མོན་པ་རིགས་ནི་རང་རྒྱལ་གྱི་གྲངས་ཉུང་མི་རིགས་ཀྱི་གྲས་ཤིག་ཡིན་ཞིང་ཉིང་ཁྲི་ས་ཁུལ་དུ་མོན་པ་མི་གྲངས་6800ལྷག་ཙམ་ཡོད་པ་དང་ས་ཁུལ་ཡོངས་ཀྱི་མི་གྲངས་ཀྱི་བརྒྱ་ཆ་5ཟིན།མོན་པ་རིགས་ལ་རང་ཉིད་ཀྱི་ཡུལ་སྐད་ཡོད་རུང་ཡི་གེ་མེད་པས་བོད་སྐད་ཤོད་པ་དང་བོད་ལོ་བརྩི་ཡི་ཡོད། མོན་པའི་འཚོ་སྡོད་བྱ་ཡུལ་གཙོ་བོ་ནི་མེ་ཏོག་རྫོང་དང་ཉིང་ཁྲི་རྫོང་ཁོངས་ཀྱི་མོན་པ་མི་རིགས་གྲོང་ཚོ་ཡིན། མེ་ཏོག་རྫོང་ལ་དེ་སྔ་པད་མ་སྒང་ཟེར་ཞིང༌། སངས་རྒྱས་ཆོས་ལུགས་པས་གནས་མཆོག་ཅིག་ལ་བརྩི་བཞིན་ཡོད། མེ་ཏོག་རྫོང་གི་མངའ་ཁོངས་ས་བབ་རྙོག་འཛིང་ཆེ་ཞིང་ནགས་རྫོབ་མཐུག་པའི་གྲོག་རོང་ས་བབ་ཞིག་ཡིན།
|