༼༡༤༦༽

ལས། འདུལ་བ་ཡོངས་སུ་ཤེས་པ་མེད་པར་ཡང་སློབ་པ་དང་མི་སློབ་པ་ཉིད་ནི་སྲིད་པ་ཁོ་ན་ཡིན་ཞེས་བཤད་དོ། །སློབ་པ་དང་མི་སློབ་པའི་ཚུལ་ཁྲིམས་དང་ལྡན་ཞེས་པས་འདུལ་བ་ཤེས་པ་བསྟན་ནོ་སྙམ་ན། འཕགས་པའི་ཚུལ་ཁྲིམས་དང་ལྡན་ཡང་འདུལ་བ་ཤེས་པའི་ཁྱབ་པ་མེད་དེ་ཟག་མེད་ཀྱི་ཚུལ་ཁྲིམས་ཡིན་པའི་ཕྱིར་རོ། །དེས་ན་ལྔ་ཚན་འདི་གཉིས་ཀྱིས་འདུལ་བ་ཤེས་པ་མ་བསྟན་ཏོ་ཞེ་ན། ལོ་བཅུ་ལོན་ཞེས་པ་དེས་འདུལ་བ་ཤེས་པ་བསྟན་ཏེ། ཊཱི་ཀ་ལས། ལོ་བཅུ་པོ་དག་ལ་འདུལ་བ་གདོན་མི་ཟ་བར་འབད་པ་བྱས་པ་ཡིན་པའི་ཕྱིར་རོ་ཞེས་བཤད་དོ།་་་་་ལོ་བཅུ་འདུལ་བ་བསླབ་པ་ལ་འབད་པ་བྱས་པའི་དབང་དུ་བྱས་ཏེ་གསུངས་སོ། །བཅོམ་ལྡན་འདས་ཀྱིས་ལོ་བཅུ་ལོན་པ་ཉིད་ཅེས་གསུངས་པས་ནི་རང་དབང་ཡོད་པར་བསྟན་པ་ཡིན་པས། འདུལ་བ་ཤེས་པ་མེད་ན་ཇི་ལྟར་རང་དབང་ཅན་དུ་འགྱུར་ཞེས་ཀྱང་ཊཱི་ཀ་ལས་བཤད་དོ། །བྱུང་བ་དང་། ཞེས་པ་ནི་ཊཱི་ཀ་ལས་གླེང་གཞི་དང་རྒྱུ་མཚན་དང་བྱེད་རྒྱུ་གང་ཡིན་པ་སྟེ་དེ་ནི་བྱུང་བ་ཞེས་བྱ་བའི་སྒྲས་བརྗོད་དོ་ཞེས་སོ། །དེ་དག་ནི་གཏམ་རྒྱུད་དང་དགག་དགོས་ཀྱི་རྒྱུ་མཚན་དང་། སྔོན་བྱུང་བའི་གང་ཟག་གི་ཉོན་མོངས་པ་སྟེ་གོ་རིམ་བཞིན་ནོ། །བྱུང་བ་མངོན་པར་ཤེས་པ་འདི་ལ་གཉིས་ཏེ། བྱུང་ལ་མ་བཅས་པའི་བྱུང་བ་མངོན་པར་ཤེས་པ་དང་། བྱུང་ལ་བཅས་པའི་བྱུང་བ་མངོན་པར་ཤེས་པའོ། །དང་པོ་ནི་གླེང་གཞི་ལས་བྱུང་ཡང་བཅས་པ་མ་མཛད་པ་སྟེ་སྒྲ་གཅན་ཟིན་གྱིས་ཤེས་བཞིན་དུ་རྫུན་དུ་སྨྲས་པའི་བྱུང་བའམ། གཏམ་རྒྱུད་ཉིད་འཕྲོས་ཤེས་པ་ལྟ་བུའོ། །གཉིས་པ་ལ་གཉིས་ཏེ། བཅས་པའི་བྱུང་བ་ཤེས་པ་དང་རྗེས་སུ་བཅས་པའི་བྱུང་བ་ཤེས་པའོ། །དང་པོ་ནི་དགག་བཅས་དང་། སྒྲུབ་བཅས་དང་། གནང་བཅས་དང་གསུམ་པོ་རང་རང་གི་བྱུང་བ་ཤེས་པའོ།་་་་་རང་རང་གི་གཏམ་རྒྱུད་དང་སྦྱར་རོ། །གཉིས་པ་རྗེས་སུ་བཅས་པའི་བྱུང་བ་ཤེས་པ་ལ་གཉིས་ཏེ། མ་དོར་བ་མུ་གསུམ་གྱི་བྱུང་བ་ཤེས་པ་དང་། དོར་བ་མུ་དྲུག་གི་བྱུང་བ་ཤེས་པའོ། །དང་པོ་ལ་གསུམ་སྟེ། དགག་པ་བཅས་པའི་རྗེས་སུ་དགག་པ་རྗེས་བཅས་ཀྱི་བྱུང་བ་ཤེས་པ་དང་། སྒྲུབ་པ་བཅས་པའི་རྗེས་སུ་སྒྲུབ་པ་རྗེས་བཅས་ཀྱི་བྱུང་བ་ཤེས་པ་དང་། གནང་བ་བཅས་པའི་རྗེས་སུ་གནང་བ་རྗེས་བཅས་ཀྱི་བྱུང་བ་ཤེས་པའོ། །དོར་བ་མུ་དྲུག་གི་བྱུང་བ་ཤེས་པ་ནི། དགག་པ་བཅས་པའི་རྗེས་སུ་སྒྲུབ་པ་རྗེས་

༼༡༤༧༽

བཅས་དང་། དགག་པ་བཅས་པའི་རྗེས་སུ་གནང་བ་རྗེས་བཅས་ལ་སོགས་པ་རང་རང་གི་བྱུང་བ་ཤེས་པའོ། །བཅས་པ་ཞེས་པ་ནི་དགག་སྒྲུབ་གནང་གསུམ་གྱི་གསུང་གི་མཚམས་རྣམ་པར་བཞག་པ་ཁྱད་པར་ཅན་ཡིན་ཏེ། ཊཱི་ཀ་ལས་བཅས་པ་ཞེས་བྱ་བ་ནི། བསླབ་པའི་གཞི་རྣམ་པར་བཞག་པའོ་ཞེས་སོ། །རྗེས་སུ་བཅས་པ་དང་། ཞེས་པ་འདིའི་སྤྱི་དོན་ལ་གཉིས་ལས། དང་པོ་་་་་་རྗེས་བཅས་མཛད་པའི། དགོས་པའི་དོན་ནི། བསླབ་པ་བཅས་པའི་ཕན་ཡོན་བཅུ་ཅི་རིགས་པ་འཐོབ་པ་དང་།་་་་་མི་ལ་མི་ཚངས་པར་སྤྱོད་པ་བཀག་ཀྱང་དུད་འགྲོ་ལ་མ་བཀག་སྙམ་དུ། གང་ཟག་གི་ལོག་རྟོག་བསལ་བ་སྟེ། རྣམ་འབྱེད་འགྲེལ་ལས། འདི་ནི་རྗེས་སུ་བཅས་པའོ་ཞེས་བྱ་བ་ནི་དེའི་རྗེས་སུ་སོང་བའི་བསམ་པ་བཟློག་པའི་ཕྱིར་རོ་ཞེས་སོ། །གཉིས་པ་བསྡུས་པའི་དོན་ལ་བཞི་ལས། དང་པོ་རྗེས་བཅས་ཀྱི་རབ་ཏུ་དབྱེ་བ་འཐད་པ་དང་བཅས་པ་ལ་གཉིས་ཏེ། དབྱེ་བ་དངོས་དང་། དེ་དག་གི་འཐད་པའོ། །དང་པོ་ནི། རྗེས་བཅས་མུ་དགུ་སྟེ་གསུམ་ཚན་གསུམ་ལས་གསུམ་ཚན་དང་པོ་དགག་པ་ལ་བརྟན་པ་གསུམ་སྟེ་དགག་པ་བཅས་པའི་རྗེས་སུ་དགག་རྗེས་བཅས་དང་། དགག་པ་བཅས་པའི་རྗེས་སུ་སྒྲུབ་པ་རྗེས་བཅས་དང་། དགག་པ་བཅས་པའི་རྗེས་སུ་གནས་པ་རྗེས་བཅས་སོ། །དང་པོ་ནི་སྔར་བཟང་བྱིན་ལ་བརྟེན་ནས་མི་ཚངས་སྤྱོད་སྤྱིར་བཀག་ནས། ཕྱིས་སྡིག་ཅན་དགོན་པ་བ་ལ་བརྟེན་ནས་དུད་འགྲོ་ལ་མི་ཚངས་པར་སྤྱོད་པ་བྱེ་བྲག་ཏུ་བཀག་པ་ལྟ་བུའོ། །གཉིས་པ་ནི། སྔར་ཉོ་ཚོང་བྱེད་པ་བཀག་ནས། བུ་ལོན་ཆགས་པ་ཐབས་གཞན་གྱིས་སྦྱང་བར་བྱ་མི་ནུས་ན། དགེ་སློང་མའི་རྣམ་འབྱེད་ལས། ཡུལ་གཞན་གྱི་སྦྱོར་བས་སྔ་མའི་རྒྱུད་སྦྱང་བར་བྱའོ་ཞེས་སྒྲུབ་དགོས་སུ་གསུངས་པ་ལྟ་བུའོ།་་་་་འམ་སྔར་བུད་མེད་ལ་རེག་པ་བཀག་ཀྱང་ཕྱིས་བུད་མེད་ཆུས་ཁྱེར་བ་ན་མིང་སྲིང་གི་འདུ་ཤེས་བསྐྱེད་དེ། ཆུར་ཉམ་ཐག་བསྒྲལ་བའི་ཕྱིར་ནི་རེག་པར་བྱའོ། །ཞེས་གསུངས་པ་ལྟ་བུ། གསུམ་པ་ནི། ཊཱི་ཀ་ལས། དུས་མ་ཡིན་པའི་ཟས་སྔར་བཀག་པ་ལས་ནད་པ་ལ་གནང་བ་ལྟ་བུའོ་ཞེས་སོ། །སྒྲུབ་པ་ལ་བརྟེན་པ་གསུམ་སྟེ། སྒྲུབ་པ་བཅས་པའི་རྗེས་སུ་སྒྲུབ་པ་རྗེས་བཅས་དང་། སྒྲུབ་པ་བཅས་པའི་རྗེས་སུ་དགག་པ་རྗེས་བཅས་དང་། སྒྲུབ་པ་བཅས་པའི་རྗེས་སུ་གནང་བ་རྗེས་བཅས་སོ། །དང་པོ་ནི། དབྱར་སྔ་མ་ཁས་བླང་བ་སྒྲུབ་པར་བཅས་ནས། དབྱར་ཕྱི་མ་ཁས་བླང་བ་སྒྲུབ་པར་བཅས་པ་ལྟ་བུའོ། །གཉིས་

༼༡༤༨༽

པ་ནི་གསོ་སྦྱོང་ལ་བསྡད་པ་དང་དབྱར་གནས་པར་ཁས་བླང་བ་སྒྲུབ་པར་བཅས་ནས། གནས་ལ་བརྟེན་པ་དང་འདོམ་པའི་ཚེ་ན་དེ་དག་བཀག་པ་ལྟ་བུའོ།་་་་་གང་ན་གནས་མེད་པ་དེར་གསོ་སྦྱོང་ལ་བསྡད་པ་དང་གནས་པར་ཁས་བླང་བར་མི་བྱའོ། །ཞེས་སོ། །གསུམ་པ་ནི་སྔར་ཆོས་བརྒྱད་དང་བཅུ་བཞི་དང་བཅོ་ལྔའི་ནུབ་མོ་ཆོས་མཉན་པར་བྱའོ་ཞེས་སྒྲུབ་པར་གསུངས་ནས། ནད་པས་དེ་མ་བྱས་པ་ལ་ནི་ཉེས་པ་མེད་དོ་ཞེས་གནང་བ་ལྟ་བུའོ། །གནང་བ་ལ་བརྟེན་པ་གསུམ་སྟེ། གནང་བ་བཅས་པའི་རྗེས་སུ་གནང་བ་རྗེས་བཅས་དང་། གནང་བ་བཅས་པའི་རྗེས་སུ་དགག་པ་རྗེས་བཅས་དང་། གནང་བ་བཅས་པའི་རྗེས་སུ་སྒྲུབ་པ་རྗེས་བཅས་སོ། །དང་པོ་ནི། སྔར་ལྷམ་སྣའི་སྦུབས་ཅན་གནང་ནས། ཕྱིས་ལྷམ་རྟིང་སྦུབས་ཅན་གནང་བ་ལྟ་བུའོ། །གཉིས་པ་ནི། ཊཱི་ཀ་ལས། མཆིལ་ལྷམ་གཉིས་གནང་བ་མཛད་པ་ལས། དེ་གཉིས་ཀྱི་བྱེ་བྲག་དགག་པ་མཛད་དེ། སྒྲ་ཀྲོག་ཀྲོག་ཟེར་བ་དག་མི་བཅང་ངོ་། །ཞེས་གསུངས་པ་ལྟ་བུའོ། །གསུམ་པ་ནི། སྔར་དབྱར་བྱིན་གྱིས་བརླབས་ཏེ་གནས་གཞན་དུ་འགྲོ་བ་གནང་བ་ལས། དགེ་འདུན་གྱི་དབྱེན་ཞི་བར་བྱ་བའི་ཕྱིར་ནི་དབྱར་བྱིན་གྱིས་བརླབས་ཏེ་གནས་གཞན་དུ་འགྲོ་བ་སྒྲུབ་པར་བཅས་ཏེ། དེ་ནི་ཞི་བར་བྱ་བའི་ཕྱིར་མཐུ་ཡོད་པ་ལྟ་ན་མི་འགྲོ་བར་མི་བྱའོ་ཞེས་གསུངས་པ་ལྟ་བུའོ། །དེ་ལྟར་གསུམ་ཚན་རང་རང་གི་དང་པོ་གསུམ་ནི། སྔ་མའི་རིགས་མ་དོར་བས་ན། མ་དོར་བ་མུ་གསུམ་ཞེས་བྱ་ཕྱི་མ་དྲུག་ནི། སྔ་མའི་རིགས་དོར་བས་ན། དོར་བ་མུ་དྲུག་ཅེས་བྱའོ།་་་་་འདོར་བ་མུ་དྲུག་ཅེས་བླ་མ་རྣམས་གསུང་བ་ནི་མི་རིགས་ཏེ། དག་བཅས་ཀྱི་རྗེས་སུ་སྒྲུབ་པ་རྗེས་བཅས་དེ་ཆོས་ཅན། སྔར་བཅས་ཀྱི་རིགས་དོར་ཟིན་པ་མ་ཡིན་པར་ཐལ། སྔར་བཅས་ཀྱི་རིགས་འདོར་བ་ཡིན་པའི་ཕྱིར། རྟགས་ཁྱབ་མ་གྲུབ་ན་སྔར་བཅས་ཀྱི་རིགས་འདོར་བ་ཡིན་པ་བུད་ཅིང་། འདོད་ན་སྔར་གྱི་དགག་བཅས་ཀྱི་རིགས་དོར་ནས་སྒྲུབ་པ་རྗེས་བཅས་ཡིན་པ་དང་འགལ་ལོ། །གཉིས་པ་དེ་དག་གི་འཐད་པ་ནི་མ་དོར་བ་མུ་གསུམ་པོ་དེ་དག་འཆའ་བར་འཐད་དེ། རང་རང་གི་སྔར་བཅས་ཀྱི་རྒྱུ་མཚན་གང་ཡིན་སོ་་་་་་དེ་ཡང་དགག་བྱའི་རྒྱུ་མཚན་སོ་ན་ཡོད་པ་དང་། དགོས་པའི་རྒྱུ་མཚན་སོ་ན་ཡོད་པ་དང་། དགག་དགོས་མེད་པའི་རྒྱུ་མཚན་སོ་ན་ཡོད་པ་དང་གསུམ་སྟེ་དེ་གསུམ་རེ་རེ་ནས་སྦྱར་རོ། ན་ཡོད་ཅིང་། གང་ཟག་གི་་་་་་མི་ལ་མི་ཚངས་པར་སྤྱོད་པ་བཀག་ཀྱང་དུད་འགྲོ་ལ་མ་བཀག་གམ་སྙམ་པ་ལྟ་བུ། ལོག་རྟོག་བསལ་བའི་དགོས་པ་ཡོད་པའི་ཕྱིར་་་་་་དེ་ཡང་དགག་བྱའི་རྒྱུ་མཚན་སོ་ན་ཡོད་པ་སོགས་སྦྱར། རོ། །དོར་

༼༡༤༩༽

བ་མུ་དྲུག་འཆའ་བར་འཐད་དེ། སྔར་བཅས་ཀྱི་རྒྱུ་མཚན་དོར་ནས་རྗེས་བཅས་ཀྱི་རྒྱུ་མཚན་ཞུགས་པའི་ཕྱིར་རོ། །དེ་ཡང་སྔར་གྱི་དགག་བྱའི་རྒྱུ་མཚན་དོར་ནས་སྒྲུབ་བཅས་རྣམ་པར་འཇོག་བྱེད་ཀྱི་དགོས་པའི་རྒྱུ་མཚན་ཞུགས་པའི་ཕྱིར་ཞེས་པ་ལ་སོགས་རེ་རེ་ནས་སྦྱར་རོ། །རྒྱུ་མཚན་དོར་ཞེས་པའང་གཏན་མེད་དུ་དོར་བ་དང་ཟིལ་གནོན་དུ་དོར་བ་གཉིས་ལས། གནང་བ་བཅས་པའི་རྗེས་སུ་དགག་པ་རྗེས་བཅས་ལ་ནི་སྔར་བཅས་ཀྱི་རྒྱུ་མཚན་དེ་གཏན་མེད་དུ་དོར་བ་ཡིན་ལ། ཕྱི་དྲོ་ཟས་སྔར་བཀག་ནས་ནད་པ་ལ་གནང་བ་ལྟ་བུ་ལ་ནི་ཟིལ་གནོན་དུ་དོར་བ་སྟེ། ཕྱི་དྲོ་ཁ་ཟས་ཀྱི་དགག་བྱ་ནི་ལུས་རྒྱགས་པར་འགྱུར་བ་ཡིན་ལ། ནད་པས་ཕྱི་དྲོ་ཁ་ཟས་ཟོས་པ་ལ་ཡང་ལུས་ཀྱི་སྟོབས་སྐྱེ་བ་ཙམ་ཞིག་ཡོད་ཀྱང་ན་བས་ཟིལ་གྱིས་མནན་པ་ལྟ་བུའོ་ཞེས་གསུངས་སོ། །གཉིས་པ་ནི་རྗེས་བཅས་གཞི་གང་ལ་གནས་པའི་གཞི་ངོས་གཟུང་བ་ལ་གཉིས་ཏེ། དགག་པ་བཅས་པའི་རྗེས་སུ་དགག་པ་རྗེས་བཅས་གཞི་གང་ལ་གནས་པ་དང་། རྗེས་བཅས་གཞན་མུ་བརྒྱད་པོ་གཞི་གང་ལ་གནས་པའོ། །དང་པོ་ནི། རང་བཞིན་དང་བཅས་པའི་ཁ་ན་མ་ཐོ་བ་གཉིས་ཀའི་གཞི་ཆོས་ཅན། དགག་པ་བཅས་པའི་རྗེས་སུ་དགག་པའི་རྗེས་བཅས་རྟེན་ཙམ་དུ་ཡོད་དེ། རང་གི་སྔར་བཅས་ལ་ལྟོས་ནས་དགག་བཅས་ཙམ་དུ་རིགས་མཐུན་ཕྱི་མའི་བཅས་པ་རྣམ་འཇོག་གི་དགག་བྱ་རྟེན་ཙམ་དུ་ཡོད་པའི་ཕྱིར་རོ། །གཉིས་ཀའི་གཞི་དེ་དག་ལ་རྗེས་བཅས་དེ་ཁྱབ་བྱེད་དུ་ཡོད་པ་ནི་མ་ཡིན་ཏེ། རྗེས་བཅས་མེད་པའི་བཅས་རྐྱང་མང་དུ་ཡོད་པའི་ཕྱིར་རོ། །གཉིས་པ་ནི་རྗེས་བཅས་གཞན་མུ་བརྒྱད་པོ་དེ་དག་ནི་སྤྱིར་བཏང་ལ་བཅས་པའི་ཁ་ན་མ་ཐོ་བའི་གཞི་ལ་གནས་པ་ཡིན་ཏེ། ཁ་ན་མ་ཐོ་བའི་གཞི་ལ་གནས་པར་གཞི་གྲུབ་ཅིང་རང་བཞིན་གྱི་ཁ་ན་མ་ཐོ་བའི་གཞི་ལ་གནས་པར་མི་སྲིད་པའི་ཕྱིར་རོ། །བཅས་པའི་ཁ་ན་མ་ཐོ་བའི་གཞི་ཡང་། དམིགས་པས་ལ་དགེ་སློང་གིས་ཆང་དྲི་རོ་མངོན་པ་འཐུང་བ་ལ་ནི་རྗེས་བཅས་གཞན་མུ་བརྒྱད་པོ་དེ་དག་མི་སྲིད་དོ། །དེ་ལྟར་ཆང་འཐུང་བ་ལ་མི་སྲིད་ན། ནད་པས་ནི་ཞུན་མར་དང་འབྲུ་མར་དང་འདྲེས་པ་བཏུང་བར་བྱ་བ་ཉིད་དོ་ཞེས་གསུངས་པ་དང་འགལ་ཞེ་ན། དེ་ནི་ཆང་གི་དྲི་རོ་མི་མངོན་

༼༡༥༠༽

ནའོ། །དེ་ལྟར་ན་དགེ་སློང་གིས་ཀྱང་དྲི་རོ་མངོན་པ་འཐུང་བ་དང་སྲོག་གཅོད་པ་ལ་སོགས་པ་རང་བཞིན་གྱི་ཁ་ན་མ་ཐོ་བའི་གཞི་ལ་ཆོས་ཅན། རྗེས་བཅས་གཞན་མུ་བརྒྱད་པོ་དེ་མི་སྲིད་དེ། གནང་བ་ཡང་མི་སྲིད་ལ་སྒྲུབ་པ་ཡང་མི་སྲིད་པའི་ཕྱིར་རོ། །གནང་བ་མི་སྲིད་པའི་ཕྱིར་ན་སྔར་གནང་བ་ལ་བརྟེན་པའི་རྗེས་བཅས་གསུམ་དང་དགག་པ་བཅས་པའི་རྗེས་སུ་གནང་བ་རྗེས་བཅས་མི་སྲིད་དོ།་་་་་འོ་ན་དེ་ལ་རང་བཞིན་གྱི་ཁ་ན་མ་ཐོ་བ་གནང་བ་མེད་ན། རྫུན་སྨྲ་བའི་ཕམ་པའི་སྐབས་ཀྱི་ལུང་རྣམ་འབྱེད་ལས། སྔ་མ་ནི་བཅས་པ་ཡིན་ལ་འདི་ནི་རྗེས་སུ་གནང་བ་ཡིན་ཏེ་མངོན་པའི་ང་རྒྱལ་མ་གཏོགས་ཏེ་ཞེས་གསུངས་པ་དང་། ལྷག་མ་དང་པོའི་སྐབས་ཀྱི་ལུང་རྣམ་འབྱེད་ལས། སྔ་མ་ནི་བཅས་པ་ཡིན་ལ། འདི་ནི་རྗེས་སུ་གནང་བ་ཡིན་ཏེ། བསམ་བཞིན་དུ་ཁུ་བ་ཕྱུང་ན་རྨི་ལམ་གྱི་མ་གཏོགས་ཏེ་ཞེས་གསུངས་པ་དང་མི་འགལ་ལམ་སྙམ་ན། མངོན་པའི་ང་རྒྱལ་གྱིས་སྨྲས་པ་དེ་ནི་འདུ་ཤེས་བསྒྱུར་བ་མེད་པས་རྫུན་ཉིད་མ་ཡིན་པའི་ཕྱིར་ན་རྫུན་གནང་བ་མ་ཡིན་ནོ། །གཞན་ཡང་རྨི་ལམ་དུ་ཁུ་བ་ཕྱུང་བའི་ལྟུང་བ་མེད་པ་ཙམ་ལ་རྗེས་སུ་གནང་བ་ཞེས་བཏགས་པ་ཡིན་ཏེ། གནང་བའི་བཅས་པ་མ་ཡིན་ནོ། །དེ་ཡང་རྨི་ལམ་དུ་བྱས་པ་དེ་ནི་སྤྱིར་ན་བཅས་པ་མཚན་ཉིད་འཆར་བའི་གཞི་གཏན་ནས་མ་ཡིན་པའི་ཕྱིར་ཏེ། ལུང་ལས་རྨི་ལམ་ནི་ཐ་སྙད་དུ་བྱར་རུང་བ་མ་ཡིན་ཞེས་པས་གྲུབ་བོ། །སྒྲུབ་པ་མི་སྲིད་པའི་ཕྱིར་ན་སྔར་སྒྲུབ་པ་ལ་བརྟེན་པའི་རྗེས་བཅས་གསུམ་དང་དགག་པ་བཅས་པའི་རྗེས་སུ་སྒྲུབ་པ་རྗེས་བཅས་མི་སྲིད་དོ། །གསུམ་པ་རྗེས་བཅས་ཀྱི་མཚན་ཉིད་ལ་གཉིས་ཏེ། མཚན་ཉིད་དངོས་དང་། ཞར་ལ་བྱུང་བའོ། །དང་པོ་རྗེས་བཅས་ཀྱི་མཚན་ཉིད་ནི། རང་གི་སྔར་བཅས་ལ་ལྟོས་ནས་འདུལ་བའི་བསླབ་པའི་གཞི་རྣམ་པར་བཞག་པ་ཕྱི་མའོ། །གཉིས་པ་ཞར་ལ་བྱུང་བ་ལ་གསུམ་ལས། དང་པོ་བཅས་པ་མཚན་ཉིད་པ་ཡིན་མིན་སྤྱིར་གཏན་ལ་དབབ་པ་ནི། ལྡོག་འཇུག་མ་བྱས་ན་ལྟུང་བའི་ཆད་པར་བཅས་ན་དགག་སྒྲུབ་ཀྱི་བཅས་པ་མཚན་ཉིད་པ་ཡིན་ལ། གཞན་དུ་ན་དགག་སྒྲུབ་ཀྱི་བཅས་པ་མཚན་ཉིད་པ་མ་ཡིན་ནོ། །དེ་ཡང་བཅོམ་ལྡན་འདས་སངས་རྒྱས་ནས་རིང་པོར་མ་ལོན་པ་ན། སྡིག་པ་ཅི་ཡང་མི་བྱ་སྟེ་གསུངས་ཀྱང་། དགག་བཅས་མཚན་ཉིད་པ་མ་ཡིན་ཏེ། དེ་ལས་འདས་ཀྱང་ལྟུང་བའི་ཆད་པར་མ་བཅས་པའི་ཕྱིར་ཏེ་བཟང་སྦྱིན་གྱིས་ལོག་གཡེམ་དང་ནོར་ཅན་གྱིས་མ་བྱིན་ལེན་བྱས་ཀྱང་། ལུང་རྣམ་འབྱེད་ལས། ལས་དང་པོ་པ་ལ་ལྟུང་བ་མེད་དེ་

༼༡༥༡༽

ཞེས་གསུངས་པའི་ཕྱིར་དང་། འོད་ལྡན་ལས་འཕགས་པ་ཉེར་སྦས་ཀྱི་ཞལ་ནས་དགག་པའི་བཅས་པ་རང་མཚན་པ་དེ་ཆད་པ་བཅའ་བ་ལ་དགོངས་ནས་གསུངས་པའི་ཕྱིར་རོ་ཞེས་གསུངས་སོ། །འོན་ཀྱང་གནང་བའི་བཅས་པ་ནི་ལྟུང་བའི་ཆད་པར་བཅས་པ་ལ་མི་ལྟོས་སོ། །འདིར་ཁ་ཅིག་ན་རེ་གནང་བའི་བཅས་པ་ནི་བཅས་པ་མཚན་ཉིད་པ་མ་ཡིན་ཏེ། ལྡོག་འཇུག་མ་བྱས་ཀྱང་ལྟུང་བའི་ཆད་པར་མ་བཅས་པའི་ཕྱིར་ཞེས་ཟེར་བ་ནི་རྟགས་མ་ངེས་ལ། དམ་བཅའ་མི་འཐད་དེ། གནང་བ་བཅས་པའི་རྗེས་སུ་དགག་པ་རྗེས་བཅས་ཆོས་ཅན། རྗེས་བཅས་མ་ཡིན་པར་ཐལ། ལྟོས་པ་སྔར་བཅས་རང་མཚན་པ་མེད་པའི་ཕྱིར་རོ། །རྟགས་ཁས་བླངས་སོ། །ཁྱབ་པ་མ་གྲུབ་ན། ལྟོས་པ་སྔར་བཅས་མེད་པར་དེའི་རྗེས་བཅས་ཡོད་པར་འགལ་ལོ། །འདོད་ན་ཊཱི་ཀ་ལས། རྗེས་སུ་བཅས་པ་ཞེས་བྱ་བ་ནི་སྔར་གནང་བའི་གཞི་ལས་བཀག་པ་དང་ཞེས་སོ། །དེས་ན་གནང་བའི་བཅས་པ་ལ་ལྡོག་འཇུག་མ་བྱས་ཀྱང་ལྟུང་བའི་ཆད་པ་མེད་པར་བཅས་པ་ཉིད་ཀྱིས་བཅས་པ་མཚན་ཉིད་པ་ཡིན་ནོ་ཞེས་རིགས་སོ། །གཉིས་པ་རྗེས་བཅས་མཚན་ཉིད་པ་ཡིན་མིན་བྱེ་བྲག་ཏུ་གཏན་ལ་དབབ་པ་ནི། སྡིག་ཅན་དགོན་པ་བས་སྤྲ་མོ་ལ་ལོག་པར་ཞུགས་པ་ལ་བརྟེན་ནས་འདི་ནི་རྗེས་སུ་བཅས་པའོ་ཞེས་གསུངས་པ་ལྟ་བུ་དགག་པ་བཅས་པའི་རྗེས་སུ་དགག་པའི་རྗེས་བཅས་ཀྱི་སྒྲས་བརྗོད་པ་དེ་ཆོས་ཅན། དགག་པ་དེ་རྗེས་སུ་བཅས་པ་མཚན་ཉིད་པ་ཉིད་མ་ཡིན་ཏེ། སྔར་ནས་དགག་པར་བཅས་ཟིན་པའི་ཕྱིར་རོ། །དེ་ཡང་དགོན་པ་བས་སྤྲ་མོ་ལ་ལོག་པར་ཞུགས་པ་ལ་བརྟེན་ནས། ལུང་རྣམ་འབྱེད་ལས་འདི་ནི་རྗེས་སུ་བཅས་པའོ་ཞེས་གསུངས་པ་ཆོས་ཅན།་་་་་དེ་ལྟར་གསུངས་པ། དེའི་སྔ་རོལ་ཏུ་དུད་འགྲོ་ལ་ལོག་པར་སྤྱོད་པ་བཀག་ཟིན་པ་ཡིན་ཏེ། དེའི་སྔ་རོལ་ཏུ་དགོན་པ་པ་ལ་དུད་འགྲོ་ལ་ལོག་པར་སྤྱོད་པའི་ཕམ་པ་བྱུང་བའི་ཕྱིར་ཏེ། དེའང་ལུང་རྣམ་འབྱེད་ལས་གཏི་མུག་ཅན་དེ་ནི་ཕམ་པར་གྱུར་ཏོ། །ཞེས་གསུངས་པས་གྲུབ་བོ། །རྣམ་གྲངས་གཞན་ཡང་ཆོས་ཅན་དང་བསྒྲུབ་བྱའི་ཆོས་སྔར་བཞིན་བརྗོད་ནས། དེའི་སྔ་རོལ་ཏུ་བཟང་སྦྱིན་ལ་བརྟེན་ནས་མི་ཚངས་པར་སྤྱོད་པ་སྤྱིར་བཀག་ཟིན་པའི་ཕྱིར་ཏེ། དེ་ལྟར་དུད་འགྲོ་ལ་ལོག་པར་སྤྱོད་པ་སྔར་ནས་དགག་པར་བཅས་ཟིན་ཀྱང་ལུང་རྣམ་འབྱེད་ལས་འདི་ནི་རྗེས་སུ་བཅས་པའོ་ཞེས་གསུངས་པ་ནི། མི་ལ་བཀག་ཀྱང་

༼༡༥༢༽

དུད་འགྲོ་ལ་མ་བཀག་སྙམ་པའི་ལོག་རྟོག་བཟློག་པ་ཙམ་ཡིན་ཏེ། རྣམ་འབྱེད་འགྲེལ་ལས། འདི་ནི་རྗེས་སུ་བཅས་པའོ་ཞེས་བྱ་བ་ནི།་་་་་སྔར་བཅས། དེའི་རྗེས་སུ་སོང་བའི་བསམ་པ་ལོག་ཏོག་་་་་བཟློག་པའི་ཕྱིར་རོ་ཞེས་སོ། །དགག་པ་རྗེས་བཅས་ཞེས་བརྗོད་ཀྱང་།་་་་་དེ་ལྟར་སྔར་ནས་དགག་པར་བཅས་ཟིན་པ་དེ་བཞིན་དུ། སྒྲུབ་པ་རྗེས་བཅས་ཞེས་བརྗོད་ཀྱང་།་་་་་སྔར་ནས་སྒྲུབ་པར་བཅས་ཟིན་པ་ཡང་རྒྱུ་མཚན་མཚུངས་པས་ན། སྒྲུབ་པ་བཅས་པའི་རྗེས་སུ་སྒྲུབ་པ་རྗེས་བཅས་བཅས་ཀྱང་རྗེས་བཅས་ཀྱི་སྒྲས་བརྗོད་པ་དེ་ཆོས་ཅན། སྒྲུབ་པ་དེ་རྗེས་སུ་བཅས་པ་མཚན་ཉིད་པ་མ་ཡིན་ཏེ། སྔར་ནས་སྒྲུབ་་་་་་ཞེས་བརྗོད་ཀྱང་། པ་བཅས་ཟིན་པའི་ཕྱིར་ཞེས་གསུང་ངོ་། །གནང་བ་བཅས་པའི་རྗེས་སུ་གནང་བ་རྗེས་བཅས་ནི་རྗེས་བཅས་མཚན་ཉིད་པ་ཡིན་གྱི། སྔར་ནས་གནང་བར་བཅས་ཟིན་པ་ནི་མ་ཡིན་ཏེ། གནང་བའི་བཅས་པ་འཕྲལ་བཅས་ཡིན་པའི་ཕྱིར་རོ། །དེ་ཡང་་་་་་འདུག་གནས་སུ་ཟ་བའི། ཊཱི་ཀ་ལས། ད་དུང་བཅོམ་ལྡན་འདས་ཀྱིས་རྗེས་སུ་གནང་བར་མ་གྱུར་པའི་ཕྱིར་ཞེས་དགག་པ་བཅས་པའི་རྗེས་སུ་གནང་བ་རྗེས་བཅས་འཕྲལ་བཅས་སུ་བཤད་པས། གནང་བའི་བཅས་པ་གཞན་ཐམས་ཅད་ཀྱང་འཕྲལ་བཅས་ཡིན་པར་དེ་དང་རྒྱུ་མཚན་མཚུངས་པའི་ཕྱིར་རོ། །དེས་ན་བདུན་ནི་རྗེས་བཅས་མཚན་ཉིད་པ་ཡིན་ནོ། །གསུམ་པ་གནང་བའི་ཚུལ་ལུགས་བྱེ་བྲག་ཏུ་གཏན་ལ་དབབ་པ་ནི། སྐབས་འདིར་འདི་སྐད་དུ་གནང་བ་རྣམས་འཕྲལ་ལ་གསར་དུ་གནང་བ་ཡིན་ནམ། སྔར་ནས་གནང་ཟིན་པ་ཞིག་གནང་བ་ཡིན། དང་པོ་ལྟར་ན།་་་་་ས་ག་མའི་རིན་པོ་ཆེའི་རྒྱན་བརྗོད་དེ། ལུས་པ་ན་ཀུན་དགའ་བོས་མཐོང་ནས་དེས་བསམས་པ་འདི་ཉིན་རྐྱེན་དུ་མཛད་དེ་གནང་བར་འགྱུར་བའི་གནས་དེ་ཡོད་དོ་སྙམ་ནས་རིན་པོ་ཆེའི་རྒྱན་དེ་སྦེད་དུ་བཅུག་པའི་སྐབས་སུ། ལུང་རྣམ་འབྱེད་ལས། ངས་མ་གནང་ཡང་གནང་བར་འགྱུར་བ་དེ་ཁྱོད་ཀྱིས་ཤེས་་་་་་ཏེ་གཞན་གྱི་རྫས་ཆུད་མི་ཟ་བའི་ཕྱིར་གཞན་གྱི་རིན་པོ་ཆེ་ལ་རེག པ་ལེགས་སོ་ལེགས་སོ་ཞེས་སྔར་ནས་ཉེས་པ་མེད་པར་གསུངས་པ་དང་འགལ་ལོ། །གཞན་ཡང་ལུང་རྣམ་འབྱེད་ལས།་་་་་དགེ་སློང་གིས་བཙུན་མོའི་འཁོར་དུ་ནུབ་མོ་འགྲོ་བ་བཀག་པའི་རྗེས་སུ། ཤཱ་རིའི་བུས་བཙུན་མོ་དཔལ་ལྡན་ལ་ཉི་མ་ནུབ་པའི་རྗེས་སུ་ཆོས་བསྟན་ན་བཙུན་མོས་རྒྱུན་ཞུགས་ཐོབ་པར་འགྱུར་པར་ཤེས་ནས་མཚན་མོ་ཆོས་སྟན་པར་བྱེད་པའི་སྐབས་སུ། ཤཱ་རིའི་བུས་བསམས་པ། འདི་ལྟར་བཅོམ་ལྡན་འདས་ཀྱིས་མ་གནང་མོད་ཀྱི། འདི་ཉིད་རྐྱེན་དུ་མཛད་ནས་གནང་བར་འགྱུར་བའི་གནས་

༼༡༥༣༽

དེ་ཡོད་དོ་སྙམ་ནས། དེ་གདུལ་བྱ་ལ་ལྟོས་པས་དེ་ཉིད་དུ་འདུག་སྟེ་ཆོས་བསྟན་པའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་བ། ཤཱ་རིའི་བུ་་་་་་གདུལ་བྱ་ལ་ལྟོས་ཏེ་བཙུན་མོའི་འཁོར་དུ་ནུབ་མོ་འདུག་སྟེ་ཆོས་བསྟན་པ་དེ། ལེགས་སོ་ལེགས་སོ་ཞེས་་་་་་སྔར་ནས་ཉེས་པ་མེད་པར། གསུངས་པ་དང་ཡང་འགལ་ལོ།་་་་་སངས་རྒྱས་ཀྱིས་གསུངས་པ་དགེ་འདུན་ལ་གཡོ་བ་མེད་དོ། །ཞེས་པའི་ཊཱི་ཀ་ལས་ཚེ་དང་ལྡན་པ་ཉེ་སྦས་དང་པོར་ཁྲིམས་སུ་བཅས་པ་དྲལ་ལ། ཕྱིས་བཅོམ་ལྡན་འདས་ཀྱིས་བག་ཡངས་སུ་མཛད་ཟིན་ཀྱང་། ཉེ་སྡེས་བྱས་པ་གང་ཡིན་པ་དེ་དག་ཐམས་ཅད་བཅོམ་ལྡན་འདས་ཀྱིས་དང་པོ་ཉིད་ནས་དགོངས་པར་གྱུར་ཟིན་ཏོ་ཞེས་དང་པོ་ཉིད་ནས་ཉེས་པ་མེད་པར་གསུངས་སོ། །གཉིས་པ་ལྟར་ན་འདུག་གནས་སུ་ཟ་བའི་སྐབས་ཀྱི་ཊཱི་ཀ་ལས།་་་་་ཤཱ་རིའི་བུས་སྦྱིན་བདག་གིས་བསྟབས་པ་ཡང་མ་བཞེས་པ་དེ་ནི་དེའི་ཚེ་ན། ད་དུང་བཅོམ་ལྡན་འདས་ཀྱིས་རྗེས་སུ་གནང་པར་མ་གྱུར་པའི་ཕྱིར་ཏེ་གླེང་གཞི་དེ་ཁོ་ནའི་དབང་གིས་དེའི་མོད་ལ་བཅོམ་ལྡན་འདས་ཀྱིས་རྗེས་སུ་གནང་བར་མཛད་དོ་ཞེས་བཤད་པ་དང་འགལ་ལོ། །གལ་ཏེ་སྔར་ནས་གནང་ཟིན་ན་ནི། དགག་པ་བཅས་པའི་རྗེས་སུ་གནང་བ་རྗེས་བཅས་ཆོས་ཅན། གནང་པ་དེ་རྗེས་སུ་བཅས་པ་མ་ཡིན་པར་ཐལ། སྔར་ནས་གནང་ཟིན་པ་ཡིན་པའི་ཕྱིར་རོ་ཞེས་ཟེར་ན། དེ་དག་གི་ལན་འདི་ལྟར་གདབ་སྟེ། གནང་བ་ནི་སྔར་ནས་གནང་བ་ཡིན་ལ་གནང་བའི་བཅས་པ་ནི་འཕྲལ་ལ་གསར་དུ་འཆའ་བ་ཡིན་པས་གཞུང་དེ་དག་འགལ་བ་མེད་དོ། །འོ་ན་གནང་བ་དང་གནང་བའི་བཅས་པའི་ཁྱད་པར་གང་ཞེ་ན། གནང་བ་ནི་དང་པོ་ཉིད་ནས་ཐུག་དགོངས་ཀྱིས་གནང་ཞིང་ངོ་བོ་ཉིད་ཀྱིས་ཉེས་མེད་དུ་གནས་པ་ཡིན་ལ། གནང་བའི་བཅས་པ་ནི་གསུང་གི་མཚམས་རྣམ་པར་བཞག་པ་ཁྱད་པར་ཅན་གྱིས་འཕྲལ་དུ་གནང་བའི་བཅས་པ་མཛད་པའོ། །བཞི་པ་ཁྱད་པར་ཅན་གྱི་དོན་གཏན་ལ་དབབ་པ་ལ་གཉིས་ལས། ཁྱད་པར་ཅན་གྱི་གཞིའི་རྗེས་བཅས་འབྱུང་བའི་དུས་དང་། ཁྱད་པར་གྱི་ཆོས་ལྟུང་བ་ཆེ་ཆུང་ངེས་པར་བྱ་བའོ། །དགག་བྱའི་་་་་་དང་པོ་ནི་རང་རང་གི་སྔར་བཅས་ཀྱི་རྒྱུ་མཚན་ལྟ་བུ་སོ་ན་ཡོད་ཅིང་གང་ཟག་གི་ལོག་རྟོག་བཟློག་པའི་དགོས་པ་ཡོད་པའི་ཚེ་ན་རྗེས་བཅས་མ་དོར་བ་མུ་གསུམ་འབྱུང་ངོ་། །སྔར་གྱི་དགག་བྱའི་རྒྱུ་མཚན་དོར་ནས་དགག་དགོས་མེད་པའི་རྒྱུ་མཚན་ཞུགས་པའི་ཚེ་ན། དགག་པ་བཅས་པའི་རྗེས་སུ་གནང་བ་རྒྱུ་མཚན་ལྟ་བུ་

༼༡༥༤༽

རྗེས་བཅས་འབྱུང་ལ། སྔར་གྱི་དགོས་པའི་རྒྱུ་མཚན་དོར་ནས་དགག་དགོས་མེད་པའི་རྒྱུ་མཚན་ཞུགས་པའི་ཚེ་ན། སྒྲུབ་པ་བཅས་པའི་རྗེས་སུ་གནང་བ་རྗེས་བཅས་འབྱུང་ངོ་། །དགག་དགོས་ལོག་པ་ལ་ཞུགས་པའི་ཚེ་ན་དགག་པ་ལས་སྒྲུབ་པ་རྗེས་བཅས་དང་སྒྲུབ་པ་ལས་དགག་པ་རྗེས་བཅས་འབྱུང་ངོ་། །དགག་དགོས་ལོག་པ་དེ་ལ་ཡང་གཉིས་ཏེ། ངེས་པ་བཞིར་དགག་དགོས་ལོག་པ་དང་། ངེས་པ་བཞི་ལས་གཞན་དུ་དགག་དགོས་ལོག་པའོ། །ངེས་པ་བཞིར་ནི་དགག་དགོས་ལོག་ཙམ་གྱིས་བཅས་པ་ལྡོག་སྟེ། དེ་ཡང་ཡུལ་ངེས་པ་ནི་ཨསྨ་པ་རན་ཏར་ཁྲུས་ཇི་ཙམ་བྱེད་ཀྱང་ལྟུང་བ་མེད་པ་ལྟ་བུའོ། །དུས་ངེས་པ་ནི་ཟླ་བ་ཕྱེད་ཅིང་ཁྲུས་བྱེད་པ་ལ་ལྟུང་བ་མེད་པ་ལྟ་བུའོ། །དངོས་པོ་ངེས་པ་ནི་རྡོའམ་སོ་ཕག་རིམ་པ་གསུམ་ལས་ལྷག་པར་བརྩིགས་ཀྱང་ལྟུང་བ་མེད་པ་ལྟ་བུའོ། །གང་ཟག་ངེས་པ་ནི་བ་ལང་བདག་ལྟ་བུ་མིད་པ་གཉིས་པས་ཕྱི་དྲོ་སྒྲེགས་པ་མིད་པ་ལ་ལྟུང་བ་མེད་པ་ལྟ་བུའོ། །དེ་ལྟར་ངེས་པ་བཞིར་ནི་དགག་བྱའི་ཤུལ་དུ་དགོས་པའི་རྒྱུ་མཚན་ཞུགས་ན་དགག་བཅས་ལས་སྒྲུབ་བཅས་སུ་འགྱུར་ཏེ། སྔར་གྱི་དགག་བཅས་ཀྱི་རྒྱུ་མཚན་དོར་ནས། སྒྲུབ་བཅས་རྣམ་པར་འཇོག་བྱེད་ཀྱི་དགོས་པའི་རྒྱུ་མཚན་ཞུགས་པའི་ཕྱིར་རོ། །སྐབས་འདིར་ཊཱི་ཀ་ལས་ཞག་བཅོ་ལྔ་ཁྲུས་ཀྱི་ཉིན་མོ་ལ་ཁྲུས་བྱ་བ་གང་ཡིན་པ་དེ་ནི་གྲགས་པ་ཡིན་པས། དེར་ཁྲུས་བྱ་བ་ལ་ནི་དུས་བྱིན་གྱིས་བརླབ་པར་བྱ་མི་དགོས་སོ་ཞེས་གསུངས་པ་དེ། ངེས་པ་བཞི་པོ་གཞན་ལ་ཡང་དུས་བྱིན་གྱིས་བརླབ་མི་དགོས་པར་སྦྱར་ཏེ་དེ་ལྟར་ན་ངེས་པ་བཞི་པོ་གང་རུང་རེ་རེས་ཀྱང་བཅས་པའི་ས་མཚམས་ཟིན་ཏོ། །དུས་དྲན་པ་ལ་སོགས་པ་བཅས་པའི་ས་མཚམས་འཛིན་བྱེད་གཞན་མི་དགོས་སོ། །དམིགས་བསལ་ནི། ཡུལ་ངེས་པ་བྱང་གི་སྒྲ་མི་སྙན་དུ་བྱིན་ལེན་མ་བྱས་པར་ཟ་བ་ལ་ནི་དུས་བྱིན་གྱིས་བརླབ་དགོས་པར་ལུང་དང་བྱིན་ལེན་གྱི་ཊཱི་ཀ་ལས་གསུངས། གནས་དེར་བྱིན་ལེན་མ་བྱས་པར་ཟ་བའི་ལྟུང་བ་དངོས་དེ་མི་འབྱུང་ཡང་དུས་དྲན་པར་མ་བྱས་ན་བསླབ་བྱའི་ཉེས་བྱས་འབྱུང་བའོ། །གཉིས་པ་ངེས་པ་བཞི་ལས་གཞན་དུ་ནི་དགག་དགོས་ལོག་པ་ཙམ་གྱིས་བཅས་པ་མི་ལྡོག་སྟེ། ལུང་རྣམ་འབྱེད་ལས་དགེ་སློང་གསལ་བ་དང་དགེ་སློང་མ་གསལ་མའི་བྱུང་བ་དང་།་་་་་ལས་གནས་ངན་ལེན་མ་བརྗོད་ན་ཁྱིམ་པ་རྣམས་

༼༡༥༥༽

མ་དད་པ་སྐྱེ་བའི་དགག་བྱ་འབྱུང་སྟེ། དགག་དགོས་ལོག་ཀྱང་། དགག་བྱ་སོ་ན་གནས་སོ། །དེའི་ཚེ་ནའང་གནས་ངན་ལེན་བརྗོད་དུ་རུང་བ་དེ་བསྐོ་བའི་ཆོ་ག་ལ་ལྟོས་པར་གསུངས་པས་མ་བསྐོས་ན་དེའི་ཚེ་ནའང་གནས་ངན་ལེན་བརྗོད་དུ་མི་རུང་བར་གྲུབ། གནས་ངན་ལེན་མ་བརྗོད་ན། མ་དད་པ་སྐྱེ་བའི་དགག་བྱ་བྱུང་ནའང་གནས་ངན་ལེན་མི་བརྗོད་པའོ། བསྐོ་བ་མ་བྱས་པ་ལའོ་ཞེས་གསུངས་པས་གྲུབ་བོ། །རིགས་པས་ཀྱང་བྱ་བ་དེ་འབྲེལ་གྱི་དགག་དགོས་ལོག་ཙམ་གྱིས་བཅས་པ་ལྡོག་ཅིང་དགག་བཅས་ལས་སྒྲུབ་བཅས་སུ་འགྱུར་ན་ནི། བཅས་པ་ཧ་ཅང་མི་བརྟན་པའི་སྐྱོན་དུ་འགྱུར་བའི་ཕྱིར་བྱ་བ་དེ་འབྲེལ་གྱི་དགག་དགོས་ལོག་ཙམ་གྱིས་བཅས་པ་མི་ལྡོག་གོ །ངེས་པ་བཞི་ལས་གཞན་དུ་ཡང་དགག་དགོས་ལོག་པའི་སྟེང་དུ་་་་་་གནས་ངན་ལེན་བརྗོད་པ་བསྐོ་བའི་ཆོ་ག་ལྟ་བུ། བཅས་པའི་ས་མཚམས་འཛིན་བྱེད་ཡོད་ན་ནི་བཅས་པ་ལྡོག་སྟེ། གནས་ངན་ལེན་བརྗོད་པའི་དགག་དགོས་ལོག་ཅིང་། བཅས་པའི་ས་མཚམས་འཛིན་བྱེད་དུ་གནས་ངན་ལེན་བརྗོད་པ་བསྐོ་བའི་ཆོ་ག་བྱས་ན། སྔར་ནི་གནས་ངན་ལེན་བརྗོད་པ་དགག་པར་བཅས་ཀྱང་། ཕྱིས་གནས་ངན་ལེན་བརྗོད་པ་སྒྲུབ་བཅས་སུ་འགྱུར་ཏེ། དེའི་ཚེ་ན་གནས་ངན་ལེན་མི་བརྗོད་ན་ཉེས་པ་བསྐྱེད་པ་ལྟ་བུའོ། །གཉིས་པ་ཁྱད་པར་གྱི་ཆོས་ལྟུང་བ་ཆེ་ཆུང་ངེས་པར་བྱ་བ་ནི་ངེས་པ་བཞིར་དགག་དགོས་ལོག་སྟེ། དགག་བཅས་ལས་སྒྲུབ་བཅས་སུ་གྱུར་ན། སྔར་གྱི་དགག་བཅས་ལས་འདས་པའི་ལྟུང་བ་དང་ཕྱིས་ཀྱི་སྒྲུབ་བཅས་ལས་འདས་པའི་ལྟུང་བ་དེ་གཉིས་ལྟུང་བ་མཉམ་པོར་འབྱུང་སྟེ། ཊཱི་ཀ་ལས། ཡུལ་གང་ན་བལ་དཀར་པོ་རིན་ཆེ་ཞིང་དཀོན་ལ། སྲིན་བལ་དང་བལ་ནག་པོ་རིན་ཆུང་ཞིང་སིན་ཏུ་མོད་པ་དེར་ནི་སྲིན་བལ་དང་བལ་ནག་པོའི་གནས་སུ་བལ་དཀར་པོ་རིག་པར་བྱའོ་ཞེས་པ་དང་། རང་གི་རྣམ་བཤད་ལས། བལ་ནག་པོ་འབའ་ཞིག་ལ་ལྟུང་བ་མེད་དེ། དཀར་པོ་ལ་ནི་ལྟུང་བ་ཡོད་དོ་ཞེས་གོ་ལྡོག་ནས་་་་་་ཡུལ་ཨསྨ་པ་རན་ཏ་དང་། ཚད་པ་མཉམ་པའི་ཡུལ་ངེས་པ་འགའ་ཞིག་ན་ཡུལ་ཁམས་དེ་ན་ཡུལ་མི་ཐམས་ཅད་ཉིན་རེ་བཞིན་ཁྲུས་བྱེད་པའི་ཡུལ་ཆོས་ཡོད་པའི་དབང་དུ་བྱས་ནས། དེར་དགེ་སློང་གིས་ཉིན་རེ་བཞིན་ཁྲུས་མ་བྱས་ན་ཡུལ་ཆོས་དང་འགལ་ཞེས་དགེ་སློང་ལ་ཡུལ་མི་ཐམས་ཅད་མ་དད་ཅིང་སྡིག་རྐྱེན་དུ་འགྱུར་ན། དེའི་ཚེ་ན་ཡུལ་དེར་དགེ་སློང་གིས་ཉིན་རེ་བཞིན་ཁྲུས་བྱའམ་མི་བྱ་སྙམ་ན་ཡུལ་ངེས་པར་དགག་དགོས་ལོག་པས་དགག་བཅས་སྒྲུབ་བཅས་སུ་གྱུར་པ་སྟེ། དེར་

༼༡༥༦༽

དགེ་སློང་གིས་ཉིན་རེ་བཞིན་ཁྲུས་མི་བྱེད་ན་འདུལ་བ་མདོར་བསྡུས་ལས་འདས་པའི་ལྟུང་བྱེད་སྐྱེད་པ་ལྟ་བུ་སྟེ། བརྗོད་དེ་ཞེས་བཤད་དོ། །བལ་ནག་པོ་ལ་བརྟེན་ནས་ལྟུང་བ་བསྐྱེད་པ་ལས་སྐབས་འདིར་ནི་བལ་དཀར་པོ་ལ་བརྟེན་ནས་ལྟུང་བ་བསྐྱེད་ཅེས།་་་་་གཞི་དཀར་ནག ལྡོག་པའི་ལྟུང་བ་མཉམ་པོར་གསུངས་པའི་གནད་ཀྱིས། བྱས་ན་ལྟུང་བ་བསྐྱེད་པ་ལས་སྐབས་འདིར་ནི་བྱ་བ་དེ་མ་བྱས་ན་ལྟུང་བ་བསྐྱེད་ཅེས།་་་་་བྱ་བ་དགག་སྒྲུབ་ལྡོག་པའི་ལྟུང་བ་ཡང་མཉམ་པོར་འོང་སྟེ། བཅས་པ་རྣམ་འཇོག་གི་རྒྱུ་མཚན་མཚུངས་པའི་ཕྱིར་རོ། །ངེས་པ་བཞི་ལས་གཞན་དུ་ནི་དགག་དགོས་ལོག་པའི་སྟེང་དུ་བཅས་པའི་ས་མཚམས་འཛིན་བྱེད་ཀྱང་ཡོད་པར་འགྱུར་ཏེ། དགག་བཅས་ལས་སྒྲུབ་བཅས་སུ་གྱུར་པ་ལྟ་བུ་ལ་ནི། སྔར་བཅས་ཀྱི་ལྟུང་བ་བས་རྗེས་བཅས་ཀྱི་ལྟུང་བ་ན་སྨད་པར་འགྱུར་ཏེ། སྔར་བཅས་ལ་གནས་ངན་ལེན་བརྗོད་ན་ལྟུང་བྱེད་དུ་འགྱུར་ཡང་། རྗེས་བཅས་ལ་གནས་ངན་ལེན་མ་བརྗོད་པ་ལ་ནི་ཉེས་བྱས་སུ་འགྱུར་གྱི་ལྟུང་བྱེད་དུ་མི་འགྱུར་ཏེ། གནས་ངན་ལེན་མ་བརྗོད་པས་མ་དད་པ་སྐྱེ་བ།་་་་་འབྱུང་རིང་འབྲེལ་ཆུང་དགག་བྱ་གནས་སྐབས་ཀྱི་སྒོ་ནས་མི་རྫོགས་པའི་ཕྱིར་རོ། །དཔེར་ན་དགེ་སློང་མས་ཡང་ཡང་ཟ་བ་ལ་ལྟུང་བྱེད་མི་བསྐྱེད་པའི་རྒྱུ་མཚན་དུ་ཊཱི་ཀ་ལས་དགེ་སློང་མ་རྣམས་ནི་ཤས་ཆེར་མཆོད་པར་བྱ་བ་མ་ཡིན་པའི་ཕྱིར་རོ་ཞེས་གསུངས་པ་བཞིན་ནོ།་་་་་སྲོག་ཆགས་བརྒྱ་སྟོང་ཡོད་པའི་སྔོ་སྲད་མའི་ཕུང་པོ་རྡོ་བས་ནོན་ལ་ཁང་འདུག་སྟེ། རུང་བར་བྱེད་པ་ནི་མེད་ན། དགེ་སློང་གིས་སྐྱེ་བ་དེ་བཅད་ན་ལྟུང་བྱེད་བསྐྱེད་དམ། འོན་ཏེ་སྐྱེ་བ་དེ་བཅད་ནས་དེ་བས་མི་གནོད་པའི་སྔོ་ཁྲོད་ལེགས་པར་བསྐྱལ་བྱ་ཞེ་ན། དེའི་ཚེ་ན་དུས་དྲན་བྱས་ཏེ་གཞི་དེའི་སྐྱེ་བ་གཅོད་དགོས་པ་ལས། གཞི་དེའི་སྐྱེ་བ་མ་བཅད་ན། འདུལ་བ་མདོར་བསྡུས་ལས་འདས་པའི་ལྟུང་བ་ན་སྨད་དུ་འགྱུར་གྱི་ལྟུང་བྱེད་དངོས་གཞིར་མི་འགྱུར་ཏེ། སྐྱེ་བ་མ་བཅད་པས་སྲོག་ཆགས་ལ་གནོད་པ་འབྱུང་རིང་པས་དགག་བྱ་གནས་སྐབས་ཀྱི་སྒོ་ནས་མི་རྫོགས་པའི་ཕྱིར་ཞེས་ཀྱང་སྦྱར་རོ། །འོ་ན་སྔར་བཅས་ཀྱི་ལྟུང་བ་བས་རྗེས་བཅས་ཀྱི་ལྟུང་བ་ན་སྨད་དུ་འགྱུར་ན། སྔར་བཅས་ལ་དགེ་སློང་མས་དགེ་སློང་ལ་ཕྱག་བྱ་དགོས་པ་ན་ཕྱག་མ་བྱས་ན་ཉེས་བྱས་སུ་འགྱུར་བ་ལས་རྗེས་བཅས་དགེ་སློང་གནས་ནས་ཕྱུངས་པ་ལ་ཕྱག་འཚལ་བ་བཀག་པ་ན། ཕྱག་བྱས་པ་ལ་བརྟེན་ནས་བཟློག་པའི་ཕམ་པ་བསྐྱེད་པས། སྔར་བཅས་ཀྱི་ལྟུང་བ་བས་རྗེས་བཅས་ཀྱི་ལྟུང་བ་ཆེ་བ་དང་འགལ་ཞེ་ན། དེ་ནི་དམིགས་བསལ་ཡིན་ནོ་ཞེས་གསུང་ངོ་།་་་་་ཁ་ཅིག་ན་རེ་སྔར་ཕྱག་མ་བྱས་ན་ཉེས་བྱས་དང་ཕྱིས་ཕྱག་བྱས་པ་ཙམ་ནའང་ཉེས་བྱས་ཏེ་གཉིས་ཀ་ཉེས་བྱས་མཉམ་

༼༡༥༧༽

པོ་ཡིན་པས་འགལ་བ་མེད་དོ། །བཟློག་པའི་ཕམ་པ་ནི་རྐྱེན་བཟློག་པ་དང་འབྲེལ་བ་སྟེ་ཕྱག་བྱས་པ་ཙམ་གྱིས་ལྟུང་བ་ནི་མ་ཡིན་ནོ་ཞེས་ཟེར་རོ། །བཀག་པ་ནི་དགག་བྱ་དང་ལྡན་པ། སྲོག་ལ་བབ་ཀྱང་མ་གནང་བ་སྟེ། ཊཱི་ཀ་ལས། བཀག་པ་ཞེས་བྱ་བ་ནི་སྲོག་ལ་བབ་ཀྱང་གཞི་འདི་རྣམ་པ་ཐམས་ཅད་དུ་མི་བྱའོ་ཞེས་བྱ་བ་སྟེ། དཔེར་ན་ང་ལ་སྟོན་པར་སྨྲ་བ་རྣམས་ཀྱིས་ཐ་ན་རྩྭའི་མཆོག་མས་ཀྱང་་་་་་མཛོད་འགྲེལ་ལས་རྩྭའི་རྩེ་མོས་ཀྱང་། ཆང་མི་བླུད་མི་བཏུང་ངོ་། །ཞེས་གསུངས་པ་དང་། སྲོག་གཅོད་པ་ལ་སོགས་པ་རང་བཞིན་གྱི་ཁ་ན་མ་ཐོ་བ་དང་བཅས་པ་མི་བྱའོ་ཞེས་གསུངས་པ་ལྟ་བུའོ་ཞེས་སོ། །གནང་བ་ཞེས་པ་ནི་དགག་དགོས་ཀྱི་རྒྱུ་མཚན་དང་མི་ལྡན་པ་ཅི་དགར་སྤྱད་པར་གནང་བ་སྟེ། ཊཱི་ཀ་ལས། གནང་བ་ཞེས་བྱ་བ་ནི་ཅི་དགར་སྤྱད་པའི་ཡུལ་ལ་བྱ་བ་གང་ཡང་རུང་བ་ཞིག་མི་བྱེད་དམ་བྱེད་ན་ལྟུང་བ་ཞེས་བྱ་བའི་ཉེས་པ་མེད་པ་སྟེ། དཔེར་ན་ཕས་ཀྱི་རྒོལ་བ་ཚར་བཅད་པའི་ཕྱིར། ཕྱི་རོལ་པའི་བསྟན་བཅོས་བཀླག་པར་ངས་རྗེས་སུ་གནང་ངོ་ཞེས་གསུངས་པ་ལྟ་བུའོ་ཞེས་སོ།་་་་་བྱུང་བ་དང་བཅས་པ་ཞེས་པའི། །ལྔ་པ་འདི་དང་འོག་ནས་ལྟུང་བ་དང་་་་་་ལྟུང་བ་མ་ཡིན་པ་དང་། ཞེས་བྱ་བ་ལ་སོགས་པའི་ལྔ་པས་ནི་འདུལ་བ་འབའ་ཞིག་ཤེས་པ་ཉིད་བསྟན་ཏོ་ཞེས་ཊཱི་ཀ་ལས་བཤད་དོ། །ཊཱི་ཀ་ལས། བར་དུ་གཅོད་པ་ནི་འདུལ་བ་ལས་སྲོག་གཅོད་པ་ལ་སོགས་པ་བྱ་བ་མ་ཡིན་པ་གང་ཡིན་པ་སྟེ་དེ་ནི་བར་དུ་གཅོད་པར་ནུས་པའི་ཕྱིར་རོ་ཞེས་སོ། །འགྲེལ་ཆུང་ལས། སྡིག་ཏུ་འགྱུར་ཞིང་དགྲ་བཅོམ་པའི་རིམ་པར་འགྱུར་བ་ལ་བར་དུ་གཅོད་པ་ལ་བྱ་ཞེས་པས་སྡིག་པ་དང་ཉོན་མོངས་པ་རྣམས་སོ། །དེ་དག་ལས་བཟློག་པ་བར་དུ་གཅོད་པ་མ་ཡིན་པ་སྟེ་བསྒྲུབ་པར་བྱ་བ་གང་ཡིན་པ་དེ་དག་མངོན་པར་ཤེས་པ་ཉིད་དང་། བར་དུ་གཅོད་མི་གཅོད་གཉིས་པོ་དེ་དག་གཞན་ལ་སྨྲ་ཞིང་གོ་བར་བྱེད་པ་ལ་མཁས་པའི་སྨྲ་བ་པོ་ཉིད་དང་། རྗེས་སུ་སྟོན་པ་ནི་རང་ཉིད་ཚུལ་བཞིན་དུ་གནས་པའི་རྗེས་སུ་སྟོན་པ་སྟེ་སློབ་མ་ལ་སོགས་པ་རྣམས་ཉེས་པ་ལས་རྣམ་པར་བཟློག་ཅིང་དགེ་བ་ལ་སྦྱོར་བ་ཉིད་དེ། དེ་ལྟར་ཡང་ཊཱི་ཀ་ལས། སློབ་མ་ལ་སོགས་པ་དང་།་་་་་མི་དགེ་བ། བྱ་བ་མ་ཡིན་པ་་་་་་འཇུག་པར་འདོད་པ། དག་ལས་་་་་་བཟློག་སྟེ་དགེ་པ་ལ། ལེགས་པར་འཇོག་པ་དང་། རྗེས་་་་་་དེ་ལ་བསྔགས་པ་བརྗོད་ཅིང་། སུ་མཐུན་པ་དང་། རྣམ་་་་་་མ་ཡིན་པ་ལ་ཞུགས་ཟིན་འཕྲོ་བཅད་པའི་ཕྱིར། བྱ་བ་པར་བཟློག་པ་དང་། རྗེས་་་་་་དེ་ལ་བསྔགས་

༼༡༥༨༽

པ་བརྗོད་ཅིང་། སུ་མཐུན་པར་སྨྲ་བ་ཉིད་དང་།་་་་་ཐོས་བསམ་སྒོམ་པ་ལ་སོགས་པའི། བྱ་བ་དག་ལ་རྗེས་སུ་སྒྲུབ་པ་ལ་འཇུག་པ་དང་། རྗེས་་་་་་སྒྲུབ་པ་ལ་འཇུག་པ་དེ་ལ་བསྔགས་པ་བརྗོད་ཅིང་། སུ་མཐུན་པར་སྨྲ་བ་ཉིད་དེ་ཞེས་ཚིག་དྲུག་གསུངས་སོ།་་་་་མཁན་པོ་དེ་ཡུལ་ཐག་རིང་པོ་གཞན་དུ་འགྲོ་ན། སྡེ་སྣོད་འཛིན་པ་གཞན་ལ་རང་གི་སློབ་མ་ཡུན་རིང་དུ་གནས་འཆར་འཇུག་ནུས་པ་དང་། མཁན་པོ་དེ་རེ་ཞིག་པའི་བསམ་པས་ཡུལ་གཞན་དུ་འགྲོ་བའམ། གནས་དེ་ཉིད་ན་སྤོ་བ་སྤྱོད་པ་ལ་སོགས་པའི་དབང་ཤེས་འདུག་པ་ན་རང་གི་སློབ་མ།་་་་་ཡུན་ཐུང་དུ་རེ་ཞིག་གི་གནས་འཆར་འཇུག་ནུས་པ་ཉིད་དང་ཡང་སྦྱར་རོ། །ཁ་ཅིག་ན་རེ་དེ་གཉིས་ནི་གནས་སུ་བཟུང་བའི་ཆོ་ག་དང་བཅས་ཏེ་གནས་འཆར་འཇུག་པ་དང་་་་་་གནས་སུ་གཟུང་བའི་ཆོ་ག་མ་བྱས་ཀྱང་། རེ་ཞིག་གི་བྱ་བ་ཞུ་བའི་ཡུལ་གནས་ཙམ་བྱེད་དུ་འཇུག་པ་ཡིན་ཞེས་ཀྱང་འཆད་དོ། །འདི་གཉིས་ནི་གཏོང་ཕོད་ཆེ་བའི་ཆ་ནས་ཡོན་ཏན་དུ་བགྲངས་པ་སྟེ། ཊཱི་ཀ་ལས། འཆར་འཇུག་པ་ནུས་པ་ཉིད་ནི་ཕོད་པ་ཉིད་དོ་ཞེས་སོ། །ལྟུང་བ་ནི་རང་བཞིན་དང་བཅས་པའི་ཁ་ན་མ་ཐོ་བ་ཐམས་ཅད་དེ། བཅས་པ་རྣམས་ཀྱང་ཁྱད་གསོད་དང་འབྲེལ་བའི་ཉེས་པས་ངན་སོང་དུ་ལྟུང་སྟེ། ལྕི་ཡང་བསྟན་པའི་མདོ་ལས། ཁྱད་དུ་གསོད་པའི་རྒྱུ་རྐྱེན་གྱིས། །ཚེ་ཡིས་དུས་བྱས་ངན་སོང་ལྟུང་། །ཞེས་གསུངས་ལ། དུས་མ་ཡིན་པར་ཟ་བ་དང་ཆང་འཐུང་བ་ལ་སོགས་པ་རྣམས་ལ་ཡང་། ལུང་རྣམ་འབྱེད་ལས་སྲེག་པར་བྱེད་འཚེད་པར་བྱེད་ལྟུང་བར་བྱེད་པའོ་ཞེས་གསུངས་སོ། །ལྟུང་བ་མ་ཡིན་པ་ནི་སྒྲུབ་པ་དང་གནང་བའི་བྱ་བ་རྣམས་སོ། །ཡང་བ་དང་ལྕི་བ་ཞེས་པ་ལྕི་ཡང་གི་ཆོས་དྲུག་སྟེ་ལྔ་དང་གཅིག་གོ །ལྔ་ནི་འདུལ་བ་བསྡུ་བ་ལས། ལྟུང་བ་རྣམས་ཀྱི་ཆུང་ལ་སྩོགས། །རྣམ་པ་ལྔར་ནི་རིག་པར་བྱ། །ངོ་བོ་ཉིད་དང་བྱེད་པ་དང་། །བསམ་དང་གཞི་དང་ཚོགས་པའོ། །ཞེས་གསུངས་ཏེ། ངོ་བོའི་སྒོ་ནས་ལྕི་ཡང་དུ་ཕྱེ་ན་ཕམ་པ་ནི་ལྕི། དགེ་འདུན་ལྷག་མ་ནི་འབྲིང་དང་། དེ་གཉིས་ལས་གཞན་ནི་ཡང་བ་ཡིན་ནོ་ཞེས་་་་་་སློབ་དཔོན་ཐོགས་མེད་ཀྱི་འདུལ་བ་བསྡུ་བ་ལས་གསུངས་སོ། །དེ་རྣམས་ནི་གཙོ་ཆེར་ཆད་པ་ལྕི་ཡང་གི་དབང་དུ་བྱས་པ་སྟེ་སྤྱིར་བཏང་ཡིན་ནོ། །དམིགས་བསལ་ནི་ངོ་བོ་ལྕི་ཡང་གི་དབང་དུ་བྱས་ན་འཆབ་པའི་ཕམ་པ་བས་ནི་དགེ་འདུན་གྱི་དབྱེན་བྱེད་པའི་ལྷག་མ་ལྕི་བའམ་གཅིག་པུ་ལམ་དུ་འགྲོ་བའི་ལྷག་མ་བས་ཀྱང་དུད་འགྲོ་བསད་པའི་ལྟུང་བྱེད་ལྕི་བ་ཡོད་དེ། སློབ་དཔོན་ཁྱད་པར་བཤེས་གཉེན་གྱི།་་་་་འདུལ་

༼༡༥༩༽

བ་བསྡུས་པ་ལས། དུད་འགྲོའི་སྲོག་གཅོད་པའི་ལྟུང་བ་ནི་ལྕི་ཡི་དགེ་འདུན་ལྷག་མ་ནི་དེ་ལྟ་མ་ཡིན་ནོ་ཞེས་བཤད་དོ། །རྣམ་གྲངས་གཞན་ཡང་རང་བཞིན་གྱི་ཁ་ན་མ་ཐོ་བ་་་་་་འདི་ངོ་བོ་ཉིད་ཀྱིས། ལྕི་ལ། བཅས་པའི་ཁ་ན་མ་ཐོ་བ་་་་་་ངོ་བོ་ཉིད་ཀྱིས། ཡང་བའོ། །བྱེད་པའི་སྒོ་ནས་ལྕི་ཡང་ནི། མ་གུས་པས་བྱས་པ་ལྕི། ཉོན་མོངས་པ་མང་བས་བྱས་པ་འབྲིང་། མི་ཤེས་པ་དང་བག་མེད་པས་བྱས་པ་ཡང་བ་ཡིན་ནོ། །བསམ་པའི་སྒོ་ནས་ལྕི་ཡང་ནི། ཞེ་སྡང་ལྟ་བུའི་ཉོན་མོངས་པ་ཆེ་འབྲིང་ཆུང་གསུམ་ལས་ལྟུང་བ་ལྕི་ཡང་གསུམ་འབྱུང་ངོ་། །གཞིའི་སྒོ་ནས་ལྕི་ཡང་ནི། སྲོག་གཅོད་པ་ལྟ་བུ་སྤྱིར་བཏང་ལ། གཞི་མི་དང་མི་མིན་དང་དུད་འགྲོ་གསུམ་ལ་ལྟུང་བ་ལྕི་ཡང་གསུམ་འབྱུང་ངོ་།་་་་་གཞིའི་སྒོ་ནས་ལྕི་ཡང་ནི་བྱེ་བྲག་ཕ་མའམ་དགྲ་བཅོམ་པ་བསད་པའི་ལྟུང་བ་ལྕི་དེ་ལས་གཞན་པའི་མི་བསད་པ་འབྲིང་དང་དུད་འགྲོ་བསད་ན་ལྟུང་བྱེད་སྔ་མ་གཉིས་ལས་ཡང་བའོ། །ཚོགས་པའི་སྒོ་ནས་ལྕི་ཡང་ནི་ལྟུང་བ་གཅིག་དང་གཉིས་ཡང་། གསུམ་ནས་གྲངས་ཤེས་པ་འབྲིང་། གྲངས་མི་ཤེས་པ་ལྕི་བ་སྟེ། ལྟུང་བ་གསུམ་དུ་ལོངས་ཏེ་མང་པོ་ཉིད་ནི་ཆད་ཤིན་ཏུ་མང་པོ་དང་ལྡན་ན་ཞེས་སོ། །ལྟུང་བའི་གྲངས་ངེས་པར་མི་ཤེས་ན་དེ་དཔག་ཏུ་མེད་པ་ལ་བརྟེན་ཞེས་པ། རྩ་འགྲེལ་འདིའི་ལུགས་སོ། །སློབ་དཔོན་ཐོགས་མེད་ཀྱི་འདུལ་བ་བསྡུ་བ་ལས་ལྟུང་བ་གཅིག་དང་གཉིས་ནས་ལྔའི་བར་དུ་བྱུང་བ་ནི་ཡང་བའོ། །དེ་ཡན་ཆད་ལྟུང་བ་གྲངས་ཤེས་པ་འབྲིང་། ལྟུང་བ་གྲངས་ཤེས་པར་མི་ནུས་པ་ལྕི་བར་བཤད་དོ། །གང་ཟག་གི་སྒོ་ནས་ལྕི་ཡང་ནི་འདུལ་བ་བསྡུས་པ་ལས། གང་ཟག་ནི་དགེ་བའི་རྩ་བས་མ་བརྟན་པ་བླུན་པོའི་རྒྱུད་དེ་ལྕི་བའོ། །དེ་ལས་གཞན་པ་ནི་ཡང་བའོ་ཞེས་བཤད་དོ། །ལྡང་བའི་ཐབས་ལ་མི་མཁས་པའི་ཕྱིར་དང་མཁས་པའི་ཕྱིར་ཏེ། མཛོད་འགྲེལ་ལས་ཀྱང་། མི་མཁས་པས་ནི་སྡིག་པ་ཆུང་ངུ་བྱས་ནའང་འོག་ཏུ་འགྲོ། མཁས་པས་ཆེན་པོ་བྱས་ཀྱང་གནོད་པ་རབ་ཏུ་སྤོང་བར་འགྱུར། ལྕགས་ཀྱི་གོང་བུ་ཆུང་ཡང་ཆུའི་གཏིང་དུ་འབྱིང་འགྱུར་ལ། དེ་ཉིད་སྣོད་དུ་བྱས་ན་ཆེ་ཡང་སྟེང་དུ་འཕྱོ་བར་འགྱུར་ཞེས་བཤད་དོ། །རྣམ་གྲངས་གཞན་ཡང་མི་ཤེས་པ་དང་ཤེས་བཞིན་པའི་ལྟུང་བ་ནི་ཡང་པ་དང་ལྕི་བ་སྟེ། ཁྱད་གསོད་དང་མ་འབྲེལ་བའི་ཕྱིར་དང་འབྲེལ་བའི་ཕྱིར་རོ། །ཊཱི་ཀ་ལས། ཡང་བ་དང་ལྕི་བ་མངོན་པར་ཤེས་པ་ཉིད་ནི་ཉེས་པ་སྦོམ་པོ་བཤགས་པ་ལ་དགོངས་ཏེ་འདི་ལྟར་ཉེས་པ་སྦོམ་པོ་ཁ་ཅིག་ནི་མཚམས་ཀྱི་

༼༡༦༠༽

ནང་དུ་དགེ་འདུན་ཐམས་ཅད་འཚོགས་པ་ལ་བཤགས་པར་བྱ་བ་ཡིན། ཁ་ཅིག་ནི་མཚམས་ཀྱི་ཕྱི་རོལ་ཏུ། ཁ་ཅིག་ནི་བདུན་ལ་ཁ་ཅིག་ནི་ལྔ་ལ། ཁ་ཅིག་ནི་བཞི་ལ་བཤགས་པར་བྱ་བ་ཡིན་པའི་ཕྱིར་རོ་ཞེས་པ་ནི། ཕམ་ལྷག་གི་སྦོམ་པོ་ལྕི་བ་མཚམས་ཀྱི་ནང་དུ་བཤགས་པར་བྱེད་ན་ནི་དགེ་འདུན་གུད་དུ་གཅད་དུ་མི་རུང་བས་དགེ་འདུན་ཐམས་ཅད་འཚོགས་པ་ལའོ།་་་་་ལུང་འདུལ་བྱེད་ལས་ཕམ་པའི་སྦོམ་པོ་ལྕི་བ་ནི་མཚམས་ཀྱི་ནང་དུ། དགེ་འདུན་ཐམས་ཅད་ཀྱི་མདུན་དུ་བཤགས་པར་བྱའོ། །ཕམ་པའི་སྦོམ་པོ་ལྕི་བ་མཚམས་ཀྱི་ཕྱི་རོལ་ཏུ་བཤགས་པ་བྱེད་ན་ནི་དྲུག་ལའོ། །སྦོམ་པོ་གཞན་རྣམས་ནི་མཚམས་ཀྱི་ཕྱི་རོལ་ཏུ་བཤགས་སུ་རུང་ངོ་།་་་་་ལུང་འདུལ་བྱེད་ལས། ཕམ་པའི་སྦོམ་པོ་ཡང་བ་ནི་མཚམས་ཀྱི་ཕྱི་རོལ་ཏུ་དགེ་སློང་བཞིའི་མདུན་དུ་བཤགས་པར་བྱའོ། །ཞེས་བཤད་དེ་ཕྱི་རོལ་ཏུ་ཡང་བཤགས་སུ་རུང་ཞེས་པའོ། །བདུན་ལ་ཞེས་བྱ་བ་འདི་ལ་བླ་མ་རྣམས་ནི་ཕམ་པའི་སྦོམ་པོ་ལྕི་བ་དགེ་སློང་དྲུག་ལ་དང་། ལྷག་མའི་སྦོམ་པོ་ཡང་བ་དགེ་སློང་གཅིག་ལ་བཤགས་པ་སྟེ། དེ་གཉིས་ཀའི་བཤགས་ཡུལ་བགྲངས་ན་བདུན་ཡིན་པ་ལ་དགོངས་པའམ། ཕམ་པའི་སྦོམ་པོ་ལྕི་བ་བཤགས་ན་ཡུལ་དགེ་སློང་དྲུག་དགོས་པ་ལ་མཚམས་ནང་དེ་ན་དགེ་སློང་བདུན་འདུག་ན་གུད་དུ་མ་བཅད་པ་ལ་དགོངས་སོ་ཞེས་གསུང་ངོ་། །འོན་ཀྱང་ཕམ་པའི་སྦོམ་པོ་ལྕི་བ་ནི་དྲུག་ལ་བཤགས་པར་མདོ་རྩ་འགྲེལ་ལས་བཤད་པ་ལས། ཊཱི་ཀའི་སྐབས་འདི་ན་དྲུག་ལ་ཞེས་པ་འདི་ཡེ་མི་སྣང་བར། བདུན་ལ་ཞེས་བྲིས་སྣང་སྟེ་དྲུག་ལ་ཞེས་པ་ལ། བདུན་ལ་ཞེས་ཊཱི་ཀ་ལ་ཡི་གེ་ནོར་བར་ངེས་སོ།་་་་་བདུན་ལ་ཞེས་གཞི་འགྲེལ་ནའང་སྣང་སྟེ། འགའ་ཞིག་གིས་རྒྱ་ཆེར་འགྲེལ་གྱི་ཡི་གེ་དང་བསྟུན་ཏེ་ཕྱིས་བཅོས་པར་གསལ་ལོ། །ལྷག་མའི་སྦོམ་པོ་ལྕི་བ་ནི་ལྔ་ལ། ཕམ་པའི་སྦོམ་པོ་ཡང་བ་ནི་བཞི་ལའོ། །སོ་སོ་ཐར་པའི་མདོ་དང་རྒྱས་པ་ལུང་དུམ་བུ་བཞི་སྟེ་འདུལ་བ་མཐའ་དག་བླ་མ་ལ་ཀླག་པའི་བསམ་པས་གཟུང་སྟེ་ཚིག་ཁ་ཏོན་དུ་ཐོན་པ་ཉིད་དོ།་་་་་ཊཱི་ཀ་ལས་སོ་སོ་ཐར་པ་དང་རྒྱས་པ་ཐོན་པ་ཉིད་ནི་ཚིག་ལས་རིག་པར་བྱའོ། །དོན་ལས་ནི་ལྟུང་བ་དང་ལྟུང་བ་མ་ཡིན་པ་ལ་སོགས་པ་ཉིད་ཀྱིས་གྲུབ་པའི་ཕྱིར་རོ། །ཞེས་སོ། །རང་བས་བསླབ་པ་རྒན་པ་ལྔ་ཕྲུགས་དང་ལྡན་པ་མེད་ན་གཞོན་པ་ལ་གནས་བཅས་ཏེ། ལུང་གཞི་ལས། བཙུན་པ་དགེ་སློང་བསྙེན་པར་རྫོགས་ནས་ལོ་དྲུག་ཅུ་ལགས་ལ། དེས་སོ་སོ་ཐར་པའི་མདོ་གདོན་པ་དང་རྒྱས་པར་བཀླགས་པ་དང་ཐོན་པར་མ་ལགས་ན་དེས་ཀྱང་གཞན་ལ་གནས་

༼༡༦༡༽

པས་མཆི་བར་བགྱིའམ། ཉེ་བར་འཁོར་དེས་ཀྱང་གཞན་ལ་གནས་པས་འདུག་པར་བྱའོ་ཞེས་གསུངས་སོ། །ཊཱི་ཀ་ལས། འདིར་ལོ་དྲུག་ཅུ་ལོན་པ་ཉིད་ཀྱང་མཚོན་པ་ཙམ་དུ་ཟད་ཀྱི་ལོ་བརྒྱད་ཅུ་ལོན་པས་ཀྱང་གཞན་ལ་གནས་པས་འདུག་པར་བྱའོ་ཞེས་སོ། །འོ་ན་ལོ་དྲུག་ཅུ་མཚོན་དོན་ཡིན་ན་དྲུག་ཅུས་ཆོག་མོད་བརྒྱད་ཅུ་ལ་མཚོན་ཅི་དགོས། དྲུག་ཅུ་ངེས་དོན་ཡིན་ན་བརྒྱད་ཅུ་ལ་མཚོན་པ་འགལ་ཞེ་ན། མཚོན་དོན་ཡིན་ཡང་བརྒྱད་ཅུ་ལ་མཚོན་པ་ནི་མ་ཤིའི་བར་དུ་གནས་ལ་བརྟེན་དགོས་ཞེས་བསྟན་པ་སྟེ་ཚེ་ལོ་བརྒྱད་པ་ནི་ལོ་ཉི་ཤུ་ན་བསྙེན་པར་རྫོགས་ནས་ལོ་བརྒྱད་ཅུ་ལོན་པ་ན་ལོ་བརྒྱ་ཉེ་བ་སྟེ་ཚེ་ཇི་ཙམ་གནས་ཀྱི་བར་དུ་གནས་ལ་བརྟེན་དགོས་པར་བསྟན་པའོ། །འོ་ན་གནས་ཀྱི་བླ་མ་བསླབ་པ་གཞོན་པ་ལ་སློབ་མ་བསླབ་པ་རྒན་པ་དེས་ཉེ་གནས་ཀྱི་ཚུལ་ཁྲིམས་ཐམས་ཅད་བྱའམ་ཞེ་ན། གནས་པའི་ཚུལ་ཁྲིམས་གཞན་ཐམས་ཅད་བྱ་ཞིང་། ལུས་འདུད་པ་སྟེ་ཕྱག་འཚལ་བ་འབའ་ཞིག་ནི་བྱ་དགོས་པ་མ་གཏོགས་སོ། །འགྲེལ་ཆུང་ལས་རྒན་པས་གཞོན་ནུ་ལ་གནས་བཅས་ན་ལུས་གནས་ལྔ་ས་ལ་གཏུགས་ཏེ་ཕྱག་འཚལ་བ་མ་གཏོགས་པར་ཐལ་མོ་སྦྱར་ཞེས་སོ། །བསྙེན་པར་རྫོགས་ནས་ལོ་བཅུ་མ་ལོན་པར་མི་གནས་པར་འདུག་པར་མི་བྱ་ཞེས་སྔར་སྨོས་ན། བསྙེན་པར་རྫོགས་ནས་ལོ་བཅུ་མ་ལོན་ན་ལམ་དུ་ཞུགས་པས་ཀྱང་མི་གནས་པར་འགྲོ་བར་མི་བྱའམ་ཞེ་ན། བསྙེན་པར་རྫོགས་ནས་ལོ་ལྔ་ལོན་ཞིང་ལྔ་ཚན་དུ་ལྷན་ཅིག་སྦྱར་བ་ཐ་མ་ལྟུང་བ་དང་ལྟུང་བ་མ་ཡིན་པ་དང་ཡང་བ་དང་ལྕི་བ་མངོན་པར་ཤེས་པ་ཉིད་དང་སོ་སོ་ཐར་པ་དང་རྒྱས་པ་ཐོན་པ་སྟེ་ཆོས་ལྔ་པོ་དེ་དག་དང་ལྡན་ན་གནས་མ་བཅས་པར་ལྗོངས་རྒྱུར་འགྲོ་བར་བྱའོ། །འོ་ན་ལྷན་ཅིག་སྦྱར་བ་ཐ་མ་འདི་ངེས་དོན་ཡིན་ནམ། མཚོན་དོན་ཡིན་ཞེ་ན། ཤ་ལུགས་པ།་་་་་ཁ་ཅིག་ན་རེ་མཚོན་དོན་ཡིན་ཏེ་ལྔ་མཚན་གཞན་དང་ལྡན་ཡང་གནས་མ་བཅས་པར་ལྗོངས་རྒྱུར་རུང་ངོ་ཞེས་འཆད་དོ། །འོ་ན་བསྙེན་པར་རྫོགས་ནས་ལོ་ལྔ་ལོན་ཞིང་སྡེ་སྣོད་གསུམ་ཤེས་པའི་ལྔ་ཕྲུགས་དང་ལྡན་པ་གང་ཞིག འདུལ་བ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པ་མ་ཡིན་པ་དེ་ཆོས་ཅན། གནས་མ་བཅས་པར་ལྗོངས་རྒྱུར་རུང་བར་ཐལ། བསྙེན་པར་རྫོགས་ནས་ལོ་ལྔ་ལོན་ཞིང་སྡེ་སྣོད་གསུམ་ཤེས་པའི་ལྔ་ཕྲུགས་དང་ལྡན་པ་ཡིན་པའི་ཕྱིར་རོ། །རྟགས་

༼༡༦༢༽

མ་གྲུབ་ན་ཆོས་ཅན་དང་འགལ། ཁྱབ་པ་མ་གྲུབ་ན་དམ་བཅའ་བུད་ཅིང་། འདོད་ན་ཊཱི་ཀ་ལས། ཇི་སྟེ་ལོ་ལྔ་ལོན་ན་ཡང་ལྷན་ཅིག་སྦྱར་བ་ཐ་མ་དང་མི་ལྡན་ན་དེ་ལྟ་ན་ཡང་འགྲོ་བར་མི་བྱ་སྟེ་ཞེས་འདུལ་བ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པའི་ལྔ་ཚན་དང་ལྡན་པ་མ་ཡིན་ན་གནས་མ་བཅས་པར་ལྗོངས་རྒྱུར་མི་རུང་བར་བཤད་པ་དང་འགལ་ལོ། །ལུང་གཞི་ལས་བཙུན་པ་དགེ་སློང་བསྙེན་པར་རྫོགས་ནས་ལོ་དྲུག་ལགས་ལ། དེས་སོ་སོ་ཐར་པ་དང་རྒྱས་་་་་་ལུང་དུམ་བུ་བཞི། པ་བཀླགས་པ་དང་ཐོན་པ་་་་་་ཚིག་ཁ་ཏོན་དུ། མ་ལགས་ན། དེས་ཀྱང་མི་གནས་པར་ལྗོངས་རྒྱུར་མཆི་བར་མི་བགྱིའམ། ཉེ་བར་འཁོར་མི་བྱ་སྟེ་ཞེས་གསུངས་པ་དང་ཡང་འགལ་ལོ། །འདི་ལ་ཁ་་་་་་ཅིག་བྱ་ལུགས་པ། ན་རེ་ལོ་ལྔ་ལོན་ཞིང་སྡེ་སྣོད་གསུམ་ཤེས་པའི་ལྔ་ཕྲུགས་དང་ལྡན་པ་ལ་འདི་་་་་་གནས་མ་བཅས་པར་ལྗོངས་རྒྱུ་བ། མི་གནང་ངོ་ཞེས་ཟེར་རོ། །འོ་ན་བསྙེན་པར་རྫོགས་ནས་ལོ་ལྔ་ལོན་ཅིང་སྡེ་སྣོད་གསུམ་ཤེས་པའི་ལྔ་ཕྲུགས་དང་ལྡན་པའི་བྱེ་བྲག ལྟུང་བ་ཡིན་མིན་དང་ལྟུང་བ་ཡང་ལྕི་ཤེས་ཤིང་དུལ་བ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པ་དེ་ཆོས་ཅན། གནས་མ་བཅས་པར་ལྗོངས་རྒྱུ་བ་གནང་བ་མ་ཡིན་པར་ཐལ། བསྙེན་པར་རྫོགས་ནས་ལོ་ལྔ་ལོན་ཞིང་སྡེ་སྣོད་གསུམ་ཤེས་པའི་ལྔ་ཕྲུགས་དང་ལྡན་པ་ཡིན་པའི་ཕྱིར་རོ། །རྟགས་མ་གྲུབ་ན་ཆོས་ཅན་དང་འགལ། ཁྱབ་པ་མ་གྲུབ་ན་དམ་བཅའ་བུད་ཅིང་། འདོད་ན་ལུང་གཞི་ལས། ལོ་ལྔ་ལོན་པ་ཆོས་ལྔ་དང་ལྡན་པས་མི་གནས་པར་ལྗོངས་རྒྱུར་འགྲོ་བར་རྗེས་སུ་གནང་ངོ་། །ལྔ་གང་ཞེ་ན། ལྟུང་བ་ཤེས་པ་དང་། ལྟུང་བ་མ་ཡིན་པ་ཤེས་པ་དང་། ཡང་བ་ཤེས་པ་དང་། ལྕི་བ་ཤེས་པ་དང་། སོ་སོ་ཐར་པའི་མདོ་གདོན་པ་དང་རྒྱས་པ་བཀླགས་པ་ཐོན་པ་སྟེ། ལོ་ལྔ་ལོན་པ་ཆོས་ལྔ་པོ་དེ་དག་དང་ལྡན་པས། མི་གནས་པར་ལྗོངས་རྒྱུར་འགྲོ་བར་བྱ་སྟེ་འདི་ལ་འགྱོད་པར་མི་བྱའོ་ཞེས་གསུངས་སོ། །འོ་ན་གང་ཞེ་ན། ལོ་ལྔ་ལོན་ཞིང་སྡེ་སྣོད་གསུམ་ཤེས་ཀྱང་འདུལ་བ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པ་མ་ཡིན་ན་ནི་་་་་་གནས་མ་བཅས་པས་ལྗོངས་རྒྱུ་བ། འདི་མི་གནང་་་་་་སྟེ་ཊཱི་ཀ་ལས་བཤད་པ་གོང་དུ་དྲངས་པ་ལྟར་བཟུང་། ངོ་། །ལོ་ལྔ་ལོན་ཞིང་སྡེ་སྣོད་གསུམ་ཤེས་པའི་བྱེ་བྲག འདུལ་བ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པ་་་་་འི་སྡེ་སྣོད་གསུམ་པ། ཉིད་ཡིན་ན་ནི།་་་་་གནས་མ་བཅས་པར་ལྗོངས་རྒྱུ་བ། འདི་

༼༡༦༣༽

གནང་་་་་་སྟེ་ལུང་གཞི་ལས་སྤྱིར་གསུངས་པ་གོང་དུ་དྲངས་ཟིན། ལ་ལོ་ལྔ་ལོན་ཅིང་འདུལ་བ་འབའ་ཞིག་ཤེས་པ་ལུང་རིལ་པོ་ཚིག་ཁ་ཏོན་དུ་བློ་ལ་ཐོན་པ་ལ་ཡང་་་་་་གནས་མ་བཅས་པར་ལྗོངས་རྒྱུ་བ། འདི་གནང་ངོ་། །ཞེས་པ་ནི་བསྡུས་པའི་དོན་ཡིན་ནོ། །གཞན་དུ་ན་ཞེས་པ་འགྲེལ་ཆུང་ལས། ལོ་བཅུ་ལོན་ཞིང་ལྔ་ཕྲུགས་དང་ལྡན་པ་ལས་གཞན་དུ་ན་གསུམ་རིག་པ་དགྲ་བཅོམ་པ་ཡིན་ཡང་མཁན་པོ་ཉིད་དང་གནས་ཉིད་དང་། མི་གནས་པར་འདུག་པར་མི་བྱའོ་ཞེས་བཤད་དོ། །འོན་ཀྱང་གཞུང་འདིའི་དོན་ལུང་དང་ཊཱི་ཀ་ལས་འདི་ལྟར་གསུངས་ཏེ། ལོ་ལྔ་ལོན་ཞིང་ལྷན་ཅིག་སྦྱར་བ་ཐ་མ་དང་ལྡན་པ་ལས་གཞན་དུ་སྟེ་ལོ་ལྔ་མ་ལོན་ནམ་ལོན་ཡང་ལྷན་ཅིག་སྦྱར་བ་ཐ་མ་དང་མི་ལྡན་ན་གསུམ་རིག་པ་དགྲ་བཅོམ་པ་ཡིན་ཡང་གནས་མ་བཅས་པར་ལྗོངས་རྒྱུ་ཞིང་འགྲོ་བར་མི་བྱ་སྟེ། འགྲོ་ན་དགྲ་བཅོམ་པ་ལ་ཡང་གནས་མེད་ཀྱི་ཉེས་པ་བསྐྱེད་ཅེས་བསྟན་པས་གཞན་ལ་ལྟ་ཅི་སྨོས་སོ། །འདི་ནི་ལུང་གཞི་ལས་བཙུན་པ་གསུམ་རིག་པ་དྲི་མ་གསུམ་སྤངས་ལ། དེ་ལོ་ལྔ་མ་ལགས་ཤིང་ཆོས་ལྔ་དང་མི་ལྡན་ན། དེས་ཀྱང་མི་གནས་པར་ལྗོངས་རྒྱུ་ཞིང་མཆི་བར་མི་བགྱིའམ། ཉེ་བར་འཁོར་མི་བྱའོ་ཞེས་་་་་་གཞན་དུ་ན་དགྲ་བཅོམ་པ་ལ་ཡང་གནས་མེད་ཀྱི་ཉེས་པ་བསྐྱེད་པར། གསུངས་སོ། །ཊཱི་ཀ་ལས། གསུམ་རིག་པ་ཡིན་ཡང་མ་གནང་བ་བཞིན་དུ་གཞན་ལ་ཡང་དེ་ཁོ་ན་བཞིན་ནོ་ཞེས་སོ། །གསུམ་རིག་པ་ནི། ཊཱི་ཀ་ལས། རིག་པ་གསུམ་པོ་སྔོན་གྱི་གནས་དང་། འཆི་འཕོ་དང་སྐྱེ་བ་དང་། ཟག་པ་ཟད་པ་ཞེས་བྱ་ཞེའོ། །གཞི་འགྲེལ་ལས། དྲི་མ་གསུམ་སྤངས་ལ་ཞེས་བྱ་བ་ནི་འདོད་ཆགས་དང་ཞེ་སྡང་དང་གཏི་མུག་གསུམ་སྤངས་པ་ལའོ་ཞེས་སོ། །འོ་ན་འདིར་དགྲ་བཅོམ་པ་ལ་གནས་མེད་ཀྱི་ཉེས་པ་བསྐྱེད་པར་བཤད་པ་དང་། མི་ཆོས་བླ་མ་བདེན་སྨྲའི་སྐབས་སུ་རང་གི་དགྲ་བཅོམ་ཐོབ་པ་བདེན་པར་སྨྲས་ན་དགྲ་བཅོམ་པ་ཉིད་ལ་ལྟུང་བྱེད་བསྐྱེད་པར་བཤད་པ་དང་། གཏམ་གྱི་གཞི་ལས། བཙུན་པ་དགྲ་བཅོམ་པ་དགེ་བའི་སེམས་ཀྱིས་ནོངས་པར་འགྱུར་རམ། ལུང་དུ་མི་སྟོན་པའི་སེམས་ཀྱིས་ནོངས་པར་འགྱུར། ཨུ་པ་ལི་དགྲ་བཅོམ་པ་ཉེས་པ་བྱེད་ན་ཐམས་ཅད་ཀྱང་ལུང་དུ་མི་སྟོན་པའི་སེམས་ཀྱིས་ཉེས་པར་འགྱུར་བ་ཞེས་བྱའོ་ཞེས་གསུངས་པ།་་་་་སྟེ་དེ་ལྟར་དགྲ་བཅོམ་པ་ལ་ལྟུང་བ་བསྐྱེད་པའི་ལུང་ཁུངས་གསུམ་ཡོད་དོ། །དེ་རྣམས་ལྟུང་བ་མཚན་

༼༡༦༤༽

ཉིད་པ་ཡིན་ནམ་བཏགས་པ་བ་ཡིན་ཞེ་ན། སོག་་་་་ཁ་ཅིག་གིས་དགྲ་བཅོམ་པ་ལ་ལྟུང་བ་བསྐྱེད་པར་བཤད་པ་ཐམས་ཅད་ལྟུང་བ་བཏགས་པ་བ་ཡིན་གྱི་ལྟུང་བ་མཚན་ཉིད་པ་མ་ཡིན་ཏེ། ལྟུང་བ་ནི་ངན་སོང་དུ་ལྟུང་བའི་བྱེད་ལས་དང་ལྡན་པ་ཡིན་ལ། དགྲ་བཅོམ་པ་ངན་སོང་དུ་ལྟུང་མི་སྲིད་པའི་ཕྱིར་ཞེས་སྨྲའོ། །འོན་ཀྱང་དགྲ་བཅོམ་པ་ལ་ལྟུང་བའི་བྱེད་ལས་ངན་སོང་དུ་ལྟུང་བ་མེད་ཀྱང་ལྟུང་བའི་བྱེད་ལས་གཞན་ཡོད་པས་ན། དགྲ་བཅོམ་པ་ཆོས་ཅན། བཅས་འགལ་གྱི་ལྟུང་བ་བསྐྱེད་པ་ཡོད་དེ། བཅས་འགལ་གྱི་ལྟུང་བའི་བྱེད་ལས་ཡོད་པའི་ཕྱིར་ཏེ། བཅས་འགལ་ལ་བརྟེན་ནས་གཞན་མ་དད་པ་སྐྱེ་བ་དང་ལས་ལ་སྒྲིབ་པ་དེ་ཡོད་པའི་ཕྱིར་རོ། །འོ་ན་དགྲ་བཅོམ་པ་ལ་རང་བཞིན་གྱི་ཁ་ན་མ་ཐོ་བའང་འབྱུང་ངམ་ཞེ་ན་རྣམ་པར་གཏན་ལ་དབབ་པ་བསྡུ་བ་ལས་མི་སློབ་པ་ལ་ནི་ལྟུང་བ་མེད་དོ། །དེ་ནི་ཉོན་མོངས་པ་ཅན་གྱི་ལྟུང་བ་འབྱིན་མི་སྲིད་པའི་ཕྱིར་རོ་ཞེས་གསུངས་སོ། །དེ་ལྟར་ན་དབང་པོ་རྣོན་པོ་ཤཱ་རིའི་བུ་ལྟ་བུའི་དགྲ་བཅོམ་པ་ཆོས་ཅན། རང་བཞིན་གྱི་ཁ་ན་མ་ཐོ་བ་མི་བསྐྱེད་དེ། རང་རྒྱུད་ཀྱི་ཉོན་མོངས་པ་མཐའ་དག་སྤངས་པའི་ཕྱིར་རོ།་་་་་དགྲ་བཅོམ་པ་ཤཱ་རིའི་བུ་ལྟ་བུ་ལས་གཞན་དགྲ་བཅོམ་པ་གནག་ཚོགས་ཅན་ལྟ་བུ་དགྲ་བཅོམ་པ་དབང་རྟུལ་ལ་ནི་རྐྱེན་གྱི་སྟོབས་ཀྱིས་ཉོན་མོངས་པ་བསྐྱེད་པ་སྲིད་པར་མཛོད་འགྲེལ་ལས་གསུངས་ཏེ། དེ་ནི་བྱེ་བྲག་སྨྲ་བའི་ལུགས་ཡིན་ནོ། །གནས་་་་་་དགྲ་བཅོམ་པ་ལ་བཅས་འགལ་གྱི་ལྟུང་བ་བསྐྱེད་ན། དགྲ་བཅོམ་ཐོབ་པ་ལྟུང་བ་དག་པའི་རྒྱུར་བཤད་པ་དང་འགལ་ལོ་ཞེ་ན་བླ་མ་རྣམས་ཀྱིས་འགལ་སྤོང་མང་དུ་མཛད་ཀྱང་འགལ་སྤོང་མི་དགོས་ཏེ་འོག་མ་ནི་དགྲ་བཅོམ་པ་ཉིད་ཀྱིས་སོ་ཞེས་དགྲ་བཅོམ་པ་ཐོབ་ན་ཕམ་པ་དག་པ་ཉིད་ཡིན་པར་གསུངས་པ་ལ་བརྟེན་ནས། ཕམ་པ་དག་པའི་རྒྱུ་ཞེས་འཁྲུལ་པར་ཟད་དེ། གསར་དུ་དགྲ་བཅོམ་ཐོབ་པ་དེ་ནི་ལྟུང་བ་དག་པ་དངོས་ཉིད་ཡིན་གྱི། དགྲ་བཅོམ་ཐོབ་པས་ལྟུང་བ་དག་པའི་རྒྱུ་ཞེས་ནི་འདུལ་བའི་ལུང་དང་བསྟན་བཅོས་གང་ནའང་མི་སྣང་ངོ་། ཀྱི་སྐབས་སོ། །ད་ནི་བར་ཆད་དང་ལྡན་པ་རྣམས་སྤོང་བའི་སྐབས་འཆད་དེ། རབ་ཏུ་འབྱུང་བའི་ཕྱིར་ཉེ་བར་འོངས་པ་ལ་ཞེས་སོ། །བར་ཆད་ཀྱི་སྐབས་འདིའི་སྤྱི་དོན་ལ་དགུ་ལས། དང་པོ་བར་ཆད་ཀྱི་དབྱེ་བ་ནི་བཞི་སྟེ།་་་་་རྣམ་སྨིན་ཉི་ཤུ་ཞེས་འཆད་པ་ནི་མུ་སྟེགས་ཀྱི་ལྟ་བ་དང་། ལོ་ཉི་ཤུ་མ་ལོན་པ་གཉིས་རྣམ་སྨིན་དུ་བགྲང་བ་ནི་མི་འཐད་དེ། མངོན་པ་ལས་རྣམ་སྨིན་ནི་ལུང་མ་བསྟན་ཡིན་པར་གསུངས་ལ། མུ་སྟེགས་ཀྱི་ལྟ་བ་ཁ་ཅིག་ནི་ལོག་ལྟ་སྟེ་མི་དགེ་བ་ཡིན་པའི་ཕྱིར་དང་ལོ་ཉི་ཤུ་མ་ལོན་པ་ནི་ན་ཚོད་ཀྱི་གནས་སྐབས་ཙམ་དུ་ཟད་ཀྱི་ལས་ཀྱི་རྣམ་སྨིན་མ་ཡིན་པའི་ཕྱིར་རོ། །ལས་སྒྲིབ་བཅུ་བཞི་ཞེས་

༼༡༦༥༽

འཆད་པ་ན་ཕྱི་མ་པའི་ཆ་ལུགས་དང་ལྡན་པ་དང་ཆོས་འདི་པའི་ཆ་ལུགས་མ་ཚང་བ་འདི་ལས་སྒྲིབ་ཀྱི་གྲངས་སུ་བགྲང་བ་མི་འཐད་དེ། ཆ་ལུགས་ལུས་ཀྱི་གནས་སྐབས་ཙམ་དུ་ཟད་ཀྱི་ལས་ཀྱི་སྒྲིབ་པ་མ་ཡིན་པའི་ཕྱིར། སྐྱེ་བའི་ཚེ་ཉིད་ན་ཉམས་པ་སྟེ་མཚན་གཉིས་ཅིག་ཅར་བྱུང་བ་དེ་མཚན་གཉིས་པ་ལས་ལོགས་སུ་བགྲང་བ་མི་འཐད་དེ་མཚན་གཉིས་པར་འདུས་པའི་ཕྱིར་དང་དྲི་བའི་ཆོ་ག་ལོགས་སུ་མ་གསུངས་པའི་ཕྱིར་རོ་སྐྱེ་བའི་བར་ཆད་རྣམས་ཀྱི་གྲངས་སུ་ཟ་མ་མི་འདྲེན་པ་དེ་ཡང་མི་རིགས་ཏེ་ལུང་དང་ཀརྨ་ཤ་ཏཾ་ལས་ཟ་མ་མ་ཡིན་ནམ་ཞེས་གསུངས་པའི་ཕྱིར་རོ། །རང་ལུགས་ལྟར་ན་བར་ཆད་ཀྱི་བྱེ་བྲག་རྣམས། སྡོམ་པ་སྐྱེ་བ་ལ་བར་དུ་གཅོད་པ་དང་། སྡོམ་པ་གནས་པ་ལ་བར་དུ་གཅོད་པ་་་་་་ནི་ཕ་མས་མ་གནང་བ་དང་། རྒྱལ་པོས་བཀྲབས་པ་ལ་སོགས་པ་སྟེ་རབ་ཏུ་བྱུང་བ་ལས། འབེབས་པ་ལ་སོགས་པའི་དགག་བྱ་ཡོད་པའི་ཕྱིར། དང་། སྡོམ་པ་ཁྱད་པར་དུ་འགྲོ་བ་ལ་བར་དུ་གཅོད་པ་་་་་་ནི་ནད་པ་སྟེ་ཁྱད་པར་དུ་འགྲོ་བའི་ཐོས་བསམ་ལ་སོགས་པ་མི་ལྕོགས་པའི་ཕྱིར། དང་། སྡོམ་ལྡན་མཛེས་པ་ལ་བར་དུ་གཅོད་པའོ།་་་་་ལག་རྡུམ་ལ་སོགས་པ། །དང་པོ་ལ་བཞི་སྟེ། ལུས་ཀྱི་རྟེན་མ་ཡིན་པས་སྡོམ་པ་མི་སྐྱེ་བ་དང་། ལས་སྒྲིབ་ཀྱི་དབང་གིས་དང་། གནས་སྐབས་ཀྱི་དབང་གིས་དང་། བསམ་པའི་དབང་གིས་སྡོམ་པ་མི་སྐྱེ་བའོ། །དང་པོ་ནི། སྤྲུལ་དང་ཕོ་་་་་་མ་ནིང་ལྔ་དང་། མོ་མ་ནིང་ལྔ་ལྔ་བཅུ། སྐྱེ་བའི་ཚེ་ཉིད་ན་ཉམས་པ་ནི་མ་ནིང་མཚན་གཉིས་པར་འདུས་ཤིང་ཆོ་ག་ཐ་དད་དུ་གསུངས་པ་མེད་པས་ཐ་དད་དུ་མི་བགྲང་ངོ་།་་་་་མཚན་ལན་གསུམ་གྱུར་མཚན་དུག་མཚན་མེད་དང་།་་་་་མཚན་མེད་པ་མ་ཡིན་ནམ་ཞེས་དགེ་སློང་མའི་ཆོ་གའི་སྐབས་ཀྱི་ལུང་དང་ཀརྨ་ཤ་ཏཾ་ལས་སོ། །ཟ་མ་དུད་འགྲོ་མི་མིན་སྒྲ་མི་སྙན། །ལུས་ངག་སྡོམ་པ་འཐོབ་མིན་བཅོ་བརྒྱད་དོ། །གཉིས་པ་ནི། རྐུ་ཐབས་གནས་དང་མུ་སྟེགས་ཅན་ཞུགས་དང་། །མཚམས་མེད་ལྔ་དང་རྣམ་དག་སུན་ཕྱུང་དང་། །རྩ་ལྟུང་འཆབ་བཅས་བྱུང་དང་སྔོན་རབ་བྱུང་། །ཚེ་འདིའི་ལས་སྒྲིབ་རྣམ་པ་བཅུ་ཉིད་དོ། །གསུམ་པ་ནི། རང་རང་སྐབས་ཀྱི་ལོ་གྲངས་མ་ལོན་དང་། །ཁྱིམ་པའི་ཆ་ལུགས་དག་དང་ལྡན་པ་དང་། །རབ་བྱུང་འདི་པའི་ཆ་ལུགས་ཡོངས་ཉམས་་་་་་ལྷུང་བཟེད་དང་ཆོས་གོས་གང་ཡང་མེད་པ་སྒྲེན་མོ་ལྟ་བུ་དང་། མུ་སྟེགས་ཅན་གྱི་རྒྱལ་མཚན་ཅན། དང་། །ཆད་པའི་རྒྱུ་བཟློག་ཁས་མི་ལེན་དང་བཞིའོ། །བཞི་པ་ནི། མུ་སྟེགས་ལྟ་་་་་་བ་ལྡན་ན་ལྟ་བ་དེས་ལེན་སེམས་ཀྱི་གེགས་བྱེད་པ། དང་སྐྱེ་ཚེ་ལེན་སེམས་ལོག །འདོད་ཆགས་ཀྱིས་གཟིར་རང་དབང་མེད་གྱུར་དང་།་་་་་དེས་ལེན་སེམས་ཀྱི་གེགས་བྱེད་པ་སྟེ་འོད་ལྡན་ལས་འདོད་ཆགས་ཀྱིས་གཟིར་བས་རང་དབང་མེད་པར་

 3/5    མདུན་ངོས། 上一页 1 2 3 4 5 下一页 尾页