|
བྱི་བཟུང་བ་ཞེས་བྱ་བ་སྟེ།།གཟེར་མ་སྲུ་མའི་རྩ་བ་འདྲ།།དོང་ཁ་ཨ་རུ་ར་ཀ་ར་དང་བསྐོལ།།སྦྲང་རྩི་བཅས་བླུད་མཆིན་དྲི་དང༌།།ཚ་བའི་ནད་ཀྱིས་གཅིན་ཡགས་སེལ།།
ཡུངས་ཀར་འབྲས་བུ་སྒོང་ལ་སེར།།མེ་ཏོག་སེར་པོ་སྒང་བུ་ཅན།།རང་གི་ནུས་པས་ཤ་མདངས་ལེགས།།ཡུངས་ཀར་སྲོ་ཤུ་དག་དང༌།།རྒྱམ་ཚ་བཏབ་པའི་ལྡེ་གུ་ཡིས།།གདོང་བཀྲུས་ཟླ་བའི་འོད་བཞིན་འགྱུར།སྤང་དཀར་རྒྱལ་པོའི་སྨན་ཞེས་བྱ།།
ལ་ཕུག་ལོ་མ་ཡུ་བ་ཅན།།མེ་ཏོག་དཀར་ལ་རྩ་བ་དཀར།།རྩ་བ་ཤིན་ཏུ་རོ་དང་ལྡན།།རང་གི་ནུས་པས་མ་ཞུའི་ནད།།འཇོམས་པར་བྱེད་པ་ཁྱད་པར་འཕགས།།ལ་ཕུག་བརྡུངས་པའི་ཁུ་བ་ནི།།བཙིར་ནས་རྣ་བའི་ནང་དུ་བླུག།མགོ་ཡི་ནད་རྣམས་སེལ་བར་བྱེད།།ལ་ཕུག་སྐམ་པའི་ཕྱེ་མ་ནི།།ཆུ་སྐོལ་འཕུལ་བས་མ་ཞུ་འཇོམས།།ལ་ཕུག་རློན་པ་ལ་ཤད་ཀྱིས།།བདར་ནས་ཚོད་མ་བྱས་པ་ན།།མ་ཞུ་བ་ནི་སེལ་བའོ། །ལ་ཕུག་ཁུ་བས་རྣ་བའི་ནད་རྣམས་སེལ།།ལ་ཕུག་མཁར་དུ་བསྐོལ་བྱས་ནས།།རྣ་བའི་ནང་དུ་བླུག་ན་ནད་རྣམས་སེལ།།
ཨུག་ཆོས་དམར་པོ་ས་དྲིའམ།།སྤང་ལ་སྐྱེ་བར་བྱེད་པ་ཡི།།མེ་ཏོག་དམར་ལ་ལོ་མ་ནི།།ཁྲད་པོ་ཉག་ག་ཅན་དུ་སྐྱེ།མེ་ཏོག་ནང་ན་རྡོ་རྗེ་རྒྱས།།རང་གི་ནུས་པས་རླུང་འཁྱིམས་འབྱིན།།གླང་ཐབས་རླུང་ནི་གྱེན་ལོག་ན།།བུལ་ཏོག་དང་སྦྱར་ཞབས་སུ་གཞུག།ཨུག་ཆོས་མེ་ཏོག་རྩ་བ་འམ།།རྐང་རྩ་བ་ཡི་རུས་རྩེའམ།།དེ་དང་བུལ་ཏོག་ཆུར་བསྐོལ་བླུད།།
སྤྱང་ཚེར་ནག་པོ་ཞེས་བྱ་བ།།ལོ་མ་ཉག་ག་ཚེར་ཅན་སྤུ།།སྡོང་བོ་རིང་ལ་ལྡེམ་པ་སྟེ།།མེ་ཏོག་རྟ་ཡི་དོམ་དོམ་འདྲ།།རང་གི་ནུས་པ་རྨ་ཡི་སྨན།།སྤྱང་ཚེར་བ་དང་རི་ཤོ་དང༌།།སྤང་སྤོས་འདམ་བུ་རིལ་ཅན་བ།།བལ་བུ་མཚེ་དང་ཤུག་པ་དང༌།།ཀྱི་ལྕེ་སྲུབ་ཀ་འབམ་པོ་དང༌།།ཕུར་མོ་ཤུག་པའི་སྲིན་ཁྱེར་དང།།ཨ་བོ་ཀ་དྷ་①ཤ་ཆེན་རྣམས།།ལུམས་བྱས་འབྲས་ནི་ཕྱིས་མི་ལྡང༌།།འབྲས་ཀྱི་ཕྱི་རྗེས་བཅད་པ་ཡིན།།
ཕ་བ་གོ་གོ་ཞེས་བྱ་བ།།དཀར་པོ་དངུལ་གྱི་ལྕི་བ་འདྲ།།ནང་ནས་དུད་པ་ལྟ་བུ་འཐུལ།།རང་གི་ནུས་པ་ཁྲག་གཅོད་སྨན།།ཐ་གོལ་གལ་ཉེ་ལོ་མ་དང༌།།ཉ་མཁྲིས་དོམ་མཁྲིས་མི་མཁྲིས་རྣམས།།མ་བསྲེགས་པ་ཡི་ཐལ་བ་ཞེས།།དྲང་སྲོང་མངོན་ཤེས་ཅན་གྱིས་གསུངས།།ཆུ་དང་སྦྱར་
① ཨ་ཤོ་གརྙ་ཞེས་པ་དེ་ཡིན་ནམ་དཔྱད།
ལ་ལྟོ་ལ་བཏང།།རྩ་ཡི་ཁྲག་རྣམས་གཅོད་པར་བྱེད།།སྤྲ་ཚིལ་དང་སྦྱར་རིལ་བུ་བྱས།།ཁྲག་འཛག་རྨ་ལ་གླན་པ་ན།།རྨ་ཡི་ཁྲག་རྣམས་གཅོད་པར་བྱེད།།
མེ་ཏོག་ལུག་མིག་ཅེས་བྱ་བ།།འབྲས་བུ་སེར་ཐལ་མཐིང་གའི་མདོག།སྡོང་བོ་ཅེ་རེ་སྐྱེ་བ་སྟེ།།རང་གི་ནུས་པས་འབྲས་ཀྱི་སྨན།།མེ་ཏོག་ལུག་མིག་སྲུབ་མ་དང༌།།དབྱི་མོང་རྣམས་དང་ཤུ་དག་དང༌།།རུ་ཏྲ་སྦྱར་ནས་རྨ་ལ་བྱུག།འབྲས་དང་རྨ་འབྲས་དྲུངས་ནས་འབྱིན།།མེ་ཏོག་ལུག་མིག་ཐ་རམས་པ།།བྱ་རོག་ནོར་བུ་ཀ་ར་མཚལ།།རྨ་ལ་བྱུགས་ན་ཤ་འུ་གསོ།མེ་ཏོག་ལུག་མིག་སིནྡྷུ་ར།།དོམ་མཁྲིས་ཀ་ར་སྦྱར་བ་ཡིས།།རྨ་རྣམས་འབྱོར་བར་བྱེད་པ་ཡིན།།
སྲན་ཆུང་ཞེས་བྱ་སྲད་ཆུང་འདྲ།།མེ་ཏོག་པདྨ་འདྲ་སྟེ་ཆུང།།འབྲུ་གུ་གྲོ་བོ་སྲན་མ་འདྲ།།རང་གི་ནུས་པ་བསིལ་བ་སྟེ།།ཚད་པའི་ནད་ལ་ཕན་པར་བཤད།།སྲན་ཆུང་རྐྱང་པའི་ཚོད་མ་འམ།།ཟན་དུ་བྱས་ན་དང་ག་འབྱེད།།སྲུབ་བཅས་བྱས་པའི་ཚོད་མ་འམ།།སྲན་ཆུང་ཟན་གྱིས་དང་ག་འབྱེད།།དང་ག་དབྱེ་བའི་སྨན་ཡིན་ནོ།།
སེ་བའི་ཤིང་ཞེས་བྱ་བ་ནི།།སྡོང་བོ་མཉེན་ལ་རྐང་བུ་ཅན།།མེ་ཏོག་དཀར་ལ་འབྲས་བུ་དམར།།རང་བཞིན་ནུས་པས་རིམས་ལ་ཕན།།སེ་བའི་འབྲས་བུ་དམར་པོ་དང༌།།བྲོ་བོ་དང་ནི་སྲན་མ་དང༌།།གུར་གུམ་སྦྱར་བསྐོལ་ཁུ་བ་བཏང་བ་ན།།ཚོས་པས་ཚིག་པ་སོས་པ་དང༌།།རིམས་ནད་ཐམས་ཅད་ཀུན་ལ་ཕན།།
གྲོ་མ་ཞེས་བྱ་ལོ་མ་སྐྱ།།མེ་ཏོག་ཁ་དོག་སེར་བ་སྟེ།།རྩ་བ་རྡོག་པོ་ཀུན་གྱིས་ཟ།།རང་གི་ནུས་པ་བསིལ་བ་སྟེ།།སྟོན་ཀའི་གྲོ་མ་བཟང་བོ་དང༌།།བུ་རམ་དང་ནི་བྲ་བོ་དང༌།།བསྲེས་ནས་བཏགས་ཏེ་ཟན་དྲོན་བྱས།།ཟོས་ན་ཚད་པས་འཁྲུ་བ་གཅོད།།སྐོམ་དུ་སྐྱི་བའི་འབྲུ་གུས་དབྱེ།།སིང་བོ་རྩེ་ཆག་གང་བར་བཏང༌།།ག་གར་བའི་རྩ་བ་ཆུ་སྐོལ་བཏང༌།།ནས་གསར་བྲ་བོའི་ཟན་དུགས་བྱ།།ཚད་པས་འཁྲུ་བ་སེལ་བར་བྱེད།།ཡང་ན་གྲོ་མ་སྐམ་པོ་དང༌།།མོན་བུ་སྐམ་པོའི་ཕྱེ་མ་རྣམས།།ཟས་དྲོན་ཟོས་ན་འཁྲུ་བ་ཆད།།སྒོག་སྐྱ་འོ་མར་བསྐོལ་ནས་ནི།།སྐོམ་དུ་བཏང་བར་བྱ་བའོ།ཚད་ནད་སེར་སྐྱ་འཁྲུ་བ་གཅོད།།ཚད་འཁྲུ་གཅོད་པར་བྱེད་པ་ཡིན།།
རྒྱ་ཁུར་མང་དཀར་ཞེས་བྱ་ནི།།རྩ་བ་རམ་པ་འདྲ་སྟེ་མངར།།ལོ་མ་ཁུར་མང་རིགས་སུ་སྐྱེ།།མེ་ཏོག་སེར་པོ་མདངས་དང་ལྡན།།རང་གི་ནུས་པ་ཚད་པའི་སྨན།།རྒྱ་ཁུར་ཝ་ཁུར་ཞེས་ཀྱང་བྱ།།ཁུར་མང་པ་དང་སྦྱར་བ་ཡིས།།ཚོད་མ་བྱས་ན་ཚད་ནད་སེལ།།ཝ་ཁུར་བོང་ང་དཀར་པོ་དང༌།།སྲེ་མོང་རྩི་དང་རྒུ་དྲུས་དང༌།།ཀ་ར་མཚལ་དཀར་སྦྱར་བ་ཡིས།།རྨ་ཡི་ནང་དུ་བཏབ་པ་ན།།མོ་རྣམས་ཀུན་གྱི་གསོ་སྨན་ཡིན།།
མེ་ཏོག་བསིང་མ་ན་ལ་སྐྱེས།།མེ་ཏོག་དམར་པོས་ན་མདོག་བསྒྱུར།།རང་གི་ནུས་པས་མགོ་རྨ་གསོ།།བསིང་མའི་མེ་ཏོག་སྟག་ཤ་བ།།རྟ་ཀོ་བ་དང་བོང་ང་དཀར།།བྲུ་གུ་གསེར་ཐིག་པ་ཏོ་ལ།།སྤང་རྩི་དོ་བོ་འདི་རྣམས་ཡིན།།ཁ་ཚར་རུ་ཏྲ་ཤུ་དག་དངར།།མགོ་ཡི་རྨ་ནད་གསོ་བར་བྱེད།།བསིང་མའི་མེ་ཏོག་དོམ་མཁྲིས་དང༌།།རུ་ཏྲ་དང་ནི་སྦྱར་བ་ཡིས།།རྨེན་རྣམས་གཅོད་ཅིང་འདྲུག་པར་བྱེད།།
ཤུ་དག་ཆུ་ཡི་ནང་ན་སྐྱེས།།ལོ་མ་སྣད་མས་མར་དང་རིལ་བུ་བྱས།།ཡང་ན་ཆུ་ལ་བསྐོལ་བའམ།།སྦང་མ་ཁུ་བ་བཏབ་ན་ཕན།།མཆོག་ཏུ་གློ་བའི་ནད་ལ་ཕན།།མངལ་དུག་ཕོག་གམ་ཤ་མ་ཐོགས།།དེ་ཡི་རྩ་བ་སྲང་གཉིས་ཙམ།།ཆུ་ཕུལ་དོ་ལ་བཞི་ཆས་འགྱུར།།ཤ་མ་ཐོན་ན་མར་ན་བདུག།ཡང་ན་ཕྱེ་མ་ཕོ་ཚུམ་དོ།།ཆུ་ལ་ཐུན་གཉིས་ཐུན་གསུམ་གཏོང༌།།
བྲ་མ་ཞེས་བྱ་ཚེར་མའི་རིགས།།མེ་ཏོག་སྲན་མའི་རིགས་སུ་འདྲ།།འབྲས་བུ་སྒང་བུ་ཅུང་ཙམ་སྣང༌།།བྲ་མའི་མེ་ཏོག་རང་ནུས་ཀྱིས།།འབྲས་ཀྱི་སྟོང་འཁྲེབས་ཚ་བ་སེལ།།བྲ་མའི་མེ་ཏོག་ཟངས་རྩི་བ།།མེ་ཏོག་ལུག་མིག་པ་དང་ནི།།ཤུག་པ་སྲིན་ཁྱེར་ལོ་མ་དང༌།།ཕུར་མོང་རྐང་གཅིག་ལོ་མ་ཡིས།།འབྲས་ཀྱི་རིགས་ནི་གང་ཡིན་ཀྱང༌།།འབྲས་ཀྱི་སྟོང་ཁྲེབ་ཚ་བ་སེལ།།དྲང་སྲོང་མངོན་ཤེས་ཅན་གྱི་གསུངས།།
ཀུ་ཤུ་ཞེས་བྱ་ཁམ་བུ་འདྲ།།འབྲས་བུ་ཤུན་པ་རྩེ་ཀུ་རྣམས།།གཅིག་ཏུ་ཟོས་ན་མངར་བ་སྟེ།།རང་གི་ནུས་པས་སྙིང་ནད་སེལ།།རྒྱུ་མ་འཁྲོག་ཅིང་ན་སྟེ་འཁྲུ།།དེ་ལ་ས་ལ་ཁུང་བུ་བརྐོ།ནང་དུ་མེ་བཞག་སྟེང་དུ་བསྡད།།དེ་ཡི་ནང་དུ་ཀོ་ཤུན་དང༌།།བལ་བུ་སྲུབ་མ་གསུམ་བཙོས་ལ།།ཁ་ནི་རས་བ་སང་སིང་བཅད།།དེ་སྟེང་ནད་པའི་འཕོངས་ནས་བདུག།འཁྲུ་དང་རྒྱུ་མ་ན་བ༌སེལ།།
བྲ་བོ་ཞེས་བྱའི་ལོ་མ་དང༌།།སྡོང་བོ་ཡོད་པ་རྡོ་རྗེ་འདྲ།།རང་གི་ནུས་པས་རྒྱུ་ནད་སེལ།།རྒྱུ་མ་འཁྲོག་ཅིང་ན་བ་ལ།།གང་དུ་ན་བའི་སྟེང་དུ་ནི།།བྲོ་བོ་ཚ་བོར་བརྔོས་པ་ཡི།།བྲ་བོའི་ཟན་གྱིས་བདུག་བྱས་ན།།རྒྱུ་མ་འཁྲོག་ཅིང་ན་བ་སེལ།།བྲ་ཟན་ཁུར་མང་ཚོད་མར་བཅས།།བྱིན་ན་ཚད་པའི་ནད་ལ་ཕན།།
སྟག་སྡེར་ཞེས་བྱས་ཀླད་ནད་སེལ།།ཕྱེ་མ་སྣ་བུག་ནང་དུ་བླུག།རླུང་བཟུང་རྣ་བ་བལ་གྱིས་བཙང༌།།གཡའ་ཞིང་ཆུ་སེར་བྱུང་ན་ཕན།།རྗེས་ལ་མར་ཁུའི་ཐིགས་པ་འགའ།།བལ་ཉེའུ་དག་གིས་བཏིག་པར་བྱ།།མིག་ནད་ལིང་ཐོག་ཚགས་པོ་དང༌།།དབྲི་གཡོན་སྔོན་པོ་དམར་པོ་ལ།།ལོ་མ་བཙིར་བའི་ཁུ་བ་འམ།།རྩ་བ་ཆུ་ལ་བདར་བ་ཡི།།ཁུ་བ་མིག་ཏུ་བླུག་ན་ཕན།།སོ་ཡི་སྲིན་ལ་སོ་བར་དུ།།བཞག་ལ་སོ་ཡིས་བཟུང་ན་ཕན།།ཁ་སྐམ་ལྕེ་དང་སོ་ནད་ལ།།སྟག་སྡེར་སྐྱེར་བའི་བར་ཤུན་མུར་ན་ཕན།།སྣ་ནད་ཤུ་བ་དག་ལ་བསྐུས་ན་ཕན།།མི་ཡི་སྐྲ་དང་རྟ་ཡི་རྔོག་མ་དང༌།།①
ཨ་བྷི་ཥ་ཞེས་བྱ་བ་ནི།།སྡོང་བོ་ལོ་མ་ར་མཉེ་འདྲ།།ཕོ་རིགས་མེ་ཏོ་གསེར་བོ་དང།།མོ་རིགས་མེ་ཏོག་དམར་སེར་དང། །།ཁ་ནི་ཐུར་ལ་བལྟ་བ་ཡིན།།འབྲས་བུ་ཨ་རུ་ར་ཡི་ནི།སྙིང་བོ་འདྲ་སྟེ་གསུམ་ཅན་འོང༌།།རྩ་བ་སྒོག་གཅིག་མ་དང་འདྲ།།དབྱིལ་ཞོས་འདྲ་སྟེ་སྤང་ལ་སྐྱེས།།རང་གི་ནུས་པས་མགོ་རྨ་གསོ།།ཆུ་རྩ་དང་ནི་དོམ་མཁྲིསདང༌།།བྱ་རོག་ནོར་བུ་སྦལ་རྒྱབ་སྦྱར།།མགོ་ཡི་རྨ་ལ་ཡང་ཡང་གདབ།།ཡང་ན་དེ་གསུམ་སྟེང་དུ་ནི།།ཤ་གྲམ་བྲེད་བུ་རྩི་ཡང་བསྣན།།སྐྱི་བྱེར་སྒོང་ངའི་སེར་བོ་དང༌།།ཞོ་དང་ཚ་ལ་བག་ཕྱེས་མནན།།ལྡེ་གུ་རྨ་ལ་སྤྱི་བྱུགས་ན།།སྐྱི་བྱེར་སེལ་ཞིང་ཕྱིར་མི་འབྱེར།རྩ་ཆད་འབྲེ་གུ་རྩི་དང་ནི།།བུད་མེད་པདྨ་ར་ཀྟས་མནན།།ཡང་ན་སྦྱོར་བ་ལུགས་གཅིག་ལ།།ཨ་བྱག་ཤེལ་ཏ་སྤྱི་ཞུར་གསུམ།།ལུག་རྩི་དོ་བོ་ལྕེ་ཚ་བ།།རུ་རྟ་མེ་ཏོག་གུར་གུམ་དང༌།།སྦྲང་རྩི་སྦྱར་བའི་རིལ་བུ་བྱ།།མགོ་ཡི་རྨ་རྣམས་གསོ་བར་བྱེད།།ཨ་བྱག་མགོ་སྨན་རྒྱལ་པོ་ཡིན།།འདི་ལ་སྦྱོར་སྡེ་དུ་མ་འབྱུང༌།།ཨ་བྷི་ཥ་དང་དོམ་མཁྲིས་དང༌།།ཆུ་རྩ་རྐང་གཅིག་རྣམས་དང་གསུམ།།ཆ་མཉམ་མགོ་ལ་བཏབ་ན་ཕན།།མགོ་རྨ་དག་ལ་མཆོག་ཏུ་བཟང།ཤའུ་གསོ་ན་རྒུན་འབྲུམ་དགོས།རྩ་ཆད་སྒོ་ངའི་སེར་བོ་བསྣན།།རུས་པ་ཆག་ན་སྤྱི་ཞུར་བསྣན།།ཀླད་པ་བུད་ན་མུ་ཏིག་བསྣན།།འདི་ནི་གསང་བའི་སྨན་གཅིག་ཡིན།།
དབང་པོ་ལག་པའི་རོ་ནི་མངར།།ནེའུ་དང་ཆུ་འགྲམ་སྐྱེ་བའི་རྒྱ་སྐག་ཁ།།མེ་ཏོག་བྲེ་བོ་སྐམ་ལ་སྐྱེ་བ་ཡིན།།རྩ་བ་མི་ཡི་ལག་པ་འདྲ།།སོར་མོ་གསུམ་བཞི་ལྔ་བ་ཡོད།།དེ་ཡི་རྩ་བའི་ཕྱེ་མ་འོ་མ་དང༌།།སྦྱར་ཏེ་བསྐོལ་བ་ཕུལ་གང་ལུས་ལ་བཏང༌།།ཡང་ན་འོ་མ་བྲེ་ཕྱེད་དུ།།དབང་ལག་བྲེ་ཕྱེད་བཏབ་ལ་བསྐོལ།།བགྲུང་ཞིང་བསྡུས་པ་ཞོ་དང་འདྲ།།ནུར་ནུར་གྱུར་ན་རན་པ་སྟེ།།ནང་རེ་བཟའ་ཐེངས་གསུམ་གསུམ་བཟའ།།གློ་དང་མཁལ་རྐེད་ན་བ་དང༌།།ཆུ་འགགས་པ་དང་རླུང་ནད་དང༌།།མཁལ་ནད་གཏིང་ནས་འབྱིན་པར་ནུས།།རྒས་དཀའ་དབུགས་བདེ་ཤ་མདོག་དཀར།།སེམས་གསལ་རྩ་ནི་གཞོན་ནུར་འགྱུར།།ཡང་ན་མར་དང་བུ་རམ་དང༌།།སྦྲང་རྩི་སྨན་མར་དག་ལ་སྦྱར།ཕན་ཡོན་གོང་མ་དག་དང་འདྲ།།དབང་བོ་ཕྱེ་མ་མིག་ཏུ་བླུག།ཁ་བས་འཆིད་དང་ཚག་པ་དང༌།།ལིང་ཐོག་མིག་ནད་ཀུན་ལ་ཕན།།ལུས་པོ་སྐམ་ན་མར་དང་སྦྱར།།ཟོས་ན་ཚོན་པོར་འགྱུར་བར་ངེས།།འོ་མ་ཕུལ་ནི་རེ་རེ་ལ།།དབང་ལག་ཕོ་ཚུམས་རེ་བཏབ་ནས།།ནང་རེ་འཐུང་ན་
①འདིའི་མཚམས་སུ་མ་ཡིག་ཆད་པ་འདྲ་བས་དཔྱད།
② མིག་ཁ་བས་འཕྱིད་པའི་དོན།
ཚོན་པོར་འགྱུར།།ཟླ་མཚན་འཛག་ལ་བཏབ་ན་ཆོད།།རྗེས་ལ་འབྲས་ཐུག་ཁུ་བ་བཏང༌།།མེས་ཚིག་པ་ལ་མར་དང་བསྐུས་ན་ཕན།།ལུས་ལ་འབྲས་དང་འབྲུམ་པ་དང༌།།སྐྲང་པ་རྣམས་ལ་བསྐུས་ན་ཕན།།གྲེ་བའི་ནད་དང་བརྣངས་བ་ལ།།ཟོས་པ་ཙམ་གྱིས་སོས་པར་བྱེད།།རླུང་ནད་ཙམ་ལ་བུ་རམ་དང༌།།སྦྱར་ནས་བཏང་ན་ཕན་པར་འགྱུར།།འཁྲུས་པ་ཡུན་རིང་མཆིན་ནད་དང།།ཁྲག་དང་རྣག་ཏུ་འཁྲུ་བ་དང།།།ཕྱི་ས་འགགས་དང་སྐྱིགས་བུ་མང༌།།འདི་རྣམས་ལ་ནི་རྒྱུན་དུ་ཡང༌།།གྲོ་ཆང་གྲོན་མོར་བཏབ་ན་ཕན།།
རྒྱ་བ་སྨུག་པོ་རོ་ནི་ཚ་ཞིང་ཁ།།རང་བཞིན་དྲོད་ལ་རྨ་ནི་མྱུར་དུ་གསོ།།སོ་ལ་སྲིན་ཞུགས་གྲང་བས་འཁྲུ་བ་དང།།སྦོས་རྔུལ་བྱེད་དང་དྲོད་ཆུང་དང༌།།ཟས་མི་འཇུ་དང་ཕོ་བའི་སྲིན་ནད་དང།།བུ་བཙས་རྗེས་ལ་རླུང་ཤོར་རྣམས་ལ་ཕན།།ངར་ཐུག་དག་ལ་བཏབ་པ་ནི།།རླུང་ཁམས་ཅན་གྱིས་བཟའ་བར་བྱ།།
ཨ་ཀྲོང་བ་ནི་གྲང་དྲོ་སྙོམས།།བད་ཀན་ལུ་སྐྱུག་སྦོས་པ་དང༌།།མ་ཞུ་བ་དང་ཁོང་བ་ཡི།།སྐྲན་ནད་ཀུན་ལ་ཕན་པ་ཡིན།།ཆུ་དྲོན་ནང་དུ་ཐུར་མགོ་རེ།།ནང་རེ་རྒྱུན་དུ་སྨན་དེ་བཏང༌།།གྲང་ནད་མི་ལྡང་ཁ་ཟས་འཇུ།ཉམས་སྟོབས་རྒྱས་ཤིང་འདྲེ་གནོད་ཐུབ།།རྨོངས་པའི་ནད་རིགས་ཀུན་ལ་ཕན།།
གཡེར་མ་དྲོད་ནི་ཚ་ལ་རྩུབ།།རླུང་ནད་མཁལ་རྐེད་གྲང་བ་དང༌།།དྲོད་ཆུང་ཕོ་བའི་ཟས་མི་འཇུ།སྦོས་རྔུལ་ཕོ་མཆིན་གྲང་ནད་འཁྲུ།གཡེར་ཆེན་ཕུལ་གསུམ་ཆུ་ཕུལ་དོ།།བསྡུས་པས་ཕུལ་གང་ལུས་ལ་བཏབ།།
བཅའ་སྒ་རོ་ནི་མངར་ལ་ཚ།དུག་ཅན་མདའ་ཡིས་ཕོག་པ་ན།།རྨ་ཁར་བཏབ་ན་ཕན་པར་བྱེད།།ཁ་བས་མི་འཕྱིད་པ་ལ་ཡང༌།།ཁུ་བ་བླུད་ན་ཕན་པར་བྱེད།།ཆུ་འགགས་པ་ཡང་ཕྱིར་ལ་འདྲེན།།
དྲེད་མའི་མེ་ཏོག་མ་རུལ་བ།།གྲིབ་སྐམ་བྱས་ལ་ཞིབ་ཏུ་བཏགས།།དར་ཚགས་ཆུང་ལ་སྦྲང་རྩིར་བསྡུ།།སྦྲང་རྩི་མེད་ན་ཆང་ལ་བྱས།།རིལ་བུ་སྲན་ཙམ་གསུམ་གསུམ་བཏང༌།།རྒྱུན་སྨན་བཞིན་དུ་ནང་བར་བཏང༌།།མཁལ་རྐེད་ནད་དང་རོ་སྨད་ཀྱི།།ནད་རྣམས་འཁྲུ་བར་འགྱུར་ཏེ་ཕན།། 7/8 མདུན་ངོས། 上一页 5 6 7 8 下一页 尾页 |
