▲དེ་ཡང་དཔེར་བརྗོད་དང་བཅས་རྒྱས་པར་བཤད་ན། དངོས་པོ་དང༌། ལས་དང༌། དུས་ལ་འཇུག་པ་སྟེ་རྣམས་གསུམ་དུ་འདུས་སོ།།དང་པོ་དངོས་པོ་ལ། དངོས་པོ་བདག་དང༌། གཞན་དང།བདག་གཞན་གཉིས་ཀ་དང༌། བྱ་བའི་ཡུལ་ལ་འཇུག་པ་སྟེ་བཞིའོ། །གཉིས་པ་ལས་ལ་གཉིས་ཏེ། བྱ་བའི་ལས་དང༌། བྱེད་པའི་ལས་ལ་འཇུག་པ་གཉིས་སོ། །གསུམ་པ་དུས་ནི། འདས་མ་འོངས་ད་ལྟ་ལ་འཇུག་པ་གསུམ་དུ་འགྱུར་རོ། །ལས་གང་བྱེད་པ་པོ་ལ་བདག་ཅེས་བྱ་སྟེ། དཔེར་ན། ཤིང་གཅོད་པ་པོ་ལྟ་བུའོ།། བྱ་བ་བསྒྲུབ་པར་བྱ་བའི་ཡུལ་ལ་ལས་ཀྱི་དངོས་པོ་ཞེས་བརྗོད་དེ། གཅད་བྱའི་ཤིང་ལྟ་བུའོ། །བྱེད་པ་པོ་ཤིང་མཁན་དང་འབྲེལ་བའི་ལས་ལ་བྱེད་པའི་ལས་ཞེས་བྱ་སྟེ། ཤིང་མཁན་གྱིས་སྟ་རེས་ཤིང་གཅོད་པར་བྱེད། །བྱ་བའི་ཡུལ་ཤིང་དང་འབྲེལ་བའི་ལས་ལ་བྱ་བའི་ལས་ཞེས་འདོགས་པ་ཡིན་ཏེ།དཔེར་ན། ཤིང་བཅད་ནས་དུམ་བུར་འགྲོ་བའི་ཆ་ལ་ཤིང་གཅད་པར་བྱ་ལྟ་བུའོ།།བྱ་བ་གང་ཡང་རུང་བ་ཞིག་བྱས་ཟིན་པ་ནི་འདས་པ་དང༌། བྱེད་པར་འགྱུར་བ་ནི་མ་འོངས་པ་དང༌། བྱེད་བཞིན་པ་ནི་དུས་ད་ལྟ་བར་འདོད་པའོ། །མདོར་ན་ཤིང་མཁན་ནི་བྱེད་པ་པོ་དང༌། སྟ་རེ་ནི་བྱེད་པ་དང༌། ཤིང་ནི་ལས་ཀྱི་དངོས་པོ་ཡིན་ཞིང༌། སྟ་རེས་ཤིང་གཅོད་པར་བྱེད་པའི་ལས་ནི། བྱེད་པ་པོ་དང་བྱེད་པ་སྟ་རེ་དང་འབྲེལ་ནས་ཡོད་པས་ན། བྱེད་པ་པོ་དང་འབྲེལ་བའི་བྱེད་ལས་དང༌། ཤིང་བཅད་ནས་དུམ་བུར་འགྲོ་བའི་ཆ་ནི་བྱ་བ་བསྒྲུབ་པའི་ཡུལ་ཏེ་ལས་ཀྱི་དངོས་པོ་ཤིང་དང་འབྲེལ་ནས་ཡོད་པས་གཅད་པར་བྱ་ནི་བྱ་བའི་ལས་ཞེས་བྱའོ། །བྱེད་པ་པོ་དང༌། བྱེད་པ་དང༌། བྱེད་པའི་ལས་རྣམས་དངོས་པོ་བདག་དང༌། བྱ་བ་བསྒྲུབ་པའི་ཡུལ་ཏེ་ལས་ཀྱི་དངོས་པོ་གཅད་བྱ་ཤིང་དང༌། བྱ་བའི་ལས་གཅད་པར་བྱ་ཞེས་པ་ཤིང་དུམ་བུར་ཆད་པའི་ཆ་དེ་དངོས་པོ་གཞན་དུ་འཇོག་པའོ།།རྟགས་ཀྱི་འཇུག་པའི་དོན་དཔྱིས་ཕྱིན་པར་ཤེས་པ་དེ་དག་གོ་བ་ལ་རག་ལས་པ་ཡིན་ནོ། །ཤེས་བྱའི་སྤུ་རིས་ཕྲ་བ་དག །མ་འདྲེས་གསལ་བར་ཕྱེ་བ་འདི། །གཅེས་ནོར་ཕལ་གྱིས་ཁུགས་ནུས་མིན། །བློ་ལྡན་དགྱེས་པའི་སྐྱེས་སུ་འབུལ། ། ཞེས་གསུངས་པ་ལྟར་ཤེས་པར་བྱའོ།།
དེ་ལྟར་སྔོན་འཇུག་རྣམས་དགོས་པ་ཅིའི་ཕྱིར་འཇུག་པའི་དཔེ་ལ། །སྔོན་འཇུག་གི་ཕོ་བ་ཡིག་ནི།དུས་འདས་པ་དང༌། དངོས་པོ་གཞན་དང༌། བྱ་བའི་ལས་བསྒྲུབ་པའི་ཕྱིར་འཇུག་པ་ལས། །
འདས་པ་ལ་འཇུག་པ་ནི། དཔེརན། ཆུ་བཀག གོང་དུ་བཀུར།གོས་བསྐོན་ཏོ།བརྩེ་བས་བསྐྱངས། ཆུ་ལས་བསྒྲལ་ཏོ།།ལྷ་བསྒྲུབས། བདག་མེད་བསྒོམས།ཚོད་བགམས། ལམ་བསྒགས།དུས་བསྒྱངས།བུ་རམ་བསྒར་ཏོ སྒྲོ་འདོགས་བཅད། རྩྭ་བརྔས། དགྲ་བཅོམ། བརྗོད་ཟིན།བསྙེན་པར་བྱས། མིག་གིས་བལྟས། སྨན་བསྡེབས། མཚོན་བསྣམས། བུ་བཙས། གཞུང་བརྩམས།དྲུས་མ་བཞོས། གོས་བཟར།ལག་ཏུ་བཟུང། སྔགས་བཟླས།ཡི་གེ་བསླབས། བྱིན་གྱིས་བརླབས། སྡིག་པ་བཤགས།མཆོད་པ་བཤམས།ཕྱོགས་གཅིག་བསྲེས། མེར་བསྲེགས། ཞེས་སོགས་དང༌།
དངོས་པོ་གཞན་འཇུག་པ་ནི། བཀུ་བྱའི་སྨན། བསྒག་བྱ། བསྒྱང་བྱ། བསྒར་བྱ། བསྒོམ་བྱ།བསྒྲུབ་བྱ། བརྔ་བྱའི་རྩྭ།བསྔོ་བྱའི་དགེ་རྩ། བཅོལ་བྱའི་རྫས། བརྗོད་བྱའི་དོན། བརྙན་བྱའི་གོས།བཏུ་བྱའི་སྔགས། བསྟན་བྱ། བདར་བྱའི་ཕྱེ་མ། བསྡེས་བྱ། བསྣམ་བྱ། བཅོ་བྱའི་འབྲས། བརྩམ་བྱའི་ཆོས། བཞོ་བྱའི་འོ་མ། བཟེད་བྱའི་སྣོད། བཟླ་བྱའི་སྔགས། བཤགས་བྱའི་ཉེས་པ། བསག་བྱའི་དགེ་བ། ཞེས་སོགས་བྱ་བ་བསྒྲུབ་པའི་ཡུལ་ཏེ་ལས་ཀྱི་དངོས་པོར་གོ་བའོ།།
བྱ་བའི་ལས་བསྒྲུབ་པའི་ཕྱིར་འཇུག་པ་ནི། བཀུར་བར་བྱ། བསྐྱང་བར་བྱ། བསྒོམ་པར་བྱ།བསྔོ་བར་བྱ། བཏུ་བར་བྱ། བརྩི་བར་བྱ། བཞུ་བར་བྱ། བསྲུང་བར་བྱ་སོགས་བྱ་བ་བསྒྲུབ་པའི་ཡུལ་གྱི་སྟེང་ན་འགྲུབ་པའི་ལས་ལ་གོ་བའོ། །
དེ་དག་གི་འཇུག་ཚུལ་རིམ་པ་བཞིན་དཔེར་བརྗོད་པ་ནི། བསྐྱེད་ཟིན་བསྐྱེད་བྱ་བསྐྱེད་པར་བྱ། །བསྐྱབས་དང་བསྐྱབ་བྱ་བསྐྱབ་པར་བྱ། །བསྐྱངས་དང་བསྐྱང་བྱ་བསྐྱང་བར་བྱ། །བསྐུམས་དང་བསྐུམ་བྱ་བསྐུམ་པར་བྱ། ། བརྐྱངས་དང་བརྐྱང་བྱ་བརྐྱང་བར་བྱ། །དཔོན་བསྐོས་བསྐོ་བྱ་བསྐོ་བར་བྱ། །སྣུམ་བསྐུས་བསྐུ་བྱ་བསྐུ་བར་བྱ། །ནོར་བརྐུས་བརྐུ་བྱ་བརྐུ་བར་བྱ། །ལྷ་བསྒོམས་བསྒོམ་བྱ་བསྒོམ་པར་བྱ། །ཆོས་བསྒྲུབས་བསྒྲུས་བྱ་བསྒྲུབ་པར་བྱ། །མནལ་བསྒགས་བསྒག་བྱ་བསྒག་པར་བྱ། །དུས་བསྒྱངས་བསྒྱང་བྱ་བསྒྱང་བར་བྱ། །བསྒར་ཏོ་བསྒར་བྱ་བསྒར་བར་བྱ །བསྒྲལ་ཏོ་བསྒྲལ་བྱ་བསྒྲལ་བར་བྱ། །བརྒྱན་ཏོ་བརྒྱན་བྱ་བརྒྱན་པར་བྱ། །ཕྲེང་བརྒྱུས་བརྒྱུ་བྱ་བརྒྱུ་བར་བྱ། །ཞིང་བརྔས་བརྔ་བྱ་བརྔ་བར་བྱ། །དགེ་བསྔོས་བསྔོ་བྱ་བསྔོ་བར་བྱ། །བརྗོད་ཟིན་བརྗོད་བྱ་བརྗོད་པར་བྱ། །བསྙད་ཟིན་བསྙད་བྱ་བསྙད་པར་བྱ། །ངག་བསྡམས་བསྡམ་བྱ་བསྡམ་པར་བྱ། །སྨན་བསྡེབས་བསྡེབ་བྱ་བསྡེབ་པར་བྱ།།དོན་བསྡུས་བསྡུ་བྱ་བསྡུ་བར་བྱ།།གོས་བསྣམས་བསྣམ་བྱ་བསྣམ་པར་བྱ།།འབྲས་བཙོས་བཙོ་བྱ་བཙོ་བར་བྱ། །ཆོས་བརྩམས་བརྩམ་བྱ་བརྩམ་པར་བྱ། །གྲངས་བརྩིས་བརྩི་བྱ་བརྩི་བར་བྱ། །བཞར་ཟིན་བཞར་བྱ་བཞར་བར་བྱ། །བཞོས་དང་བཞོ་བྱ་བཞོ་བར་བྱ། །སྔགས་བཟླས་བཟླ་བྱ་བཟླ་བར་བྱ། །ཆོས་བསླབས་བསླས་བྱ་བསླབ་པར་བྱ། །བཤད་ཟིན་བཤད་བྱ་བཤད་པར་བྱ། །མཆོད་བཤམས་བཤམ་བྱ་བཤམ་པར་བྱ། །བསྲེས་དང་བསྲེ་བྱ་བསྲེ་བར་བྱ། །ཤིང་བསྲེགས་བསྲེག་བྱ་བསྲེག་པར་བྱ། །ཁྲིམས་བསྲུངས་བསྲུང་བྱ་བསྲུཔ་བར་བྱ། །ཞེས་སོགས་ལྟ་བུ་སྟེ་རིར་པ་བཞིན་དུས་འདས་པ་དང་དངོས་པོ་གཞན་དང་བྱ་བའི་ལས་བསྒྲུབ་པ་ལ་འཇུག་པའོ། །དེ་ཡང་སྣོད་བཀང༌། ཆུ་བཀག ལག་
ཏུ་བཟུང་ལྟ་བུ་སྔོན་འཇུག་ཁོ་ནའི་ནུས་པས་འདས་ཚིག་ཏུ་གྲུབ་པས་ཡང་འཇུག་མེད་ཅིང༌། བསྒོམས་བསྒྲུབས་ལྟ་བུ།གཙོ་བོར་ཡང་འཇུག་གི་ནུས་པས་འདས་ཚིག་ཏུ་གྱུར་པ་ཡིན་གྱི།ཡང་འཇུག་མེད་ན་འདས་ཚིག་ཏུ་མི་འགྲོའོ། །ཡང་བྱ་ཡིག་མེད་ཀྱང་བཟའ་བ། བཏུང་བ། བགོ་བ། བཅིབ་པ། བཞོ་བ།བཟླ་བ་སོགས་དངོས་པོ་གཞན་ལ་འཇུག་པ་སོགས་ཀྱི་ཁྱད་པར་ཤེས་པ་གལ་ཆེ་ཞིང༌། དེ་བཞིན་དུ་འཆད་འགྱུར་མ་ནིང་མོ་ཡིག་སོགས་ཀྱི་འཇུག་པའི་སྐབས་སུའང་ཤེས་པར་བྱའོ། །དེ་དག་གི་ཟླས་དྲངས་པའི་བྱེད་པ་པོ་དང༌། བྱེད་པའི་ཚིག་ད་ལྟ་བ་ལས་འཕུལ་མེད་དེ། སྐྱེད་པ་པོ་དང༌། སྐྱོང་བ་བོ། སྐྱོབ་པ་པོ།དཔོན་སྐོ་བ་བོ། ནོར་རྐུ་བ་བོ། ཆོས་ལ་སྐུལ་བ་བོ། གཏམ་སྒྲོག་པ་པོ། ཞིང་རྔ་བ་བོ། རྗོད་པ་པོ།ལྟ་བ་བོ། ལྡུག་པ་པོ།སྡོམ་པ་པོ།ཆོས་རྩོམ་པ་པོ།རྒྱུ་སྐར་རྩི་བ་བོ། ཁང་བ་རྩིག་པ་པོ། མཆོད་པ་ཤོམ་པ་པོ།མེ་ལ་སྲོ་བ་བོ། མེས་སྲེག་པ་པོ། ཆོས་སེམས་པ་པོ། ཞེས་སོགས་དང༌། བྱེད་ཚིག་ལ་འཇུག་པ་ནི།སྐྱེད་པར་བྱེད། སྒྲོག་པར་བྱེད། སྒོམ་པར་བྱེད། ཅེས་སོགས་གོང་དུ་བཤད་མ་ཐག་པ་ལ་བྱེད་ཚིག་སྦྱར་བ་རྣམས་སོ། །སྐུལ་ཚིག་ལ་བས་འཕུལ་མེད་དེ། སྐྱོངས་ཤིག སྐྱོབས་ཤིག སྒོམས་ཤིག སྒྲུབས་ཤིག སྒྲོགས་ཤིག་སོགས་ག་ང་བ་མའི་མཐར་ཡང་འཇུག་ས་ཡིག་དང༌། ཞིང་རྔོས་ཤིག དགེ་བ་སྔོས་ཤིག མིག་གིས་ལྟོས་ཤིག ཉེསས་སྡོམས་ཤིག བརྩོན་འགྲུས་རྩོམས་ཤིག གྲངས་རྩིས་ཤིག སྡོམ་པ་སྲུངས་ཤིག ཉི་མར་སྲོས་ཤིག མེར་སྲེགས་ཤིག དོན་སོམས་ཤིག ཅེས་སོགས་ཕལ་ཆེར་སའི་མཐའ་རྟེན་འཐོབ། དེས་ན་བྱ་བྱེད་ཀྱི་ཚིག་གང་ཡང་མ་སྦྱར་བ་བསྒོམས་དང༌། བསྒོམ། སྒོམ། སྒོམས་སོགས་འབྱུང་ཚེ་རིམ་བཞིན་འདས་པ་དང་། བསྒོམ་བྱ་དང༌། སྒོམ་པ་པོའམ་སྒོམ་བྱེད་དང༌། སྐུལ་ཚིག་ཏུ་གོ་བ་སོགས་གཞན་ལའང་རིགས་འགྲེའོ །
གཉིས་པ་སྔོན་འཇུག་གི་མ་ནིང་ག་དང་ད་ཡིག་དགོས་པ་ཅིའི་ཕྱིར་འཇུག་པ་ནི། དངོས་པོ་བདག་དང༌། གཞན་གཉིས་དང༌། དུས་ད་ལྟ་བ་སྟོན་པའི་ཆེད་དུ་འཇུག་པ་གཙོ་ཆེ་སྟེ། གས་འཕུལ་དངོས་པོ་བདག་ལ་འཇུག་པ་དཔེར་ན། ཤིང་གཅོད་པ་པོ།དོན་གཉེར་བ་བོ། སྦྱིན་པ་གཏོང་བ་བོ། གྱེན་དུ་གདེག་པ་པོ། འོག་ཏུ་གནོན་པ་པོ།སྲོལ་གཙུག་པ་པོ།བློས་གཞིག་པ་པོ།དགྲ་གཞོམ་པ་པོ། གོས་གཟར་བ་བོ། ལག་ཏུ་གཟུང་བ་བོ། ཟས་གཡོ་བ་བོ། སེམས་གཡེང་བ་བོ། ཤིང་གཤོག་པ་པོ།མཆོད་པ་གཤམ་པ་པོ།དགྲ་འགོག་པ་པོ།ནོར་གསོག་པ་པོ།ཞེས་པ་ལྟ་བུ་དང༌། བདག་དང་འབྲེལ་བའི་ལས་སམ་བྱེད་པའི་ལས་ལ་འཇུག་པ་ནི། གཅོད་པར་བྱེད། དོན་དུ་གཉེར་བར་བྱེད། ཁྲག་གཏར་བར་བྱེད། གཏུབ་པར་བྱེད། གདེག་པར་བྱེད། གནོད་པར་བྱེད། མེ་གཙུབ་པར་བྱེད། ནང་དུ་གཞུག་པར་བྱེད། དོན་ལ་གཞོལ་བར་བྱེད། ཕྲག་པར་གཟར་བར་བྱེད། གོས་གཡོག་པར་བྱེད། གྲལ་དུ་གཤིབ་པར་བྱེད། དགེ་བ་གསོག་པར་བྱེད། ཅེས་སོགས་གོང་སྨོས་རྣམས་ལ་བྱེད་ཚིག་སྦྱར་བ་སྟེ། བྱེད་ལས་ད་ལྟ་བ་ཡང་ཡིན། ག་ཡིག་དངོས་པོ་གཞན་ལ་འཇུག་པ་ནི། གཅད་བྱའི་ཤིང༌། གཏང་བྱའི་རྫས། གཉེར་བྱའི་དོན། གཉུལ་བྱའི་ནགས། གདག་བྱའི་མིང༌། གཞག་བྱ། གཟུང་བྱ། གསོ་བྱ། ཞེས་སོགས་བྱ་ཡིག་སྦྱར་བ་རྣམས་དང༌། གཞན་དང་འབྲེལ་བའི་ལས་སམ་བྱ་བ་ཉིད་ལ་འཇུག་པ་ནི། གཅད་པར་བྱ། གཏང་བར་བྱ། གཉེར་བར་བྱ། གཉུལ་བར་བྱ། གཏུབ་པར་བྱ། གདས་པར་བྱ། བློ་གཞོལ་བར་བྱ། གཞག་པར་བྱ། གཟུང་བར་བྱ། གསོག་པར་བྱ་སོགས་བྱ་ཡིག་སྦྱར་བ་རྣམས་ཏེ། གཞན་དང་འབྲེལ་བའི་བྱ་བའི་ལས་ད་ལྟ་བར་བཤད་དོ།།སྔོན་འཇུག་གི་ད་ཡིག་དངོས་པོ་བདག་ལ་འཇུག་པ་ནི།སྐུད་པ་དཀྲི་བ་བོ། ཞོ་དཀྲོག་པ་པོ། རོལ་མོ་དཀྲོལ་བ་བོ། ཕན་ཚུན་དཀྲུག་པ་པོ།ལོགས་སུ་དགར་བ་བོ། ཡི་གེར་དགོད་པ་པོ། མདུད་པ་དགྲོལ་བ་བོ། མཚར་དུ་དངར་བ་བོ། སྐྲག་པའི་དང་བ་བོ།གཏིང་དཔོག་པ་པོ།རིགས་པས་དཔྱོད་པ་པོ།ལས་ལ་དབང་བ་བོ། མདུང་དབྱུག་པ་པོ།ལྷ་ལ་དམིགས་པ་པོ།གཞན་ལ་དམོད་པ་པོ།འཛུམ་དམུལ་བ་བོ། བྱེད་པའི་ལས་ལ་འཇུག་པ་ནི། དཀྲི་བར་བྱེད། དཀྲོལ་བར་བྱེད། དགར་བར་བྱེད། དགྲོལ་བར་བྱེད། དཔོག་པར་བྱེད། བྱེད་པ་ལ་འཇུག་པ་ནི། དཀྲི་བྱེད། དཀྲོག་བྱེད། དཀྲོལ་བྱེད། ཅེས་སོགས་བྱེད་ཚིག་སྦྱར་བ་རྣམས་དང༌། ད་ཡིག་དངོས་པོ་གཞན་ལ་འཇུག་པ་ནི། དཀྲི་བྱའི་སྐུད་པ། དཀྲོག་བྱའི་ཞོ།དཀྲོལ་བྱའི་དྲིལ་བུ་དང༌། དགག་བྱ།དགང་བྱ། དགར་བྱ། དབུལ་བྱ། དབྱུང་བྱ། དཔྱད་བྱ། དཔག་བྱ། ཞེས་དང༌། ག་དང་ད་ཡིག་བདག་གཞན་གཉིས་ཀ་ལ་ཁྱད་པར་མེད་པར་འཇུག་པའང་མང་སྟེ།གཅེས་དང་གཉེར་དང་གཏོར་བ་སོགས།།གཅེས་པ་པོ་དང་གཅེས་བྱའི་ནོར།།གཉེར་སབ་བོ་དང་གཉེར་བྱའི་དོན། །གཏོར་བ་དང་གཏོར་བྱའི་འབྲུ། །གདུ་བ་བོ་དང་གདུ་བྱའི་སྨན། །གནོད་པ་པོ་དང་གནོད་བྱའི་ལུས།།གཙུག་པ་པོ་དང་གཙུག་བྱའི་ཤིང༌། །གཞོལ་བ་བོ་དང་གཞོལ་བྱའི་ལས། །གཟར་བ་བོ་དང་གཟར་བྱའི་གོའ།།གཡེང་བ་བོ་དང་གཡེང་བྱའི་ཡུལ། །གཤོ་བ་བོ་དང་གཤོ་བྱའི་ཆུ། །གསོ་བ་བོ་དང་གསོ་བྱའི་ནད། །དཀྲི་བ་བོ་དང་དཀྲི་བྱའི་དར།།དཀྱུ་བ་བོ་དང་དཀྱུ་བྱའི་རྟ། །དགར་བ་བོ་དང་དགར་བྱའི་གནས། །དགྱེས་པ་པོ་དང་དགྱེས་བྱའི་ཡུལ། །དབང་བ་བོ་དང་དབང་བྱའི་ནོར།།དམོད་པ་པོ་དང་དམོད་བྱའི་ཡུལ། །དམིགས་པ་པོ་དང་དམིགས་བྱའི་རྟེན། །ཞེས་སོགས་དངོས་པོ་བདག་གཞན་གཉིས་ཀ་ལ་འཇུག་པ་འདྲ་བའོ།།
༈དངོས་པོ་གཞན་དང་འབྲེལ་བའི་བྱ་བའི་ལས་ལ་འཇུག་པ་ནི། དཀྲི་བར་བྱ། དཀྲོལ་བར་བྱ།དགག་པར་བྱ། དགང་བར་བྱ་སོགས་སྦྱར་བ་རྣམས་དང། ད་ཡིག་ད་ལྟ་བ་ལ་འཇུག་པ་ནི། དཀྲི་བཞིན་པ། དཀྲོལ་བཞིན་པ། དཀྲོག་བཞིན་པ། ཚིག་གྲོགས་མ་སྦྱར་ཡང་། དགག དགང་། དགའ། དགྱེས།དགྲམ། དགྲོལ། དགུག དགོད། དབུལ། དབབ། དབུག དབྲོལ། དབྱེ། དབྱུང་།སོགས་སྐབས་ཐོབ་ཀྱིས་ད་ལྟ་བ་དང་མ་འོངས་པ་ཅི་རིགས་པར་འཇུག་པ་དང༌། བདག་གཞན་དང་འབྲེལ་བའི་བྱ་བྱེད་ལས་ཀྱི་སྒྲ་རྣམས་ཀྱང་ད་ལྟ་བར་བཤད་དེ། དཔེར་ན། སྟ་རེས་ཤིང་གཤོག་པའི་བྱ་བ་བྱེད་བཞིན་པ་ལ་བྱེད་པའི་ལས་དང༌། ཤིང་ལ་ཕོག་པས་དུམ་བུར་འགྲོ་བཞིན་པ་དེ་ལ་བྱ་བའི་ལས་ཞེས་བཏགས་པས་ན་ལས་དེ་གཉིས་ཀ་དུས་ད་ལྟ་བར་འཇོག་ཅིང༌། ཞ་ལུ་ལོ་ཆེན་གྱིས་བྱ་བའི་ལས་མ་འོངས་པར་གསུངས་པ་ནི་སྤྱི་ལ་དགོངས་ཤིང༌། པྲ་ཏིས་བྱ་བའི་ལས་ད་ལྟ་བའང་ཡོད་ཅེས་གསུངས་པས་མཁས་པ་མང་བོས་ད་ལྟ་བར་བཞེད་ལ། འོན་ཀྱང་རྗོད་པ་པོའི་བསམ་དོན་གྱི་དབང་དང༌། ཚིག་གྲོགས་ལས་ཀྱང་མ་འོངས་པ་ལ་འཇུག་པར་གསལ་བས་འགལ་བ་མིན་ནོ།།
གསུམ་པ་སྔོན་འཇུག་གི་མོ་འ་ཡིག་དགོས་པ་ཅིའི་ཕྱིར་འཇུག་པ་ནི། དངོས་པོ་བདག་གཞན་གཉིས་ལས་བདག་དང༌། དུས་གསུམ་ལས་གཙོ་བོར་མ་འོངས་པ་སྟོན་པའི་ཕྱིར་འཇུག་གོ །
དངོས་པོ་བདག་ལ་འཇུགས་དཔེར་ན། སྐུད་པ་འཁལ་བ་བོ། ཁུར་འཁུར་བ་བོ། འཁོར་བ་བོ།འཁྱམས་པ་པོ།སེམས་འཁྲེན་པ་པོ།འཁྲིད་པ་པོ། དྲི་མ་འཁྲུད་པ་པོ།ལམ་ལ་འགོད་པ་པོ།ཕྱེ་འགམ་པ་པོ། འགྲོ་བ་བོ།འཆག་པ་པོ།འཆད་པ་པོ།བྱེད་དུ་འཇུག་པ་པོ།དགྲ་འཇོམས་པ་པོ། འཐབ་པ་པོ།འདོན་པ་པོ། འདྲེན་པ་པོ།འཕོ་བ་བོ། འཕྲོག་པ་པོ། འབད་པ་པོ། འཚོལ་བ་བོ།བཞིན་འཛུམ་པ་པོ། ཞེས་པ་ལྟ་བུའོ།
བདག་དང་འབྲེལ་བའི་བྱེད་པའི་ལས་ལ་འཇུག་པ་ནི། སྐུད་པ་འཁལ་བར་བྱེད། ཁུར་འཁུར་བར་བྱེད། ཤིང་ལ་འཁྱུད་པར་བྱེད། ཁྱིམ་ལ་འཁྲེན་པར་བྱེད། གྱེན་དུ་འདྲེན་པར་བྱེད། ཅེས་སོགས་གོང་སྨོས་དཔེར་བརྗོད་དང་སྦྱར་ཏེ་ཤེས་པར་བྱ།
དུས་མ་འོངས་པ་ལ་འཇུག་པ་ནི། འཁལ་བར་འགྱུར།འགྲོ་བར་འགྱུར།འཆག་པར་འགྱུར། དེ་བཞིན་དུ། འགྱུར།འགྲུབ། འཆར།འདག འབྱུང༌། འཛད། ཅེས་པ་རྣམས་སོ། །
རྩ་བར་དངོས་སུ་མ་གསུངས་ཀྱང་འས་འཕུལ་ད་ལྟ་བ་ལ་འཇུག་པ་མང་བར་བཤད་དེ། སྲང་གིས་འཇལ་བཞིན་པ། གདན་འདིང་གི་སྣང༌། རྒྱན་འདོག་གི་འདུག སེམས་འདུལ་བར་བྱེད། དེ་བཞིན་དུ། འཇིག འཇིལ། འཇོམ། འཇོག འཇུག འཛུག འཛིན་སོགས་དུས་ད་ལྟ་བ་ལ་འཇུག་པ་ཞ་ལུ་ལོ་ཆེན་གྱིས་གསུངས་པས་ཚིག་གྲོགས་ལས་ཤེས་པར་བྱའོ།།
བཞི་བ་སྔོན་འཇུག་གི་ཤིན་ཏུ་མོ་ཡིག་མ་ནི། དགོས་པ་ཅིའི་ཕྱིར་འཇུག་པ་ནི། དངོས་པོ་བདག་དང་གཞན་གཉིས་ཀ་དང་དེ་དག་དང་འབྲེལ་བའི་བྱ་བྱེད་ཀྱི་ལས་དང༌། དུས་འདས་མ་འོངས་ད་ལྟ་བ་གསུམ་སྟེ་ཐམས་ཅད་ལ་ཁྱད་མེད་དུ་མཉམ་པར་འཇུག་སྟེ། 3/9 མདུན་ངོས། 上一页 1 2 3 4 5 6 下一页 尾页 |