སློབ་ཚན་འདིར་གསུམ་པའི་སྒྲུབ་མཆོད་དར་བའི་དུས་དང་།དེ་ཉིད་ཇི་ལྟར་ཁྱབ་གདལ་དུ་སོང་བའི་གནས་ཚུལ་རགས་ཙམ་རྟོགས་དགོས།
བོད་ཀྱི་སྲོལ་རྒྱུན་ལྟར་ལོ་གཅིག་གི་ཁྲོད་དབྱར་ཆོས་དང་སྟོན་ཆོས།དགུན་ཆོས།དཔྱིད་ཆོས་བ།ཡོད་པ་ལས་གསུམ་པའི་སྒྲུབ་མཆོད་ནི་དཔྱིད་ཆོས་ཀྱི་གྲས་སུ་བརྩི་ལ།ཡོངས་གྲགས་སུ་ཟླ་གསུམ་པའི༌ཚེས་བཅོ་ལྔའི་ཉིན་སངས་རྒྱས་ཤཱཀྱ་ཐུབ་པས་རྒྱ་གར་ལྷོ་ཕྱོགས་ཀྱི་དཔལ་ལྡན་འབྲས་དཀར་སྤུངས་བའི་མཆོད་རྟེན་གྱི་མདུན་ནས་ཉན་མཁན་བྱང་ཕྱོགས་ཤམ་བྷ་ལའི་རྒྱལ་བོ་ཟླ་བ་བཟང་བོ་སོགས་སྣོད་ལྡན་གྱི་གདུལ་བྱ་མང་བོར་དུས་འཁོར་རྩ་རྒྱུད་གསུངས་ལ།རྟེན་འབྲེལ་དེའི་གནད་ཀྱིས་ཕྱིས་སུ་དགོན་སྡེ་ཁག་ཏུ་དུས་འཁོར་གྱི་འཆད་ཉན་བཙུགས་ནས་རྡུལ་མཚོན་གྱི་དཀྱིལ་འཁོར་བཞེངས་ཏེ་ཉིན་མང་བོར་དུས་འཁོར་གྱི་ཆོ་ག་སྤེལ་བ་རེད།
བཤད་རྒྱུན་ལྟར་ན་ལྷ་སའི་ཡུལ་གྲུ་ཁག་ཏུ་བོད་ཟླ་གསུམ་པའི་ཚེས་བཅོ་ལྔར་གསུམ་པའི་སྒྲུབ་མཆོད་འཛུགས་པ་དང༌།མདོ་སྨད་ཀྱི་ཡུལ་མང་བོར་ཧོར་ཟླ་གསུམ་པའི་ཚེས་བཅོ་ལྔའི་ཉིན་སྒྲུབ་མཆོད་འཛུགས་པས།མདོ་དབུས་གཉིས་ཀ་སྟེས་དབང་གིས་སྒྲུབ་མཆོད་དུས་གཅིག་ཏུ་ཁེལ་ན་མ་གཏོགས་གཞན་རང་རང་གི་ལུགས་སྲོལ་ལྟར་གསུམ་པའི་སྒྲུབ་མཆོད་འཛུགས།
བསམ་གཞིག སྦྱང་གཞི།
གཅིག གཤམ་གྱི་སྟོང་ཆ་སྐོང་བ།
བོད་ཀྱི་སྲོལ་རྒྱུན་ལྟར་ན་ལོ་གཅིག་གི་ཁྲོད་དབྱར་ཆོས་དང་སྟོན་ཆོས། དགུན་ཆོས། དཔྱིད་ཆོས་བཞི་ཡོད་པ་ལས་གསུམ་པའི་སྒྲུབ་མཆོད་ནི__ ཀྱི་གྲས་སུ་བརྩི།
གཉིས། གཤམ་གྱི་དྲི་བར་ལན་ཐོབས།
༡. གསུམ་པའི་སྒྲུབ་མཆོད་ནི་དུས་ནམ་ཞིག་ལ་ཡིན།
༢. མདོ་སྨད་དང་དབུས་གཙང་གི་གསུམ་པའི་སྒྲུབ་མཆོད་འཛུགས་དུས་གཅིག་ཡིན་ནམ།རྒྱུ་མཚན་ཅི།
|