|
བཏང་ཡོད་པ་དང༌། ད་དུང་ཕྱོགས་བཞི་ནས།ཐག་པ་སྦོམ་པོ་འགས་དར་ཆེན་དེ་བཏགས་ནས་རླུང་ཆེན་གྱི་གནོད་འཚེ་བཀག་འགོག་བྱས་ཡོད།དར་ཆེན་གྱི་རྩེ་མོར་ཟངས་སེར་པོའི་ཏོག་ཅིག་ཡོད་པ་དང་དར་ཆེན་ཧྲིལ་པོ་དང་ཕྱོགས་བཞིའི་ཐག་པའི་སྟེང་དུ་དར་ལྕོག་གིས་ཁེངས་ཡོད་པ་རེད། ལོ་ལྟར་བོད་ཟླ་བཞི་པའི་ཚེས་བཅོ་ལྔའི་ཉིན་ལོ་གཅིག་དུས་གཅིག་གི་དར་ཆེན་གྱི་དར་ལྕོག་བརྗེ་བའི་མཛད་སྒོ་ཚུགས་ཀྱི་ཡོད་་ཅིང༌། རྒྱ་གར་དང༌། ནེ་པེ་ལ།འབྲུག་ཡུལ། འབྲས་ལྗོངས། ཕ་ཁི་སི་ཐན། ཨ་མེ་རི་ཁ། དབྱིན་ཇི། སུའེ་ཙེར། ཨོ་སི་ཁྲུ་རི་ཡ་སོགས་ཀྱི་ཡུལ་
སྐོར་པ་དང་གནས་མཇལ་བ།རྒྱལ་ནང་གི་ཡུན་ནན་དང༌། སི་ཁྲོན། ཀན་སུའུ། མཚོ་སྔོན་དེ་བཞིན་ས་ཕྱོགས་ཁག་གི་བོད་རིགས་སྤུན་ཟླ་བཅས་གནས་རིའི་གཤམ་དུ་ཡོང་ནས་དར་ཆེན་གྱི་དར་ལྕོག་བརྗེ་བའི་བྱེད་སྒོར་ཞུགས་པར་ཡོང་ནས་རི་གཤམ་གྱི་ན་ཐང་རྣམས་ཀྱང་སྦྲ་གུར་གྱི་གྲོང་ཞིག་ལ་འགྱུར་གྱི་ཡོད་པ་རེད། ཉིན་དགུང་གི་དུས་ཙམ་ལ་དར་ཆེན་འགྲམ་གྱི་གུར་དཀར་པོའི་ནང་ནས་སིལ་སྙན་དཀྲོལ་བ་དང་དགེ་འདུན་པའི་ཆོས་ཀྱི་སྒྲ་དབྱངས་ཀྱི་ཁྲོད་དུ་དར་ཆེན་གྱི་ན་བཟའ་བརྗེ་བའི་འགོ་ཚུགས་ཀྱི་ཡོད་པ་རེད།
|
