར་བྱེད།།འཁྲུ་བའི་སྨན་གཞན་དང་ཡང་སྦྱར།།
རམ་བུ་ཞེས་ནི་བྱ་བ་ཡི།།ལོ་མ་ཆུང་ལ་རྩ་བ་མངར།།མེ་ཏོག་དཀར་པོ་ཁྱི་མཇུག་འདྲ།།འབྲས་བུ་དམར་པོ་རམ་བུ་ཟེར།།རང་གི་ནུས་པས་འཁྲུ་བ་གཅོད།།རམ་ཟན་འབྲས་དང་ད་ཏྲིག་དང༌།།སྨག་དང་སྦྱར་ནས་བཏང་བ་ཡིས།གྲང་འཁྲུ་ཆང་དང་སྦྱར་ལ་བཏང།།ཚད་འཁྲུ་ཆུ་གྲང་དག་གིས་འཕུལ།།སྙོམས་ལ་ནའོ་སྲིས་མ་བཟང༌།།
ཁུ་བྱུག་ལྕ་བ་ཞེས་བྱ་བ།།ལོ་མ་ན་ལྗང་འདྲ་སྟེ་རིང༌།།མེ་ཏོག་དམར་སྨུག་གསལ་བ་ཡིན།།ཁ་ནི་ཐུར་ལ་བལྟ་བ་ཡིན།།རང་གི་ནུས་པས་ཆགས་པ་ཆུང༌།།བུད་མེད་ཆགས་པ་ཆེ་བ་ལ།།སྨན་འདིས་ཆགས་པ་ཆུང་བར་ནུས།།ད་བྱིད་ཤ་དང་རྩངས་པའི་ཤ།རྒྱ་མཆིལ་ཤ་དང་མར་དང་ནི།།བུ་རམ་སྨན་མར་བཏང་བྱས་ན།།ལུས་ཤེད་ཆེ་ལ་ཆགས་པ་ཆུང༌།།
གཡེར་མ་འབྲས་བུ་ཁ་གསུམ་གསང༌།།སྦང་མཁར་ཞོ་དང་དུད་པ་ནང༌།།བྱེའུ་མཆིལ་བའི་བྲུན་དང་ནི།།གཡེར་མ་སྦྱར་བའི་ལུམས་བྱས་ན།།འབྲས་ཀྱི་ནད་ལ་ཕན་པར་འགྱུར།།གཡེར་མ་ཤིང་མངར་རྒུན་འབྲུམ་དང།།སྟར་བུ་སྦྱར་ན་གློ་ནད་སེལ།།གཡེར་མ་དང་ནི་པི་པི་ལིང༌།།སྟར་བུས་སྐད་འགགས་ནད་རྣམས་སེལ།།གཡེར་མ་རང་གི་ནུས་པ་སྐད་ཡང་བདེ།།པི་པི་ལིང་ནི་རྡོག་མ་བདུན།།མར་ཁུའི་ནང་དུ་བཙོས་པ་དང༌།།གཡེར་མ་དང་ནི་སྲོ་ལོ་དཀར།།ངད་ཡལ་ཁ་ཚར་བཏབ་འཐུང་ན།།གྲེ་བ་འགགས་པ་སེལ་བར་བྱེད།།གཡེར་མ་ཆུའམ་ཆང་ལ་བསྐོལ།།བཏང་ན་གྲང་འཁྲུ་གཅོད་པར་བྱེད།།རྣ་བར་ཤིག་སོང་ཚྭ་ཆུར་སྦང་ཁུ་བཏང༌།།གཡེར་མ་ཆུ་ལ་བགྲུངས་པ་ཡི།།ཁུ་བ་ཆག་པ་ལ་ཡང་ཕན།།དུད་པས་བདུག་ཀྱང་ཕན་པར་འགྱུར།།དུག་ཡོད་ཁྱིམ་དུ་འགྲོ་བ་ན།།གཡེར་མ་མུར་ན་མི་ཚུགས་སོ།།
ཚེར་སྐྱ་མ་ཞེས་བྱ་བ་ནི།།ལོ་མ་ཚེར་མ་འདབ་ཅན་སྔ།འབྲསབུ་ལ་ཕུག་འབྲས་བུ་འདྲ།།རང་གི་ནུས་པས་སྲིན་ནད་འཇོམས།།ཚེར་སྐྱ་མ་ཡི་འབྲུ་གུ་དང༌།།ཕུར་མོའི་ལོ་མ་ལང་ཐང་རྩེ།།
སྤང་སྤོས་དང་ནི་རྟ་ལྤགས་པ།།སྒོག་སྐྱ་བུ་རམ་རིལ་བུ་སྦྱར་བཏང་ན།།སྲིན་ནད་འཇོམས་པར་བྱེད་པ་ཡིན།།མར་དང་སྦྱར་ནས་བྱུག་པ་ན།།ལུས་ཀྱི་དྲེག་ཆགས་ཆུང་བར་འགྱུར།།
ཆུ་ལ་སྐྱེས་པའི་ཆུ་བལ་མོ།།སྔོན་པོ་བལ་དང་འདྲ་བ་སྟེ།།རང་གི་ནུས་པས་བསྐམ་རྩ་ཡིན།།དུད་པ་སྲན་མ་བསྲེག་པ་འདྲ།།གྲེས་མ་བསྲེགཔའི་ཐལ་བ་དང།།ཞོ་དང་མར་ནག་སྦྱར
བ་ཡིས།།རྨ་དང་སྐྲངས་རྣམས་འཇོམས་པར་བྱེད།།གྲེས་མའི་རྩ་བ་ཚུ་བལ་མོ།།འདམ་བུ་ཀ་ར་སྦྱར་བ་ཡིས།།མེས་ཚིག་པ་ཡི་རྨ་ཡང་གསོ།།
གླ་སྒང་ཤིང་གི་ལོ་མ་ལ།།རྩི་དམར་ཧོང་ལེན་རྒྱ་སྤོས་པ།།དར་ཡ་ཀན་ནི་དམར་པོ་ལ།།
བོང་ང་དཀར་པོ་ཀྱི་ལྕེ་དཀར།།ཡུ་མོ་མདེའུ་འབྱིན་ཕྱེ་མ་རྣམས།།ཆང་ངམ་ཆུ་གྲང་རྟ་ལ་སྐྱོན།།འཁྲུགས་རིམས་ལྷོག་པའི་གཟེར་ལ་སོགས།།ཚད་པའི་ནད་རྣམས་ཀུན་ལ་ཕན།།
ཁུ་བྱུག་ཤིང་ཞེས་བྱ་བ་ནི།།ཆུ་ཆུང་པ་ཞེས་བྱ་བར་གྲགས།།ཆུ་བ་འདྲ་བར་དུམ་དང་བཅས།ཀླུ་ལྡེམ་ཞེས་ཀྱང་བྱ་བར་གྲགས།།དེ་དང་བོང་ང་དཀར་པོ་དང༌།།སེ་རྒོད་བར་ཤུན་སྒ་ཆུང་བ།།སྐྱེར་དཀར་བར་ཤུན་ཕྱེ་མ་ཆུ་གྲང་རྟ་ལ་སྐྱོན།།དུག་ནད་རིམས་ནད་འཇོམས་པར་བྱེད།།ཆུ་ཆུང་རྩ་བ་ཀ་ར་རྣམས།།བྱ་རོག་ནོར་བུ་ནུ་ཞོ་དང༌།།བྱིའུ་ཆུང་རྐང་མར་སྦྱར་སཡིས།།རྨ་ཡི་ཤ་འུ་བསྐྱེད་ཅིང་གསོ།།
ཁྲོག་ཆུང་ཞེས་བྱའི་ལོ་མ་ནི།།ཉག་ག་ཅན་དུ་སྐྱེས་པ་ཡིན།།མིང་ནི་ཁྲོག་ཆུང་ཁྲག་གཅོད་པ།།དེ་དང་སྤྲུ་བའི་ལོ་མ་དང༌།།ཉམ་ལྗང་ཁུ་བ་དོམ་མཁྲིས་སོགས།།མཁྲིས་པ་རྙེད་ཚད་སྦྱར་བྱས་ནས།།ཁོང་དུ་བཏང་ན་ཁྲག་རྣམས་གཅོད།།ཁྲོག་ཆུང་བ་དང་གངྒྰ་ཆུང༌།།མཚལ་དང་དོམམཁྲིས་ཀ་ར་དང༌།།དེ་གུ་ལམ་རྒྱག་སིནྡྷུ་ར།།བུད་མེད་ཁྱེའུའི་ཞོ་སྦྱར་ལ།།རྨ་ཡི་ཤ་འུ་གསོ་བར་བྱེད།།ཁྲོག་ཆུང་པ་ཞེས་བྱ་བ་འདི།།ཁྲག་གཅོད་སྨན་གྱི་རྩ་བ་ཡིན།།
སྣུ་མ་ཆུང་བ་ཞེས་བྱ་བ།།སྲིབ་ཀྱི་སྣུ་མཆིག་འཕྲེང་①ནི།།ལོ་མ་ཆུ་བ་འདྲ་ལ་ཆུང༌།།ལྡུམ་བུ་ཆུ་བ་འདྲ་བ་ལ།།རང་གི་ནུས་པ་རྨ་ཡི་ཆུ་སྨན་ཡིན།།སྣུ་མ་ཆིག་འཕྲེང་རྩ་བ་དང༌།།བདུད་རྩི་སྤང་རྩི་དོ་བོ་སྣམས།།གུར་གུམ་བོང་ང་དཀར་པོ་དང།།ཁྱི་ལྕེ་དཀར་པོ་ཅུ་གང་རྣམས།དོམ་མཁྲིས་དང་ནི་ག་བུར་དང༌།།ནམ་མཁའི་མེ་ཏོག་སྤང་རྩི་སྦྱར།།མགོ་ཡི་སྨན་ལ་མཆོག་ཏུ
①སྐབས་འགར་ཆིག་འགྲེང་ཞེས་ཆིག་སྐྱེས་གྱེན་དུ་འགྲེང་བ་ལ་འདོད་པ་དེ་དང་གཅིག་གམ་དཔྱད།
བསྔགས།།རྨ་གཞན་དག་གི་སྨན་ཡང་ཡིན།།
ཕུ་ནི་དུ་རུ་ཞེས་བྱ་བ།།སྡོང་བོ་ཟུར་བཞི་ཚིགས་པ་ཅན།།མེ་ཏོག་སྔོན་པོ་དྲི་ངད་ལྡན།།རང་གི་ནུས་པས་བགེགས་རྣམས་འཇོམས།།ཕུ་ནི་དུ་རུའི་མེ་ཏོག་དང༌།།དོམ་མཁྲིས་ཡོལ་བ་ས་ཏི་དང༌།།ནམ་མཁའི་མེ་ཏོག་ཨ་བ་དང༌།།ཨ་བྷི་ཥ་དང་གུར་གུམ་དང༌།།སྦྲང་རྩི་ནུ་ཞོ་སྦྱར་བ་ཡིས།།རྨ་རྣམས་ཐམས་ཅད་དེས་གསོ་འོ།
ཟར་མ་ཁྲེམ་ལ་ལོ་མ་དར།།མེ་ཏོག་མཐིང་ག་མདངས་དང་ལྡན།།ཟར་མའི་འབྲུ་གུ་ཕུལ་དོ་བརྔོས།།བྲག་བཙོང་སྲང་གཅིག་བཏུལ་ཏེ་བརྡུང༌།།སོ་མའི་འབྲས་བུ་ཕུལ་དོ་དང༌།།ཁ་རུ་ཚ་ནི་སྲང་གཅིག་དང༌།།སྒོ་ང་རྣམས་ནི་ཞིབ་བཏགས་ནས།།འབྲི་ཡི་འོ་མས་སྦྲུས་ནས་ནི།།མཚོགས་མ་མ་གཏོགས་མགོ་ལ་བྱུགས།།དེ་སྟེང་དར་འཇམ་བཅིང་ནས་ནི།།ཞག་གསུམ་བར་དུ་བཞག་པར་བྱ།།ཀླད་ནད་ལྟག་པར་ན་བ་དང༌།།རླུང་ཞུགས་ཀླད་པ་དྲེགས་ཅན་དང༌།།ཀླད་ནད་རྙིང་བ་གསོ་བར་བྱེད།།བདུད་རྩི་ཟར་མའི་སྨན་སྦྱོར་ཡིན།།
ཤིང་མངར་སྡོང་བོ་ལྡེམ་པ་ལ།།མེ་ཏོག་སྔོན་པོ་རབ་ཏུ་ཆུང༌།།རྩ་བ་སེར་པོ་རོ་ཡང་མངར།།རང་གི་ནུས་པས་གློ་ནད་སེལ།།སྲོ་ལོ་དཀར་པོ་རུ་ཏྲ་དང༌།།རྒུན་འབྲུམ་དང་ནི་སྟར་བུ་དང༌།།འབྲི་མོགབར་ཤུག་སྦྱར་བྱས་ནས།།ཀ་རའམ་སྦྲང་རྩིའི་རྟ་ལ་བསྐྱོན།།གློ་ནད་མ་ལུས་སེལ་བར་བྱེད།།ཤིང་མངར་རྒྱལ་མོའི་སྦྱོར་བ་འདི།།གྲོགས་ལ་ནུས་པ་བསམ་མི་ཁྱབ།།
མ་ནུ་རྩ་བ་དཀར་པོ་མཁྲེགས།།ལོ་མ་རི་ཤོ་མ་དང་འདྲ།།མ་ནུ་ཀནྡ་ཀ་རི་དང༌།།བཅའ་སྒའི་ཐང་གིས་བད་ཀན་སེལ།།མ་ནུ་སླེ་ཏྲེས་ཐང་གིས་ནི།།རླུང་དང་ལྡན་པའི་བད་ཀན་སེལ།།མ་མུ་ལྕ་སྒའི་ཐང་གིས་ནི།།བད་ཀན་གྲང་བ་སེལ་བར་བྱེད།།མ་ནུ་ལྕ་སྒ་གོ་སྙོད་རྣམས།།ཐང་བྱས་བུ་རམ་དང་སྦྱར་ནས།།འཐུང་བས་གྲང་བ་འཇོམས་པར་བྱེད།།མ་ནུའི་ཆིག་ཐང་བད་ཀནོ༌།།
ཀཎྡ་ཀ་རི་སེ་བ་ལྡུམ་བུ་འདྲ།།འབྲས་བུ་དམར་པོ་མངར་དང་ལྡན།།འབྲས་བུ་ཟོས་ན་ཆམ་པའི་ནད་ལ་ཕན།།སླེ་ཏྲེས་ཀནྡ་ཀ་རི་དང༌།།ལྕ་སྒ་མ་ནུ་བསྐོལ་བ་ཡི།།ཁུ་བས་བད་ཀན་དབུགས་མི་བདེ་བ་དང༌།།ཡི་ག་འཆུས་དང་རྩིབ་ལོགས་གཟེམ།དུ་བ་ལས་བྱུང་རིམས་ལ་བསྔགས།།གོང་མ་རྣམས་ཀྱི་སྟེང་དུ་ནི།།ཏིག་ཏ་བསྐོལ་ནས་བཏུང་བ་ན།།ཡི་ག་རིམས་རྒྱས་མ་ལུས་སེལ་བར་བྱེད།།ཀཎྡ་ཀ་རི་ལྕ་སྒ་དང།།སླེ་ཏྲེས་བསྐོལ་བའི་ཁུ་བ་ལ།།པི་པི་ལིང་གི་ཕྱེ་མ་གདབ།།རིམས་ཀྱིས་ཡི་ག་འཆུས་པ་དང༌།།ལུད་པ་དབུགས་མི་བདེ་བ་གཟེར།མེ་དྲོད་ཉམས་དང་ཆམ་པ་མས།།
བྱིའུ་ཚེར་མ་ནི་མདངས་དང་ལྡན།།བོང་ང་དཀར་པོ་གླ་སྒང་དང༌།།ཨ་རུ་ར་དང་བཅའ་སྒ་བསྐོལ།།ནུ་ཞོ་སྦྱང་བྱེད་པའི་ནང༌།།ནད་རྣམས་ཀུན་སེལ་འབྲུད་པར་བྱ།།བྱི་ཚེར་འབྲས་བུ་སོ་ཀུན་འབྱར།།ནང་གི་འབྲས་བུ་ཚེར་མའི་མདོག་དང་འདྲ།། 6/8 མདུན་ངོས། 上一页 4 5 6 7 8 下一页 尾页 |
